| 67:1 | ወበእማንቱ፡ መዋዕል፡ ኮነ፡ ቃለ፡ እግዚአብሔር፡ ኀቤየ፡ ወይቤለኒ፡ ኖኅ፡ ናሁ፡ ክፍልከ፡ ዐርገ፡ ኀቤየ፡ ክፍል፡ ዘአልቦቱ፡ ኂስ፡ ክፍለ፡ ፍቅር፡ ወርትዕ። | ወበእማንቱ፡ መዋዕል፡ ኮነ፡ ቃለ፡ እግዚአብሔር፡ ኀቤየ፡ ወይቤለኒ፡ ኖኅ፡ ናሁ፡ ክፍልከ፡ ዐርገ፡ ኀቤየ፡ ክፍል፡ ዘአልቦቱ፡ ኂስ፡ ክፍለ፡ ፍቅር፡ ወርትዕ። |
|---|
| 67:2 | ወይእዜኒ፡ ይገብሩ፡ መላእክት፡ ዕፀወ፡ ወሶበ፡ ወፅኡ፡ ለውእቱ፡ መልእክት፡ እወዲ፡ እዴየ፡ ዲቤሃ፡ ወአዐቅባ፡ ወትከውን፡ እምኔሃ፡ ዘርዐ፡ ሕይወት፡ ወተውላጥ፡ ይባእ፡ ከመ፡ ኢይንበር፡ የብስ፡ ዕራቁ። | ወይእዜኒ፡ ይገብሩ፡ መላእክት፡ ዕፀወ፡ ወሶበ፡ ወፅኡ፡ ለውእቱ፡ መልእክት፡ እወዲ፡ እዴየ፡ ዲቤሃ፡ ወአዐቅባ፡ ወትከውን፡ እምኔሃ፡ ዘርዐ፡ ሕይወት፡ ወተውላጥ፡ ይባእ፡ ከመ፡ ኢይንበር፡ የብስ፡ ዕራቁ። |
|---|
| 67:3 | ወኣጸንዖ፡ ለዘርዕከ፡ በቅድሜየ፡ ለዓለመ፡ ዓለም፡ ወእዘርዖሙ፡ ለእለ፡ የኀድሩ፡ ምስሌከ፡ ውስተ፡ ገጸ፡ የብስ፡ ወይትባዛኅ፡ ወይትባረክ፡ ቅድመ፡ የብስ፡ በስሙ፡ ለእግዚአ፡ መናፍስት። | ወኣጸንዖ፡ ለዘርዕከ፡ በቅድሜየ፡ ለዓለመ፡ ዓለም፡ ወእዘርዖሙ፡ ለእለ፡ የኀድሩ፡ ምስሌከ፡ ውስተ፡ ገጸ፡ የብስ፡ ወይትባዛኅ፡ ወይትባረክ፡ ቅድመ፡ የብስ፡ በስሙ፡ ለእግዚአ፡ መናፍስት። |
|---|
| 67:4 | ወየዐጽውዎሙ፡ ለእልክቱ፡ መላእክት፡ እለ፡ አርአይዋ፡ ለዐመፃ፡ ውስተ፡ ይእቲ፡ ቈላ፡ እንተ፡ ትነድድ፡ እንተ፡ አርአየኒ፡ ቀዳሚ፡ እምኄውየ፡ ሄኖክ፡ በዐረብ፡ በኀበ፡ አድባረ፡ ወርቅ፡ ወብሩር፡ ወኀጺን፡ ወነጠብጣብ፡ ወናእክ። | ወየዐጽውዎሙ፡ ለእልክቱ፡ መላእክት፡ እለ፡ አርአይዋ፡ ለዐመፃ፡ ውስተ፡ ይእቲ፡ ቈላ፡ እንተ፡ ትነድድ፡ እንተ፡ አርአየኒ፡ ቀዳሚ፡ እምኄውየ፡ ሄኖክ፡ በዐረብ፡ በኀበ፡ አድባረ፡ ወርቅ፡ ወብሩር፡ ወኀጺን፡ ወነጠብጣብ፡ ወናእክ። |
|---|
| 67:5 | ወርኢክዋ፡ ለይእቲ፡ ቈላ፡ እንተ፡ ሀዉክ፡ ዐቢይ፡ ባቲ፡ ወተሀውኮ፡ ማያት። | ወርኢክዋ፡ ለይእቲ፡ ቈላ፡ እንተ፡ ሀዉክ፡ ዐቢይ፡ ባቲ፡ ወተሀውኮ፡ ማያት። |
