3 Meqabyan (Ethiopian)

3 Meqabyan (Ethiopian) 4 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
4:1	ወሀሎ፡ እግዚኡ፡ ለአዳም፡ ከመ፡ ይትቤዘዎ፡ ኪያከኒ፡ ያስተኃፍረከ፡ ወያነግፎ፡ ለበግዕ፡ እምእደ፡ ተኵላ።	ወሀሎ፡ እግዚኡ፡ ለአዳም፡ ከመ፡ ይትቤዘዎ፡ ኪያከኒ፡ ያስተኃፍረከ፡ ወያነግፎ፡ ለበግዕ፡ እምእደ፡ ተኵላ።
4:2	ወባሕቱ፡ ተንሥእ፡ እለ፡ ቀነይከ፡ ወትትማላዕ፡ ምስሌከ፡ ውስተ፡ ኃጕል።	ወባሕቱ፡ ተንሥእ፡ እለ፡ ቀነይከ፡ ወትትማላዕ፡ ምስሌከ፡ ውስተ፡ ኃጕል።
4:3	ወለሰ፡ ዓቀቡ፡ ሕጎ፡ ለእግዚአብሔር፡ አምላኮሙ፡ ይትፌሥሁ፡ ምስለ፡ ፈጣሪሆሙ፡ እለ፡ ሠወሮሙ፡ እግዚአብሔር፡ እምግባሪከ፡ እኩይ፡ ከመ፡ ይረስዮሙ፡ መክፈልተ፡ ዚአሁ፡ ወከመ፡ ይሰብሕዎ፡ ምስለ፡ መላእክቲሁ፡ ቅዱሳን፡ እለ፡ ኢተዓደውዎ፡ ከማከ፡ ለሕገ፡ አምላኮሙ።	ወለሰ፡ ዓቀቡ፡ ሕጎ፡ ለእግዚአብሔር፡ አምላኮሙ፡ ይትፌሥሁ፡ ምስለ፡ ፈጣሪሆሙ፡ እለ፡ ሠወሮሙ፡ እግዚአብሔር፡ እምግባሪከ፡ እኩይ፡ ከመ፡ ይረስዮሙ፡ መክፈልተ፡ ዚአሁ፡ ወከመ፡ ይሰብሕዎ፡ ምስለ፡ መላእክቲሁ፡ ቅዱሳን፡ እለ፡ ኢተዓደውዎ፡ ከማከ፡ ለሕገ፡ አምላኮሙ።
4:4	ወአንተሰ፡ በትዕቢትከ፡ ነሥአከ፡ መንበረ፡ ልዑል፡ እግዚአብሔር፡ ዘወሀበክ፡ እምኵሎሙ፡ እለ፡ ከማከ፡ ከመ፡ ትሰብሕ፡ ምስለ፡ መላእክቲሁ።	ወአንተሰ፡ በትዕቢትከ፡ ነሥአከ፡ መንበረ፡ ልዑል፡ እግዚአብሔር፡ ዘወሀበክ፡ እምኵሎሙ፡ እለ፡ ከማከ፡ ከመ፡ ትሰብሕ፡ ምስለ፡ መላእክቲሁ።
4:5	ወአንተሰ፡ አበይከ፡ ወተሰመይከ፡ ተሰመዩ፡ አጋንንተ። ወእለሰ፡ ያፈቅርዎ፡ ለእግዚአብሔር፡ ይከውኑ፡ ሎቱ፡ ሕዝበ፡ ከመ፡ መላእክት፡ ቅዱሳን፡ ወዘእንበለ፡ ጽርዓት፡ ይሰፍሑ፡ ክነፊሆሙ፡ ኪሩቤል፡ ወሱራፌል፡ እለ፡ ይሴብሕዎ።	ወአንተሰ፡ አበይከ፡ ወተሰመይከ፡ ተሰመዩ፡ አጋንንተ። ወእለሰ፡ ያፈቅርዎ፡ ለእግዚአብሔር፡ ይከውኑ፡ ሎቱ፡ ሕዝበ፡ ከመ፡ መላእክት፡ ቅዱሳን፡ ወዘእንበለ፡ ጽርዓት፡ ይሰፍሑ፡ ክነፊሆሙ፡ ኪሩቤል፡ ወሱራፌል፡ እለ፡ ይሴብሕዎ።
