2 Meqabyan (Ethiopian)

2 Meqabyan (Ethiopian) 5 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
5:1	ወኀደገ፡ ዕጐሊሁ፡ ውሉደ፡ ንዑሳነ፡ ወልህቁ፡ በከመ፡ ሠርዖሙ፡ አቡሆሙ፡ ወዓቀቡ፡ ሥርዓተ፡ ቤቶሙ፡ ወኵሎ፡ ዘዚአሆሙ፡ የዓቅዑ፡ ወኢያግዕሩ፡ ነደየ፡ ወእጓለ፡ ማውታ፡ ወዕቤረ።	ወኀደገ፡ ዕጐሊሁ፡ ውሉደ፡ ንዑሳነ፡ ወልህቁ፡ በከመ፡ ሠርዖሙ፡ አቡሆሙ፡ ወዓቀቡ፡ ሥርዓተ፡ ቤቶሙ፡ ወኵሎ፡ ዘዚአሆሙ፡ የዓቅዑ፡ ወኢያግዕሩ፡ ነደየ፡ ወእጓለ፡ ማውታ፡ ወዕቤረ።
5:2	ወይፈርህዎ፡ ለእግዚአብሔር፡ ወይመጸውቱ፡ ንዋዮሙ፡ ለነዳያን፡ ወይትመሐፀኑ፡ በኵሉ፡ ዘአማኅፀኖሙ፡ አቡሆሙ፡ ወይናዝዙ፡ ዕቤረ፡ ወእጓለ፡ ማውታ፡ በተፅናሶሙ፡ ወይከውንዎሙ፡ አበ፡ ወእመ፡ ወያነግፍዎሙ፡ እምእደ፡ ገፋዕያኒሆሙ፡ ወይናዝዝዎሙ፡ በኵሉ፡ ዘረከቦሙ፡ ሁከት፡ ወኀዘን።	ወይፈርህዎ፡ ለእግዚአብሔር፡ ወይመጸውቱ፡ ንዋዮሙ፡ ለነዳያን፡ ወይትመሐፀኑ፡ በኵሉ፡ ዘአማኅፀኖሙ፡ አቡሆሙ፡ ወይናዝዙ፡ ዕቤረ፡ ወእጓለ፡ ማውታ፡ በተፅናሶሙ፡ ወይከውንዎሙ፡ አበ፡ ወእመ፡ ወያነግፍዎሙ፡ እምእደ፡ ገፋዕያኒሆሙ፡ ወይናዝዝዎሙ፡ በኵሉ፡ ዘረከቦሙ፡ ሁከት፡ ወኀዘን።
5:3	ወነበሩ፡ እንዘ፡ ከመዝ፡ ይግብሩ	ወነበሩ፡ እንዘ፡ ከመዝ፡ ይግብሩ
5:4	ወእምድኅሬሁ፡ መጽአ፡ ጺሩጻይዳን፡ ንጉሥ፡ ከለዳውያን፡ ወአጥፍአ፡ ኵሎ፡ ሀገሮሙ፡ ወፄወውዎሙ፡ ለደቂቀ፡ መቃቢስ፡ ወአጥፍአ፡ ኵሉ፡ ብሔሮሙ።	ወእምድኅሬሁ፡ መጽአ፡ ጺሩጻይዳን፡ ንጉሥ፡ ከለዳውያን፡ ወአጥፍአ፡ ኵሎ፡ ሀገሮሙ፡ ወፄወውዎሙ፡ ለደቂቀ፡ መቃቢስ፡ ወአጥፍአ፡ ኵሉ፡ ብሔሮሙ።
5:5	ወማኅረከ፡ ኵሉ፡ ንዋዮሙ፡ ወኪያሆሙኒ፡ አኃዝዎሙ፡ ወወሰድዎሙ፡ ውስተ፡ ብሔሮሙ፡ መምላክያነ፡ ጣዖት፡ እለ፡ ኢየሐውሩ፡ በትእዛዙ፡ ወበኵነኔሁ፡ ለእግዚአብሔር፡ አላ፡ ውስተ፡ ኵሉ፡ እኩይ፡ ወዝሙት፡ ወርኩስ፡ ወስስዕት፡ ወጽርፈት፡ ወኢተዘክሮ፡ አምላኮሙ።	ወማኅረከ፡ ኵሉ፡ ንዋዮሙ፡ ወኪያሆሙኒ፡ አኃዝዎሙ፡ ወወሰድዎሙ፡ ውስተ፡ ብሔሮሙ፡ መምላክያነ፡ ጣዖት፡ እለ፡ ኢየሐውሩ፡ በትእዛዙ፡ ወበኵነኔሁ፡ ለእግዚአብሔር፡ አላ፡ ውስተ፡ ኵሉ፡ እኩይ፡ ወዝሙት፡ ወርኩስ፡ ወስስዕት፡ ወጽርፈት፡ ወኢተዘክሮ፡ አምላኮሙ።
