2 Meqabyan (Ethiopian)

2 Meqabyan (Ethiopian) 17 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
17:1	ወኅጠተ፡ ሥርናይኒ፡ ለእመ፡ ኢሞተት፡ ኢትበቍል፡ ወኢትፈሪ፡ እስመ፡ ለእመ፡ ሞተት፡ ኅጠተ፡ ሥርናይ፡ ትገብር፡ ሥርወ፡ ውስተ፡ ምድር፡ ወታወፅዕ፡ ቍፅለ፡ ወይከውን፡ ሰብለ፡ ወይፈሪ፡ ወተአምሩ።	ወኅጠተ፡ ሥርናይኒ፡ ለእመ፡ ኢሞተት፡ ኢትበቍል፡ ወኢትፈሪ፡ እስመ፡ ለእመ፡ ሞተት፡ ኅጠተ፡ ሥርናይ፡ ትገብር፡ ሥርወ፡ ውስተ፡ ምድር፡ ወታወፅዕ፡ ቍፅለ፡ ወይከውን፡ ሰብለ፡ ወይፈሪ፡ ወተአምሩ።
17:2	ለሊክሙ፡ ከመ፡ ይከውን፡ ኅጠታተ፡ ብዙኃ፡ አሐቲ፡ ኅጠተ፡ ሥርናይ።	ለሊክሙ፡ ከመ፡ ይከውን፡ ኅጠታተ፡ ብዙኃ፡ አሐቲ፡ ኅጠተ፡ ሥርናይ።
17:3	ወከማሁ፡ ዛቲ፡ ኅጠት፡ ትበቍል፡ እምነፋስ፡ ወማይ፡ ወመሬት፡ ወፀሐይሰ፡ ሕየንተ፡ እሳት፡ እስመ፡ ዘእንበለ፡ ፀሐይ፡ ኢይክል፡ ፈርየ፡ ሥርናይ።	ወከማሁ፡ ዛቲ፡ ኅጠት፡ ትበቍል፡ እምነፋስ፡ ወማይ፡ ወመሬት፡ ወፀሐይሰ፡ ሕየንተ፡ እሳት፡ እስመ፡ ዘእንበለ፡ ፀሐይ፡ ኢይክል፡ ፈርየ፡ ሥርናይ።
17:4	ወነፋስኒ፡ ህየንት፡ ነድስ፡ ወዘእንበለ፡ ነፋስ፡ ኢይክል፡ ፈርየ፡ ሥርናይ፡ ወማይኒ፡ ዘያሠቅያ፡ ወያረውያ፡ ለምድር።	ወነፋስኒ፡ ህየንት፡ ነድስ፡ ወዘእንበለ፡ ነፋስ፡ ኢይክል፡ ፈርየ፡ ሥርናይ፡ ወማይኒ፡ ዘያሠቅያ፡ ወያረውያ፡ ለምድር።
17:5	ወእምከመ፡ ረውየት፡ ሐመድ፡ ወመሬት፡ ይገብር፡ ሥርወ፡ ወይትሊዓል፡ መልዕልተ፡ ወትፈሪ፡ በአምጣነ፡ ባረካ፡ እግዚአብሔር።	ወእምከመ፡ ረውየት፡ ሐመድ፡ ወመሬት፡ ይገብር፡ ሥርወ፡ ወይትሊዓል፡ መልዕልተ፡ ወትፈሪ፡ በአምጣነ፡ ባረካ፡ እግዚአብሔር።
17:6	እስመ፡ ኅጠተ፡ ሥርናይሰ፡ በአምሳለ፡ አዳም፡ ዘተነፍሐት፡ ላዕሌሁ፡ መንፈሰ፡ እግዚአብሔር፡ ነባቢት፡ ወዕፀ፡ ወይንሂ፡ ከማሁ፡ ይሠቀይ፡ በማይ፡ ወይገብር፡ ሥርወ፡ ወይነሥእ፡ ማየ፡ አህባለ፡ ሥርው፡ ደቃቅ።	እስመ፡ ኅጠተ፡ ሥርናይሰ፡ በአምሳለ፡ አዳም፡ ዘተነፍሐት፡ ላዕሌሁ፡ መንፈሰ፡ እግዚአብሔር፡ ነባቢት፡ ወዕፀ፡ ወይንሂ፡ ከማሁ፡ ይሠቀይ፡ በማይ፡ ወይገብር፡ ሥርወ፡ ወይነሥእ፡ ማየ፡ አህባለ፡ ሥርው፡ ደቃቅ።