4:6	ወእለሰ፡ ያፈቅርዎ፡ ለእግዚአብሔር፡ ይከውን፡ ሎቱ፡ ሕዝበ፡ ከመ፡ መላእክት፡ ቅዱሳን፡ ወዘእንበለ፡ ጽርዓት፡ ይሰፍሑ፡ ክነፊሆሙ፡ ኪሩቤል፡ ወሱራፌል፡ እለ፡ ይሴብሕዎ።	ወእለሰ፡ ያፈቅርዎ፡ ለእግዚአብሔር፡ ይከውን፡ ሎቱ፡ ሕዝበ፡ ከመ፡ መላእክት፡ ቅዱሳን፡ ወዘእንበለ፡ ጽርዓት፡ ይሰፍሑ፡ ክነፊሆሙ፡ ኪሩቤል፡ ወሱራፌል፡ እለ፡ ይሴብሕዎ።
4:7	ወአንተሰ፡ በሐኪትከ፡ ወበትዕቢትከ፡ እኀጕልከ፡ ስብሐቲከ፡ ዘአዘዘከ፡ ከመ፡ ትሰብሖ፡ በኵሉ፡ ጊዜ፡ ምስለ፡ ነገድከ፡ ወኵሉ፡ ማኅበርከ፡ እለ፡ ተፈጥሩ፡ ምስሌከ፡ በኅበርከ።	ወአንተሰ፡ በሐኪትከ፡ ወበትዕቢትከ፡ እኀጕልከ፡ ስብሐቲከ፡ ዘአዘዘከ፡ ከመ፡ ትሰብሖ፡ በኵሉ፡ ጊዜ፡ ምስለ፡ ነገድከ፡ ወኵሉ፡ ማኅበርከ፡ እለ፡ ተፈጥሩ፡ ምስሌከ፡ በኅበርከ።
4:8	ወሶበ፡ አንተ፡ ረሣእከ፡ ስብሐቲሁ፡ ለዘፈጠርከ፡ እንዘ፡ ይመስለከ፡ ዘኢይክል፡ ገቢረ፡ ዘከማከ፡ ከመ፡ ኢይንትግ፡ ስብሐቲሁ፡ ለእግዚአብሔር፡ ዘፈጠረከ፡ ዓሥራየ፡ ነገደ፡ ሶበ፡ አንተ፡ ተፈለጥከ፡ እማኅበረ፡ አኃዊከ፡ ከመ፡ ኢይንትግ፡ ስብሐቲሁ፡ ለዘፈጠርከ፡ እግዚአብሔር።	ወሶበ፡ አንተ፡ ረሣእከ፡ ስብሐቲሁ፡ ለዘፈጠርከ፡ እንዘ፡ ይመስለከ፡ ዘኢይክል፡ ገቢረ፡ ዘከማከ፡ ከመ፡ ኢይንትግ፡ ስብሐቲሁ፡ ለእግዚአብሔር፡ ዘፈጠረከ፡ ዓሥራየ፡ ነገደ፡ ሶበ፡ አንተ፡ ተፈለጥከ፡ እማኅበረ፡ አኃዊከ፡ ከመ፡ ኢይንትግ፡ ስብሐቲሁ፡ ለዘፈጠርከ፡ እግዚአብሔር።
