1 Enoch

1 Enoch 45 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
45:1	ወዝ፡ ካልእ፡ ምሳሌ፡ ዲበ፡ እለ፡ ይክሕዱ፡ ስሞ፡ ለማኅደረ፡ ቅዱሳን፡ ወለእግዚአ፡ መናፍስት።	ወዝ፡ ካልእ፡ ምሳሌ፡ ዲበ፡ እለ፡ ይክሕዱ፡ ስሞ፡ ለማኅደረ፡ ቅዱሳን፡ ወለእግዚአ፡ መናፍስት።
45:2	ኢ፡ ሰማየ፡ የዐርጉ፡ ወኢ፡ ምድረ፡ ይበጽሑ፡ ከመ፡ ዝ፡ ይከውን፡ ክፍለ፡ ኃጥኣን፡ እለ፡ ይክሕዱ፡ ስሞ፡ ለእግዚአ፡ መናፍስት፡ እለ፡ ከመ፡ ዝ፡ ይትዐቀቡ፡ ለዕለተ፡ ሥራሕ፡ ወምንዳቤ።	ኢ፡ ሰማየ፡ የዐርጉ፡ ወኢ፡ ምድረ፡ ይበጽሑ፡ ከመ፡ ዝ፡ ይከውን፡ ክፍለ፡ ኃጥኣን፡ እለ፡ ይክሕዱ፡ ስሞ፡ ለእግዚአ፡ መናፍስት፡ እለ፡ ከመ፡ ዝ፡ ይትዐቀቡ፡ ለዕለተ፡ ሥራሕ፡ ወምንዳቤ።
45:3	ወበይእቲ፡ ዕለት፡ ይነብር፡ በመንበረ፡ ስብሐት፡ ኅሩይ፡ ወየኀሪ፡ ምግባሪሆሙ፡ ወምዕራፎሙ፡ ወኍልቊ፡ አልቦሙ፡ ወመንፈሶሙ፡ በማእከሎሙ፡ ትጸንዕ፡ ሶበ፡ ርእይዎ፡ ለኅሩየ፡ ዚኣየ፡ ወለእለ፡ ይሰክዩ፡ ስምየ፡ ቅዱሰ፡ ወስቡሐ።	ወበይእቲ፡ ዕለት፡ ይነብር፡ በመንበረ፡ ስብሐት፡ ኅሩይ፡ ወየኀሪ፡ ምግባሪሆሙ፡ ወምዕራፎሙ፡ ወኍልቊ፡ አልቦሙ፡ ወመንፈሶሙ፡ በማእከሎሙ፡ ትጸንዕ፡ ሶበ፡ ርእይዎ፡ ለኅሩየ፡ ዚኣየ፡ ወለእለ፡ ይሰክዩ፡ ስምየ፡ ቅዱሰ፡ ወስቡሐ።
45:4	ወበይእቲ፡ ዕለት፡ ኣነብሮ፡ በማእከሎሙ፡ ወእዌልጣ፡ ለሰማይ፡ ወእገብራ፡ ለበረከት፡ ወብርሃን፡ ዘለዓለም።	ወበይእቲ፡ ዕለት፡ ኣነብሮ፡ በማእከሎሙ፡ ወእዌልጣ፡ ለሰማይ፡ ወእገብራ፡ ለበረከት፡ ወብርሃን፡ ዘለዓለም።
45:5	ወእዌልጣ፡ ለየብስ፡ ወእገብራ፡ ለበረከት፡ ወለኅሩያነ፡ ዚኣየ፡ ኣነብሮሙ፡ ውስቴታ፡ ወእለሰ፡ ይገብሩ፡ ኀጢአተ፡ ወጌጋየ፡ ኢይከይዱ፡ ውስቴታ።	ወእዌልጣ፡ ለየብስ፡ ወእገብራ፡ ለበረከት፡ ወለኅሩያነ፡ ዚኣየ፡ ኣነብሮሙ፡ ውስቴታ፡ ወእለሰ፡ ይገብሩ፡ ኀጢአተ፡ ወጌጋየ፡ ኢይከይዱ፡ ውስቴታ።
45:6	እስመ፡ አነ፡ ርኢክዎሙ፡ ወአጽገብክዎሙ፡ በሰላም፡ ለጻድቃንየ፡ ወአንበርክዎሙ፡ ቅድሜየ፡ ወቀርበት፡ ኀቤየ፡ ኵነኔየ፡ ለኃጥኣን፡ ከመ፡ ኣህጕሎሙ፡ እምገጸ፡ ምድር።	እስመ፡ አነ፡ ርኢክዎሙ፡ ወአጽገብክዎሙ፡ በሰላም፡ ለጻድቃንየ፡ ወአንበርክዎሙ፡ ቅድሜየ፡ ወቀርበት፡ ኀቤየ፡ ኵነኔየ፡ ለኃጥኣን፡ ከመ፡ ኣህጕሎሙ፡ እምገጸ፡ ምድር።

read Ge'ez alone read Ge'ez alone