| 90:1 | ወርኢኩ፡ እስከ፡ ዘመን፡ ከመ፡ ከመ፡ ዝ፡ ይርዕዩ፡ ሠላሳ፡ ወሰብዐቱ፡ ኖላውያን፡ ወፈጸሙ፡ ኵሎሙ፡ በበ፡ ጊዜሆሙ፡ ከመ፡ ቀዳምያን፡ ወባዕዳን፡ ተመጠውዎሙ፡ ውስተ፡ እደዊሆሙ፡ ከመ፡ ይርዐይዎሙ፡ በበ፡ ጊዜሆሙ፡ ኵሉ፡ ኖላዊ፡ በበ፡ ጊዜሁ። | ወርኢኩ፡ እስከ፡ ዘመን፡ ከመ፡ ከመ፡ ዝ፡ ይርዕዩ፡ ሠላሳ፡ ወሰብዐቱ፡ ኖላውያን፡ ወፈጸሙ፡ ኵሎሙ፡ በበ፡ ጊዜሆሙ፡ ከመ፡ ቀዳምያን፡ ወባዕዳን፡ ተመጠውዎሙ፡ ውስተ፡ እደዊሆሙ፡ ከመ፡ ይርዐይዎሙ፡ በበ፡ ጊዜሆሙ፡ ኵሉ፡ ኖላዊ፡ በበ፡ ጊዜሁ። |
|---|
| 90:2 | ወእም፡ ዝ፡ በራእይ፡ ርኢኩ፡ ኵሉ፡ አዕዋፈ፡ ሰማይ፡ ወመጽኡ፡ አንስርት፡ ወአውስት፡ ወሆባይ፡ ወቋዓት፡ ወአንስርት፡ ይመርሕዎሙ፡ ለኵሎሙ፡ አዕዋፍ፡ ወአኀዙ፡ ይብልዕዎሙ፡ ለእልኩ፡ አባግዕ፡ ወይክርዩ፡ አዕይንቲሆሙ፡ ወይብልዕዎ፡ ለሥጋሆሙ። | ወእም፡ ዝ፡ በራእይ፡ ርኢኩ፡ ኵሉ፡ አዕዋፈ፡ ሰማይ፡ ወመጽኡ፡ አንስርት፡ ወአውስት፡ ወሆባይ፡ ወቋዓት፡ ወአንስርት፡ ይመርሕዎሙ፡ ለኵሎሙ፡ አዕዋፍ፡ ወአኀዙ፡ ይብልዕዎሙ፡ ለእልኩ፡ አባግዕ፡ ወይክርዩ፡ አዕይንቲሆሙ፡ ወይብልዕዎ፡ ለሥጋሆሙ። |
|---|
| 90:3 | ወአባግዕ፡ ጸርሑ፡ እስመ፡ ተበልዑ፡ ሥጋሆሙ፡ እምነ፡ አዕዋፍ፡ ወአነ፡ ጸራሕኩ፡ ወዐውየውኩ፡ በንዋምየ፡ ዲበ፡ ውእቱ፡ ኖላዊ፡ ዘይርዕዮሙ፡ ለአባግዕ። | ወአባግዕ፡ ጸርሑ፡ እስመ፡ ተበልዑ፡ ሥጋሆሙ፡ እምነ፡ አዕዋፍ፡ ወአነ፡ ጸራሕኩ፡ ወዐውየውኩ፡ በንዋምየ፡ ዲበ፡ ውእቱ፡ ኖላዊ፡ ዘይርዕዮሙ፡ ለአባግዕ። |
|---|
| 90:4 | ወርኢኩ፡ እስከ፡ ተበልዑ፡ አባግዕ፡ እምአክላብ፡ ወእምአንስርት፡ ወእምሆባይ፡ ወኢኀደጉ፡ ሎሙ፡ ሥጋ፡ ግሙራ፡ ወኢ፡ ማእሰ፡ ወኢ፡ ሥርወ፡ እስከ፡ ቆሙ፡ ባሕቲቶሙ፡ አዕፅምቲሆሙ፡ ወአዕፅምቲሆሙኒ፡ ወድቁ፡ ዲበ፡ ምድር፡ ወንእሱ፡ አባግዕ። | ወርኢኩ፡ እስከ፡ ተበልዑ፡ አባግዕ፡ እምአክላብ፡ ወእምአንስርት፡ ወእምሆባይ፡ ወኢኀደጉ፡ ሎሙ፡ ሥጋ፡ ግሙራ፡ ወኢ፡ ማእሰ፡ ወኢ፡ ሥርወ፡ እስከ፡ ቆሙ፡ ባሕቲቶሙ፡ አዕፅምቲሆሙ፡ ወአዕፅምቲሆሙኒ፡ ወድቁ፡ ዲበ፡ ምድር፡ ወንእሱ፡ አባግዕ። |
|---|
| 90:5 | ወርኢኩ፡ እስከ፡ ዘመን፡ እስከ፡ ይርዕዩ፡ ዕሥራ፡ ወሠለስቱ፡ ኖላውያን፡ ወፈጸሙ፡ በበ፡ ጊዜሆሙ፡ ኀምሳ፡ ወሰመንተ፡ ጊዜያተ። | ወርኢኩ፡ እስከ፡ ዘመን፡ እስከ፡ ይርዕዩ፡ ዕሥራ፡ ወሠለስቱ፡ ኖላውያን፡ ወፈጸሙ፡ በበ፡ ጊዜሆሙ፡ ኀምሳ፡ ወሰመንተ፡ ጊዜያተ። |
