1 Enoch

1 Enoch 62 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
62:1	ወከመ፡ ዝ፡ አዘዘ፡ እግዚእ፡ ለነገሥት፡ ወለአዚዛን፡ ወለልዑላን፡ ወለኀያላን፡ ወለእለ፡ የኀድርዋ፡ ለምድር፡ ወይብል፡ ክሥቱ፡ አዕይንቲክሙ፡ ወአንሥኡ፡ አቅርንቲክሙ፡ እመ፡ ትክሉ፡ አእምሮቶ፡ ለኅሩይ።	ወከመ፡ ዝ፡ አዘዘ፡ እግዚእ፡ ለነገሥት፡ ወለአዚዛን፡ ወለልዑላን፡ ወለኀያላን፡ ወለእለ፡ የኀድርዋ፡ ለምድር፡ ወይብል፡ ክሥቱ፡ አዕይንቲክሙ፡ ወአንሥኡ፡ አቅርንቲክሙ፡ እመ፡ ትክሉ፡ አእምሮቶ፡ ለኅሩይ።
62:2	ወነበረ፡ እግዚአ፡ መናፍስት፡ ዲበ፡ መንበረ፡ ስብሐቲሁ፡ ወመንፈሰ፡ ጽድቅ፡ ተክዕወ፡ ዲቤሁ፡ ወነገረ፡ አፉሁ፡ ይቅትል፡ ኵሎ፡ ኃጥኣነ፡ ወኵሎ፡ ዐማፅያን፡ ወእምገጹ፡ ይትሀጐሉ።	ወነበረ፡ እግዚአ፡ መናፍስት፡ ዲበ፡ መንበረ፡ ስብሐቲሁ፡ ወመንፈሰ፡ ጽድቅ፡ ተክዕወ፡ ዲቤሁ፡ ወነገረ፡ አፉሁ፡ ይቅትል፡ ኵሎ፡ ኃጥኣነ፡ ወኵሎ፡ ዐማፅያን፡ ወእምገጹ፡ ይትሀጐሉ።
62:3	ወይቀውሙ፡ በይእቲ፡ ዕለት፡ ኵሎሙ፡ ነገሥት፡ ወአዚዛን፡ ወልዑላን፡ ወእለ፡ ይእኅዝዋ፡ ለምድር፡ ወይሬእይዎ፡ ወየአምርዎ፡ ከመ፡ ይነብር፡ ዲበ፡ መንበረ፡ ስብሐቲሁ፡ ወጻድቃን፡ ይትኴነኑ፡ ቅድሜሁ፡ በጽድቅ፡ ወነገረ፡ በክ፡ አልቦ፡ ዘይትበሀል፡ በቅድሜሁ።	ወይቀውሙ፡ በይእቲ፡ ዕለት፡ ኵሎሙ፡ ነገሥት፡ ወአዚዛን፡ ወልዑላን፡ ወእለ፡ ይእኅዝዋ፡ ለምድር፡ ወይሬእይዎ፡ ወየአምርዎ፡ ከመ፡ ይነብር፡ ዲበ፡ መንበረ፡ ስብሐቲሁ፡ ወጻድቃን፡ ይትኴነኑ፡ ቅድሜሁ፡ በጽድቅ፡ ወነገረ፡ በክ፡ አልቦ፡ ዘይትበሀል፡ በቅድሜሁ።
62:4	ወይመጽእ፡ ዲቤሆሙ፡ ሕማም፡ ከመ፡ ብእሲት፡ እንተ፡ ውስተ፡ ማሕምም፡ ወያዐጽባ፡ ወሊድ፡ ሶበ፡ ይመጽእ፡ ወልዳ፡ በአፈ፡ ማሕፀና፡ ወተዐጽብ፡ ለወሊድ።	ወይመጽእ፡ ዲቤሆሙ፡ ሕማም፡ ከመ፡ ብእሲት፡ እንተ፡ ውስተ፡ ማሕምም፡ ወያዐጽባ፡ ወሊድ፡ ሶበ፡ ይመጽእ፡ ወልዳ፡ በአፈ፡ ማሕፀና፡ ወተዐጽብ፡ ለወሊድ።
