2 Meqabyan (Ethiopian)

2 Meqabyan (Ethiopian) 6 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
6:1	ወገብረ፡ ዕቡይ፡ ጺሩጻይዳን፡ ፀረ፡ እግዚአብሔር፡ ካህናተ፡ ሐሰት፡ ወገሃነውተ፡ አማልክት።	ወገብረ፡ ዕቡይ፡ ጺሩጻይዳን፡ ፀረ፡ እግዚአብሔር፡ ካህናተ፡ ሐሰት፡ ወገሃነውተ፡ አማልክት።
6:2	ወይሠውዑ፡ ሎሙ፡ ወያወጽሑ፡ ሎሙ።	ወይሠውዑ፡ ሎሙ፡ ወያወጽሑ፡ ሎሙ።
6:3	ወይመስሎ፡ ከመ፡ እሙንቱ፡ ዘይበልዑ፡ ወይሰትዩ።	ወይመስሎ፡ ከመ፡ እሙንቱ፡ ዘይበልዑ፡ ወይሰትዩ።
6:4	ወይሁቦሙ፡ ለእለ፡ ጸብሐት፡ አልህምተ፡ ወአባግዓ፡ ወሐራጊተ፡ ወአጠሊ። ወይሠውዑ፡ ሠርከ፡ ወነግህ፡ ወይበልዕ፡ እምይእቲ፡ መሥዋዕት፡ ርኩሰት።	ወይሁቦሙ፡ ለእለ፡ ጸብሐት፡ አልህምተ፡ ወአባግዓ፡ ወሐራጊተ፡ ወአጠሊ። ወይሠውዑ፡ ሠርከ፡ ወነግህ፡ ወይበልዕ፡ እምይእቲ፡ መሥዋዕት፡ ርኩሰት።
6:5	ወአኮ፡ ለሊሆሙ፡ ባሕቲቶሙ፡ ዘይገብርዎ፡ አላ፡ ለአብእኒ፡ ይዌህክዎሙ፡ ወያጌብርዎሙ፡ ከመ፡ ይሡዑ፡ ለአማልክቲሆሙ።	ወአኮ፡ ለሊሆሙ፡ ባሕቲቶሙ፡ ዘይገብርዎ፡ አላ፡ ለአብእኒ፡ ይዌህክዎሙ፡ ወያጌብርዎሙ፡ ከመ፡ ይሡዑ፡ ለአማልክቲሆሙ።
6:6	ወሶበ፡ እይዎሙ፡ ለደቂቀ፡ መቃቢስ፡ ከመ፡ ሠናያን፡ እሙንቱ፡ ወያመልክዎ፡ ለእግዚአብሔር፡ ፈጣሪሆሙ፡ ፈቀዱ፡ እሙንቱ፡ ገነውተ፡ አማልክተ፡ ያስሕትዎሙ፡ ከመ፡ ይሡዑ፡ ወይብልዑ፡ እምይእቲ፡ መሥዋዕት፡ ርኵሰት። ወአበይዎሙ፡ እሉ፡ ቡሩካን።	ወሶበ፡ እይዎሙ፡ ለደቂቀ፡ መቃቢስ፡ ከመ፡ ሠናያን፡ እሙንቱ፡ ወያመልክዎ፡ ለእግዚአብሔር፡ ፈጣሪሆሙ፡ ፈቀዱ፡ እሙንቱ፡ ገነውተ፡ አማልክተ፡ ያስሕትዎሙ፡ ከመ፡ ይሡዑ፡ ወይብልዑ፡ እምይእቲ፡ መሥዋዕት፡ ርኵሰት። ወአበይዎሙ፡ እሉ፡ ቡሩካን።