|---|
| 90:6 | ወንኡሳን፡ መሓስዕት፡ ተወልዱ፡ እምእልኩ፡ አባግዕ፡ ጸዐድው፡ ወአኀዙ፡ ይክሥቱ፡ አዕይንቲሆሙ፡ ወይርአዩ፡ ወይጽርሑ፡ ኀበ፡ አባግዕ። | ወንኡሳን፡ መሓስዕት፡ ተወልዱ፡ እምእልኩ፡ አባግዕ፡ ጸዐድው፡ ወአኀዙ፡ ይክሥቱ፡ አዕይንቲሆሙ፡ ወይርአዩ፡ ወይጽርሑ፡ ኀበ፡ አባግዕ። |
|---|
| 90:7 | ወአባግዕ፡ ኢጸርሕዎሙ፡ ወኢያጽምኡ፡ ዘነገርዎሙ፡ አላ፡ ፈድፋደ፡ ተጸመሙ፡ ወተጸለሉ፡ አዕይንቲሆሙ፡ ፈድፋደ፡ ወኀያለ። | ወአባግዕ፡ ኢጸርሕዎሙ፡ ወኢያጽምኡ፡ ዘነገርዎሙ፡ አላ፡ ፈድፋደ፡ ተጸመሙ፡ ወተጸለሉ፡ አዕይንቲሆሙ፡ ፈድፋደ፡ ወኀያለ። |
|---|
| 90:8 | ወርኢኩ፡ በራእይ፡ ቋዓተ፡ ከመ፡ ሰረሩ፡ ዲበ፡ እልኩ፡ መሓስዕ፡ ወአኀዝዎ፡ ለአሐዱ፡ እምእልኩ፡ መሓስዕ፡ ወቀጥቀጥዎሙ፡ ለአባግዕ፡ ወበልዕዎሙ። | ወርኢኩ፡ በራእይ፡ ቋዓተ፡ ከመ፡ ሰረሩ፡ ዲበ፡ እልኩ፡ መሓስዕ፡ ወአኀዝዎ፡ ለአሐዱ፡ እምእልኩ፡ መሓስዕ፡ ወቀጥቀጥዎሙ፡ ለአባግዕ፡ ወበልዕዎሙ። |
|---|
| 90:9 | ወርኢኩ፡ እስከ፡ ወፅአ፡ ሎሙ፡ አቅርንት፡ ለእልኩ፡ መሓስዕ፡ ወቋዓት፡ ያውድቅዎሙ፡ ለአቅርንቲሆሙ፡ ወርኢኩ፡ እስከ፡ በቈለ፡ አሐዱ፡ ቀርን፡ ዐቢይ፡ አሐዱ፡ እምነ፡ እልኩ፡ አባግዕ፡ ወተከሥታ፡ አዕይንቲሆሙ። | ወርኢኩ፡ እስከ፡ ወፅአ፡ ሎሙ፡ አቅርንት፡ ለእልኩ፡ መሓስዕ፡ ወቋዓት፡ ያውድቅዎሙ፡ ለአቅርንቲሆሙ፡ ወርኢኩ፡ እስከ፡ በቈለ፡ አሐዱ፡ ቀርን፡ ዐቢይ፡ አሐዱ፡ እምነ፡ እልኩ፡ አባግዕ፡ ወተከሥታ፡ አዕይንቲሆሙ። |
|---|
| 90:10 | ወርእየ፡ ቦሙ፡ ወተፈትሑ፡ አዕይንቲሆሙ፡ ወጸርሐ፡ ሎሙ፡ ለአባግዕ፡ ወዳቤላት፡ ርእይዎ፡ ወሮጹ፡ ኀቤሁ፡ ኵሎሙ። | ወርእየ፡ ቦሙ፡ ወተፈትሑ፡ አዕይንቲሆሙ፡ ወጸርሐ፡ ሎሙ፡ ለአባግዕ፡ ወዳቤላት፡ ርእይዎ፡ ወሮጹ፡ ኀቤሁ፡ ኵሎሙ። |
|---|
| 90:11 | ወምስለ፡ ዝ፡ ኵሉ፡ እልኩ፡ አንስርት፡ ወአውስት፡ ወቋዓት፡ ወሆባይ፡ እስከ፡ ይመሥጥዎሙ፡ ለአባግዕ፡ ወይሰርሩ፡ ዲቤሆሙ፡ ወይበልዕዎሙ፡ ወአባግዕሰ፡ ያረምሙ፡ ወዳቤላት፡ የዐወይዉ፡ ወይጸርሑ። | ወምስለ፡ ዝ፡ ኵሉ፡ እልኩ፡ አንስርት፡ ወአውስት፡ ወቋዓት፡ ወሆባይ፡ እስከ፡ ይመሥጥዎሙ፡ ለአባግዕ፡ ወይሰርሩ፡ ዲቤሆሙ፡ ወይበልዕዎሙ፡ ወአባግዕሰ፡ ያረምሙ፡ ወዳቤላት፡ የዐወይዉ፡ ወይጸርሑ። |