62:5	ወይሬእይዎሙ፡ መንፈቆሙ፡ ለመንፈቆሙ፡ ወይደነግፁ፡ ወያቴሕቱ፡ ገጾሙ፡ ወይእኅዞሙ፡ ሕማም፡ ሶበ፡ ይሬእይዎ፡ ለዝኩ፡ ወልደ፡ ብእሲት፡ እንዘ፡ ይነብር፡ ዲበ፡ መንበረ፡ ስብሐቲሁ።	ወይሬእይዎሙ፡ መንፈቆሙ፡ ለመንፈቆሙ፡ ወይደነግፁ፡ ወያቴሕቱ፡ ገጾሙ፡ ወይእኅዞሙ፡ ሕማም፡ ሶበ፡ ይሬእይዎ፡ ለዝኩ፡ ወልደ፡ ብእሲት፡ እንዘ፡ ይነብር፡ ዲበ፡ መንበረ፡ ስብሐቲሁ።
62:6	ወይሴብሕዎ፡ ወይባርክዎ፡ ወያሌዕልዎ፡ ነገሥት፡ አዚዛን፡ ወኵሎሙ፡ እለ፡ ይእኅዝዋ፡ ለምድር፡ ለዘይመልክ፡ ኵሎ፡ ዘኅቡእ።	ወይሴብሕዎ፡ ወይባርክዎ፡ ወያሌዕልዎ፡ ነገሥት፡ አዚዛን፡ ወኵሎሙ፡ እለ፡ ይእኅዝዋ፡ ለምድር፡ ለዘይመልክ፡ ኵሎ፡ ዘኅቡእ።
62:7	እስመ፡ እምቅድም፡ ኅቡአ፡ ኮነ፡ ወልደ፡ ዕጓለ፡ እመሕያው፡ ወዐቀቦ፡ ልዑል፡ በቅድመ፡ ኀይሉ፡ ወከሠቶ፡ ለኅሩያን።	እስመ፡ እምቅድም፡ ኅቡአ፡ ኮነ፡ ወልደ፡ ዕጓለ፡ እመሕያው፡ ወዐቀቦ፡ ልዑል፡ በቅድመ፡ ኀይሉ፡ ወከሠቶ፡ ለኅሩያን።
62:8	ወይዘራዕ፡ ማኅበረ፡ ቅዱሳን፡ ወኅሩያን፡ ወይቀውሙ፡ በቅድሜሁ፡ ኵሎሙ፡ ኅሩያን፡ በይእቲ፡ ዕለት።	ወይዘራዕ፡ ማኅበረ፡ ቅዱሳን፡ ወኅሩያን፡ ወይቀውሙ፡ በቅድሜሁ፡ ኵሎሙ፡ ኅሩያን፡ በይእቲ፡ ዕለት።
62:9	ወይወድቁ፡ ኵሎሙ፡ ነገሥት፡ አዚዛን፡ ወልዑላን፡ ወእለ፡ ይመልክዋ፡ ለየብስ፡ በገጾሙ፡ ወይሰግዱ፡ ወይሴፈውዎ፡ ለዝኩ፡ ወልደ፡ ዕጓለ፡ እመሕያው፡ ወያስተበቍዕዎ፡ ወይስእሉ፡ ምሕረተ፡ እምኀቤሁ።	ወይወድቁ፡ ኵሎሙ፡ ነገሥት፡ አዚዛን፡ ወልዑላን፡ ወእለ፡ ይመልክዋ፡ ለየብስ፡ በገጾሙ፡ ወይሰግዱ፡ ወይሴፈውዎ፡ ለዝኩ፡ ወልደ፡ ዕጓለ፡ እመሕያው፡ ወያስተበቍዕዎ፡ ወይስእሉ፡ ምሕረተ፡ እምኀቤሁ።
62:10	ወያጔጕኦሙ፡ እንከ፡ ውእቱ፡ እግዚአ፡ መናፍስት፡ ከመ፡ ያፍጥኑ፡ ወይፃኡ፡ እምቅድመ፡ ገጹ፡ ወገጾሙ፡ ይመልእ፡ ኀፍረተ፡ ወጽልመተ፡ ይትዌሰክ፡ ገጾሙ።	ወያጔጕኦሙ፡ እንከ፡ ውእቱ፡ እግዚአ፡ መናፍስት፡ ከመ፡ ያፍጥኑ፡ ወይፃኡ፡ እምቅድመ፡ ገጹ፡ ወገጾሙ፡ ይመልእ፡ ኀፍረተ፡ ወጽልመተ፡ ይትዌሰክ፡ ገጾሙ።