17:7	ወየዐርጋ፡ ሰማይላዕለ፡ ውስተ፡ ከተማ፡ አቍፅል፡ እስመ፡ ጠለ፡ ምሕረት፡ እምኀበ፡ እግዚአብሔር፡ ያጠብዎን፡ ውስተ፡ ከተማ፡ አሕሩግ፡ ነዋኀተወይበስል፡ በላህበ፡ ፀሐይ፡ ወይገብር፡ ፍሬ፡ ዘእምኀበ፡ እግዚአብሔር።	ወየዐርጋ፡ ሰማይላዕለ፡ ውስተ፡ ከተማ፡ አቍፅል፡ እስመ፡ ጠለ፡ ምሕረት፡ እምኀበ፡ እግዚአብሔር፡ ያጠብዎን፡ ውስተ፡ ከተማ፡ አሕሩግ፡ ነዋኀተወይበስል፡ በላህበ፡ ፀሐይ፡ ወይገብር፡ ፍሬ፡ ዘእምኀበ፡ እግዚአብሔር።
17:8	ወትገብር፡ መዓዛ፡ ሠናየ፡ ዘያስተፌሥሕ፡ ልበ፡ ወቦቱ፡ ሶበ፡ ይበልዕዎ፡ ያጸግብ፡ በከመ፡ ማይ፡ ወኅብስተ፡ ዘኢያርህብ፡ ወኢያጸምዕ፡ ወሶበ፡ የዓፅርዋ፡ ትገብር፡ ደመ፡ አስካል።	ወትገብር፡ መዓዛ፡ ሠናየ፡ ዘያስተፌሥሕ፡ ልበ፡ ወቦቱ፡ ሶበ፡ ይበልዕዎ፡ ያጸግብ፡ በከመ፡ ማይ፡ ወኅብስተ፡ ዘኢያርህብ፡ ወኢያጸምዕ፡ ወሶበ፡ የዓፅርዋ፡ ትገብር፡ ደመ፡ አስካል።
17:9	ወሶበ፡ ይስትይዋ፡ ታስተፌሥሕ፡ ልበ፡ ሰብእ፡ በከመ፡ ይቤ፡ በመዝሙር፡ ወይን፡ ያስተፌሥሕ፡ ልበ፡ ሰብዕ፡ ወብእሲ፡ ሥሙር፡ ይሰክር፡ ሶበ፡ ያበቍ፡ አፉሁ፡ ወይውኅጥ፡ ወይመልዕ፡ ውስተ፡ ሰንብዑ፡ ወይትከዐው፡ ደሙ፡ ውስተ፡ ልቡ።	ወሶበ፡ ይስትይዋ፡ ታስተፌሥሕ፡ ልበ፡ ሰብእ፡ በከመ፡ ይቤ፡ በመዝሙር፡ ወይን፡ ያስተፌሥሕ፡ ልበ፡ ሰብዕ፡ ወብእሲ፡ ሥሙር፡ ይሰክር፡ ሶበ፡ ያበቍ፡ አፉሁ፡ ወይውኅጥ፡ ወይመልዕ፡ ውስተ፡ ሰንብዑ፡ ወይትከዐው፡ ደሙ፡ ውስተ፡ ልቡ።
17:10	ወይሬስዮ፡ ዘእንበለ፡ ልብ፡ እስመ፡ ስካረ፡ ወይን፡ ፈድፋደ፡ የዓብድ፡ ወይሬስዮ፡ ለጸድፍ፡ ወለጐጻጕጽ፡ ከመ፡ ምድር፡ ስፍሕት፡ ወኢየአምር፡ ዕቅፍት፡ ወሦከ፡ ዘውስተ፡ እደዊሁ፡ ወእገሪሁ።	ወይሬስዮ፡ ዘእንበለ፡ ልብ፡ እስመ፡ ስካረ፡ ወይን፡ ፈድፋደ፡ የዓብድ፡ ወይሬስዮ፡ ለጸድፍ፡ ወለጐጻጕጽ፡ ከመ፡ ምድር፡ ስፍሕት፡ ወኢየአምር፡ ዕቅፍት፡ ወሦከ፡ ዘውስተ፡ እደዊሁ፡ ወእገሪሁ።
17:11	ወከመዝ፡ ገብረ፡ እግዚአብሔር፡ በዕፀ፡ ወይን፡ ወበፍሬሃ፡ ከመ፡ ይትአኰት፡ ሰሙ፡ ለአለ፡ ይገብሩ፡ ፈቃዶ፡ ወለእለ፡ የአምኑ፡ ትንሣኤ፡ ምውታን።	ወከመዝ፡ ገብረ፡ እግዚአብሔር፡ በዕፀ፡ ወይን፡ ወበፍሬሃ፡ ከመ፡ ይትአኰት፡ ሰሙ፡ ለአለ፡ ይገብሩ፡ ፈቃዶ፡ ወለእለ፡ የአምኑ፡ ትንሣኤ፡ ምውታን።
17:12	ወያስተፌሥሖሙ፡ በማኅደረ፡ ሕይወት፡ ለእለ፡ የአምኑ፡ ትንሣኤ፡ ምውታን።	ወያስተፌሥሖሙ፡ በማኅደረ፡ ሕይወት፡ ለእለ፡ የአምኑ፡ ትንሣኤ፡ ምውታን።

read Ge'ez alone read Ge'ez alone