|---|
| 67:6 | ወዝንቱ፡ ኵሉ፡ ሶበ፡ ተገብረ፡ እምውእቱ፡ ነጠብጣበ፡ እሳት፡ ወሀውኮሙ፡ ዘየሀውኮሙ፡ በውእቱ፡ መካን፡ ተወልደ፡ ጼና፡ ተይ፡ ወተኀብረ፡ ምስለ፡ እልኩ፡ ማያት፡ ወይእቲ፡ ቈላ፡ እንተ፡ መላእክት፡ እለ፡ አስሐቱ፡ ትነድድ፡ መትሕተ፡ ይእቲ፡ ምድር። | ወዝንቱ፡ ኵሉ፡ ሶበ፡ ተገብረ፡ እምውእቱ፡ ነጠብጣበ፡ እሳት፡ ወሀውኮሙ፡ ዘየሀውኮሙ፡ በውእቱ፡ መካን፡ ተወልደ፡ ጼና፡ ተይ፡ ወተኀብረ፡ ምስለ፡ እልኩ፡ ማያት፡ ወይእቲ፡ ቈላ፡ እንተ፡ መላእክት፡ እለ፡ አስሐቱ፡ ትነድድ፡ መትሕተ፡ ይእቲ፡ ምድር። |
|---|
| 67:7 | ወእንተ፡ ቈላተ፡ ዚኣሃ፡ አፍላገ፡ እሳት፡ ይወፅኡ፡ በኀበ፡ ይትኴነኑ፡ እልክቱ፡ መላእክት፡ እለ፡ አስሐትዎሙ፡ ለእለ፡ የኀድሩ፡ ዲበ፡ የብስ። | ወእንተ፡ ቈላተ፡ ዚኣሃ፡ አፍላገ፡ እሳት፡ ይወፅኡ፡ በኀበ፡ ይትኴነኑ፡ እልክቱ፡ መላእክት፡ እለ፡ አስሐትዎሙ፡ ለእለ፡ የኀድሩ፡ ዲበ፡ የብስ። |
|---|
| 67:8 | ወይከውኑ፡ እልክቱ፡ ማያት፡ በእማንቱ፡ መዋዕል፡ ለነገሥት፡ ወለአዚዛን፡ ወለልዑላን፡ ወለእለ፡ የኀድሩ፡ ዲበ፡ የብስ፡ ለፈውሰ፡ ነፍስ፡ ወሥጋ፡ ወለኵነኔ፡ መንፈስ፡ ወተውኔተ፡ ይመልእ፡ መንፈሶሙ፡ ከመ፡ ይትኰነኑ፡ በሥጋሆሙ፡ እስመ፡ ክሕድዎ፡ ለእግዚአ፡ መናፍስት፡ ወይሬእዩ፡ ኵነኔሆሙ፡ እንተ፡ ኵሉ፡ ዕለት፡ ወኢየአምኑ፡ በስሙ። | ወይከውኑ፡ እልክቱ፡ ማያት፡ በእማንቱ፡ መዋዕል፡ ለነገሥት፡ ወለአዚዛን፡ ወለልዑላን፡ ወለእለ፡ የኀድሩ፡ ዲበ፡ የብስ፡ ለፈውሰ፡ ነፍስ፡ ወሥጋ፡ ወለኵነኔ፡ መንፈስ፡ ወተውኔተ፡ ይመልእ፡ መንፈሶሙ፡ ከመ፡ ይትኰነኑ፡ በሥጋሆሙ፡ እስመ፡ ክሕድዎ፡ ለእግዚአ፡ መናፍስት፡ ወይሬእዩ፡ ኵነኔሆሙ፡ እንተ፡ ኵሉ፡ ዕለት፡ ወኢየአምኑ፡ በስሙ። |
|---|