|---|
| 90:12 | ወእልክቱ፡ ቋዓት፡ ይትጋደሉ፡ ወይትባአሱ፡ ምስሌሁ፡ ወፈቀዱ፡ ያእትቱ፡ ቀርኖ፡ ወኢክህልዎ። | ወእልክቱ፡ ቋዓት፡ ይትጋደሉ፡ ወይትባአሱ፡ ምስሌሁ፡ ወፈቀዱ፡ ያእትቱ፡ ቀርኖ፡ ወኢክህልዎ። |
|---|
| 90:13 | ወርኢክዎሙ፡ እስከ፡ መጽኡ፡ ኖላውያን፡ ወአንስርት፡ ወእልኩ፡ አንስርት፡ ወሆባይ፡ ወጸርሑ፡ ቋዓት፡ ከመ፡ ይቀጥቅጥዎ፡ ለቀርነ፡ ዝኩ፡ ዳቤላ፡ ወተባአሱ፡ ምስሌሁ፡ ወተቃተሉ፡ ወውእቱ፡ ይትበአስ፡ ምስሌሆሙ፡ ወጸርሐ፡ ከመ፡ ትምጽኦ፡ ረድኤቱ። | ወርኢክዎሙ፡ እስከ፡ መጽኡ፡ ኖላውያን፡ ወአንስርት፡ ወእልኩ፡ አንስርት፡ ወሆባይ፡ ወጸርሑ፡ ቋዓት፡ ከመ፡ ይቀጥቅጥዎ፡ ለቀርነ፡ ዝኩ፡ ዳቤላ፡ ወተባአሱ፡ ምስሌሁ፡ ወተቃተሉ፡ ወውእቱ፡ ይትበአስ፡ ምስሌሆሙ፡ ወጸርሐ፡ ከመ፡ ትምጽኦ፡ ረድኤቱ። |
|---|
| 90:14 | ወርኢኩ፡ እስከ፡ መጽአ፡ ዝኩ፡ ብእሲ፡ ዘጸሐፈ፡ አስማቲሆሙ፡ ለኖሎት፡ ወየዐርግ፡ ቅድሜሁ፡ ለእግዚአ፡ አባግዕ፡ ወውእቱ፡ ረድኦ፡ ወአርአዮ፡ ኵሎ፡ ወወረደ፡ ረድኤቱ፡ ለዝኩ፡ ዳቤላ። | ወርኢኩ፡ እስከ፡ መጽአ፡ ዝኩ፡ ብእሲ፡ ዘጸሐፈ፡ አስማቲሆሙ፡ ለኖሎት፡ ወየዐርግ፡ ቅድሜሁ፡ ለእግዚአ፡ አባግዕ፡ ወውእቱ፡ ረድኦ፡ ወአርአዮ፡ ኵሎ፡ ወወረደ፡ ረድኤቱ፡ ለዝኩ፡ ዳቤላ። |
|---|
| 90:15 | ወርኢኩ፡ እስከ፡ መጽአ፡ ኀቤሆሙ፡ ዝኩ፡ እግዚአ፡ አባግዕ፡ በመዓት፡ ወእለ፡ ርእይዎ፡ ኵሎሙ፡ ነፍጹ፡ ወወድቁ፡ ኵሎሙ፡ ውስተ፡ ጽላሎት፡ እምቅድመ፡ ገጹ። | ወርኢኩ፡ እስከ፡ መጽአ፡ ኀቤሆሙ፡ ዝኩ፡ እግዚአ፡ አባግዕ፡ በመዓት፡ ወእለ፡ ርእይዎ፡ ኵሎሙ፡ ነፍጹ፡ ወወድቁ፡ ኵሎሙ፡ ውስተ፡ ጽላሎት፡ እምቅድመ፡ ገጹ። |
|---|
| 90:16 | ወኵሎሙ፡ አንስርት፡ ወአውስት፡ ወቋዓት፡ ወሆባይ፡ ተጋብኡ፡ ወአምጽኡ፡ ምስሌሆሙ፡ ኵሎ፡ አባግዐ፡ ገዳም፡ ወመጽኡ፡ ኵሎሙ፡ ኅቡረ፡ ወተራድኡ፡ ከመ፡ ይቀጥቅጥዎ፡ ለዝኩ፡ ቀርነ፡ ዳቤላ። | ወኵሎሙ፡ አንስርት፡ ወአውስት፡ ወቋዓት፡ ወሆባይ፡ ተጋብኡ፡ ወአምጽኡ፡ ምስሌሆሙ፡ ኵሎ፡ አባግዐ፡ ገዳም፡ ወመጽኡ፡ ኵሎሙ፡ ኅቡረ፡ ወተራድኡ፡ ከመ፡ ይቀጥቅጥዎ፡ ለዝኩ፡ ቀርነ፡ ዳቤላ። |
