1 Enoch

1 Enoch 69 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
69:1	ወእምድኅረ፡ ዝ፡ ኵነኔ፡ ያደነግፅዎሙ፡ ወያምዕዕዎሙ፡ እስመ፡ ዛተ፡ አርአዩ፡ ለእለ፡ የኀድሩ፡ ዲበ፡ የብስ።	ወእምድኅረ፡ ዝ፡ ኵነኔ፡ ያደነግፅዎሙ፡ ወያምዕዕዎሙ፡ እስመ፡ ዛተ፡ አርአዩ፡ ለእለ፡ የኀድሩ፡ ዲበ፡ የብስ።
69:2	ወነዋ፡ አስማቲሆሙ፡ ለእልክቱ፡ መላእክት፡ ወዝ፡ ውእቱ፡ አስማቲሆሙ፡ ቀዳማየ፡ ዚኣሆሙ፡ ስምያዛ፡ ወካልኡ፡ አርስጢቄፋ፡ ወሣልስ፡ አርሜን፡ ወራብዕ፡ ኮክባኤል፡ ወኀምስ፡ ጡርኤል፡ ወሳድስ፡ ሩምያል፡ ወሳብዕ፡ ዳንኤል፡ ወሳምን፡ ኑቃኤል፡ ወታስዕ፡ በራቅኤል፡ ወዐሥር፡ አዛዝኤል፡ ዐሥር፡ ወአሐዱ፡ አርማሮስ፡ ዐሥር፡ ወካልእ፡ በጠርያል፡ ዐሥር፡ ወሣልስ፡ በሰሳኤል፡ ዐሥር፡ ወራብዕ፡ አናንኤል፡ ዐሥር፡ ወኀምስ፡ ጡርያል፡ ዐሥር፡ ወሳድስ፡ ሲማሲፒኤል፡ ዐሥር፡ ወሳብዕ፡ ይተርኤል፡ ዐሥር፡ ወሳምን፡ ቱማኤል፡ ዐሥር፡ ወታስዕ፡ ጠርኤል፡ ዕሥራ፡ ሩማኤል፡ ዕሥራ፡ ወአሐዱ፡ አዛዝኤል።	ወነዋ፡ አስማቲሆሙ፡ ለእልክቱ፡ መላእክት፡ ወዝ፡ ውእቱ፡ አስማቲሆሙ፡ ቀዳማየ፡ ዚኣሆሙ፡ ስምያዛ፡ ወካልኡ፡ አርስጢቄፋ፡ ወሣልስ፡ አርሜን፡ ወራብዕ፡ ኮክባኤል፡ ወኀምስ፡ ጡርኤል፡ ወሳድስ፡ ሩምያል፡ ወሳብዕ፡ ዳንኤል፡ ወሳምን፡ ኑቃኤል፡ ወታስዕ፡ በራቅኤል፡ ወዐሥር፡ አዛዝኤል፡ ዐሥር፡ ወአሐዱ፡ አርማሮስ፡ ዐሥር፡ ወካልእ፡ በጠርያል፡ ዐሥር፡ ወሣልስ፡ በሰሳኤል፡ ዐሥር፡ ወራብዕ፡ አናንኤል፡ ዐሥር፡ ወኀምስ፡ ጡርያል፡ ዐሥር፡ ወሳድስ፡ ሲማሲፒኤል፡ ዐሥር፡ ወሳብዕ፡ ይተርኤል፡ ዐሥር፡ ወሳምን፡ ቱማኤል፡ ዐሥር፡ ወታስዕ፡ ጠርኤል፡ ዕሥራ፡ ሩማኤል፡ ዕሥራ፡ ወአሐዱ፡ አዛዝኤል።
69:3	ወእሉ፡ እሙንቱ፡ አርእስተ፡ መላእክቲሆሙ፡ ወአስማቲሆሙ፡ መኰንነ፡ ምእተ፡ ዚኣሆሙ፡ ወመኰንነ፡ ኀምሳ፡ ዚኣሆሙ፡ ወመኰንነ፡ ዐሠርተ፡ ዚኣሆሙ።	ወእሉ፡ እሙንቱ፡ አርእስተ፡ መላእክቲሆሙ፡ ወአስማቲሆሙ፡ መኰንነ፡ ምእተ፡ ዚኣሆሙ፡ ወመኰንነ፡ ኀምሳ፡ ዚኣሆሙ፡ ወመኰንነ፡ ዐሠርተ፡ ዚኣሆሙ።
