1 Enoch

1 Enoch 108 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
108:1	ካልእ፡ መጽሐፍ፡ ዘጸሐፈ፡ ሄኖክ፡ ለወልዱ፡ ማቱሳላ፡ ወለእለ፡ ይመጽኡ፡ እምድኅሬሁ፡ ወየዐቅቡ፡ ሥርዐተ፡ በደኃሪ፡ መዋዕል።	ካልእ፡ መጽሐፍ፡ ዘጸሐፈ፡ ሄኖክ፡ ለወልዱ፡ ማቱሳላ፡ ወለእለ፡ ይመጽኡ፡ እምድኅሬሁ፡ ወየዐቅቡ፡ ሥርዐተ፡ በደኃሪ፡ መዋዕል።
108:2	እለ፡ ገበርክሙ፡ ወትጸንሑ፡ በእሉ፡ መዋዕል፡ እስከ፡ ይትፌጸሙ፡ እለ፡ ይገብሩ፡ እኩየ፡ ወይትፌጸም፡ ኀይሎሙ፡ ለመአብሳን።	እለ፡ ገበርክሙ፡ ወትጸንሑ፡ በእሉ፡ መዋዕል፡ እስከ፡ ይትፌጸሙ፡ እለ፡ ይገብሩ፡ እኩየ፡ ወይትፌጸም፡ ኀይሎሙ፡ ለመአብሳን።
108:3	አንትሙሰ፡ ጽንሑ፡ እስከ፡ ተኀልፍ፡ ኀጢአት፡ እስመ፡ ሀሎ፡ ስሞሙ፡ ይደመሰስ፡ እመጻሕፍተ፡ ቅዱሳን፡ ወዘርዖሙ፡ ይትሀጐል፡ ለዓለም፡ ወመናፍስቲሆሙ፡ ይትቀተሉ፡ ወይጸርሑ፡ ወየዐወይዉ፡ በመካነ፡ በድው፡ ዘኢያስተርኢ፡ ወበእሳት፡ ነዱ፡ እስመ፡ ኢሀሎ፡ ህየ፡ ምድር።	አንትሙሰ፡ ጽንሑ፡ እስከ፡ ተኀልፍ፡ ኀጢአት፡ እስመ፡ ሀሎ፡ ስሞሙ፡ ይደመሰስ፡ እመጻሕፍተ፡ ቅዱሳን፡ ወዘርዖሙ፡ ይትሀጐል፡ ለዓለም፡ ወመናፍስቲሆሙ፡ ይትቀተሉ፡ ወይጸርሑ፡ ወየዐወይዉ፡ በመካነ፡ በድው፡ ዘኢያስተርኢ፡ ወበእሳት፡ ነዱ፡ እስመ፡ ኢሀሎ፡ ህየ፡ ምድር።
108:4	ወርኢኩ፡ በህየ፡ ከመ፡ ደመና፡ ዘኢይትረአይ፡ እስመ፡ እምዕመቁ፡ ኢክህልኩ፡ ላዕለ፡ ነጽሮ፡ ወላህበ፡ እሳት፡ እንዘ፡ ይነድድ፡ ርኢኩ፡ ስቡሕ፡ ወይትከበቡ፡ ከመ፡ አድባር፡ ስቡሓን፡ ወይትሀወኩ፡ ለፌ፡ ወለፌ።	ወርኢኩ፡ በህየ፡ ከመ፡ ደመና፡ ዘኢይትረአይ፡ እስመ፡ እምዕመቁ፡ ኢክህልኩ፡ ላዕለ፡ ነጽሮ፡ ወላህበ፡ እሳት፡ እንዘ፡ ይነድድ፡ ርኢኩ፡ ስቡሕ፡ ወይትከበቡ፡ ከመ፡ አድባር፡ ስቡሓን፡ ወይትሀወኩ፡ ለፌ፡ ወለፌ።
108:5	ወተስእልክዎ፡ ለአሐዱ፡ እመላእክት፡ ቅዱሳን፡ እለ፡ ምስሌየ፡ ወእቤሎ፡ ምንት፡ ውእቱ፡ ዝ፡ ስቡሕ፡ እስመ፡ ኢኮነ፡ ሰማየ፡ አላ፡ ላህበ፡ እሳት፡ ባሕቲቱ፡ ዘይነድድ፡ ወቃለ፡ ጽራሕ፡ ወብካይ፡ ወዐውያት፡ ወሕማም፡ ኀያል።	ወተስእልክዎ፡ ለአሐዱ፡ እመላእክት፡ ቅዱሳን፡ እለ፡ ምስሌየ፡ ወእቤሎ፡ ምንት፡ ውእቱ፡ ዝ፡ ስቡሕ፡ እስመ፡ ኢኮነ፡ ሰማየ፡ አላ፡ ላህበ፡ እሳት፡ ባሕቲቱ፡ ዘይነድድ፡ ወቃለ፡ ጽራሕ፡ ወብካይ፡ ወዐውያት፡ ወሕማም፡ ኀያል።