|---|
| 90:17 | ወርኢክዎ፡ ለዝኩ፡ ብእሲ፡ ዘይጽሕፍ፡ መጽሐፈ፡ በቃለ፡ እግዚእ፡ እስከ፡ ፈትሖ፡ ለውእቱ፡ መጽሐፈ፡ ሀጕል፡ ዘአህጐሉ፡ እልኩ፡ ዐሠርቱ፡ ወክልኤቱ፡ ኖሎት፡ ደኃርያን፡ ወአርአየ፡ ከመ፡ ፈድፋደ፡ እምቅድሜሆሙ፡ አህጐሉ፡ በቅድመ፡ እግዚአ፡ አባግዕ። | ወርኢክዎ፡ ለዝኩ፡ ብእሲ፡ ዘይጽሕፍ፡ መጽሐፈ፡ በቃለ፡ እግዚእ፡ እስከ፡ ፈትሖ፡ ለውእቱ፡ መጽሐፈ፡ ሀጕል፡ ዘአህጐሉ፡ እልኩ፡ ዐሠርቱ፡ ወክልኤቱ፡ ኖሎት፡ ደኃርያን፡ ወአርአየ፡ ከመ፡ ፈድፋደ፡ እምቅድሜሆሙ፡ አህጐሉ፡ በቅድመ፡ እግዚአ፡ አባግዕ። |
|---|
| 90:18 | ወርኢኩ፡ እስከ፡ መጽአ፡ ኀቤሆሙ፡ እግዚአ፡ አባግዕ፡ ወነሥአ፡ በእዱ፡ በትረ፡ መዓቱ፡ ወዘበጣ፡ ለምድር፡ ወተሠጠት፡ ምድር፡ ወኵሎሙ፡ ወአዕዋፈ፡ ሰማይ፡ ወአራዊት፡ ወድቁ፡ እምእልኩ፡ አባግዕ፡ ወተሰጥሙ፡ በምድር፡ ወተከድነት፡ ዲቤሆሙ። | ወርኢኩ፡ እስከ፡ መጽአ፡ ኀቤሆሙ፡ እግዚአ፡ አባግዕ፡ ወነሥአ፡ በእዱ፡ በትረ፡ መዓቱ፡ ወዘበጣ፡ ለምድር፡ ወተሠጠት፡ ምድር፡ ወኵሎሙ፡ ወአዕዋፈ፡ ሰማይ፡ ወአራዊት፡ ወድቁ፡ እምእልኩ፡ አባግዕ፡ ወተሰጥሙ፡ በምድር፡ ወተከድነት፡ ዲቤሆሙ። |
|---|
| 90:19 | ወርኢኩ፡ እስከ፡ ተውህበ፡ ለአባግዕ፡ ሰይፍ፡ ዐቢይ፡ ወወፅኡ፡ አባግዕ፡ ዲበ፡ እሉ፡ አራዊተ፡ ገዳም፡ ከመ፡ ይቅትልዎሙ፡ ወኵሎሙ፡ አራዊት፡ ወአዕዋፈ፡ ሰማይ፡ ነፍጹ፡ እምቅድመ፡ ገጾሙ። | ወርኢኩ፡ እስከ፡ ተውህበ፡ ለአባግዕ፡ ሰይፍ፡ ዐቢይ፡ ወወፅኡ፡ አባግዕ፡ ዲበ፡ እሉ፡ አራዊተ፡ ገዳም፡ ከመ፡ ይቅትልዎሙ፡ ወኵሎሙ፡ አራዊት፡ ወአዕዋፈ፡ ሰማይ፡ ነፍጹ፡ እምቅድመ፡ ገጾሙ። |
|---|
| 90:20 | ወርኢኩ፡ እስከ፡ መንበር፡ ተሐንጸ፡ በምድር፡ ሐዋዝ፡ ወነበረ፡ ዲቤሁ፡ እግዚአ፡ አባግዕ፡ ወነሥአ፡ ኵሎን፡ መጻሕፍተ፡ ኅቱማተ፡ ወፈትሖን፡ ለእማንቱ፡ መጻሕፍት፡ በቅድመ፡ እግዚአ፡ አባግዕ። | ወርኢኩ፡ እስከ፡ መንበር፡ ተሐንጸ፡ በምድር፡ ሐዋዝ፡ ወነበረ፡ ዲቤሁ፡ እግዚአ፡ አባግዕ፡ ወነሥአ፡ ኵሎን፡ መጻሕፍተ፡ ኅቱማተ፡ ወፈትሖን፡ ለእማንቱ፡ መጻሕፍት፡ በቅድመ፡ እግዚአ፡ አባግዕ። |
|---|
