| 13:1 | ወእሙንቱሰ | ወእሙንቱሰ |
|---|
| 13:2 | ወመጢዉ፡ ነፍሶሙ፡ ለእሳት፡ ከመ፡ ይድኃኑ፡ እምእሳት፡ ዘበሰማያት፡ እእሚሮሙ፡ ከመ፡ ዝንቱ፡ ዓለምየ፡ የኃልፍ። | ወመጢዉ፡ ነፍሶሙ፡ ለእሳት፡ ከመ፡ ይድኃኑ፡ እምእሳት፡ ዘበሰማያት፡ እእሚሮሙ፡ ከመ፡ ዝንቱ፡ ዓለምየ፡ የኃልፍ። |
|---|
| 13:3 | ወይቤሊ፡ ወኢይነብር፡ ተድላ፡ ለዝሉፍ፡ እስመ፡ አእመሩ፡ ከመ፡ የአኪ፡ ትዕይርተ፡ እግዚአብሔር፡ እምትዕይርተ፡ እጓለ፡ እመሕያው፡ ወየአኪ፡ መዓቱ፡ አእግዚአብሔር፡ እመዓቱ፡ ለንጉሥ። | ወይቤሊ፡ ወኢይነብር፡ ተድላ፡ ለዝሉፍ፡ እስመ፡ አእመሩ፡ ከመ፡ የአኪ፡ ትዕይርተ፡ እግዚአብሔር፡ እምትዕይርተ፡ እጓለ፡ እመሕያው፡ ወየአኪ፡ መዓቱ፡ አእግዚአብሔር፡ እመዓቱ፡ ለንጉሥ። |
|---|
| 13:4 | ወይኄይስ፡ አሐቲ፡ ዕለት፡ ተፈሥሖ፡ በአዕፃዳተ፡ ገነት፡ እምአዕላፍ፡ ዓመታት፡ ሐይው፡ በዲበ፡ ምድር፡ ወለነዋህ፡ መዋዕል፡ ይኄይስ፡ አሐተ፡ ሰዓተ፡ ሣህለ፡ ዚአከ፡ እግዚኦ። | ወይኄይስ፡ አሐቲ፡ ዕለት፡ ተፈሥሖ፡ በአዕፃዳተ፡ ገነት፡ እምአዕላፍ፡ ዓመታት፡ ሐይው፡ በዲበ፡ ምድር፡ ወለነዋህ፡ መዋዕል፡ ይኄይስ፡ አሐተ፡ ሰዓተ፡ ሣህለ፡ ዚአከ፡ እግዚኦ። |
|---|
| 13:5 | ዕደው፡ ሠናያነ፡ ዘውግ፡ እለ፡ ኅቡረ፡ መጠዉ፡ ነፍሶሙ፡ ለሞት፡ አእሚሮሙ፡ ከመ፡ ትሤኒዩኃሪት፡ ሕይወቶሙ፡ እምዛቲ፡ ምድራዊት፡ ኃላፊተ። | ዕደው፡ ሠናያነ፡ ዘውግ፡ እለ፡ ኅቡረ፡ መጠዉ፡ ነፍሶሙ፡ ለሞት፡ አእሚሮሙ፡ ከመ፡ ትሤኒዩኃሪት፡ ሕይወቶሙ፡ እምዛቲ፡ ምድራዊት፡ ኃላፊተ። |
|---|
| 13:6 | ወአንተሰ፡ እግዚኦ፡ ለዓለም፡ ትነብር፡ ወዓመቲከኒ፡ ዘኢየኃልቅ፡ ወዝክርከኒ፡ ለትውልደ፡ ትውልድ። | ወአንተሰ፡ እግዚኦ፡ ለዓለም፡ ትነብር፡ ወዓመቲከኒ፡ ዘኢየኃልቅ፡ ወዝክርከኒ፡ ለትውልደ፡ ትውልድ። |
|---|
| 13:7 | ወዘንተ፡ ኵሎ፡ ወዘይመስሎ፡ ሐለዩ፡ ደቂቀ፡ መቃቢስ፡ ወአብደሩ፡ ወአብደሩ፡ ተወክሎ፡ በእግዚአብሔር፡ ወአበዩ፡ በሊዓ፡ መሥዋዕተ፡ ርኵሰት። | ወዘንተ፡ ኵሎ፡ ወዘይመስሎ፡ ሐለዩ፡ ደቂቀ፡ መቃቢስ፡ ወአብደሩ፡ ወአብደሩ፡ ተወክሎ፡ በእግዚአብሔር፡ ወአበዩ፡ በሊዓ፡ መሥዋዕተ፡ ርኵሰት። |
|---|
| 13:8 | ወበእንተዝ፡ መጠዉ፡ ሥጋሆሙ፡ ለስምዕ፡ በእንተ፡ እግዚአብሔር፡ አእሚሮሙ፡ ከመ፡ ይትነሥኡ፡ ምውታን፡ ወአእሚሮሙ፡ ከመ፡ ይከውን፡ ፍትሕ፡ እምድኅረ፡ ትንሣኤ። | ወበእንተዝ፡ መጠዉ፡ ሥጋሆሙ፡ ለስምዕ፡ በእንተ፡ እግዚአብሔር፡ አእሚሮሙ፡ ከመ፡ ይትነሥኡ፡ ምውታን፡ ወአእሚሮሙ፡ ከመ፡ ይከውን፡ ፍትሕ፡ እምድኅረ፡ ትንሣኤ። |
|---|
