1 Enoch

1 Enoch 104 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
104:1	እምሕል፡ ለክሙ፡ ጻድቃን፡ እስመ፡ በሰማይ፡ ይዜከሩ፡ መላእክት፡ በእንቲኣክሙ፡ ለሠናይ፡ በቅድመ፡ ስብሐቲሁ፡ ለዐቢይ፡ ወአስማቲክሙ፡ ይጸሐፉ፡ በቅድመ፡ ስብሐቲሁ፡ ለዐቢይ።	እምሕል፡ ለክሙ፡ ጻድቃን፡ እስመ፡ በሰማይ፡ ይዜከሩ፡ መላእክት፡ በእንቲኣክሙ፡ ለሠናይ፡ በቅድመ፡ ስብሐቲሁ፡ ለዐቢይ፡ ወአስማቲክሙ፡ ይጸሐፉ፡ በቅድመ፡ ስብሐቲሁ፡ ለዐቢይ።
104:2	ተሰፈዉ፡ እስመ፡ በቀዳሚ፡ ኀሰርክሙ፡ በእከይ፡ ወበሥራሕ፡ ወይእዜኒ፡ ትበርሁ፡ ከመ፡ ብርሃነ፡ ሰማይ፡ ወትትረአዩ፡ ወኆኅተ፡ ሰማይ፡ ይትረኀው፡ ለክሙ።	ተሰፈዉ፡ እስመ፡ በቀዳሚ፡ ኀሰርክሙ፡ በእከይ፡ ወበሥራሕ፡ ወይእዜኒ፡ ትበርሁ፡ ከመ፡ ብርሃነ፡ ሰማይ፡ ወትትረአዩ፡ ወኆኅተ፡ ሰማይ፡ ይትረኀው፡ ለክሙ።
104:3	ወጽራሐ፡ ዚኣክሙ፡ ኵነኔ፡ ጽርሑ፡ ወያስተርኢ፡ ለክሙ፡ እስመ፡ እምነ፡ መላእክት፡ ይትኅሠሥ፡ ኵሎ፡ ምንዳቤክሙ፡ ወእምኵሎሙ፡ እለ፡ አርድእዎሙ፡ ለእለ፡ የሀይዱክሙ።	ወጽራሐ፡ ዚኣክሙ፡ ኵነኔ፡ ጽርሑ፡ ወያስተርኢ፡ ለክሙ፡ እስመ፡ እምነ፡ መላእክት፡ ይትኅሠሥ፡ ኵሎ፡ ምንዳቤክሙ፡ ወእምኵሎሙ፡ እለ፡ አርድእዎሙ፡ ለእለ፡ የሀይዱክሙ።
104:4	ተሰፈዉ፡ ወኢትኅድጉ፡ ተስፋክሙ፡ እስመ፡ ትከውን፡ ለክሙ፡ ፍሥሓ፡ ዐባይ፡ ከመ፡ መላእክት፡ በሰማይ።	ተሰፈዉ፡ ወኢትኅድጉ፡ ተስፋክሙ፡ እስመ፡ ትከውን፡ ለክሙ፡ ፍሥሓ፡ ዐባይ፡ ከመ፡ መላእክት፡ በሰማይ።