| 90:21 | ወጸውዖሙ፡ እግዚእ፡ ለእልኩ፡ ሰብዓቱ፡ ጸዐድው፡ ቀዳማውያን፡ ወአዘዘ፡ ከመ፡ ያምጽኡ፡ ቅድሜሁ፡ እምኮከብ፡ ቀዳማዊ፡ ዘይቀድም፡ እምእልኩ፡ ከዋክብት፡ እለ፡ ኀፍረቶሙ፡ ከመ፡ ኀፍረተ፡ አፍራስ፡ ወለኮከብ፡ ቀዳማዊ፡ ዘወድቀ፡ ቅድመ፡ ወአምጽእዎሙ፡ ለኵሎሙ፡ ቅድሜሁ። | ወጸውዖሙ፡ እግዚእ፡ ለእልኩ፡ ሰብዓቱ፡ ጸዐድው፡ ቀዳማውያን፡ ወአዘዘ፡ ከመ፡ ያምጽኡ፡ ቅድሜሁ፡ እምኮከብ፡ ቀዳማዊ፡ ዘይቀድም፡ እምእልኩ፡ ከዋክብት፡ እለ፡ ኀፍረቶሙ፡ ከመ፡ ኀፍረተ፡ አፍራስ፡ ወለኮከብ፡ ቀዳማዊ፡ ዘወድቀ፡ ቅድመ፡ ወአምጽእዎሙ፡ ለኵሎሙ፡ ቅድሜሁ። |
|---|
| 90:22 | ወይቤሎ፡ ለዝኩ፡ ብእሲ፡ ዘይጽሕፍ፡ በቅድሜሁ፡ ዘውእቱ፡ አሐዱ፡ እምሰብዐቱ፡ ጸዐድው፡ ወይቤሎ፡ ንሥኦሙ፡ ለእሉ፡ ሰብዓ፡ ኖሎት፡ እለ፡ መጠውክዎሙ፡ አባግዐ፡ ወነሢኦሙ፡ ቀተሉ፡ ብዙኀ፡ እምዘአዘዝክዎሙ፡ እሙንቱ። | ወይቤሎ፡ ለዝኩ፡ ብእሲ፡ ዘይጽሕፍ፡ በቅድሜሁ፡ ዘውእቱ፡ አሐዱ፡ እምሰብዐቱ፡ ጸዐድው፡ ወይቤሎ፡ ንሥኦሙ፡ ለእሉ፡ ሰብዓ፡ ኖሎት፡ እለ፡ መጠውክዎሙ፡ አባግዐ፡ ወነሢኦሙ፡ ቀተሉ፡ ብዙኀ፡ እምዘአዘዝክዎሙ፡ እሙንቱ። |
|---|
| 90:23 | ወናሁ፡ ለኵሎሙ፡ እሱራን፡ ርኢክዎሙ፡ ወቆሙ፡ ቅድሜሁ፡ ኵሎሙ። | ወናሁ፡ ለኵሎሙ፡ እሱራን፡ ርኢክዎሙ፡ ወቆሙ፡ ቅድሜሁ፡ ኵሎሙ። |
|---|
| 90:24 | ወኵነኔ፡ ኮነ፡ ቅድመ፡ እምከዋክብት፡ ወተኰነኑ፡ ወኮኑ፡ ኃጥኣነ፡ ወሖሩ፡ መካነ፡ ኵነኔ፡ ወወደይዎሙ፡ ውስተ፡ ዕሙቅ፡ ወምሉእ፡ እሳተ፡ ዘይልህብ፡ ወምሉእ፡ ዐምደ፡ እሳት። | ወኵነኔ፡ ኮነ፡ ቅድመ፡ እምከዋክብት፡ ወተኰነኑ፡ ወኮኑ፡ ኃጥኣነ፡ ወሖሩ፡ መካነ፡ ኵነኔ፡ ወወደይዎሙ፡ ውስተ፡ ዕሙቅ፡ ወምሉእ፡ እሳተ፡ ዘይልህብ፡ ወምሉእ፡ ዐምደ፡ እሳት። |
|---|
| 90:25 | ወእልክቱ፡ ሰብዓ፡ ኖላውያን፡ ተኰነኑ፡ ወኮኑ፡ ኃጥኣን፡ ወተወድዩ፡ እሙንቱ፡ ውስተ፡ ዝንቱ፡ ማዕምቀ፡ እሳት። | ወእልክቱ፡ ሰብዓ፡ ኖላውያን፡ ተኰነኑ፡ ወኮኑ፡ ኃጥኣን፡ ወተወድዩ፡ እሙንቱ፡ ውስተ፡ ዝንቱ፡ ማዕምቀ፡ እሳት። |
|---|
| 90:26 | ወርኢኩ፡ በውእቱ፡ ጊዜ፡ ከመ፡ ተርኅወ፡ አሐዱ፡ ማዕምቅ፡ ከማሁ፡ በማእከለ፡ ምድር፡ ዘምሉእ፡ እሳተ፡ ወአምጽእዎሙ፡ ለእልኩ፡ አባግዕ፡ ጽሉላን፡ ወተኰነኑ፡ ኵሎሙ፡ ወኮኑ፡ ኃጥኣነ፡ ወተወድዩ፡ ውስተ፡ ዝንቱ፡ ዕመቀ፡ እሳት፡ ወውዕዩ፡ ወዝንቱ፡ ማዕምቅ፡ ኮነ፡ በየማኑ፡ ለዝኩ፡ ቤት። | ወርኢኩ፡ በውእቱ፡ ጊዜ፡ ከመ፡ ተርኅወ፡ አሐዱ፡ ማዕምቅ፡ ከማሁ፡ በማእከለ፡ ምድር፡ ዘምሉእ፡ እሳተ፡ ወአምጽእዎሙ፡ ለእልኩ፡ አባግዕ፡ ጽሉላን፡ ወተኰነኑ፡ ኵሎሙ፡ ወኮኑ፡ ኃጥኣነ፡ ወተወድዩ፡ ውስተ፡ ዝንቱ፡ ዕመቀ፡ እሳት፡ ወውዕዩ፡ ወዝንቱ፡ ማዕምቅ፡ ኮነ፡ በየማኑ፡ ለዝኩ፡ ቤት። |
