1 Enoch

1 Enoch 25 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
25:1	ወይቤለኒ፡ ሄኖክ፡ ምንተ፡ ትሴአል፡ በእንተ፡ መዐዛሁ፡ ለዝ፡ ዕፅ፡ ወትጤይቅ፡ ከመ፡ ታእምር።	ወይቤለኒ፡ ሄኖክ፡ ምንተ፡ ትሴአል፡ በእንተ፡ መዐዛሁ፡ ለዝ፡ ዕፅ፡ ወትጤይቅ፡ ከመ፡ ታእምር።
25:2	ውእተ፡ ጊዜ፡ አውሣእክዎ፡ አነ፡ ሄኖክ፡ እንዘ፡ እብል፡ በእንተ፡ ኵሉ፡ እፈቅድ፡ ኣእምር፡ ወፈድፋደሰ፡ በእንተ፡ ዝ፡ ዕፅ።	ውእተ፡ ጊዜ፡ አውሣእክዎ፡ አነ፡ ሄኖክ፡ እንዘ፡ እብል፡ በእንተ፡ ኵሉ፡ እፈቅድ፡ ኣእምር፡ ወፈድፋደሰ፡ በእንተ፡ ዝ፡ ዕፅ።
25:3	ወአውሥአኒ፡ እንዘ፡ ይብል፡ ዝንቱ፡ ደብር፡ ዘርኢከ፡ ነዋኅ፡ ዘርእሱ፡ ይመስል፡ መንበሮ፡ ለእግዚእ፡ መንበሩ፡ ውእቱ፡ ኀበ፡ ይነብር፡ ቅዱስ፡ ወዐቢይ፡ እግዚአ፡ ስብሐት፡ ንጉሥ፡ ዘለዓለም፡ ሶበ፡ ይወርድ፡ የሐውጻ፡ ለምድር፡ በሠናይ።	ወአውሥአኒ፡ እንዘ፡ ይብል፡ ዝንቱ፡ ደብር፡ ዘርኢከ፡ ነዋኅ፡ ዘርእሱ፡ ይመስል፡ መንበሮ፡ ለእግዚእ፡ መንበሩ፡ ውእቱ፡ ኀበ፡ ይነብር፡ ቅዱስ፡ ወዐቢይ፡ እግዚአ፡ ስብሐት፡ ንጉሥ፡ ዘለዓለም፡ ሶበ፡ ይወርድ፡ የሐውጻ፡ ለምድር፡ በሠናይ።
25:4	ወዝንቱኒ፡ ዕፀ፡ መዐዛ፡ ሠናይ፡ ወኢ፡ አሐዱ፡ ዘሥጋ፡ አልቦ፡ ሥልጣን፡ ከመ፡ ይግስሶ፡ እስከ፡ አመ፡ ዐቢይ፡ ኵነኔ፡ አመ፡ ይትቤቀል፡ ኵሎ፡ ወይትፌጸም፡ እስከ፡ ለዓለም፡ ዝኩ፡ ለጻድቃን፡ ወለትሑታን፡ ይትወሀብ።	ወዝንቱኒ፡ ዕፀ፡ መዐዛ፡ ሠናይ፡ ወኢ፡ አሐዱ፡ ዘሥጋ፡ አልቦ፡ ሥልጣን፡ ከመ፡ ይግስሶ፡ እስከ፡ አመ፡ ዐቢይ፡ ኵነኔ፡ አመ፡ ይትቤቀል፡ ኵሎ፡ ወይትፌጸም፡ እስከ፡ ለዓለም፡ ዝኩ፡ ለጻድቃን፡ ወለትሑታን፡ ይትወሀብ።
25:5	እምፍሬ፡ ዚኣሁ፡ ወይትወሀብ፡ ለኅሩያነ፡ ሕይወት፡ መንገለ፡ መስዕ፡ ይተከል፡ ውስተ፡ መካን፡ ቅዱስ፡ መንገለ፡ ቤቱ፡ ለእግዚእ፡ ንጉሥ፡ ዘለዓለም።	እምፍሬ፡ ዚኣሁ፡ ወይትወሀብ፡ ለኅሩያነ፡ ሕይወት፡ መንገለ፡ መስዕ፡ ይተከል፡ ውስተ፡ መካን፡ ቅዱስ፡ መንገለ፡ ቤቱ፡ ለእግዚእ፡ ንጉሥ፡ ዘለዓለም።
25:6	ውእተ፡ ጊዜ፡ ይትፌሥሑ፡ በፍሥሓ፡ ወይትሐሠዩ፡ ውስተ፡ ቅዱስ፡ ያበውኡ፡ ሎቱ፡ መዐዛ፡ በበ፡ አዕፅምቲሆሙ፡ ወሕይወተ፡ ብዙኀ፡ የሐይዉ፡ በዲበ፡ ምድር፡ በከመ፡ ሐይዉ፡ አበዊከ፡ ወበመዋዕሊሆሙ፡ ሐዘን፡ ወሕማም፡ ወጻማ፡ ወመቅሠፍት፡ ኢይገስሶሙ።	ውእተ፡ ጊዜ፡ ይትፌሥሑ፡ በፍሥሓ፡ ወይትሐሠዩ፡ ውስተ፡ ቅዱስ፡ ያበውኡ፡ ሎቱ፡ መዐዛ፡ በበ፡ አዕፅምቲሆሙ፡ ወሕይወተ፡ ብዙኀ፡ የሐይዉ፡ በዲበ፡ ምድር፡ በከመ፡ ሐይዉ፡ አበዊከ፡ ወበመዋዕሊሆሙ፡ ሐዘን፡ ወሕማም፡ ወጻማ፡ ወመቅሠፍት፡ ኢይገስሶሙ።
25:7	ውእተ፡ ጊዜ፡ ባረክዎ፡ ለእግዚአ፡ ስብሐት፡ ንጉሥ፡ ዘለዓለም፡ እስመ፡ አስተዳለወ፡ ከመ፡ ዝ፡ ለሰብእ፡ ጻድቃን፡ ወከመ፡ ዝ፡ ፈጠረ፡ ወይቤ፡ የሀብዎሙ።	ውእተ፡ ጊዜ፡ ባረክዎ፡ ለእግዚአ፡ ስብሐት፡ ንጉሥ፡ ዘለዓለም፡ እስመ፡ አስተዳለወ፡ ከመ፡ ዝ፡ ለሰብእ፡ ጻድቃን፡ ወከመ፡ ዝ፡ ፈጠረ፡ ወይቤ፡ የሀብዎሙ።

read Ge'ez alone read Ge'ez alone