| 40:1 | ወርኢኩ፡ እምድኅረዝ፡ አእላፈ፡ አእላፋት፡ ወትእልፊተ፡ አእላፋት፡ ወአልቦሙ፡ ኍልቊ፡ ወሐሳብ፡ ለእለ፡ ይቀውሙ፡ ቅድመ፡ እግዚአ፡ መናፍስት። | ወርኢኩ፡ እምድኅረዝ፡ አእላፈ፡ አእላፋት፡ ወትእልፊተ፡ አእላፋት፡ ወአልቦሙ፡ ኍልቊ፡ ወሐሳብ፡ ለእለ፡ ይቀውሙ፡ ቅድመ፡ እግዚአ፡ መናፍስት። |
|---|
| 40:2 | ወርኢኩ፡ ወበአርባዕቱ፡ ክነፊሁ፡ ለእግዚአ፡ መናፍስት፡ አርባዕተ፡ ገጻት፡ ካልኣተ፡ እምእለ፡ ይቀውሙ፡ ወአስማቲሆሙ፡ አእመርኩ፡ ዘአይድዐኒ፡ መልአክ፡ ዘመጽአ፡ ምስሌየ፡ ወኵሎ፡ ኅቡኣተ፡ አርአየኒ። | ወርኢኩ፡ ወበአርባዕቱ፡ ክነፊሁ፡ ለእግዚአ፡ መናፍስት፡ አርባዕተ፡ ገጻት፡ ካልኣተ፡ እምእለ፡ ይቀውሙ፡ ወአስማቲሆሙ፡ አእመርኩ፡ ዘአይድዐኒ፡ መልአክ፡ ዘመጽአ፡ ምስሌየ፡ ወኵሎ፡ ኅቡኣተ፡ አርአየኒ። |
|---|
| 40:3 | ወሰማዕኩ፡ ቃሎሙ፡ ለእልክቱ፡ ገጽ፡ አርባዕቱ፡ ገጽ፡ እንዘ፡ ይሴብሑ፡ ቅድመ፡ እግዚአ፡ መናፍስት። | ወሰማዕኩ፡ ቃሎሙ፡ ለእልክቱ፡ ገጽ፡ አርባዕቱ፡ ገጽ፡ እንዘ፡ ይሴብሑ፡ ቅድመ፡ እግዚአ፡ መናፍስት። |
|---|
| 40:4 | ወቃል፡ ቀዳማዊ፡ ይባርኮ፡ ለእግዚአ፡ መናፍስት፡ ለዓለመ፡ ዓለም። | ወቃል፡ ቀዳማዊ፡ ይባርኮ፡ ለእግዚአ፡ መናፍስት፡ ለዓለመ፡ ዓለም። |
|---|
| 40:5 | ወቃለ፡ ካልአ፡ ሰማዕኩ፡ እንዘ፡ ይባርኮ፡ ለኅሩይ፡ ወለኅሩያን፡ እለ፡ ስቁላን፡ ለእግዚአ፡ መናፍስት። | ወቃለ፡ ካልአ፡ ሰማዕኩ፡ እንዘ፡ ይባርኮ፡ ለኅሩይ፡ ወለኅሩያን፡ እለ፡ ስቁላን፡ ለእግዚአ፡ መናፍስት። |
|---|
| 40:6 | ወሣልሰ፡ ቃለ፡ ሰማዕኩ፡ እንዘ፡ ይስእሉ፡ ወይጼልዩ፡ በእንተ፡ እለ፡ የኀድሩ፡ ውስተ፡ የብስ፡ ወያስተበቍዑ፡ በስሙ፡ ለእግዚአ፡ መናፍስት። | ወሣልሰ፡ ቃለ፡ ሰማዕኩ፡ እንዘ፡ ይስእሉ፡ ወይጼልዩ፡ በእንተ፡ እለ፡ የኀድሩ፡ ውስተ፡ የብስ፡ ወያስተበቍዑ፡ በስሙ፡ ለእግዚአ፡ መናፍስት። |
|---|