5:6	ወኢይበልዑ፡ ኵሎ፡ ማውታ፡ ወደመ፡ ወብልዓ፡ አርዌ፡ ወብትከ፡ ወኵሎ፡ ዘኢይሠምር፡ እግዚአብሔር፡ ወአልቦ፡ ሕግ፡ እምኵሉ፡ ትእዛዛተ፡ ጽድቅ፡ ዘጽሑፍ፡ ውስተ፡ ኦሪት።	ወኢይበልዑ፡ ኵሎ፡ ማውታ፡ ወደመ፡ ወብልዓ፡ አርዌ፡ ወብትከ፡ ወኵሎ፡ ዘኢይሠምር፡ እግዚአብሔር፡ ወአልቦ፡ ሕግ፡ እምኵሉ፡ ትእዛዛተ፡ ጽድቅ፡ ዘጽሑፍ፡ ውስተ፡ ኦሪት።
5:7	ወኢያእምርዎ፡ ለእግዚአብሔር፡ ከመ፡ ውእቱ፡ ፈጣሪሆሙ፡ ወመድኃኒሆሙ፡ ዘአውጽ፡ ኦሙ፡ እምከርሠ፡ እሞሙ፡ ወሴሰዮሙ፡ በዘይደሉ።	ወኢያእምርዎ፡ ለእግዚአብሔር፡ ከመ፡ ውእቱ፡ ፈጣሪሆሙ፡ ወመድኃኒሆሙ፡ ዘአውጽ፡ ኦሙ፡ እምከርሠ፡ እሞሙ፡ ወሴሰዮሙ፡ በዘይደሉ።
5:8	ወአልቦሙ፡ ሕግ፡ በውስተ፡ ፍትሕ፡ እለ፡ የሐውሩ፡ ውስተ፡ ፁግ፡ ወትዕግልት፡ ወዝሙት፡ ወርኩስ፡ እንዘ፡ ያወስቡ፡ ብእሲተእ፡ አቡሆሙ፡ ወእኅተ፡ እሞሙ። ወይገብሩ፡ ክውሎ፡ እኩየ፡ ወያወስቡ፡ እኅቶሙ፡ ወአዝማዲሆሙ፡ ወአልቦሙ፡ ሕግ።	ወአልቦሙ፡ ሕግ፡ በውስተ፡ ፍትሕ፡ እለ፡ የሐውሩ፡ ውስተ፡ ፁግ፡ ወትዕግልት፡ ወዝሙት፡ ወርኩስ፡ እንዘ፡ ያወስቡ፡ ብእሲተእ፡ አቡሆሙ፡ ወእኅተ፡ እሞሙ። ወይገብሩ፡ ክውሎ፡ እኩየ፡ ወያወስቡ፡ እኅቶሙ፡ ወአዝማዲሆሙ፡ ወአልቦሙ፡ ሕግ።
5:9	ወኵሉ፡ ፍኖቶሙ፡ ዳኅፅ፡ ወጽልመት፡ ወርኩስ፡ ወዝሙት።	ወኵሉ፡ ፍኖቶሙ፡ ዳኅፅ፡ ወጽልመት፡ ወርኩስ፡ ወዝሙት።
5:10	ወእሙንቱሰ፡ ደቂቀ፡ መቃቢስ፡ ይትዓቀቡ፡ በኵሉ፡ ዘዚአሆሙ፡ ትኅርምት፡ ወኢይበልዑ፡ ማውታ፡ ወብትከ፡ ወኵሎ፡ ርኵሶሙ፡ ወኃጢአቶሙ፡ ለደቂቀ፡ ከለዳውያን፡ እስመ፡ እኩይ፡ ወብዙኅ፡ ምግባሪሆሙ፡ ዘኢትጽሕፈ፡ ውስተ፡ ዝንቱ፡ መጽሐፍ፡ ዘይገብሩ፡ ደቂቀ፡ አረባማያን፡ ኃጥአን፡ ወዓላውያን፡ መናፍቃን፡ ወጽልሕዋን፡ ወምሉዓን፡ ጺዕ፡ ወርኵስ፡ ወትዕግልት።	