4:9	ወአንተሰ፡ በትዕቢተ፡ ልብከ፡ ተሀከይከ፡ በስብሐቲሁ፡ ለዘፈጠረከ፡ ውእቱኒ፡ ተምዓከ፡ ወተሣለቀ፡ ላዕሌከ፡ ወዓሠረከ፡ ውስተ፡ ረዓደ፡ ገሀነም፡ ምስለ፡ አጋንንቲከ።	ወአንተሰ፡ በትዕቢተ፡ ልብከ፡ ተሀከይከ፡ በስብሐቲሁ፡ ለዘፈጠረከ፡ ውእቱኒ፡ ተምዓከ፡ ወተሣለቀ፡ ላዕሌከ፡ ወዓሠረከ፡ ውስተ፡ ረዓደ፡ ገሀነም፡ ምስለ፡ አጋንንቲከ።
4:10	ወነሥአ፡ ምሬተ፡ እምድር፡ በእደዊሁ፡ ቅድስት፡ ወቲስሐ፡ ማየ፡ ወእሳተ፡ ወነፋሰ፡ ወፈ፡ ጠሮ፡ ለአዳም፡ በዘዚአሁ፡ አርአያ፡ ወአምሳል።	ወነሥአ፡ ምሬተ፡ እምድር፡ በእደዊሁ፡ ቅድስት፡ ወቲስሐ፡ ማየ፡ ወእሳተ፡ ወነፋሰ፡ ወፈ፡ ጠሮ፡ ለአዳም፡ በዘዚአሁ፡ አርአያ፡ ወአምሳል።
4:11	ወሤሞ፡ ውስተ፡ ኵሉ፡ ግብረ፡ እደዊሁ፡ ከመ፡ ይምላዕ፡ ውስተ፡ ንትጋ፡ ዚአከ፡ ስብሐቲሁ፡ ወተደመረ፡ ስብሐቲሁ፡ ለመሬታዊ፡ ምስለ፡ ስብሐቲሆሙ፡ ለሰማያውያን፡ ወኮነ፡ ዕሩየ፡ ስብሐቲሆሙ።	ወሤሞ፡ ውስተ፡ ኵሉ፡ ግብረ፡ እደዊሁ፡ ከመ፡ ይምላዕ፡ ውስተ፡ ንትጋ፡ ዚአከ፡ ስብሐቲሁ፡ ወተደመረ፡ ስብሐቲሁ፡ ለመሬታዊ፡ ምስለ፡ ስብሐቲሆሙ፡ ለሰማያውያን፡ ወኮነ፡ ዕሩየ፡ ስብሐቲሆሙ።
4:12	ወአንተሰ፡ በትዕቢትከ፡ ወበግዝፈተ፡ ክሣድከ፡ ተሰደድከ፡ ወአኅጐልከ፡ ርእሰከ፡ እምስብሐተ፡ እግዚአብሔር፡ ዘፈጠርከ።	ወአንተሰ፡ በትዕቢትከ፡ ወበግዝፈተ፡ ክሣድከ፡ ተሰደድከ፡ ወአኅጐልከ፡ ርእሰከ፡ እምስብሐተ፡ እግዚአብሔር፡ ዘፈጠርከ።
4:13	አእምርኪ፡ ከመ፡ ኢሐፀ፡ ስብሐቲሁ፡ እስመ፡ ገብረ፡ ዘይሴብሖ፡ በምክረ፡ ፈቃዱ፡ ከመ፡ ኢይሕፅፅ፡ ስብሐቲሁ፡ ለእግዚአብሔር።	አእምርኪ፡ ከመ፡ ኢሐፀ፡ ስብሐቲሁ፡ እስመ፡ ገብረ፡ ዘይሴብሖ፡ በምክረ፡ ፈቃዱ፡ ከመ፡ ኢይሕፅፅ፡ ስብሐቲሁ፡ ለእግዚአብሔር።
4:14	እስመ፡ ውስቱ፡ የአምር፡ ኵሎ፡ እምቅድመ፡ ይኩን፡ ወአስመረሰ፡ እምቅድመ፡ ይፍጥርከ፡ ከመ፡ ተዓለ፡ ትእዛዞ፡ ወሶበ፡ አዕለውኮ፡ ለአዳም፡ ገብሮ፡ በአርአያሁ፡ ወበአምሳሊሁ፡ እስመ፡ እምቅድመ፡ ዓለም፡ ምክር፡ ኅቡዕ፡ ሀሎ፡ ኀቤሁ።	እስመ፡ ውስቱ፡ የአምር፡ ኵሎ፡ እምቅድመ፡ ይኩን፡ ወአስመረሰ፡ እምቅድመ፡ ይፍጥርከ፡ ከመ፡ ተዓለ፡ ትእዛዞ፡ ወሶበ፡ አዕለውኮ፡ ለአዳም፡ ገብሮ፡ በአርአያሁ፡ ወበአምሳሊሁ፡ እስመ፡ እምቅድመ፡ ዓለም፡ ምክር፡ ኅቡዕ፡ ሀሎ፡ ኀቤሁ።
