| 7:1 | አሌ፡ ለከ፡ እንተ፡ ወእለ፡ ከማከ፡ እለ፡ ኢተአምርዎ፡ ለእግዚአብሔር፡ ዘፈጠርክሙ፡ ወኢተአምሩ፡ ትእዛዞ፡ ወቃሎ፡ እስመ፡ ሀለወክሙ፡ ትነሥሑ፡ ኀበ፡ ዘኢይበቍዕ፡ ንስሐ፡ ሶበ፡ ተቀሠፍክሙ፡ በፃዕረ፡ ሲኦል። | አሌ፡ ለከ፡ እንተ፡ ወእለ፡ ከማከ፡ እለ፡ ኢተአምርዎ፡ ለእግዚአብሔር፡ ዘፈጠርክሙ፡ ወኢተአምሩ፡ ትእዛዞ፡ ወቃሎ፡ እስመ፡ ሀለወክሙ፡ ትነሥሑ፡ ኀበ፡ ዘኢይበቍዕ፡ ንስሐ፡ ሶበ፡ ተቀሠፍክሙ፡ በፃዕረ፡ ሲኦል። |
|---|
| 7:2 | ወአልብክሙ፡ ሙፃዕ፡ እምኔሃ፡ እስከ፡ ለዓለም፡ አንተ፡ ወአማልክቲከ፡ ወእለ፡ ትሠውዑ፡ ወትሰግዱ፡ ሎሙ፡ ከመ፡ እግዚአብሔር፡ ፈጣሪክሙ፡ ለእለ፡ አልቦሙ፡ ነፍሰ፡ ወእስትንፋስ፡ ወእለ፡ ኢይትቤከሉ፡ ለዘአሕሰመ፡ ሎሙ፡ ወኢያሤንዩ፡ ለዘአሠነየ፡ ሎሙ። | ወአልብክሙ፡ ሙፃዕ፡ እምኔሃ፡ እስከ፡ ለዓለም፡ አንተ፡ ወአማልክቲከ፡ ወእለ፡ ትሠውዑ፡ ወትሰግዱ፡ ሎሙ፡ ከመ፡ እግዚአብሔር፡ ፈጣሪክሙ፡ ለእለ፡ አልቦሙ፡ ነፍሰ፡ ወእስትንፋስ፡ ወእለ፡ ኢይትቤከሉ፡ ለዘአሕሰመ፡ ሎሙ፡ ወኢያሤንዩ፡ ለዘአሠነየ፡ ሎሙ። |
|---|
| 7:3 | እስመ፡ ግብረ፡ እደ፡ ሰብእ፡ እሙንቱ፡ እለ፡ ይትናገር፡ ሰይጣን፡ በውስቴቶሙ፡ ለአስሕቶ፡ ልብ፡ ዘከማከ፡ ዓብዳን፡ ከመ፡ ያወርድክሙ፡ ውስተ፡ ገሃነም፡ ዘእሳት፡ ለክሙኒ፡ ወለገነውተ፡ አማልክቲክሙ፡ ወለእለ፡ ይትዔዘዙክሙ፡ አጋንንት፡ ለክሙ። | እስመ፡ ግብረ፡ እደ፡ ሰብእ፡ እሙንቱ፡ እለ፡ ይትናገር፡ ሰይጣን፡ በውስቴቶሙ፡ ለአስሕቶ፡ ልብ፡ ዘከማከ፡ ዓብዳን፡ ከመ፡ ያወርድክሙ፡ ውስተ፡ ገሃነም፡ ዘእሳት፡ ለክሙኒ፡ ወለገነውተ፡ አማልክቲክሙ፡ ወለእለ፡ ይትዔዘዙክሙ፡ አጋንንት፡ ለክሙ። |
|---|
| 7:4 | እስመ፡ ኢተአምሩ፡ ከመ፡ አልቦ፡ ዘይበቍዓክሙ፡ ትጌግዩ፡ ወትስሕቱ። | እስመ፡ ኢተአምሩ፡ ከመ፡ አልቦ፡ ዘይበቍዓክሙ፡ ትጌግዩ፡ ወትስሕቱ። |
|---|
| 7:5 | ወእምኔክሙሰ፡ ይኄይሱ፡ እንስሳ፡ እለ፡ ፈጠሮሙ፡ እግዚአብሔር፡ ለሲሳይክሙ፡ ወአራ፡ ዊትኒ፡ ወከለባትኒ፡ እስመ፡ እሙንቱ፡ አልቦሙ፡ ኵነኔ፡ ዳግመ፡ ዘእንበለ፡ አሐቲ፡ ሞት። | ወእምኔክሙሰ፡ ይኄይሱ፡ እንስሳ፡ እለ፡ ፈጠሮሙ፡ እግዚአብሔር፡ ለሲሳይክሙ፡ ወአራ፡ ዊትኒ፡ ወከለባትኒ፡ እስመ፡ እሙንቱ፡ አልቦሙ፡ ኵነኔ፡ ዳግመ፡ ዘእንበለ፡ አሐቲ፡ ሞት። |
|---|
| 7:6 | ወአንትሙሰ፡ ትመውቱ፡ ወትትኳነኑ፡ ዳግመ፡ በረዓድ፡ ገሃነመ፡ እንተ፡ አልባቲ፡ ሙፃዕ፡ እስከ፡ ለዓለም። | ወአንትሙሰ፡ ትመውቱ፡ ወትትኳነኑ፡ ዳግመ፡ በረዓድ፡ ገሃነመ፡ እንተ፡ አልባቲ፡ ሙፃዕ፡ እስከ፡ ለዓለም። |
|---|
| 7:7 | ወዘንተ፡ ብሂሎሙ፡ ኃለፉ፡ ወተሠወሩ፡ እምኔሁ። | ወዘንተ፡ ብሂሎሙ፡ ኃለፉ፡ ወተሠወሩ፡ እምኔሁ። |
|---|
| 7:8 | ወውእቱሰ፡ ጺሩጻይዳን፡ ኮነ፡ በፍርሃት፡ ዓቢይ፡ ወረዓድ፡ ወኢኃደጎ፡ እስከ፡ ይጸብሕ። | ወውእቱሰ፡ ጺሩጻይዳን፡ ኮነ፡ በፍርሃት፡ ዓቢይ፡ ወረዓድ፡ ወኢኃደጎ፡ እስከ፡ ይጸብሕ። |
|---|
| 7:9 | ወእምዝ፡ ሖረ፡ ኀበ፡ ገደፈ፡ አብድንቲሆሙ፡ ለጻድቃን፡ ወኢረከቦሙ፡ እስመ፡ ፈቀደ፡ ይቀ፡ ብሮሙ፡ ወስዕኖሙ፡ እስመ፡ እግዚአብሔር፡ ሠወሮሙ፡ ከመ፡ ኢይትኃሥሥ፡ እምሥጋ፡ ሆሙ። | ወእምዝ፡ ሖረ፡ ኀበ፡ ገደፈ፡ አብድንቲሆሙ፡ ለጻድቃን፡ ወኢረከቦሙ፡ እስመ፡ ፈቀደ፡ ይቀ፡ ብሮሙ፡ ወስዕኖሙ፡ እስመ፡ እግዚአብሔር፡ ሠወሮሙ፡ ከመ፡ ኢይትኃሥሥ፡ እምሥጋ፡ ሆሙ። |
|---|