| 40:7 | ወቃለ፡ ራብዐየ፡ ሰማዕኩ፡ እንዘ፡ ይሰድዶሙ፡ ለሰይጣናት፡ ወኢየኀድጎሙ፡ ይባኡ፡ ኀበ፡ እግዚአ፡ መናፍስት፡ ከመ፡ ያስተዋድይዎሙ፡ ለእለ፡ የኀድሩ፡ ዲበ፡ የብስ። | ወቃለ፡ ራብዐየ፡ ሰማዕኩ፡ እንዘ፡ ይሰድዶሙ፡ ለሰይጣናት፡ ወኢየኀድጎሙ፡ ይባኡ፡ ኀበ፡ እግዚአ፡ መናፍስት፡ ከመ፡ ያስተዋድይዎሙ፡ ለእለ፡ የኀድሩ፡ ዲበ፡ የብስ። |
|---|
| 40:8 | ወእምድኅረ፡ ዝ፡ ተስእልክዎ፡ ለመልአከ፡ ሰላም፡ ዘየሐውር፡ ምስሌየ፡ ዘውእቱ፡ አርአየኒ፡ ኵሎ፡ ዘኅቡእ፡ ወእብሎ፡ መኑ፡ ውእቶሙ፡ እሉ፡ አርባዕቱ፡ ገጽ፡ ዘርኢኩ፡ ወእለ፡ ሰማዕኩ፡ ቃሎሙ፡ ወጸሐፍክዎሙ። | ወእምድኅረ፡ ዝ፡ ተስእልክዎ፡ ለመልአከ፡ ሰላም፡ ዘየሐውር፡ ምስሌየ፡ ዘውእቱ፡ አርአየኒ፡ ኵሎ፡ ዘኅቡእ፡ ወእብሎ፡ መኑ፡ ውእቶሙ፡ እሉ፡ አርባዕቱ፡ ገጽ፡ ዘርኢኩ፡ ወእለ፡ ሰማዕኩ፡ ቃሎሙ፡ ወጸሐፍክዎሙ። |
|---|
| 40:9 | ወይቤለኒ፡ ዝ፡ ቃል፡ ቀዳማዊ፡ ውእቱ፡ መሓሪ፡ ወርሑቀ፡ መዓት፡ ቅዱስ፡ ሚካኤል፡ ወካልእ፡ ዘዲበ፡ ኵሉ፡ ሕማም፡ ወዲበ፡ ኵሉ፡ ቍስል፡ ዘውሉደ፡ ሰብእ፡ ውእቱ፡ ሩፋኤል፡ ወሣልስ፡ ዘዲበ፡ ኵሉ፡ ኀይል፡ ውእቱ፡ ቅዱስ፡ ገብርኤል፡ ወራብዕ፡ ዘዲበ፡ ንስሓ፡ ለተስፋ፡ እለ፡ ይወርሱ፡ ሕይወተ፡ ዘለዓለም፡ ውእቱ፡ ፋኑኤል። | ወይቤለኒ፡ ዝ፡ ቃል፡ ቀዳማዊ፡ ውእቱ፡ መሓሪ፡ ወርሑቀ፡ መዓት፡ ቅዱስ፡ ሚካኤል፡ ወካልእ፡ ዘዲበ፡ ኵሉ፡ ሕማም፡ ወዲበ፡ ኵሉ፡ ቍስል፡ ዘውሉደ፡ ሰብእ፡ ውእቱ፡ ሩፋኤል፡ ወሣልስ፡ ዘዲበ፡ ኵሉ፡ ኀይል፡ ውእቱ፡ ቅዱስ፡ ገብርኤል፡ ወራብዕ፡ ዘዲበ፡ ንስሓ፡ ለተስፋ፡ እለ፡ ይወርሱ፡ ሕይወተ፡ ዘለዓለም፡ ውእቱ፡ ፋኑኤል። |
|---|
| 40:10 | ወእሉ፡ አርባዕቱ፡ መላእክቲሁ፡ ለእግዚአብሔር፡ ልዑል፡ ወአርባዕተ፡ ቃለ፡ ሰማዕኩ፡ በውእቶን፡ መዋዕል። | ወእሉ፡ አርባዕቱ፡ መላእክቲሁ፡ ለእግዚአብሔር፡ ልዑል፡ ወአርባዕተ፡ ቃለ፡ ሰማዕኩ፡ በውእቶን፡ መዋዕል። |
|---|