|---|
| 90:27 | ወርኢክዎሙ፡ ለእልኩ፡ አባግዕ፡ እንዘ፡ ይውዕዩ፡ ወአዕፅምቲሆሙ፡ ይውዒ። | ወርኢክዎሙ፡ ለእልኩ፡ አባግዕ፡ እንዘ፡ ይውዕዩ፡ ወአዕፅምቲሆሙ፡ ይውዒ። |
|---|
| 90:28 | ወቆምኩ፡ እርአይ፡ እስከ፡ ጠወሞ፡ ለዝኩ፡ ቤት፡ ብሉይ፡ ወአውፅእዎሙ፡ ለኵሎሙ፡ አዕማድ፡ ወኵሉ፡ ተክሉ፡ ወሥኑ፡ ለውእቱ፡ ቤት፡ ተጠውመ፡ ምስሌሁ፡ ወአውፅእዎ፡ ወወደይዎ፡ በአሐዱ፡ መካን፡ በየማነ፡ ምድር። | ወቆምኩ፡ እርአይ፡ እስከ፡ ጠወሞ፡ ለዝኩ፡ ቤት፡ ብሉይ፡ ወአውፅእዎሙ፡ ለኵሎሙ፡ አዕማድ፡ ወኵሉ፡ ተክሉ፡ ወሥኑ፡ ለውእቱ፡ ቤት፡ ተጠውመ፡ ምስሌሁ፡ ወአውፅእዎ፡ ወወደይዎ፡ በአሐዱ፡ መካን፡ በየማነ፡ ምድር። |
|---|
| 90:29 | ወርኢኩ፡ እግዚአ፡ አባግዕ፡ እስከ፡ አምጽአ፡ ቤተ፡ ሐዲሰ፡ ወዐቢየ፡ ወልዑለ፡ እምነ፡ ዝንቱ፡ ቤት፡ ቀዳማይ፡ ወአቀሞ፡ ውስተ፡ መካነ፡ ቀዳሚት፡ እንተ፡ ተጠብለለት፡ ወኵሎሙ፡ አዕማደ፡ ዚኣሃ፡ ሐዲሳን፡ ወሥና፡ ሐዲስ፡ ወዐቢይ፡ እምቀዳሚት፡ ብሊት፡ እንተ፡ አውፅኣ፡ ወኵሎሙ፡ አባግዕ፡ ማእከላ። | ወርኢኩ፡ እግዚአ፡ አባግዕ፡ እስከ፡ አምጽአ፡ ቤተ፡ ሐዲሰ፡ ወዐቢየ፡ ወልዑለ፡ እምነ፡ ዝንቱ፡ ቤት፡ ቀዳማይ፡ ወአቀሞ፡ ውስተ፡ መካነ፡ ቀዳሚት፡ እንተ፡ ተጠብለለት፡ ወኵሎሙ፡ አዕማደ፡ ዚኣሃ፡ ሐዲሳን፡ ወሥና፡ ሐዲስ፡ ወዐቢይ፡ እምቀዳሚት፡ ብሊት፡ እንተ፡ አውፅኣ፡ ወኵሎሙ፡ አባግዕ፡ ማእከላ። |
|---|
| 90:30 | ወርኢክዎሙ፡ ለኵሎሙ፡ አባግዕ፡ እለ፡ ተርፉ፡ ወኵሎሙ፡ እንስሳ፡ ዘዲበ፡ ምድር፡ ወኵሎሙ፡ አዕዋፈ፡ ሰማይ፡ ይወድቁ፡ ወይሰግዱ፡ ለእልኩ፡ አባግዕ፡ ወያስተበቍዕዎሙ፡ ወይሰምዕዎሙ፡ በኵሉ፡ ቃል። | ወርኢክዎሙ፡ ለኵሎሙ፡ አባግዕ፡ እለ፡ ተርፉ፡ ወኵሎሙ፡ እንስሳ፡ ዘዲበ፡ ምድር፡ ወኵሎሙ፡ አዕዋፈ፡ ሰማይ፡ ይወድቁ፡ ወይሰግዱ፡ ለእልኩ፡ አባግዕ፡ ወያስተበቍዕዎሙ፡ ወይሰምዕዎሙ፡ በኵሉ፡ ቃል። |
|---|
