| 6:1 | ወኮነ፡ እምዘ፡ በዝኁ፡ ውሉደ፡ ሰብእ፡ በእማንቱ፡ መዋዕል፡ ተወልዳ፡ ሎሙ፡ አዋልድ፡ ሠናያት፡ ወላሕያት። | ወኮነ፡ እምዘ፡ በዝኁ፡ ውሉደ፡ ሰብእ፡ በእማንቱ፡ መዋዕል፡ ተወልዳ፡ ሎሙ፡ አዋልድ፡ ሠናያት፡ ወላሕያት። |
|---|
| 6:2 | ወርእዩ፡ ኪያሆን፡ መላእክት፡ ውሉደ፡ ሰማያት፡ ወፈተውዎን፡ ወይቤሉ፡ በበይናቲሆሙ፡ ንዑ፡ ንኅረይ፡ ለነ፡ አንስተ፡ እምውሉደ፡ ሰብእ፡ ወንለድ፡ ለነ፡ ውሉደ። | ወርእዩ፡ ኪያሆን፡ መላእክት፡ ውሉደ፡ ሰማያት፡ ወፈተውዎን፡ ወይቤሉ፡ በበይናቲሆሙ፡ ንዑ፡ ንኅረይ፡ ለነ፡ አንስተ፡ እምውሉደ፡ ሰብእ፡ ወንለድ፡ ለነ፡ ውሉደ። |
|---|
| 6:3 | ወይቤሎሙ፡ ስማዝያ፡ ዘውእቱ፡ መልአኮሙ፡ እፈርህ፡ አንሰ፡ ዮጊ፡ ኢትፈቅዱ፡ ይትገበር፡ ዝንቱ፡ ግብር፡ ወእከውን፡ አነ፡ ባሕቲትየ፡ ፈዳይሃ፡ ለዛቲ፡ ኀጢአት፡ ዐባይ። | ወይቤሎሙ፡ ስማዝያ፡ ዘውእቱ፡ መልአኮሙ፡ እፈርህ፡ አንሰ፡ ዮጊ፡ ኢትፈቅዱ፡ ይትገበር፡ ዝንቱ፡ ግብር፡ ወእከውን፡ አነ፡ ባሕቲትየ፡ ፈዳይሃ፡ ለዛቲ፡ ኀጢአት፡ ዐባይ። |
|---|
| 6:4 | ወአውሥእዎ፡ ሎቱ፡ ኵሎሙ፡ ወይቤሉ፡ መሐላ፡ ንምሐል፡ ኵልነ፡ ወንትዋገዝ፡ በበይናቲነ፡ ከመ፡ ኢንሚጣ፡ ለዛቲ፡ ምክር፡ ወንግበራ፡ ለዛቲ፡ ምክር፡ ግብረ። | ወአውሥእዎ፡ ሎቱ፡ ኵሎሙ፡ ወይቤሉ፡ መሐላ፡ ንምሐል፡ ኵልነ፡ ወንትዋገዝ፡ በበይናቲነ፡ ከመ፡ ኢንሚጣ፡ ለዛቲ፡ ምክር፡ ወንግበራ፡ ለዛቲ፡ ምክር፡ ግብረ። |
|---|
| 6:5 | አሜሃ፡ መሐሉ፡ ኵሎሙ፡ ኅቡረ፡ ወአውገዙ፡ ኵሎሙ፡ በበይናቲሆሙ፡ ቦቱ። | አሜሃ፡ መሐሉ፡ ኵሎሙ፡ ኅቡረ፡ ወአውገዙ፡ ኵሎሙ፡ በበይናቲሆሙ፡ ቦቱ። |
|---|
| 6:6 | ወኮኑ፡ ኵሎሙ፡ ክልኤተ፡ ምእተ፡ ወወረዱ፡ ውስተ፡ አርዲስ፡ ዘውእቱ፡ ድማኁ፡ ለደብረ፡ ኤርሞን፡ ወጸውዕዎ፡ ለደብረ፡ ኤርሞን፡ እስመ፡ መሐሉ፡ ቦቱ፡ ወአውገዙ፡ በበይናቲሆሙ። | ወኮኑ፡ ኵሎሙ፡ ክልኤተ፡ ምእተ፡ ወወረዱ፡ ውስተ፡ አርዲስ፡ ዘውእቱ፡ ድማኁ፡ ለደብረ፡ ኤርሞን፡ ወጸውዕዎ፡ ለደብረ፡ ኤርሞን፡ እስመ፡ መሐሉ፡ ቦቱ፡ ወአውገዙ፡ በበይናቲሆሙ። |
|---|
| 6:7 | ወዝንቱ፡ ውእቱ፡ አስማቲሆሙ፡ ለመላእክቲሆሙ፡ ስማዝያ፡ ዘውእቱ፡ መልአኮሙ፡ ኡራኪ፡ በራምኤል፡ አኪቢኤል፡ ጣሚኤል፡ ራሙኤል፡ ዳንኤል፡ ኤዜቂኤል፡ ሱሩቁያል፡ አሳኤል፡ አርምርስ፡ በጥርኤል፡ አናንኤል፡ ዘቄቤ፡ ስምሳፒኤል፡ ሰርትኤል፡ ሙርኤል፡ ዮምያኤል፡ አራዝያል። | ወዝንቱ፡ ውእቱ፡ አስማቲሆሙ፡ ለመላእክቲሆሙ፡ ስማዝያ፡ ዘውእቱ፡ መልአኮሙ፡ ኡራኪ፡ በራምኤል፡ አኪቢኤል፡ ጣሚኤል፡ ራሙኤል፡ ዳንኤል፡ ኤዜቂኤል፡ ሱሩቁያል፡ አሳኤል፡ አርምርስ፡ በጥርኤል፡ አናንኤል፡ ዘቄቤ፡ ስምሳፒኤል፡ ሰርትኤል፡ ሙርኤል፡ ዮምያኤል፡ አራዝያል። |
|---|
| 6:8 | እሉ፡ እሙንቱ፡ ሐበይቶሙ፡ ለክልኤቱ፡ ምእት፡ መላእክት። | እሉ፡ እሙንቱ፡ ሐበይቶሙ፡ ለክልኤቱ፡ ምእት፡ መላእክት። |
|---|