4:15	በከመ፡ ይቤ፡ ሰሎሞን፡ እምቅድመ፡ አውግር፡ ወለደኒ፡ ወእምቅድመ፡ ይጣዕጣዕ፡ ዓለም፡ ፈጠረኒ፡ ወእምቅድመ፡ ይሣረር፡ መሠረታተ፡ ምድር።	በከመ፡ ይቤ፡ ሰሎሞን፡ እምቅድመ፡ አውግር፡ ወለደኒ፡ ወእምቅድመ፡ ይጣዕጣዕ፡ ዓለም፡ ፈጠረኒ፡ ወእምቅድመ፡ ይሣረር፡ መሠረታተ፡ ምድር።
4:16	ወእምቅድመ፡ ያስተዋድድ፡ ምቅዋመ፡ አድባር፡ ወአውግር፡ ወዘእንበለ፡ ይጽናዕ፡ ፍናዊሁ፡ ለዓለም፡ ወዘእንበለ፡ ይብራህ፡ ብርሃነ፡ ፀሐይ፡ ወወርኅ፡ ወዘእንበለ፡ ይኩን፡ ዑደተ፡ ከዋክብት፡ ወአዝማን።	ወእምቅድመ፡ ያስተዋድድ፡ ምቅዋመ፡ አድባር፡ ወአውግር፡ ወዘእንበለ፡ ይጽናዕ፡ ፍናዊሁ፡ ለዓለም፡ ወዘእንበለ፡ ይብራህ፡ ብርሃነ፡ ፀሐይ፡ ወወርኅ፡ ወዘእንበለ፡ ይኩን፡ ዑደተ፡ ከዋክብት፡ ወአዝማን።
4:17	ወዘእንበለ፡ ተባርዮ፡ ሌሊት፡ ወመዓልት፡ ወዘእንበለ፡ ይኩን፡ መናስግተ፡ ባሕር፡ ወዘእንበለ፡ ይኩን፡ ኵሉ፡ ዘኮነ።	ወዘእንበለ፡ ተባርዮ፡ ሌሊት፡ ወመዓልት፡ ወዘእንበለ፡ ይኩን፡ መናስግተ፡ ባሕር፡ ወዘእንበለ፡ ይኩን፡ ኵሉ፡ ዘኮነ።
4:18	ወዘእንበለ፡ ያስተርኢ፡ ዘይእዜ፡ ያስተርኢ፡ ወዘእንበለ፡ ይሰመይ፡ ኵሉ፡ ስም፡ ዘይሰመይ፡ ይእዜ፡ ኢአንተ፡ ወኢአለ፡ ከማከ፡ ህልው፡ ውስተ፡ ሕሊና፡ እግዚአብሔር፡ ወአዳም፡ ገብሩ።	ወዘእንበለ፡ ያስተርኢ፡ ዘይእዜ፡ ያስተርኢ፡ ወዘእንበለ፡ ይሰመይ፡ ኵሉ፡ ስም፡ ዘይሰመይ፡ ይእዜ፡ ኢአንተ፡ ወኢአለ፡ ከማከ፡ ህልው፡ ውስተ፡ ሕሊና፡ እግዚአብሔር፡ ወአዳም፡ ገብሩ።