6:7	ወስእንዎሙ፡ ኦሁ፡ አብሎቶሙ፡ እስመ፡ ትእዛዘ፡ አቡሆሙ፡ የዓክቡ፡ ወይፀንዑ፡ በገቢረ፡ ሠናይ፡ ወይፈርህዎ፡ ለእግዚአብሔር፡ ፈድፋደ።	ወስእንዎሙ፡ ኦሁ፡ አብሎቶሙ፡ እስመ፡ ትእዛዘ፡ አቡሆሙ፡ የዓክቡ፡ ወይፀንዑ፡ በገቢረ፡ ሠናይ፡ ወይፈርህዎ፡ ለእግዚአብሔር፡ ፈድፋደ።
6:8	ወሶበ፡ ሐመይዎሙ፡ ወፀረፉ፡ ላዕሌሆሙ፡ ወተዓገልዎሙ።	ወሶበ፡ ሐመይዎሙ፡ ወፀረፉ፡ ላዕሌሆሙ፡ ወተዓገልዎሙ።
6:9	ወነገርዎ፡ ለጺሩጻይዳን፡ ንጉሥ፡ ከመ፡ አብየ፡ ሰጊደ፡ ወሠዊዓ፡ ለአማልክቲሁ።	ወነገርዎ፡ ለጺሩጻይዳን፡ ንጉሥ፡ ከመ፡ አብየ፡ ሰጊደ፡ ወሠዊዓ፡ ለአማልክቲሁ።
6:10	ወበእንተዝ፡ ተምዓ፡ ንጉሥ፡ ወኀዘነ፡ ወአዘዘ፡ ያምጽእዎም፡ ወአምጽእዎሙ፡ ወአቀም፡ ዎሙ፡ ቅድሜሁ፡ ወይቤሎሙ፡ ሡዑ፡ ወስግዱ፡ ለአማልክትየ።	ወበእንተዝ፡ ተምዓ፡ ንጉሥ፡ ወኀዘነ፡ ወአዘዘ፡ ያምጽእዎም፡ ወአምጽእዎሙ፡ ወአቀም፡ ዎሙ፡ ቅድሜሁ፡ ወይቤሎሙ፡ ሡዑ፡ ወስግዱ፡ ለአማልክትየ።
6:11	ወአውሥኡ፡ ወይቤልዎ፡ ንሕነሰ፡ ኢንሰጠወከ፡ በዝነገር፡ ወኢንሠውዕ፡ ለአማልክቲከ፡ ርኩሳን።	ወአውሥኡ፡ ወይቤልዎ፡ ንሕነሰ፡ ኢንሰጠወከ፡ በዝነገር፡ ወኢንሠውዕ፡ ለአማልክቲከ፡ ርኩሳን።
6:12	ወገረሞሙ፡ በብዙኅ፡ ግብር፡ ወኢክህሎሙ፡ እስመ፡ አጥብዑ፡ ልቦሙ፡ ለእግዚአብሔር።	ወገረሞሙ፡ በብዙኅ፡ ግብር፡ ወኢክህሎሙ፡ እስመ፡ አጥብዑ፡ ልቦሙ፡ ለእግዚአብሔር።
6:13	ወአንደደ፡ እሳት፡ ወወደዮሙ፡ ወመጠዉ፡ ነፍሶሙ፡ ለእግዚአብሔር።	ወአንደደ፡ እሳት፡ ወወደዮሙ፡ ወመጠዉ፡ ነፍሶሙ፡ ለእግዚአብሔር።
6:14	ወአስተርአይዎ፡ ሕያዋኒሆሙ፡ እምድኅረ፡ ሞቱ፡ እንዘ፡ እኅዙ፡ አሰይፍቲሆሙ፡ ምሉ፡ ሐተ፡ እንዘ፡ ይነውም፡ ውስተ፡ ዓራተ፡ መንግሥቱ፡ በሌሊት፡ ወፈርሃ፡ ፈድፋደ።	ወአስተርአይዎ፡ ሕያዋኒሆሙ፡ እምድኅረ፡ ሞቱ፡ እንዘ፡ እኅዙ፡ አሰይፍቲሆሙ፡ ምሉ፡ ሐተ፡ እንዘ፡ ይነውም፡ ውስተ፡ ዓራተ፡ መንግሥቱ፡ በሌሊት፡ ወፈርሃ፡ ፈድፋደ።
