1 Enoch

1 Enoch 18 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
18:1	ወርኢኩ፡ መዛግብተ፡ ኵሉ፡ ነፋሳት፡ ወርኢኩ፡ ከመ፡ ቦሙ፡ አሰርገወ፡ ኵሎ፡ ፍጥረተ፡ ወመሠረታቲሃ፡ ለምድር።	ወርኢኩ፡ መዛግብተ፡ ኵሉ፡ ነፋሳት፡ ወርኢኩ፡ ከመ፡ ቦሙ፡ አሰርገወ፡ ኵሎ፡ ፍጥረተ፡ ወመሠረታቲሃ፡ ለምድር።
18:2	ወርኢኩ፡ እብነ፡ ማእዘንተ፡ ምድር፡ ወርኢኩ፡ አርባዕተ፡ ነፋሳተ፡ እለ፡ ይጸውርዋ፡ ለምድር፡ ወለጽንዐ፡ ሰማይ።	ወርኢኩ፡ እብነ፡ ማእዘንተ፡ ምድር፡ ወርኢኩ፡ አርባዕተ፡ ነፋሳተ፡ እለ፡ ይጸውርዋ፡ ለምድር፡ ወለጽንዐ፡ ሰማይ።
18:3	ወርኢኩ፡ ከመ፡ ነፋሳት፡ ይረብብዋ፡ ለልዕልና፡ ሰማይ፡ ወእሙንቱ፡ ይቀውሙ፡ ማእከለ፡ ሰማይ፡ ወምድር፡ ወእሙንቱ፡ ውእቶሙ፡ አዕማደ፡ ሰማይ።	ወርኢኩ፡ ከመ፡ ነፋሳት፡ ይረብብዋ፡ ለልዕልና፡ ሰማይ፡ ወእሙንቱ፡ ይቀውሙ፡ ማእከለ፡ ሰማይ፡ ወምድር፡ ወእሙንቱ፡ ውእቶሙ፡ አዕማደ፡ ሰማይ።
18:4	ወርኢኩ፡ ነፋሳተ፡ እለ፡ ይመይጥዋ፡ ለሰማይ፡ እለ፡ ያዐርቡ፡ ክበበ፡ ፀሓይ፡ ወኵሎ፡ ከዋክብተ።	ወርኢኩ፡ ነፋሳተ፡ እለ፡ ይመይጥዋ፡ ለሰማይ፡ እለ፡ ያዐርቡ፡ ክበበ፡ ፀሓይ፡ ወኵሎ፡ ከዋክብተ።
18:5	ወርኢኩ፡ ዘዲበ፡ ምድር፡ ነፋሳተ፡ ዘይጸውሩ፡ ደመናተ፡ ወርኢኩ፡ ፍናወ፡ መላእክት፡ ወርኢኩ፡ ውስተ፡ ጽንፈ፡ ምድር፡ ጽንዐ፡ ዘሰማይ፡ መልዕልተ።	ወርኢኩ፡ ዘዲበ፡ ምድር፡ ነፋሳተ፡ ዘይጸውሩ፡ ደመናተ፡ ወርኢኩ፡ ፍናወ፡ መላእክት፡ ወርኢኩ፡ ውስተ፡ ጽንፈ፡ ምድር፡ ጽንዐ፡ ዘሰማይ፡ መልዕልተ።
18:6	ወኀለፍኩ፡ መንገለ፡ አዜብ፡ ወይነድድ፡ መዓልተ፡ ወሌሊተ፡ ኀበ፡ ሰብዐቱ፡ አድባር፡ ዘእምእብን፡ ክቡር፡ ሠለስቱ፡ ዘመንገለ፡ ጽባሕ፡ ወሠለስቱ፡ ዘመንገለ፡ አዜብ።	ወኀለፍኩ፡ መንገለ፡ አዜብ፡ ወይነድድ፡ መዓልተ፡ ወሌሊተ፡ ኀበ፡ ሰብዐቱ፡ አድባር፡ ዘእምእብን፡ ክቡር፡ ሠለስቱ፡ ዘመንገለ፡ ጽባሕ፡ ወሠለስቱ፡ ዘመንገለ፡ አዜብ።
18:7	ወዘመንገለ፡ ጽባሕሰ፡ ዘእምእብነ፡ ኅብር፡ ወአሐዱ፡ ዘእምእብን፡ ባሕር፡ ወአሐዱኒ፡ ዘእምእብነ፡ ፈውስ፡ ወዘመንገለ፡ አዜብ፡ እምእብን፡ ቀይሕ።	ወዘመንገለ፡ ጽባሕሰ፡ ዘእምእብነ፡ ኅብር፡ ወአሐዱ፡ ዘእምእብን፡ ባሕር፡ ወአሐዱኒ፡ ዘእምእብነ፡ ፈውስ፡ ወዘመንገለ፡ አዜብ፡ እምእብን፡ ቀይሕ።
18:8	ወማእከላይሰ፡ ይጐድእ፡ እስከ፡ ሰማይ፡ ከመ፡ መንበሩ፡ ለእግዚአብሔር፡ ዘእምእብነ፡ ፔካ፡ ወድማኁ፡ ለመንበሩ፡ እምእብነ፡ ሰንፔር።	ወማእከላይሰ፡ ይጐድእ፡ እስከ፡ ሰማይ፡ ከመ፡ መንበሩ፡ ለእግዚአብሔር፡ ዘእምእብነ፡ ፔካ፡ ወድማኁ፡ ለመንበሩ፡ እምእብነ፡ ሰንፔር።