4:19	ሶበ፡ አንተ፡ ዐለውከ፡ ከመ፡ ይስባሕ፡ ስሙ፡ ቅዱስ፡ ወሶበ፡ ተዓበይከ፡ አንተ፡ ፈጠሮ፡ ለአዳም፡ ገብሩ፡ ከመ፡ ይስባሕ፡ በትሑት፡ ግብሩን፡ ዘፈጠሮ፡ እመሬት።	ሶበ፡ አንተ፡ ዐለውከ፡ ከመ፡ ይስባሕ፡ ስሙ፡ ቅዱስ፡ ወሶበ፡ ተዓበይከ፡ አንተ፡ ፈጠሮ፡ ለአዳም፡ ገብሩ፡ ከመ፡ ይስባሕ፡ በትሑት፡ ግብሩን፡ ዘፈጠሮ፡ እመሬት።
4:20	እስመ፡ ጸሎተ፡ ነዳያን፡ ይሰምዕ፡ እግዚአብሔር፡ እምርኁቅ፡ ወስብሐት፡ ትሑታን፡ ያፈ፡ ቅር፡ እግዚአብሔር።	እስመ፡ ጸሎተ፡ ነዳያን፡ ይሰምዕ፡ እግዚአብሔር፡ እምርኁቅ፡ ወስብሐት፡ ትሑታን፡ ያፈ፡ ቅር፡ እግዚአብሔር።
4:21	ወነገረ፡ ዕቡያን፡ ይትሔየይ፡ እግዚአብሔር፡ እስመ፡ ኢይፈቅድ፡ ኃይለ፡ ፈረስ፡ ወኢይሠምር፡ በአቍያጸ፡ ብእሲ፡ ይሠምር፡ እግዚአብሔር፡ በእለ፡ ይፈርህዎ።	ወነገረ፡ ዕቡያን፡ ይትሔየይ፡ እግዚአብሔር፡ እስመ፡ ኢይፈቅድ፡ ኃይለ፡ ፈረስ፡ ወኢይሠምር፡ በአቍያጸ፡ ብእሲ፡ ይሠምር፡ እግዚአብሔር፡ በእለ፡ ይፈርህዎ።
4:22	ወይበክዩ፡ ወአውይው፡ በእንተ፡ ኃጢአቶሙ፡ ዘገብሩ።	ወይበክዩ፡ ወአውይው፡ በእንተ፡ ኃጢአቶሙ፡ ዘገብሩ።
4:23	ወአንተሰ፡ ስእንከ፡ ገንየ፡ በንስሐ።	ወአንተሰ፡ ስእንከ፡ ገንየ፡ በንስሐ።
4:24	ወውእቱሰ፡ መሬት፡ ገብአ፡ በንስሐ፡ እንአ፡ ይበኪ፡ ወያስቆቁ፡ በእንተ፡ ኃጢአቱ፡ ቅድመ፡ እግዚአብሔር፡ ፈጣሪሁ።	ወውእቱሰ፡ መሬት፡ ገብአ፡ በንስሐ፡ እንአ፡ ይበኪ፡ ወያስቆቁ፡ በእንተ፡ ኃጢአቱ፡ ቅድመ፡ እግዚአብሔር፡ ፈጣሪሁ።
4:25	ወአንተሰ፡ በትዕቢተ፡ ልብከ፡ ወበግዝፈተ፡ ክሣድከ፡ ኢያእመርካ፡ ለፍኖተ፡ ሰላም፡ ወኢለንስሐ፡ ወሰዕንከ፡ ተጋንዮ፡ ቅድመ፡ እግዚአብሔር፡ ፈጣሪከ፡ በንስሐ፡ ወበብካይ፡ ወበአንብዕ።	ወአንተሰ፡ በትዕቢተ፡ ልብከ፡ ወበግዝፈተ፡ ክሣድከ፡ ኢያእመርካ፡ ለፍኖተ፡ ሰላም፡ ወኢለንስሐ፡ ወሰዕንከ፡ ተጋንዮ፡ ቅድመ፡ እግዚአብሔር፡ ፈጣሪከ፡ በንስሐ፡ ወበብካይ፡ ወበአንብዕ።