| 13:9 | ወእለ፡ ኢተአምሩ፡ ወኢተአምኑ፡ ትንሣኤ፡ ሙታን፡ አእምሩ፡ እንከ፡ እምአሎ | ወእለ፡ ኢተአምሩ፡ ወኢተአምኑ፡ ትንሣኤ፡ ሙታን፡ አእምሩ፡ እንከ፡ እምአሎ |
|---|
| 13:10 | ወርእዮሙ፡ ከመ፡ ኵሎ፡ የኃልፍ፡ ወመጠዉ፡ ነፍሶሙ፡ ለሞት፡ ከመ፡ እምኀበ፡ እግዚ፡ አብሔር፡ ይርከቡ፡ ምዝጋና፡ በእንተ፡ ዘአምንዎ፡ ወኢሰገዱ፡ ለጣዖት፡ ወኢበልዑሰ፡ መሥዋዕት፡ ምዉት፡ ወርኵሰት። | ወርእዮሙ፡ ከመ፡ ኵሎ፡ የኃልፍ፡ ወመጠዉ፡ ነፍሶሙ፡ ለሞት፡ ከመ፡ እምኀበ፡ እግዚ፡ አብሔር፡ ይርከቡ፡ ምዝጋና፡ በእንተ፡ ዘአምንዎ፡ ወኢሰገዱ፡ ለጣዖት፡ ወኢበልዑሰ፡ መሥዋዕት፡ ምዉት፡ ወርኵሰት። |
|---|
| 13:11 | ወበእንተዝ፡ አእሚሮሙ፡ ከመ፡ ያስተፌሥሖሙ፡ በደኃሪት፡ ዕለት፡ በነፍስ፡ ወሥጋ፡ እስመ፡ እንዘ፡ ቦሙ፡ ብእሲት፡ ወውሉድ፡ ኢያእመሩ፡ ጣዕማ፡ ለዛ፡ ዓለም፡ ወምረራ፡ ለሞት፡ ወመጠዉ፡ ነፍሶሙ፡ ለሞት፡ አእሚሮሙ፡ ከመ፡ ይከውን፡ ትንሣኤ፡ በደኃሪት፡ ዕለት፡ በነፍስ፡ ወበሥጋ። | ወበእንተዝ፡ አእሚሮሙ፡ ከመ፡ ያስተፌሥሖሙ፡ በደኃሪት፡ ዕለት፡ በነፍስ፡ ወሥጋ፡ እስመ፡ እንዘ፡ ቦሙ፡ ብእሲት፡ ወውሉድ፡ ኢያእመሩ፡ ጣዕማ፡ ለዛ፡ ዓለም፡ ወምረራ፡ ለሞት፡ ወመጠዉ፡ ነፍሶሙ፡ ለሞት፡ አእሚሮሙ፡ ከመ፡ ይከውን፡ ትንሣኤ፡ በደኃሪት፡ ዕለት፡ በነፍስ፡ ወበሥጋ። |
|---|
| 13:12 | ወአእሚሮሙ፡ ከመ፡ ይነግሡ፡ እለ፡ ዓቀቡ፡ ሥርዓቶ፡ ለእግዚአብሔር፡ በዓለም፡ ዘይመጽእ፡ ለትውልደ፡ ትውልድ፡ ወለነዋህ፡ መዋዕለ፡ ኀበ፡ አልቦ፡ ሕማም፡ ወኀዘን። | ወአእሚሮሙ፡ ከመ፡ ይነግሡ፡ እለ፡ ዓቀቡ፡ ሥርዓቶ፡ ለእግዚአብሔር፡ በዓለም፡ ዘይመጽእ፡ ለትውልደ፡ ትውልድ፡ ወለነዋህ፡ መዋዕለ፡ ኀበ፡ አልቦ፡ ሕማም፡ ወኀዘን። |
|---|
| 13:13 | ቦ፡ አልቦ፡ ሕማም፡ ወኀዘን፡ ወአልቦ፡ ሞት፡ ወምስለ፡ እለ፡ አምኑ፡ በቃለ፡ እግዚአብሔር፡ ኄራን፡ ነገሥት፡ ወመኳንንት፡ ወመጠዉ፡ ነፍሶሙ፡ ለሞት፡ ከመ፡ ሰምዕ፡ ማዕከለ፡ እሳት፡ እንዘ፡ ይሬእዩ፡ በሕሊና፡ ልቦሙ፡ ዘደኀሪ። | ቦ፡ አልቦ፡ ሕማም፡ ወኀዘን፡ ወአልቦ፡ ሞት፡ ወምስለ፡ እለ፡ አምኑ፡ በቃለ፡ እግዚአብሔር፡ ኄራን፡ ነገሥት፡ ወመኳንንት፡ ወመጠዉ፡ ነፍሶሙ፡ ለሞት፡ ከመ፡ ሰምዕ፡ ማዕከለ፡ እሳት፡ እንዘ፡ ይሬእዩ፡ በሕሊና፡ ልቦሙ፡ ዘደኀሪ። |
|---|
| 13:14 | ወይሴፈዉ፡ በዘይበርህ፡ ገጾሙ፡ ምስብዒተ፡ እምፀሐይ፡ ወከመ፡ ይትፈጽሑ፡ በፍቅረ፡ ዚአሁ፡ አመ፡ ትንሣኤ፡ ኵሉ፡ በነፍሰ፡ ወበሥጋከ። | ወይሴፈዉ፡ በዘይበርህ፡ ገጾሙ፡ ምስብዒተ፡ እምፀሐይ፡ ወከመ፡ ይትፈጽሑ፡ በፍቅረ፡ ዚአሁ፡ አመ፡ ትንሣኤ፡ ኵሉ፡ በነፍሰ፡ ወበሥጋከ። |
|---|