62:11	ወይትመጠውዎሙ፡ መላእክተ፡ መቅሠፍት፡ ከመ፡ ይትፈደዩ፡ እምኔሆሙ፡ ዘገፍዕዎሙ፡ ለደቂቁ፡ ወለኅሩያነ፡ ዚኣሁ።	ወይትመጠውዎሙ፡ መላእክተ፡ መቅሠፍት፡ ከመ፡ ይትፈደዩ፡ እምኔሆሙ፡ ዘገፍዕዎሙ፡ ለደቂቁ፡ ወለኅሩያነ፡ ዚኣሁ።
62:12	ወይከውኑ፡ አርአያ፡ ለኅሩያኒሁ፡ ወጻድቃነ፡ ዚኣሁ፡ ቦሙ፡ ይትፌሥሑ፡ እስመ፡ መዓቱ፡ ለእግዚአ፡ መናፍስት፡ ዲቤሆሙ፡ ተዐርፍ፡ ወመቅሠፍቱ፡ ለእግዚአ፡ መናፍስት፡ ትሰክር፡ እምኔሆሙ።	ወይከውኑ፡ አርአያ፡ ለኅሩያኒሁ፡ ወጻድቃነ፡ ዚኣሁ፡ ቦሙ፡ ይትፌሥሑ፡ እስመ፡ መዓቱ፡ ለእግዚአ፡ መናፍስት፡ ዲቤሆሙ፡ ተዐርፍ፡ ወመቅሠፍቱ፡ ለእግዚአ፡ መናፍስት፡ ትሰክር፡ እምኔሆሙ።
62:13	ወጻድቃን፡ ወኅሩያን፡ ይድኅኑ፡ በይእቲ፡ ዕለት፡ ወገጾሙ፡ ለኃጥኣን፡ ወለዐማፅያን፡ ኢይሬእዩ፡ እምይእዜ።	ወጻድቃን፡ ወኅሩያን፡ ይድኅኑ፡ በይእቲ፡ ዕለት፡ ወገጾሙ፡ ለኃጥኣን፡ ወለዐማፅያን፡ ኢይሬእዩ፡ እምይእዜ።
62:14	ወእግዚአ፡ መናፍስት፡ ዲቤሆሙ፡ የዐርፍ፡ ወምስለ፡ ዝኩ፡ ወልደ፡ ዕጓለ፡ እመሕያው፡ የኀድሩ፡ ይበልዑ፡ ወይሰትዩ፡ ወይሰክቡ፡ ወይትነሥኡ፡ ለዓለመ፡ ዓለም።	ወእግዚአ፡ መናፍስት፡ ዲቤሆሙ፡ የዐርፍ፡ ወምስለ፡ ዝኩ፡ ወልደ፡ ዕጓለ፡ እመሕያው፡ የኀድሩ፡ ይበልዑ፡ ወይሰትዩ፡ ወይሰክቡ፡ ወይትነሥኡ፡ ለዓለመ፡ ዓለም።
62:15	ወተንሥኡ፡ ጻድቃን፡ ወኅሩያን፡ እምድር፡ ወኀደጉ፡ አትሕቶ፡ ገጾሙ፡ ወለብሱ፡ ልብሰ፡ ሕይወት።	ወተንሥኡ፡ ጻድቃን፡ ወኅሩያን፡ እምድር፡ ወኀደጉ፡ አትሕቶ፡ ገጾሙ፡ ወለብሱ፡ ልብሰ፡ ሕይወት።
62:16	ወውእቱ፡ ይከውን፡ ልብሰ፡ ሕይወት፡ በኀበ፡ እግዚአ፡ መናፍስት፡ ወአልባሲክሙኒ፡ ኢይበልዩ፡ ወስብሐቲክሙ፡ ኢየኀልቅ፡ በቅድመ፡ እግዚአ፡ መናፍስት።	ወውእቱ፡ ይከውን፡ ልብሰ፡ ሕይወት፡ በኀበ፡ እግዚአ፡ መናፍስት፡ ወአልባሲክሙኒ፡ ኢይበልዩ፡ ወስብሐቲክሙ፡ ኢየኀልቅ፡ በቅድመ፡ እግዚአ፡ መናፍስት።