69:4	ስሙ፡ ለቀዳማዊ፡ ይቆን፡ ወዝንቱ፡ ዘአስሐተ፡ ኵሎሙ፡ ደቂቀ፡ መላእክት፡ ወአውረዶሙ፡ ዲበ፡ የብስ፡ ወአስሐቶሙ፡ በአዋልደ፡ ሰብእ።	ስሙ፡ ለቀዳማዊ፡ ይቆን፡ ወዝንቱ፡ ዘአስሐተ፡ ኵሎሙ፡ ደቂቀ፡ መላእክት፡ ወአውረዶሙ፡ ዲበ፡ የብስ፡ ወአስሐቶሙ፡ በአዋልደ፡ ሰብእ።
69:5	ወካልእ፡ ስሙ፡ አስብኤል፡ ወዝንቱ፡ አመሮሙ፡ ምክረ፡ እኩየ፡ ለደቂቀ፡ መላእክት፡ ቅዱሳን፡ ወአስሐቶሙ፡ ከመ፡ ያማስኑ፡ ሥጋሆሙ፡ በአዋልደ፡ ሰብእ።	ወካልእ፡ ስሙ፡ አስብኤል፡ ወዝንቱ፡ አመሮሙ፡ ምክረ፡ እኩየ፡ ለደቂቀ፡ መላእክት፡ ቅዱሳን፡ ወአስሐቶሙ፡ ከመ፡ ያማስኑ፡ ሥጋሆሙ፡ በአዋልደ፡ ሰብእ።
69:6	ወሣልስ፡ ስሙ፡ ጋድርኤል፡ ዝ፡ ውእቱ፡ ዘአርአየ፡ ዝብጠታተ፡ ሞት፡ ለውሉደ፡ ሰብእ፡ ወውእቱ፡ አስሐታ፡ ለሔዋን፡ ወውእቱ፡ አርአየ፡ ንዋየ፡ ሞት፡ ለደቂቀ፡ ሰብእ፡ ወልታ፡ ወድርዐ፡ ወሰይፈ፡ ለቀትል፡ ወኵሎ፡ ንዋየ፡ ሞት፡ ለውሉደ፡ ሰብእ።	ወሣልስ፡ ስሙ፡ ጋድርኤል፡ ዝ፡ ውእቱ፡ ዘአርአየ፡ ዝብጠታተ፡ ሞት፡ ለውሉደ፡ ሰብእ፡ ወውእቱ፡ አስሐታ፡ ለሔዋን፡ ወውእቱ፡ አርአየ፡ ንዋየ፡ ሞት፡ ለደቂቀ፡ ሰብእ፡ ወልታ፡ ወድርዐ፡ ወሰይፈ፡ ለቀትል፡ ወኵሎ፡ ንዋየ፡ ሞት፡ ለውሉደ፡ ሰብእ።
69:7	ወእምነ፡ እዴሁ፡ ወፅአ፡ ዲቤሆሙ፡ ለእለ፡ የኀድሩ፡ ዲበ፡ የብስ፡ እምይእቲ፡ ጊዜ፡ ወእስከ፡ ለዓለም።	ወእምነ፡ እዴሁ፡ ወፅአ፡ ዲቤሆሙ፡ ለእለ፡ የኀድሩ፡ ዲበ፡ የብስ፡ እምይእቲ፡ ጊዜ፡ ወእስከ፡ ለዓለም።
69:8	ወራብዕ፡ ስሙ፡ ፔኔሙዕ፡ ዝ፡ ውእቱ፡ ዘአርአየ፡ ለውሉደ፡ ሰብእ፡ መሪረ፡ ወመዐርዒረ፡ ወአርአዮሙ፡ ኵሎ፡ ኅቡኣተ፡ ጥበቦሙ።	ወራብዕ፡ ስሙ፡ ፔኔሙዕ፡ ዝ፡ ውእቱ፡ ዘአርአየ፡ ለውሉደ፡ ሰብእ፡ መሪረ፡ ወመዐርዒረ፡ ወአርአዮሙ፡ ኵሎ፡ ኅቡኣተ፡ ጥበቦሙ።
69:9	ወውእቱ፡ አለበዎሙ፡ ለሰብእ፡ መጽሐፈ፡ በማየ፡ ሕመት፡ ወክርታስ፡ ወበእንተ፡ ዝ፡ ብዙኃን፡ እለ፡ ይስሕቱ፡ እምዓለም፡ ወእስከ፡ ለዓለም፡ ወእስከ፡ ዛቲ፡ ዕለት።	ወውእቱ፡ አለበዎሙ፡ ለሰብእ፡ መጽሐፈ፡ በማየ፡ ሕመት፡ ወክርታስ፡ ወበእንተ፡ ዝ፡ ብዙኃን፡ እለ፡ ይስሕቱ፡ እምዓለም፡ ወእስከ፡ ለዓለም፡ ወእስከ፡ ዛቲ፡ ዕለት።