6:15	ወይቤሎሙ፡ ምንተ፡ እግበር፡ ለክሙ፡ አጋዕዝትየ፡ ብቍዑኒ፡ ወኢትንሥእዋ፡ ለነፍስየ፡ ከመ፡ እግበር፡ ኵሎ፡ ዘአዘዝክሙኒ፡ ወአፍርህዎ፡ ፈድፋደ።	ወይቤሎሙ፡ ምንተ፡ እግበር፡ ለክሙ፡ አጋዕዝትየ፡ ብቍዑኒ፡ ወኢትንሥእዋ፡ ለነፍስየ፡ ከመ፡ እግበር፡ ኵሎ፡ ዘአዘዝክሙኒ፡ ወአፍርህዎ፡ ፈድፋደ።
6:16	ወነገርዎ፡ ኵሎ፡ ዘይደሉ፡ እንዘ፡ ይብሉ፡ ተዘከር፡ ከመ፡ እግዚአብሔር፡ ፈጠሪከ፡ ውእቱ፡ ወሀሎ፡ ዘይሥዕረከ፡ እምዝ፡ ትዕቢትከ፡ ወያወርደከ፡ ውስተ፡ ገሃነም፡ መትሕተ፡ ምስለ፡ ዲያብሎስ፡ አቡከ፡ ወበህየ፡ ትፌጽም፡ ክውሎ፡ ኵነኔከ፡ በከመ፡ አውዓይከነ፡ በእሳት፡ እንዘ፡ አልቦ፡ ዘአበሰነ፡ ላዕሌከ፡ ወእንዘ፡ ናመልኮ፡ ለእግዚአብሔር፡ ፈጣሪነ፡ ወንሰግድ፡ ሎቱ፡ በፈሪሆቱ፡ ለእግዚአብሔር።	ወነገርዎ፡ ኵሎ፡ ዘይደሉ፡ እንዘ፡ ይብሉ፡ ተዘከር፡ ከመ፡ እግዚአብሔር፡ ፈጠሪከ፡ ውእቱ፡ ወሀሎ፡ ዘይሥዕረከ፡ እምዝ፡ ትዕቢትከ፡ ወያወርደከ፡ ውስተ፡ ገሃነም፡ መትሕተ፡ ምስለ፡ ዲያብሎስ፡ አቡከ፡ ወበህየ፡ ትፌጽም፡ ክውሎ፡ ኵነኔከ፡ በከመ፡ አውዓይከነ፡ በእሳት፡ እንዘ፡ አልቦ፡ ዘአበሰነ፡ ላዕሌከ፡ ወእንዘ፡ ናመልኮ፡ ለእግዚአብሔር፡ ፈጣሪነ፡ ወንሰግድ፡ ሎቱ፡ በፈሪሆቱ፡ ለእግዚአብሔር።
6:17	እስመ፡ ውእቱ፡ ፈጣሪ፡ ኵሉ፡ ዘገብረ፡ ሰማየ፡ ወምድረ፡ ወባሕረ፡ ዘኵሎ፡ ዘውስቴታ።	እስመ፡ ውእቱ፡ ፈጣሪ፡ ኵሉ፡ ዘገብረ፡ ሰማየ፡ ወምድረ፡ ወባሕረ፡ ዘኵሎ፡ ዘውስቴታ።
6:18	ፀሐየ፡ ወወርኀ፡ ወከዋክብተ፡ ወኵሎ፡ ፍጥረተ፡ ዘፈጠረ፡ እግዚአብሔር፡ ለሊሁ።	ፀሐየ፡ ወወርኀ፡ ወከዋክብተ፡ ወኵሎ፡ ፍጥረተ፡ ዘፈጠረ፡ እግዚአብሔር፡ ለሊሁ።
6:19	ወአልቦ፡ ባዕደ፡ አምላክ፡ ዘእንበሌሁ፡ በሰማይ፡ በላዕሉ፡ ወበምድር፡ ባታሕቱ፡ ዘይክል፡ ኵሎ፡ ወአልቦ፡ ዘይሠዓኖ፡ ዘይቀትል፡ ወያሐዩ፡ ዘይቀሥፍ፡ ወይሣሃል።	ወአልቦ፡ ባዕደ፡ አምላክ፡ ዘእንበሌሁ፡ በሰማይ፡ በላዕሉ፡ ወበምድር፡ ባታሕቱ፡ ዘይክል፡ ኵሎ፡ ወአልቦ፡ ዘይሠዓኖ፡ ዘይቀትል፡ ወያሐዩ፡ ዘይቀሥፍ፡ ወይሣሃል።