4:26	ወውእቱሰ፡ መሬት፡ ወሐመድ፡ ወነዳይ፡ ገብዓ፡ በብካይ፡ ወበአንብዕ፡ ውስተ፡ ንስሐ፡ ወፍኖተ፡ ሰላ፡ ወትሕትና	ወውእቱሰ፡ መሬት፡ ወሐመድ፡ ወነዳይ፡ ገብዓ፡ በብካይ፡ ወበአንብዕ፡ ውስተ፡ ንስሐ፡ ወፍኖተ፡ ሰላ፡ ወትሕትና
4:27	ወአንተሰ፡ ኢያትሐትከ፡ ርእሰከ፡ ወኢቀፈተ፡ ልብከ፡ ለዘፈጠርከ።	ወአንተሰ፡ ኢያትሐትከ፡ ርእሰከ፡ ወኢቀፈተ፡ ልብከ፡ ለዘፈጠርከ።
4:28	ወውእቱሰ፡ አትሒቶ፡ ርእሰ፡ ገነየ፡ በዘአበሰ፡ ወኢተዓበየ።	ወውእቱሰ፡ አትሒቶ፡ ርእሰ፡ ገነየ፡ በዘአበሰ፡ ወኢተዓበየ።
4:29	ወለውእቱኒ፡ ስሕተት፡ አኮ፡ ውእቱ፡ ዘፈጠሮ፡ እለ፡ እምኀቤከ፡ እስመ፡ አንተ፡ ፈጠርከ፡ ወአሥረፅካ፡ ለዕልወት፡ ወተማላዕካሁ፡ ምስሌከ፡ ውስተ፡ ኃጕለ፡ ኢአከ፡ በትዕቢትከ።	ወለውእቱኒ፡ ስሕተት፡ አኮ፡ ውእቱ፡ ዘፈጠሮ፡ እለ፡ እምኀቤከ፡ እስመ፡ አንተ፡ ፈጠርከ፡ ወአሥረፅካ፡ ለዕልወት፡ ወተማላዕካሁ፡ ምስሌከ፡ ውስተ፡ ኃጕለ፡ ኢአከ፡ በትዕቢትከ።
4:30	የአምርኪ፡ ለሊሁ፡ ከመ፡ ኮነ፡ በትዕቢተ፡ ልብከ፡ እስመ፡ እምቅድመ፡ ይፈጥርክሙ፡ ለክልኤክሙ፡ አእመረክሙ፡ ወአእመረ፡ ፍናዊክሙ።	የአምርኪ፡ ለሊሁ፡ ከመ፡ ኮነ፡ በትዕቢተ፡ ልብከ፡ እስመ፡ እምቅድመ፡ ይፈጥርክሙ፡ ለክልኤክሙ፡ አእመረክሙ፡ ወአእመረ፡ ፍናዊክሙ።
4:31	ወለውእቱሰ፡ ዘአልቦ፡ ተኬንዎ፡ ትዕቢት፡ አግብዖ፡ በንስሐ፡ ወበብካይ፡ ወበአንብዕ።	ወለውእቱሰ፡ ዘአልቦ፡ ተኬንዎ፡ ትዕቢት፡ አግብዖ፡ በንስሐ፡ ወበብካይ፡ ወበአንብዕ።
4:32	ወአንተሰ፡ በትዕቢተ፡ ልብከ፡ ስዕንከ፡ ገንየ፡ በንስሐ፡ እስመ፡ ዘይዔብስ፡ ወይትጋነይ፡ አእከየ፡ ትዕቢቶ፡ እምዘቀዲሙ፡ አበሳሁ፡ ወዘሰ፡ ይኤብስ፡ ወይትጋነይ፡ ወይበኪ፡ ቅድመ፡ እግዚአብሔር፡ ፈጣሪሁ።	ወአንተሰ፡ በትዕቢተ፡ ልብከ፡ ስዕንከ፡ ገንየ፡ በንስሐ፡ እስመ፡ ዘይዔብስ፡ ወይትጋነይ፡ አእከየ፡ ትዕቢቶ፡ እምዘቀዲሙ፡ አበሳሁ፡ ወዘሰ፡ ይኤብስ፡ ወይትጋነይ፡ ወይበኪ፡ ቅድመ፡ እግዚአብሔር፡ ፈጣሪሁ።