| 90:31 | ወእምኔሁ፡ እልክቱ፡ ሠለስቱ፡ እለ፡ ይለብሱ፡ ጸዐድው፡ ወእለ፡ ቀዲሙ፡ አዕረጉኒ፡ አኀዙኒ፡ በእዴሁ፡ ወእዴሁ፡ ለውእቱ፡ ዳቤላ፡ እንዘ፡ ትእኅዘኒ፡ አዕረጉኒ፡ ወአንበሩኒ፡ ማእከሎሙ፡ ለእልኩ፡ አባግዕ፡ እንበለ፡ ትኩን፡ ኵነኔ። | ወእምኔሁ፡ እልክቱ፡ ሠለስቱ፡ እለ፡ ይለብሱ፡ ጸዐድው፡ ወእለ፡ ቀዲሙ፡ አዕረጉኒ፡ አኀዙኒ፡ በእዴሁ፡ ወእዴሁ፡ ለውእቱ፡ ዳቤላ፡ እንዘ፡ ትእኅዘኒ፡ አዕረጉኒ፡ ወአንበሩኒ፡ ማእከሎሙ፡ ለእልኩ፡ አባግዕ፡ እንበለ፡ ትኩን፡ ኵነኔ። |
|---|
| 90:32 | ወእልኩ፡ አባግዕ፡ ኮኑ፡ ኵሎሙ፡ ጸዐዳ፡ ወጸጕረ፡ ዚኣሆሙ፡ ዐቢይ፡ ወንጹሕ። | ወእልኩ፡ አባግዕ፡ ኮኑ፡ ኵሎሙ፡ ጸዐዳ፡ ወጸጕረ፡ ዚኣሆሙ፡ ዐቢይ፡ ወንጹሕ። |
|---|
| 90:33 | ወኵሎሙ፡ እለ፡ ተሀጕሉ፡ ወተዘርዘሩ፡ ወኵሉ፡ አራዊተ፡ ገዳም፡ ወኵሉ፡ አዕዋፈ፡ ሰማይ፡ ተጋብኡ፡ በውእቱ፡ ቤት፡ ወእግዚኦሙ፡ ለአባግዕ፡ ተፈሥሐ፡ ዐቢየ፡ ፍሥሓ፡ እስመ፡ ኮኑ፡ ኵሎሙ፡ ኄራነ፡ ወገብኡ፡ ውስተ፡ ቤቱ። | ወኵሎሙ፡ እለ፡ ተሀጕሉ፡ ወተዘርዘሩ፡ ወኵሉ፡ አራዊተ፡ ገዳም፡ ወኵሉ፡ አዕዋፈ፡ ሰማይ፡ ተጋብኡ፡ በውእቱ፡ ቤት፡ ወእግዚኦሙ፡ ለአባግዕ፡ ተፈሥሐ፡ ዐቢየ፡ ፍሥሓ፡ እስመ፡ ኮኑ፡ ኵሎሙ፡ ኄራነ፡ ወገብኡ፡ ውስተ፡ ቤቱ። |
|---|
| 90:34 | ወርኢኩ፡ እስከ፡ አስከብዎ፡ ለውእቱ፡ ሰይፍ፡ ዘተውህበ፡ ለአባግዕ፡ ወአግብእዎ፡ ውስተ፡ ቤቱ፡ ወኀተማ፡ ቅድመ፡ ገጹ፡ ለእግዚእ፡ ወኵሎሙ፡ አባግዕ፡ ተዐጽው፡ በውእቱ፡ ቤት፡ ወኢያግመሮሙ። | ወርኢኩ፡ እስከ፡ አስከብዎ፡ ለውእቱ፡ ሰይፍ፡ ዘተውህበ፡ ለአባግዕ፡ ወአግብእዎ፡ ውስተ፡ ቤቱ፡ ወኀተማ፡ ቅድመ፡ ገጹ፡ ለእግዚእ፡ ወኵሎሙ፡ አባግዕ፡ ተዐጽው፡ በውእቱ፡ ቤት፡ ወኢያግመሮሙ። |
|---|
| 90:35 | ወአዕይንቲሆሙ፡ ለኵሎሙ፡ ተከሥታ፡ ወይኔጽሩ፡ ሠናየ፡ ወአሐዱ፡ እምኔሆሙ፡ ዘኢይሬኢ፡ አልቦ፡ በማእከሎሙ። | ወአዕይንቲሆሙ፡ ለኵሎሙ፡ ተከሥታ፡ ወይኔጽሩ፡ ሠናየ፡ ወአሐዱ፡ እምኔሆሙ፡ ዘኢይሬኢ፡ አልቦ፡ በማእከሎሙ። |
|---|
| 90:36 | ወርኢኩ፡ ከመ፡ ኮነ፡ ውእቱ፡ ቤት፡ ዐቢየ፡ ወርኂበ፡ ወምሉአ፡ ፈድፋደ። | ወርኢኩ፡ ከመ፡ ኮነ፡ ውእቱ፡ ቤት፡ ዐቢየ፡ ወርኂበ፡ ወምሉአ፡ ፈድፋደ። |
|---|