6:20	ወአልቦ፡ ዘይመሥጥ፡ እምእዴሁ፡ እስመ፡ መላኬ፡ ሰማይ፡ ወምድር፡ ውእቱ።	ወአልቦ፡ ዘይመሥጥ፡ እምእዴሁ፡ እስመ፡ መላኬ፡ ሰማይ፡ ወምድር፡ ውእቱ።
6:21	ወአልቦ፡ ዘይትዓደው፡ እምትእዛዙ፡ እምዘውእቱ፡ ፈጠሮ፡ ዘእንበለ፡ አንተ፡ ወምዕላይ፡ ወእለ፡ ከማከ፡ መምዕልያን፡ እለ፡ አዖረ፡ አቡከ፡ ሰይጣን፡ ልቦሙ፡ እሙንቱ፡ ወአንተ፡ ወአማልክቲከ፡ ትወርዱ፡ ኅቡረ፡ ውስተ፡ ገሃነመ፡ እንተ፡ አልባቲ፡ ሙፃዕ፡ እስከ፡ ለዓለም።	ወአልቦ፡ ዘይትዓደው፡ እምትእዛዙ፡ እምዘውእቱ፡ ፈጠሮ፡ ዘእንበለ፡ አንተ፡ ወምዕላይ፡ ወእለ፡ ከማከ፡ መምዕልያን፡ እለ፡ አዖረ፡ አቡከ፡ ሰይጣን፡ ልቦሙ፡ እሙንቱ፡ ወአንተ፡ ወአማልክቲከ፡ ትወርዱ፡ ኅቡረ፡ ውስተ፡ ገሃነመ፡ እንተ፡ አልባቲ፡ ሙፃዕ፡ እስከ፡ ለዓለም።
6:22	እስመ፡ ኢኮንከ፡ አንተ፡ ባሕቲትከ፡ ዘትገብር፡ ዘንተ፡ አላ፡ ሰይጣን፡ መምህረከ፡ ዘመሀረከ፡ ዘንተ፡ ምግባረ፡ እኩየ፡ ከመ፡ ታሕሥም፡ ላዕሌነ።	እስመ፡ ኢኮንከ፡ አንተ፡ ባሕቲትከ፡ ዘትገብር፡ ዘንተ፡ አላ፡ ሰይጣን፡ መምህረከ፡ ዘመሀረከ፡ ዘንተ፡ ምግባረ፡ እኩየ፡ ከመ፡ ታሕሥም፡ ላዕሌነ።
6:23	ወኢያእመርኮ፡ ለእግዚአብሔር፡ ፈጣሪከ፡ ወተፌሲ፡ ርእሰከ፡ ከመ፡ እግዚአብሔር፡ ፈጣሪከ።	ወኢያእመርኮ፡ ለእግዚአብሔር፡ ፈጣሪከ፡ ወተፌሲ፡ ርእሰከ፡ ከመ፡ እግዚአብሔር፡ ፈጣሪከ።
6:24	ወትትዔበይ፡ በግብረ፡ እደዊከ፡ ወበጣዖትከ፡ እስከ፡ የኃሥረከ፡ እግዚአብሔር፡ ወያወርደከ፡ መፍሕተ፡ ገሃነም፡ ወይትቤቀለከ፡ በእንተ፡ ኵሉ፡ አበሳ፡ ወኃጢአት፡ ዘገበርከ፡ በዲበ፡ ምድር።	ወትትዔበይ፡ በግብረ፡ እደዊከ፡ ወበጣዖትከ፡ እስከ፡ የኃሥረከ፡ እግዚአብሔር፡ ወያወርደከ፡ መፍሕተ፡ ገሃነም፡ ወይትቤቀለከ፡ በእንተ፡ ኵሉ፡ አበሳ፡ ወኃጢአት፡ ዘገበርከ፡ በዲበ፡ ምድር።