108:6	ወይቤለኒ፡ ዝንቱ፡ መካን፡ ዘትሬኢ፡ በህየ፡ ይትወደዩ፡ መናፍስተ፡ ኃጥኣን፡ ወጽሩዓን፡ ወእለ፡ ይገብሩ፡ ኀጢአተ፡ ወእለ፡ ይመይጡ፡ ኵሎ፡ ዘነገረ፡ እግዚአብሔር፡ በአፈ፡ ነቢያቲሁ፡ እለ፡ ሀለዉ፡ ይትገበሩ፡ ዲበ፡ ምድር።	ወይቤለኒ፡ ዝንቱ፡ መካን፡ ዘትሬኢ፡ በህየ፡ ይትወደዩ፡ መናፍስተ፡ ኃጥኣን፡ ወጽሩዓን፡ ወእለ፡ ይገብሩ፡ ኀጢአተ፡ ወእለ፡ ይመይጡ፡ ኵሎ፡ ዘነገረ፡ እግዚአብሔር፡ በአፈ፡ ነቢያቲሁ፡ እለ፡ ሀለዉ፡ ይትገበሩ፡ ዲበ፡ ምድር።
108:7	እስመ፡ ሀለዉ፡ እምኔሆሙ፡ ጽሑፋን፡ ወልኩዓን፡ ላዕለ፡ በሰማይ፡ ከመ፡ ያንብብዎሙ፡ መላእክት፡ ወያእምሩ፡ ዘሀሎ፡ ይብጽሖሙ፡ ለኃጥኣን፡ ወለመናፍስት፡ ትሑታን፡ ወእለ፡ አሕመሙ፡ ሥጋሆሙ፡ ወተፈድዩ፡ ዲበ፡ አምላክ፡ ወእለ፡ ኀስሩ፡ እምእኩያን፡ ሰብእ።	እስመ፡ ሀለዉ፡ እምኔሆሙ፡ ጽሑፋን፡ ወልኩዓን፡ ላዕለ፡ በሰማይ፡ ከመ፡ ያንብብዎሙ፡ መላእክት፡ ወያእምሩ፡ ዘሀሎ፡ ይብጽሖሙ፡ ለኃጥኣን፡ ወለመናፍስት፡ ትሑታን፡ ወእለ፡ አሕመሙ፡ ሥጋሆሙ፡ ወተፈድዩ፡ ዲበ፡ አምላክ፡ ወእለ፡ ኀስሩ፡ እምእኩያን፡ ሰብእ።
108:8	እለ፡ ያፈቅርዎ፡ ለአምላክ፡ ወኢ፡ ወርቀ፡ ወኢ፡ ብሩረ፡ ኢያፍቀሩ፡ ወኢ፡ ኵሎ፡ ሠናየ፡ ዘውስተ፡ ዓለም፡ እለ፡ ወሀቡ፡ ሥጋሆሙ፡ ለጻዕር።	እለ፡ ያፈቅርዎ፡ ለአምላክ፡ ወኢ፡ ወርቀ፡ ወኢ፡ ብሩረ፡ ኢያፍቀሩ፡ ወኢ፡ ኵሎ፡ ሠናየ፡ ዘውስተ፡ ዓለም፡ እለ፡ ወሀቡ፡ ሥጋሆሙ፡ ለጻዕር።
108:9	ወእለ፡ እምአመ፡ ኮኑ፡ ኢፈተዉ፡ መባልዕተ፡ ዘዲበ፡ ምድር፡ አላ፡ ረሰዩ፡ ርእሶሙ፡ ከመ፡ መንፈስ፡ እንተ፡ ኀለፈት፡ ወዘንተ፡ ዐቀቡ፡ ወብዙኀ፡ አመከሮሙ፡ እግዚእ፡ ወተረክቡ፡ መናፍስቲሆሙ፡ በንጽሕ፡ ከመ፡ ይባርክዎ፡ ለስሙ።	ወእለ፡ እምአመ፡ ኮኑ፡ ኢፈተዉ፡ መባልዕተ፡ ዘዲበ፡ ምድር፡ አላ፡ ረሰዩ፡ ርእሶሙ፡ ከመ፡ መንፈስ፡ እንተ፡ ኀለፈት፡ ወዘንተ፡ ዐቀቡ፡ ወብዙኀ፡ አመከሮሙ፡ እግዚእ፡ ወተረክቡ፡ መናፍስቲሆሙ፡ በንጽሕ፡ ከመ፡ ይባርክዎ፡ ለስሙ።