| 67:9 | ወበከመ፡ ብዙኀ፡ ውዕየ፡ ሥጋሆሙ፡ ከመ፡ ዝ፡ ቦሙ፡ ተውላጥ፡ ለመንፈሶሙ፡ ለዓለመ፡ ዓለም፡ እስመ፡ አልቦ፡ በቅድመ፡ እግዚአ፡ መናፍስት፡ ዘይትናገር፡ በነገረ፡ በክ። | ወበከመ፡ ብዙኀ፡ ውዕየ፡ ሥጋሆሙ፡ ከመ፡ ዝ፡ ቦሙ፡ ተውላጥ፡ ለመንፈሶሙ፡ ለዓለመ፡ ዓለም፡ እስመ፡ አልቦ፡ በቅድመ፡ እግዚአ፡ መናፍስት፡ ዘይትናገር፡ በነገረ፡ በክ። |
|---|
| 67:10 | እስመ፡ ትመጽእ፡ ኵነኔ፡ ዲቤሆሙ፡ እስመ፡ የአምኑ፡ በተውኔተ፡ ሥጋሆሙ፡ ወመንፈሰ፡ እግዚእ፡ ይክሕዱ። | እስመ፡ ትመጽእ፡ ኵነኔ፡ ዲቤሆሙ፡ እስመ፡ የአምኑ፡ በተውኔተ፡ ሥጋሆሙ፡ ወመንፈሰ፡ እግዚእ፡ ይክሕዱ። |
|---|
| 67:11 | ወኪያሁ፡ ማያት፡ በውእቱ፡ ጊዜ፡ ቦሙ፡ ተውላጥ፡ እስመ፡ ሶበ፡ ይትኴነኑ፡ እልክቱ፡ መላእክት፡ በውእቱ፡ መዋዕል፡ ይትዌለጥ፡ ራእዮሙ፡ ለእልክቱ፡ አንቅዕተ፡ ማያት፡ ወሶበ፡ የዐርጉ፡ መላእክት፡ ይትዌለጥ፡ ዝኩ፡ ማይ፡ ዘአንቅዕት፡ ወይቈርር። | ወኪያሁ፡ ማያት፡ በውእቱ፡ ጊዜ፡ ቦሙ፡ ተውላጥ፡ እስመ፡ ሶበ፡ ይትኴነኑ፡ እልክቱ፡ መላእክት፡ በውእቱ፡ መዋዕል፡ ይትዌለጥ፡ ራእዮሙ፡ ለእልክቱ፡ አንቅዕተ፡ ማያት፡ ወሶበ፡ የዐርጉ፡ መላእክት፡ ይትዌለጥ፡ ዝኩ፡ ማይ፡ ዘአንቅዕት፡ ወይቈርር። |
|---|
| 67:12 | ወሰማዕክዎ፡ ለቅዱስ፡ ሚካኤል፡ እንዘ፡ ያወሥእ፡ ወይብል፡ ዛቲ፡ ኵነኔ፡ እንተ፡ ይትኴነኑ፡ መላእክት፡ ሰማዕት፡ ይእቲ፡ ለነገሥት፡ ወለአዚዛን፡ ወለእለ፡ ይእኅዝዋ፡ ለየብስ። | ወሰማዕክዎ፡ ለቅዱስ፡ ሚካኤል፡ እንዘ፡ ያወሥእ፡ ወይብል፡ ዛቲ፡ ኵነኔ፡ እንተ፡ ይትኴነኑ፡ መላእክት፡ ሰማዕት፡ ይእቲ፡ ለነገሥት፡ ወለአዚዛን፡ ወለእለ፡ ይእኅዝዋ፡ ለየብስ። |
|---|
| 67:13 | እስመ፡ እሉ፡ ማያተ፡ ኵነኔ፡ ለፈውሰ፡ ሥጋሆሙ፡ ለመላእክት፡ ወለሞተ፡ ሥጋሆሙ፡ ወኢይሬእዩ፡ ወኢየአምኑ፡ ከመ፡ ይትመየጡ፡ እሙንቱ፡ ማያት፡ ወይከውኑ፡ እሳተ፡ ዘይነድድ፡ ለዓለም። | እስመ፡ እሉ፡ ማያተ፡ ኵነኔ፡ ለፈውሰ፡ ሥጋሆሙ፡ ለመላእክት፡ ወለሞተ፡ ሥጋሆሙ፡ ወኢይሬእዩ፡ ወኢየአምኑ፡ ከመ፡ ይትመየጡ፡ እሙንቱ፡ ማያት፡ ወይከውኑ፡ እሳተ፡ ዘይነድድ፡ ለዓለም። |
|---|