| 13:1 | ወሄኖክ፡ ኀሊፎ፡ ይቤሎ፡ ለአዛዝኤል፡ ኢይከውነከ፡ ሰላም፡ ዐቢይ፡ ኵነኔ፡ ወፅአ፡ ላዕሌከ፡ ይስዕርከ። | ወሄኖክ፡ ኀሊፎ፡ ይቤሎ፡ ለአዛዝኤል፡ ኢይከውነከ፡ ሰላም፡ ዐቢይ፡ ኵነኔ፡ ወፅአ፡ ላዕሌከ፡ ይስዕርከ። |
|---|
| 13:2 | ወሳሕት፡ ወስእለት፡ ወምሕረት፡ ኢይከውነከ፡ በእንተ፡ ዘመሀርከ፡ ግፍዐ፡ ወበእንተ፡ ኵሉ፡ ምግባረ፡ ፅርፈት፡ ወግፍዕ፡ ወኀጢአት፡ ዘአርአይከ፡ ለውሉደ፡ ሰብእ። | ወሳሕት፡ ወስእለት፡ ወምሕረት፡ ኢይከውነከ፡ በእንተ፡ ዘመሀርከ፡ ግፍዐ፡ ወበእንተ፡ ኵሉ፡ ምግባረ፡ ፅርፈት፡ ወግፍዕ፡ ወኀጢአት፡ ዘአርአይከ፡ ለውሉደ፡ ሰብእ። |
|---|
| 13:3 | አሜሃ፡ ሐዊርየ፡ ነገርክዎሙ፡ ለኵሎሙ፡ ኅቡረ፡ ወእሙንቱ፡ ፈርሁ፡ ኵሎሙ፡ ወፍርሀት፡ ወረዓድ፡ ነሥኦሙ። | አሜሃ፡ ሐዊርየ፡ ነገርክዎሙ፡ ለኵሎሙ፡ ኅቡረ፡ ወእሙንቱ፡ ፈርሁ፡ ኵሎሙ፡ ወፍርሀት፡ ወረዓድ፡ ነሥኦሙ። |
|---|
| 13:4 | ወተስእሉኒ፡ ተዝካረ፡ ስእለቶሙ፡ ከመ፡ እጽሐፍ፡ ሎሙ፡ ከመ፡ ይኩኖሙ፡ ኅድገተ፡ ወከመ፡ አነ፡ ኣዕርግ፡ ተዝካረ፡ ስእለቶሙ፡ ኀበ፡ እግዚአብሔር፡ ሰማየ። | ወተስእሉኒ፡ ተዝካረ፡ ስእለቶሙ፡ ከመ፡ እጽሐፍ፡ ሎሙ፡ ከመ፡ ይኩኖሙ፡ ኅድገተ፡ ወከመ፡ አነ፡ ኣዕርግ፡ ተዝካረ፡ ስእለቶሙ፡ ኀበ፡ እግዚአብሔር፡ ሰማየ። |
|---|
| 13:5 | እስመ፡ እሙንቱ፡ ኢይክሉ፡ እምይእዜ፡ ተናግሮ፡ ወኢያነሥኡ፡ አዕይንቲሆሙ፡ ውስተ፡ ሰማይ፡ እምኀፍረተ፡ አበሳሆሙ፡ ዘተኰነኑ። | እስመ፡ እሙንቱ፡ ኢይክሉ፡ እምይእዜ፡ ተናግሮ፡ ወኢያነሥኡ፡ አዕይንቲሆሙ፡ ውስተ፡ ሰማይ፡ እምኀፍረተ፡ አበሳሆሙ፡ ዘተኰነኑ። |
|---|
| 13:6 | ወአሜሃ፡ ጸሐፍኩ፡ ተዝካረ፡ ስእለቶሙ፡ ወአስተብቍዖቶሙ፡ በእንተ፡ መንፈሶሙ፡ ወለለ፡ አሐዱ፡ አሐዱ፡ ምግባሮሙ፡ ወበእንተ፡ ዘይስእሉ፡ ከመ፡ ይኩኖሙ፡ ስርየተ፡ ወኑኀተ። | ወአሜሃ፡ ጸሐፍኩ፡ ተዝካረ፡ ስእለቶሙ፡ ወአስተብቍዖቶሙ፡ በእንተ፡ መንፈሶሙ፡ ወለለ፡ አሐዱ፡ አሐዱ፡ ምግባሮሙ፡ ወበእንተ፡ ዘይስእሉ፡ ከመ፡ ይኩኖሙ፡ ስርየተ፡ ወኑኀተ። |
|---|
| 13:7 | ወሐዊርየ፡ ነበርኩ፡ ዲበ፡ ማያተ፡ ዳን፡ በዳን፡ እንተ፡ ይእቲ፡ እምየማነ፡ ዐረበ፡ አርሞን፡ ወእንብብ፡ ተዝካረ፡ ስእለቶሙ፡ እስከ፡ ደቀስኩ። | ወሐዊርየ፡ ነበርኩ፡ ዲበ፡ ማያተ፡ ዳን፡ በዳን፡ እንተ፡ ይእቲ፡ እምየማነ፡ ዐረበ፡ አርሞን፡ ወእንብብ፡ ተዝካረ፡ ስእለቶሙ፡ እስከ፡ ደቀስኩ። |
|---|
| 13:8 | ወናሁ፡ ሕልም፡ መጽአኒ፡ ወራእያት፡ ዲቤየ፡ ወድቁ፡ ወርኢኩ፡ ራእየ፡ መቅሠፍት፡ እንግር፡ ለውሉደ፡ ሰማይ፡ ወእዝልፎሙ። | ወናሁ፡ ሕልም፡ መጽአኒ፡ ወራእያት፡ ዲቤየ፡ ወድቁ፡ ወርኢኩ፡ ራእየ፡ መቅሠፍት፡ እንግር፡ ለውሉደ፡ ሰማይ፡ ወእዝልፎሙ። |
|---|
| 13:9 | ወነቂህየ፡ መጻእኩ፡ ኀቤሆሙ፡ ወኵሎሙ፡ ግቡኣን፡ ይነብሩ፡ እንዘ፡ ይላሕዉ፡ ብኡብልስያኤል፡ ዘሀለወት፡ በማእከለ፡ ሊባኖስ፡ ወሴኔሴር፡ እንዘ፡ ግልቡባን፡ ገጾሙ። | ወነቂህየ፡ መጻእኩ፡ ኀቤሆሙ፡ ወኵሎሙ፡ ግቡኣን፡ ይነብሩ፡ እንዘ፡ ይላሕዉ፡ ብኡብልስያኤል፡ ዘሀለወት፡ በማእከለ፡ ሊባኖስ፡ ወሴኔሴር፡ እንዘ፡ ግልቡባን፡ ገጾሙ። |
|---|
| 13:10 | ወተናገርኩ፡ በቅድሜሆሙ፡ ኵሎ፡ ራእያተ፡ ዘርኢኩ፡ በንዋምየ፡ ወወጠንኩ፡ እትናገር፡ ውእተ፡ ቃላተ፡ ጽድቅ፡ ወእዝልፍ፡ ለትጉሃነ፡ ሰማይ። | ወተናገርኩ፡ በቅድሜሆሙ፡ ኵሎ፡ ራእያተ፡ ዘርኢኩ፡ በንዋምየ፡ ወወጠንኩ፡ እትናገር፡ ውእተ፡ ቃላተ፡ ጽድቅ፡ ወእዝልፍ፡ ለትጉሃነ፡ ሰማይ። |
|---|