ወእሙንቱሰ፡ ደቂቀ፡ መቃቢስ፡ ይትዓቀቡ፡ በኵሉ፡ ዘዚአሆሙ፡ ትኅርምት፡ ወኢይበልዑ፡ ማውታ፡ ወብትከ፡ ወኵሎ፡ ርኵሶሙ፡ ወኃጢአቶሙ፡ ለደቂቀ፡ ከለዳውያን፡ እስመ፡ እኩይ፡ ወብዙኅ፡ ምግባሪሆሙ፡ ዘኢትጽሕፈ፡ ውስተ፡ ዝንቱ፡ መጽሐፍ፡ ዘይገብሩ፡ ደቂቀ፡ አረባማያን፡ ኃጥአን፡ ወዓላውያን፡ መናፍቃን፡ ወጽልሕዋን፡ ወምሉዓን፡ ጺዕ፡ ወርኵስ፡ ወትዕግልት።
5:11	ወአልቦ፡ ላዕሌሆሙ፡ ክሉ፡ ዘይሠምር፡ እግዚአብሔር፡ ፈጣሪሆሙ።	ወአልቦ፡ ላዕሌሆሙ፡ ክሉ፡ ዘይሠምር፡ እግዚአብሔር፡ ፈጣሪሆሙ።
5:12	ወካዕበ፡ ያመልኩ፡ ጣዖተ፡ ዘስሙ፡ ብኤል፡ ፌጎር፡ ወያመልክዎ፡ ወይትአመንዎ፡ ከመ፡ እግዚአብሔር፡ ፈጣሪሆሙ፡ እስመ፡ ጽሙም፡ ወበሐም፡ ውእቱ፡ ወአልቦ፡ ዘይሬኢ፡ ወዘይሰምዕ፡ እስመ፡ ግልፎ፡ ግብረ፡ እደ፡ ሰብእ፡ ውእቱ፡ ዘሰበኮ፡ ነሀቤ፡ ወርቅ፡ ወብሩር፡ ግብረ፡ ግብረ፡ እጓለ፡ እመሕያው፡ ዘአልቦ፡ አእመሮ፡ ወእስትንፋስ።	ወካዕበ፡ ያመልኩ፡ ጣዖተ፡ ዘስሙ፡ ብኤል፡ ፌጎር፡ ወያመልክዎ፡ ወይትአመንዎ፡ ከመ፡ እግዚአብሔር፡ ፈጣሪሆሙ፡ እስመ፡ ጽሙም፡ ወበሐም፡ ውእቱ፡ ወአልቦ፡ ዘይሬኢ፡ ወዘይሰምዕ፡ እስመ፡ ግልፎ፡ ግብረ፡ እደ፡ ሰብእ፡ ውእቱ፡ ዘሰበኮ፡ ነሀቤ፡ ወርቅ፡ ወብሩር፡ ግብረ፡ ግብረ፡ እጓለ፡ እመሕያው፡ ዘአልቦ፡ አእመሮ፡ ወእስትንፋስ።
5:13	ወኢይበልዕ፡ ወኢይሰቲ።	ወኢይበልዕ፡ ወኢይሰቲ።
5:14	ወኢይቀትል፡ ወኢያሐዩ።	ወኢይቀትል፡ ወኢያሐዩ።
5:15	ወኢይተክል፡ ወኢይምሑ።	ወኢይተክል፡ ወኢይምሑ።
5:16	ኢየሐስም፡ ወኢያሤኒ።	ኢየሐስም፡ ወኢያሤኒ።
5:17	ኢያነጹ፡ ወኢያብዕል።	ኢያነጹ፡ ወኢያብዕል።
5:18	ኢይቀሥፍ፡ ወኢይሠሃል፡ አላ፡ ባሕቱ፡ ዕቅፍት፡ ይከውን፡ ለአስሕቶ፡ ዓብዳን፡ ሕዝበ፡ ከለዳውያን።	ኢይቀሥፍ፡ ወኢይሠሃል፡ አላ፡ ባሕቱ፡ ዕቅፍት፡ ይከውን፡ ለአስሕቶ፡ ዓብዳን፡ ሕዝበ፡ ከለዳውያን።