| 90:37 | ወርኢኩ፡ ከመ፡ ተወልደ፡ አሐዱ፡ ላሕም፡ ጸዐዳ፡ ወአቅርንቲሁ፡ ዐበይት፡ ወኵሎሙ፡ አራዊተ፡ ገዳም፡ ወአዕዋፈ፡ ሰማይ፡ ይፈርህዎ፡ ወያስተበቍዕዎ፡ በኵሉ፡ ጊዜ። | ወርኢኩ፡ ከመ፡ ተወልደ፡ አሐዱ፡ ላሕም፡ ጸዐዳ፡ ወአቅርንቲሁ፡ ዐበይት፡ ወኵሎሙ፡ አራዊተ፡ ገዳም፡ ወአዕዋፈ፡ ሰማይ፡ ይፈርህዎ፡ ወያስተበቍዕዎ፡ በኵሉ፡ ጊዜ። |
|---|
| 90:38 | ወርኢኩ፡ እስከ፡ ተወለጠ፡ ኵሉ፡ አዝማዲሆሙ፡ ወኮኑ፡ ኵሎሙ፡ አልሕምት፡ ጸዐድወ፡ ወኮነ፡ ቀዳማዊ፡ በማእከሎሙ፡ ነገረ፡ ወውእቱ፡ ነገር፡ ኮነ፡ አርዌ፡ ዐቢየ፡ ወቦ፡ ውስተ፡ ርእሱ፡ አቅርንት፡ ዐቢያት፡ ወጸሊማት፡ ወእግዚአ፡ አባግዕ፡ ተፈሥሐ፡ ዲቤሆሙ፡ ወዲበ፡ ኵሎሙ፡ አልሕምት። | ወርኢኩ፡ እስከ፡ ተወለጠ፡ ኵሉ፡ አዝማዲሆሙ፡ ወኮኑ፡ ኵሎሙ፡ አልሕምት፡ ጸዐድወ፡ ወኮነ፡ ቀዳማዊ፡ በማእከሎሙ፡ ነገረ፡ ወውእቱ፡ ነገር፡ ኮነ፡ አርዌ፡ ዐቢየ፡ ወቦ፡ ውስተ፡ ርእሱ፡ አቅርንት፡ ዐቢያት፡ ወጸሊማት፡ ወእግዚአ፡ አባግዕ፡ ተፈሥሐ፡ ዲቤሆሙ፡ ወዲበ፡ ኵሎሙ፡ አልሕምት። |
|---|
| 90:39 | ወአነ፡ ሰከብኩ፡ ማእከሎሙ፡ ወነቃሕኩ፡ ወርኢኩ፡ ኩሎ። | ወአነ፡ ሰከብኩ፡ ማእከሎሙ፡ ወነቃሕኩ፡ ወርኢኩ፡ ኩሎ። |
|---|
| 90:40 | ወዝንቱ፡ ራእይ፡ ዘርኢኩ፡ እንዘ፡ እሰክብ፡ ወነቃሕኩ፡ ወባረክዎ፡ ለእግዚአ፡ ጽድቅ፡ ወሎቱ፡ ወሀብኩ፡ ስብሐተ። | ወዝንቱ፡ ራእይ፡ ዘርኢኩ፡ እንዘ፡ እሰክብ፡ ወነቃሕኩ፡ ወባረክዎ፡ ለእግዚአ፡ ጽድቅ፡ ወሎቱ፡ ወሀብኩ፡ ስብሐተ። |
|---|
| 90:41 | ወእምኔሁ፡ በከይኩ፡ ብካየ፡ ዐቢየ፡ ወአንብዕየ፡ ኢቆመ፡ እስከ፡ ኢክህልኩ፡ ተዐግሦተ፡ ሶበ፡ እሬኢ፡ እምዘይወርዱ፡ ዲበ፡ ዝኩ፡ ዘርኢኩ፡ እስመ፡ ኵሉ፡ ይወፅእ፡ ወይትፈጸም፡ ወኵሉ፡ በበ፡ ክፍሉ፡ ምግባረ፡ ሰብእ፡ ተርእየ፡ ሊተ። | ወእምኔሁ፡ በከይኩ፡ ብካየ፡ ዐቢየ፡ ወአንብዕየ፡ ኢቆመ፡ እስከ፡ ኢክህልኩ፡ ተዐግሦተ፡ ሶበ፡ እሬኢ፡ እምዘይወርዱ፡ ዲበ፡ ዝኩ፡ ዘርኢኩ፡ እስመ፡ ኵሉ፡ ይወፅእ፡ ወይትፈጸም፡ ወኵሉ፡ በበ፡ ክፍሉ፡ ምግባረ፡ ሰብእ፡ ተርእየ፡ ሊተ። |
|---|
| 90:42 | በይእቲ፡ ሌሊት፡ ተዘከርክዎ፡ ለሕልምየ፡ ቀዳማዊ፡ ወበእንቲኣሁ፡ በከይኩ፡ ወተሀወኩ፡ እስመ፡ ርኢኩ፡ ውእተ፡ ራእየ። | በይእቲ፡ ሌሊት፡ ተዘከርክዎ፡ ለሕልምየ፡ ቀዳማዊ፡ ወበእንቲኣሁ፡ በከይኩ፡ ወተሀወኩ፡ እስመ፡ ርኢኩ፡ ውእተ፡ ራእየ። |
|---|