108:10	ወኵሎ፡ በረከቶሙ፡ ነገርኩ፡ በመጻሕፍት፡ ወዐሰዮሙ፡ ለአርእስቲሆሙ፡ እስመ፡ እሉ፡ ተረክቡ፡ ያፈቅርዎ፡ ለሰማይ፡ እምእስትንፋሶሙ፡ ዘለዓለም፡ ወእንዘ፡ ይትከየዱ፡ እምእኩያን፡ ሰብእ፡ ወሰምዑ፡ እምኀቤሆሙ፡ ትዕይርተ፡ ወፅርፈተ፡ ወኀስሩ፡ እንዘ፡ ይባርኩኒ።	ወኵሎ፡ በረከቶሙ፡ ነገርኩ፡ በመጻሕፍት፡ ወዐሰዮሙ፡ ለአርእስቲሆሙ፡ እስመ፡ እሉ፡ ተረክቡ፡ ያፈቅርዎ፡ ለሰማይ፡ እምእስትንፋሶሙ፡ ዘለዓለም፡ ወእንዘ፡ ይትከየዱ፡ እምእኩያን፡ ሰብእ፡ ወሰምዑ፡ እምኀቤሆሙ፡ ትዕይርተ፡ ወፅርፈተ፡ ወኀስሩ፡ እንዘ፡ ይባርኩኒ።
108:11	ወይእዜኒ፡ እጼውዕ፡ መናፍስቲሆሙ፡ ለኄራን፡ እምትውልድ፡ እንተ፡ ብርሃን፡ ወእዌልጥ፡ ለእለ፡ ተወልዱ፡ በጽልመት፡ እለ፡ በሥጋሆሙ፡ ኢተፈድዩ፡ ክብረ፡ ከመ፡ ይደሉ፡ ለሃይማኖቶሙ።	ወይእዜኒ፡ እጼውዕ፡ መናፍስቲሆሙ፡ ለኄራን፡ እምትውልድ፡ እንተ፡ ብርሃን፡ ወእዌልጥ፡ ለእለ፡ ተወልዱ፡ በጽልመት፡ እለ፡ በሥጋሆሙ፡ ኢተፈድዩ፡ ክብረ፡ ከመ፡ ይደሉ፡ ለሃይማኖቶሙ።
108:12	ወኣወፅኦሙ፡ በብሩህ፡ ብርሃን፡ ለእለ፡ ያፈቅርዎ፡ ለስምየ፡ ቅዱስ፡ ወኣነብር፡ አሐደ፡ አሐደ፡ ዲበ፡ መንበረ፡ ክብረ፡ ዚኣሁ።	ወኣወፅኦሙ፡ በብሩህ፡ ብርሃን፡ ለእለ፡ ያፈቅርዎ፡ ለስምየ፡ ቅዱስ፡ ወኣነብር፡ አሐደ፡ አሐደ፡ ዲበ፡ መንበረ፡ ክብረ፡ ዚኣሁ።
108:13	ወይትወኀውኁ፡ በአዝማን፡ ዘአልቦ፡ ኍልቊ፡ እስመ፡ ጽድቅ፡ ኵነኔሁ፡ ለአምላክ፡ እስመ፡ ለመሃይምናን፡ ሃይማኖተ፡ ይሁቦሙ፡ በማኅደረ፡ ፍናዋት፡ ርቱዓት።	ወይትወኀውኁ፡ በአዝማን፡ ዘአልቦ፡ ኍልቊ፡ እስመ፡ ጽድቅ፡ ኵነኔሁ፡ ለአምላክ፡ እስመ፡ ለመሃይምናን፡ ሃይማኖተ፡ ይሁቦሙ፡ በማኅደረ፡ ፍናዋት፡ ርቱዓት።
108:14	ወይሬእይዎሙ፡ ለእለ፡ ተወልዱ፡ በጽልመት፡ ይትወደዩ፡ በጽልመት፡ እንዘ፡ ይትወኀውኁ፡ ጻድቃን።	ወይሬእይዎሙ፡ ለእለ፡ ተወልዱ፡ በጽልመት፡ ይትወደዩ፡ በጽልመት፡ እንዘ፡ ይትወኀውኁ፡ ጻድቃን።
108:15	ወይጸርሑ፡ ወይሬእይዎሙ፡ ኃጥኣን፡ እንዘ፡ ይበርሁ፡ ወየሐውሩ፡ እሙንቱሂ፡ በኀበ፡ ተጽሕፈ፡ ሎሙ፡ መዋዕል፡ ወአዝማን።	ወይጸርሑ፡ ወይሬእይዎሙ፡ ኃጥኣን፡ እንዘ፡ ይበርሁ፡ ወየሐውሩ፡ እሙንቱሂ፡ በኀበ፡ ተጽሕፈ፡ ሎሙ፡ መዋዕል፡ ወአዝማን።