4:33	ወውእቱከ፡ ዘበአማን፡ ነስሐ፡ ወፍኖተ፡ መድኃኒቱ፡ ረከበ፡ ከመ፡ ያራኅርኅ፡ ልበ፡ እግዚኡ፡ ወተጋነየ፡ ቅድመ፡ ሊቁ፡ ወእግዚኡ፡ ያነሐሲ፡ እምእንተ፡ ቀዲሙ፡ መከራ፡ ከመ፡ ይትመዓዕ፡ ላዕለ፡ ገብሩ፡ እስመ፡ ተጋነየ፡ ቅድሜሁ፡ በብዙኅ፡ ንስሐ፡ ወሰጊድ፡ ወእንተ፡ ቀዳሜ፡ ጌጋዩ፡ የኃድግ፡ ሎቱ።	ወውእቱከ፡ ዘበአማን፡ ነስሐ፡ ወፍኖተ፡ መድኃኒቱ፡ ረከበ፡ ከመ፡ ያራኅርኅ፡ ልበ፡ እግዚኡ፡ ወተጋነየ፡ ቅድመ፡ ሊቁ፡ ወእግዚኡ፡ ያነሐሲ፡ እምእንተ፡ ቀዲሙ፡ መከራ፡ ከመ፡ ይትመዓዕ፡ ላዕለ፡ ገብሩ፡ እስመ፡ ተጋነየ፡ ቅድሜሁ፡ በብዙኅ፡ ንስሐ፡ ወሰጊድ፡ ወእንተ፡ ቀዳሜ፡ ጌጋዩ፡ የኃድግ፡ ሎቱ።
4:34	ወለእመ፡ ኢገብአ፡ ውስተ፡ እንተ፡ ቀዳሚ፡ አበሳሁ፡ ወዝንቱሰ፡ ፍጹም፡ ንስሐሁ፡ ለእመ፡ ገብረ፡ ዘንተ፡ ወአዳምሰ፡ ኢረሥዓ፡ ሐለዮ፡ አምላኩ፡ ወተጋነየ፡ በንስሐ፡ ለዘፈጠሮ።	ወለእመ፡ ኢገብአ፡ ውስተ፡ እንተ፡ ቀዳሚ፡ አበሳሁ፡ ወዝንቱሰ፡ ፍጹም፡ ንስሐሁ፡ ለእመ፡ ገብረ፡ ዘንተ፡ ወአዳምሰ፡ ኢረሥዓ፡ ሐለዮ፡ አምላኩ፡ ወተጋነየ፡ በንስሐ፡ ለዘፈጠሮ።
4:35	ወአንተኒ፡ ግነይ፡ ኀቤሁ፡ ወነስሕ፡ ለዘፈጠርከ፡ ወኢታንኅ፡ አበሳ፡ ላዕሌሁ፡ ወላዕለ፡ ግብረ፡ እደዊሁን፡ እስመ፡ እግዚኦሙ፡ ዘፈጠሮሙ፡ የአምር፡ ድካሞሙ፡ እስመ፡ ዘሥጋ፡ ወደም፡ እሙንቱ።	ወአንተኒ፡ ግነይ፡ ኀቤሁ፡ ወነስሕ፡ ለዘፈጠርከ፡ ወኢታንኅ፡ አበሳ፡ ላዕሌሁ፡ ወላዕለ፡ ግብረ፡ እደዊሁን፡ እስመ፡ እግዚኦሙ፡ ዘፈጠሮሙ፡ የአምር፡ ድካሞሙ፡ እስመ፡ ዘሥጋ፡ ወደም፡ እሙንቱ።
4:36	ወነፍሶሙኒ፡ እምከመ፡ ወፅዓት፡ ሥጋሆሙ፡ ይከውን፡ ሐመደ፡ እስከ፡ አመ፡ ዕለት፡ አንተ፡ ባቲ፡ ፈቀደ።	ወነፍሶሙኒ፡ እምከመ፡ ወፅዓት፡ ሥጋሆሙ፡ ይከውን፡ ሐመደ፡ እስከ፡ አመ፡ ዕለት፡ አንተ፡ ባቲ፡ ፈቀደ።