104:5	እንተ፡ ሀለወክሙ፡ ትግበሩ፡ አኮ፡ ከመ፡ ትትኀብኡ፡ ሀለወክሙ፡ በዕለተ፡ ኵነኔ፡ ዐባይ፡ ወኢትትረከቡ፡ ከመ፡ ኃጥኣን፡ ወኵነኔ፡ እንተ፡ ለዓለም፡ ትከውን፡ እምኔክሙ፡ ለኵሉ፡ ትውልደ፡ ዓለም።	እንተ፡ ሀለወክሙ፡ ትግበሩ፡ አኮ፡ ከመ፡ ትትኀብኡ፡ ሀለወክሙ፡ በዕለተ፡ ኵነኔ፡ ዐባይ፡ ወኢትትረከቡ፡ ከመ፡ ኃጥኣን፡ ወኵነኔ፡ እንተ፡ ለዓለም፡ ትከውን፡ እምኔክሙ፡ ለኵሉ፡ ትውልደ፡ ዓለም።
104:6	ወይእዜኒ፡ ኢትፍርሁ፡ ጻድቃን፡ ሶበ፡ ትሬእይዎሙ፡ ለኃጥኣን፡ ይጸንዑ፡ ወይዴለዉ፡ በፍትወቶሙ፡ ወኢትኩኑ፡ ሱቱፋነ፡ ምስሌሆሙ፡ አላ፡ ረሐቁ፡ እምግፍዐ፡ ዚኣሆሙ፡ እስመ፡ ለሐራ፡ ሰማይ፡ ሀለወክሙ፡ ትኩኑ፡ ሱቱፋነ።	ወይእዜኒ፡ ኢትፍርሁ፡ ጻድቃን፡ ሶበ፡ ትሬእይዎሙ፡ ለኃጥኣን፡ ይጸንዑ፡ ወይዴለዉ፡ በፍትወቶሙ፡ ወኢትኩኑ፡ ሱቱፋነ፡ ምስሌሆሙ፡ አላ፡ ረሐቁ፡ እምግፍዐ፡ ዚኣሆሙ፡ እስመ፡ ለሐራ፡ ሰማይ፡ ሀለወክሙ፡ ትኩኑ፡ ሱቱፋነ።
104:7	እስመ፡ ትብሉ፡ አንትሙ፡ ኃጥኣን፡ ኢይትኀሠሡ፡ ወኢይጸሐፍ፡ ኵሉ፡ ኀጢአትነ፡ ይጽሐፉ፡ ሀለዉ፡ ኵሎ፡ ኀጢአተክሙ፡ በኵሉ፡ ዕለት።	እስመ፡ ትብሉ፡ አንትሙ፡ ኃጥኣን፡ ኢይትኀሠሡ፡ ወኢይጸሐፍ፡ ኵሉ፡ ኀጢአትነ፡ ይጽሐፉ፡ ሀለዉ፡ ኵሎ፡ ኀጢአተክሙ፡ በኵሉ፡ ዕለት።
104:8	ወይእዜኒ፡ አነ፡ ኣርእየክሙ፡ እስመ፡ ብርሃን፡ ወጽልመት፡ ዕለት፡ ወሌሊት፡ ይሬእዩ፡ ኵሎ፡ ኀጢአተክሙ።	ወይእዜኒ፡ አነ፡ ኣርእየክሙ፡ እስመ፡ ብርሃን፡ ወጽልመት፡ ዕለት፡ ወሌሊት፡ ይሬእዩ፡ ኵሎ፡ ኀጢአተክሙ።
104:9	ወኢትርስዑ፡ በልብክሙ፡ ወኢተሐስዉ፡ ወኢትሚጥዎ፡ ለነገረ፡ ርትዕ፡ ወኢተሐስውዎ፡ ለነገረ፡ ቅዱስ፡ ወዐቢይ፡ ወኢትሰብሕዎ፡ ለጣዖትክሙ፡ እስመ፡ ኢኮነት፡ ኵላ፡ ሐሰትክሙ፡ ወኵሉ፡ ርስዐትክሙ፡ ለጽድቅ፡ አላ፡ ለኀጢአት፡ ዐቢይ።	ወኢትርስዑ፡ በልብክሙ፡ ወኢተሐስዉ፡ ወኢትሚጥዎ፡ ለነገረ፡ ርትዕ፡ ወኢተሐስውዎ፡ ለነገረ፡ ቅዱስ፡ ወዐቢይ፡ ወኢትሰብሕዎ፡ ለጣዖትክሙ፡ እስመ፡ ኢኮነት፡ ኵላ፡ ሐሰትክሙ፡ ወኵሉ፡ ርስዐትክሙ፡ ለጽድቅ፡ አላ፡ ለኀጢአት፡ ዐቢይ።