18:9	ወእሳተ፡ ዘይነድድ፡ ርኢኩ፡ ወዘሀሎ፡ ውስተ፡ ኵሉ፡ አድባር።	ወእሳተ፡ ዘይነድድ፡ ርኢኩ፡ ወዘሀሎ፡ ውስተ፡ ኵሉ፡ አድባር።
18:10	ወርኢኩ፡ ህየ፡ መካን፡ ማዕዶቱ፡ ለዐቢይ፡ ምድር፡ ህየ፡ ይትጋብኡ፡ ማያት።	ወርኢኩ፡ ህየ፡ መካን፡ ማዕዶቱ፡ ለዐቢይ፡ ምድር፡ ህየ፡ ይትጋብኡ፡ ማያት።
18:11	ወርኢኩ፡ ንቅዐተ፡ ምድር፡ ዕሙቀ፡ በአዕማዲሁ፡ ለእሳተ፡ ሰማይ፡ ወርኢኩ፡ በውስቴቶሙ፡ አዕማደ፡ ሰማይ፡ ዘእሳት፡ ዘይወርዱ፡ ወአልቦሙ፡ ኍልቊ፡ ኢ፡ መንገለ፡ መልዕልት፡ ወኢ፡ መንገለ፡ ዕመቅ።	ወርኢኩ፡ ንቅዐተ፡ ምድር፡ ዕሙቀ፡ በአዕማዲሁ፡ ለእሳተ፡ ሰማይ፡ ወርኢኩ፡ በውስቴቶሙ፡ አዕማደ፡ ሰማይ፡ ዘእሳት፡ ዘይወርዱ፡ ወአልቦሙ፡ ኍልቊ፡ ኢ፡ መንገለ፡ መልዕልት፡ ወኢ፡ መንገለ፡ ዕመቅ።
18:12	ወዲበ፡ ውእቱ፡ ንቅዐት፡ ርኢኩ፡ መካነ፡ ወኢ፡ ጽንዐ፡ ሰማይ፡ ላዕሌሁ፡ ወኢ፡ መሠረተ፡ ምድር፡ በታሕቴሁ፡ ወኢ፡ ማይ፡ አልቦ፡ ላዕሌሁ፡ ወኢ፡ አዕዋፈ፡ አላ፡ መካነ፡ በድው፡ ውእቱ።	ወዲበ፡ ውእቱ፡ ንቅዐት፡ ርኢኩ፡ መካነ፡ ወኢ፡ ጽንዐ፡ ሰማይ፡ ላዕሌሁ፡ ወኢ፡ መሠረተ፡ ምድር፡ በታሕቴሁ፡ ወኢ፡ ማይ፡ አልቦ፡ ላዕሌሁ፡ ወኢ፡ አዕዋፈ፡ አላ፡ መካነ፡ በድው፡ ውእቱ።
18:13	ወግሩመ፡ ርኢኩ፡ በህየ፡ ሰብዐተ፡ ከዋክብተ፡ ከመ፡ ዐበይት፡ አድባር፡ ዘይነድዱ፡ ወከመ፡ መንፈስ፡ ዘይሴአለኒ።	ወግሩመ፡ ርኢኩ፡ በህየ፡ ሰብዐተ፡ ከዋክብተ፡ ከመ፡ ዐበይት፡ አድባር፡ ዘይነድዱ፡ ወከመ፡ መንፈስ፡ ዘይሴአለኒ።
18:14	ይቤ፡ መልአክ፡ ዝ፡ ውእቱ፡ መካነ፡ ተፍጻሜቱ፡ ለሰማይ፡ ወለምድር፡ ቤተ፡ ሞቅሕ፡ ኮኖሙ፡ ዝንቱ፡ ለከዋክብተ፡ ሰማይ፡ ወለኀይለ፡ ሰማይ።	ይቤ፡ መልአክ፡ ዝ፡ ውእቱ፡ መካነ፡ ተፍጻሜቱ፡ ለሰማይ፡ ወለምድር፡ ቤተ፡ ሞቅሕ፡ ኮኖሙ፡ ዝንቱ፡ ለከዋክብተ፡ ሰማይ፡ ወለኀይለ፡ ሰማይ።
18:15	ወከዋክብት፡ እለ፡ ያንኰረኵሩ፡ ዲበ፡ እሳት፡ ወእሉ፡ እሙንቱ፡ እለ፡ ኀለፉ፡ ትእዛዘ፡ እግዚአብሔር፡ እምቅድመ፡ ጽባሖሙ፡ እስመ፡ ኢመጽኡ፡ በጊዜሆሙ።	ወከዋክብት፡ እለ፡ ያንኰረኵሩ፡ ዲበ፡ እሳት፡ ወእሉ፡ እሙንቱ፡ እለ፡ ኀለፉ፡ ትእዛዘ፡ እግዚአብሔር፡ እምቅድመ፡ ጽባሖሙ፡ እስመ፡ ኢመጽኡ፡ በጊዜሆሙ።
18:16	ወተምዕዖሙ፡ ወአሰሮሙ፡ እስከ፡ ጊዜ፡ ተፍጻሜተ፡ ኀጢአቶሙ፡ በዓመተ፡ ምሥጢር።	ወተምዕዖሙ፡ ወአሰሮሙ፡ እስከ፡ ጊዜ፡ ተፍጻሜተ፡ ኀጢአቶሙ፡ በዓመተ፡ ምሥጢር።