1 Meqabyan (Ethiopian)

1 Meqabyan (Ethiopian) 9 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
9:1	ቈላተ፡ ጊላቡሂ፡ ወአድባረ፡ ሊባኖስ፡ ሶበ፡ ኢወርድ፡ ላዕሌሆሙ፡ ዝናመ፡ ምሕረት፡ እምኀበ፡ እግዚአብሔር፡ ኢያብቍሉ፡ ሣዕረ፡ ለእንስሳ፡ ወለአራዊት።	ቈላተ፡ ጊላቡሂ፡ ወአድባረ፡ ሊባኖስ፡ ሶበ፡ ኢወርድ፡ ላዕሌሆሙ፡ ዝናመ፡ ምሕረት፡ እምኀበ፡ እግዚአብሔር፡ ኢያብቍሉ፡ ሣዕረ፡ ለእንስሳ፡ ወለአራዊት።
9:2	ወአድባረ፡ ገልዓድኒ፡ ወቈላተ፡ ኢለምኒ፡ ኢይሁብ፡ ሐመልማለ፡ ለዓጣሌ፡ ወለአባሕኵ፡ እለ፡ ይትረእዩ፡ ወለእንስሳ፡ ገዳምኒ፡ ወይጠል፡ ወቶራት፡ ወኀያላት።	ወአድባረ፡ ገልዓድኒ፡ ወቈላተ፡ ኢለምኒ፡ ኢይሁብ፡ ሐመልማለ፡ ለዓጣሌ፡ ወለአባሕኵ፡ እለ፡ ይትረእዩ፡ ወለእንስሳ፡ ገዳምኒ፡ ወይጠል፡ ወቶራት፡ ወኀያላት።
9:3	ወከማሁ፡ ዕልዋን፡ ወመናፍቃን፡ እለ፡ ቀዲሙ፡ አጥረዋይ፡ ለዕልወት፡ ወለስሕተት፡ ለእመ፡ ኢወረደ፡ ላዕሌሆሙ፡ ጠለ፡ ምሕረት፡ እምኀበ፡ እግዚአብሔር፡ ኢትይነሥኡ፡ ሙታን፡ ወመሠርያን፡ ወምጠዓውያን፡ ቆጵሮሰ፡ ወዲማሶ፡ መስተዋድያን።	ወከማሁ፡ ዕልዋን፡ ወመናፍቃን፡ እለ፡ ቀዲሙ፡ አጥረዋይ፡ ለዕልወት፡ ወለስሕተት፡ ለእመ፡ ኢወረደ፡ ላዕሌሆሙ፡ ጠለ፡ ምሕረት፡ እምኀበ፡ እግዚአብሔር፡ ኢትይነሥኡ፡ ሙታን፡ ወመሠርያን፡ ወምጠዓውያን፡ ቆጵሮሰ፡ ወዲማሶ፡ መስተዋድያን።
9:4	ወእለ፡ ይነብሩ፡ ሰገለ፡ ወሥራየ፡ ወመስተቃትላነ።	ወእለ፡ ይነብሩ፡ ሰገለ፡ ወሥራየ፡ ወመስተቃትላነ።
9:5	ወእለ፡ ይዜምው፡ ዘእንበለ፡ ሕግ፡ ወአትናውያን፡ ወሜዶን፡ እለ፡ ይትአመኑ፡ በጣዖቶሙ፡ ወየሐልዩ፡ ሎሙ፡ ወይትወነዩ፡ ሎሙ፡ በከበሮ፡ ወበመሰንቆ፡ ወበእንዚራ።	ወእለ፡ ይዜምው፡ ዘእንበለ፡ ሕግ፡ ወአትናውያን፡ ወሜዶን፡ እለ፡ ይትአመኑ፡ በጣዖቶሙ፡ ወየሐልዩ፡ ሎሙ፡ ወይትወነዩ፡ ሎሙ፡ በከበሮ፡ ወበመሰንቆ፡ ወበእንዚራ።
9:6	ወየዓብዱ፡ ምስለ፡ ጣዖቶሙ፡ ወይዜምዉ፡ በግብረ፡ እደዊሆሙ፡ እለ፡ ኢያድኅኑ፡ ርእሶሙ፡ እለ፡ እሙንቱ፡ ይትኰነኑ፡ በዕለተ፡ ዳይን፡ አመ፡ ትንሣኤ።	ወየዓብዱ፡ ምስለ፡ ጣዖቶሙ፡ ወይዜምዉ፡ በግብረ፡ እደዊሆሙ፡ እለ፡ ኢያድኅኑ፡ ርእሶሙ፡ እለ፡ እሙንቱ፡ ይትኰነኑ፡ በዕለተ፡ ዳይን፡ አመ፡ ትንሣኤ።
9:7	አአብድ፡ ወአእዩየ፡ ሕሊና፡ ይመስለከኑ፡ ዘኢይትነሥኡ፡ ምውታን።	አአብድ፡ ወአእዩየ፡ ሕሊና፡ ይመስለከኑ፡ ዘኢይትነሥኡ፡ ምውታን።
9:8	ኢተሐሊኪ፡ ከመዝ፡ እስመ፡ ኢትነውም፡ ህየ፡ ሶበ፡ ይትነፋሕ፡ ቀርን፡ በትንሣኤ፡ ሙታን፡ በአፈ፡ ሚካኤል፡ ሊቀ፡ መላእክት።	ኢተሐሊኪ፡ ከመዝ፡ እስመ፡ ኢትነውም፡ ህየ፡ ሶበ፡ ይትነፋሕ፡ ቀርን፡ በትንሣኤ፡ ሙታን፡ በአፈ፡ ሚካኤል፡ ሊቀ፡ መላእክት።
9:9	አድባር፡ ወአውግር፡ ይቴሐቱ፡ አፍላግ፡ ወማዕምቅ፡ ይኤርዩ፡ ወይከውኑ፡ መጽያሕቶ፡ ርቱዓ።	አድባር፡ ወአውግር፡ ይቴሐቱ፡ አፍላግ፡ ወማዕምቅ፡ ይኤርዩ፡ ወይከውኑ፡ መጽያሕቶ፡ ርቱዓ።
9:10	ወይከውን፡ ትንሣኤ፡ ለኵሉ፡ ዘሥጋ።	ወይከውን፡ ትንሣኤ፡ ለኵሉ፡ ዘሥጋ።

read Ge'ez alone read Ge'ez alone