104:10	ወይእዜኒ፡ አነ፡ ኣአምሮ፡ ለዝንቱ፡ ምሥጢር፡ እስመ፡ ነገረ፡ ርትዕ፡ ይመይጡ፡ ወየዐልዉ፡ ብዙኃን፡ ኃጥኣን፡ ወይትናገሩ፡ ነገራት፡ እኩያተ፡ ወይሔስዉ፡ ወይፈጥሩ፡ ፍጥረታተ፡ ዐቢያተ፡ ወመጻሕፍተ፡ ይጽሕፉ፡ ዲበ፡ ነገራቲሆሙ።	ወይእዜኒ፡ አነ፡ ኣአምሮ፡ ለዝንቱ፡ ምሥጢር፡ እስመ፡ ነገረ፡ ርትዕ፡ ይመይጡ፡ ወየዐልዉ፡ ብዙኃን፡ ኃጥኣን፡ ወይትናገሩ፡ ነገራት፡ እኩያተ፡ ወይሔስዉ፡ ወይፈጥሩ፡ ፍጥረታተ፡ ዐቢያተ፡ ወመጻሕፍተ፡ ይጽሕፉ፡ ዲበ፡ ነገራቲሆሙ።
104:11	ወሶበሰ፡ ኵሎ፡ ነገራትየ፡ ይጽሕፉ፡ በርትዕ፡ ዲበ፡ ልሳናቲሆሙ፡ ወኢይዌልጡ፡ ወኢየሐጽጹ፡ እምነገራትየ፡ አላ፡ ኵሎ፡ በርትዕ፡ ይጽሕፉ፡ ኵሎ፡ ዘቀዳሚ፡ አስማዕኩ፡ በእንቲኣሆሙ።	ወሶበሰ፡ ኵሎ፡ ነገራትየ፡ ይጽሕፉ፡ በርትዕ፡ ዲበ፡ ልሳናቲሆሙ፡ ወኢይዌልጡ፡ ወኢየሐጽጹ፡ እምነገራትየ፡ አላ፡ ኵሎ፡ በርትዕ፡ ይጽሕፉ፡ ኵሎ፡ ዘቀዳሚ፡ አስማዕኩ፡ በእንቲኣሆሙ።
104:12	ወካልአ፡ ምሥጢረ፡ ኣአምር፡ እስመ፡ ለጻድቃን፡ ወለጠቢባን፡ ይትወሀባ፡ መጻሕፍት፡ ለፍሥሓ፡ ወለርትዕ፡ ወለጥበብ፡ ብዙኅ።	ወካልአ፡ ምሥጢረ፡ ኣአምር፡ እስመ፡ ለጻድቃን፡ ወለጠቢባን፡ ይትወሀባ፡ መጻሕፍት፡ ለፍሥሓ፡ ወለርትዕ፡ ወለጥበብ፡ ብዙኅ።
104:13	ወሎሙ፡ ይትወሀባ፡ መጻሕፍት፡ ወእሙንቱ፡ የአምኑ፡ ቦሙ፡ ወይትፌሥሑ፡ ቦሙ፡ ወይትሐሠዩ፡ ኵሎሙ፡ ጻድቃን፡ እለ፡ እምኔሆሙ፡ አእመሩ፡ ኵሎ፡ ፍናዋተ፡ ርትዕ።	ወሎሙ፡ ይትወሀባ፡ መጻሕፍት፡ ወእሙንቱ፡ የአምኑ፡ ቦሙ፡ ወይትፌሥሑ፡ ቦሙ፡ ወይትሐሠዩ፡ ኵሎሙ፡ ጻድቃን፡ እለ፡ እምኔሆሙ፡ አእመሩ፡ ኵሎ፡ ፍናዋተ፡ ርትዕ።

read Ge'ez alone read Ge'ez alone