69:10	እስመ፡ ኢተወልደ፡ ሰብእ፡ ለዘከመ፡ ዝ፡ በቀለም፡ ወበማየ፡ ሕመት፡ ያጽንዑ፡ ሃይማኖቶሙ።	እስመ፡ ኢተወልደ፡ ሰብእ፡ ለዘከመ፡ ዝ፡ በቀለም፡ ወበማየ፡ ሕመት፡ ያጽንዑ፡ ሃይማኖቶሙ።
69:11	እስመ፡ ኢተፈጥረ፡ ሰብእ፡ ዘእንበለ፡ ከመ፡ መላእክት፡ ከመ፡ ይንበሩ፡ ጻድቃነ፡ ወንጹሓነ፡ ወሞት፡ ዘኵሎ፡ ያማስን፡ እምኢገሰሶሙ፡ አላ፡ በዝ፡ አእምሮቶሙ፡ ይትሀጐሉ፡ ወበእንተ፡ ዝንቱ፡ ይበልዐኒ፡ ኀይል።	እስመ፡ ኢተፈጥረ፡ ሰብእ፡ ዘእንበለ፡ ከመ፡ መላእክት፡ ከመ፡ ይንበሩ፡ ጻድቃነ፡ ወንጹሓነ፡ ወሞት፡ ዘኵሎ፡ ያማስን፡ እምኢገሰሶሙ፡ አላ፡ በዝ፡ አእምሮቶሙ፡ ይትሀጐሉ፡ ወበእንተ፡ ዝንቱ፡ ይበልዐኒ፡ ኀይል።
69:12	ወኀምስ፡ ስሙ፡ ካዕድያዕ፡ ዝንቱ፡ አርአየ፡ ለውሉደ፡ ሰብእ፡ ኵሎ፡ ዝብጠታተ፡ እኩየ፡ ዘነፍስት፡ ወዘአጋንንት፡ ወዝብጠታተ፡ ፃእፃእ፡ በማሕፀን፡ ከመ፡ ይደቅ፡ ወዝብጠታተ፡ ነፍስ፡ ንስከተ፡ አርዌ፡ ወዝብጠታተ፡ ዘይከውን፡ በቀትር፡ ወልዳ፡ ለአርዌ፡ ዘስሙ፡ ተባዕ።	ወኀምስ፡ ስሙ፡ ካዕድያዕ፡ ዝንቱ፡ አርአየ፡ ለውሉደ፡ ሰብእ፡ ኵሎ፡ ዝብጠታተ፡ እኩየ፡ ዘነፍስት፡ ወዘአጋንንት፡ ወዝብጠታተ፡ ፃእፃእ፡ በማሕፀን፡ ከመ፡ ይደቅ፡ ወዝብጠታተ፡ ነፍስ፡ ንስከተ፡ አርዌ፡ ወዝብጠታተ፡ ዘይከውን፡ በቀትር፡ ወልዳ፡ ለአርዌ፡ ዘስሙ፡ ተባዕ።
69:13	ወዝ፡ ውእቱ፡ ኍልቁ፡ ለክስብኤል፡ ርእሰ፡ መሐላ፡ ዘአርአየ፡ ለቅዱሳን፡ ሶበ፡ የኀድር፡ ልዑል፡ በስብሐት፡ ወስሙ፡ ቤቃ።	ወዝ፡ ውእቱ፡ ኍልቁ፡ ለክስብኤል፡ ርእሰ፡ መሐላ፡ ዘአርአየ፡ ለቅዱሳን፡ ሶበ፡ የኀድር፡ ልዑል፡ በስብሐት፡ ወስሙ፡ ቤቃ።
69:14	ወዝንቱ፡ ይቤሎ፡ ለቅዱስ፡ ሚካኤል፡ ያርእዮሙ፡ ስሞ፡ ኅቡአ፡ ከመ፡ ይርአይዎ፡ ለውእቱ፡ ስም፡ ኅቡእ፡ ወከመ፡ ይዝክርዎ፡ በመሐላ፡ ከመ፡ ይርዓዱ፡ እምውእቱ፡ ስም፡ ወመሐላ፡ እለ፡ አርአዩ፡ ለውሉደ፡ ሰብእ፡ ኵሎ፡ ዘኅቡእ።	ወዝንቱ፡ ይቤሎ፡ ለቅዱስ፡ ሚካኤል፡ ያርእዮሙ፡ ስሞ፡ ኅቡአ፡ ከመ፡ ይርአይዎ፡ ለውእቱ፡ ስም፡ ኅቡእ፡ ወከመ፡ ይዝክርዎ፡ በመሐላ፡ ከመ፡ ይርዓዱ፡ እምውእቱ፡ ስም፡ ወመሐላ፡ እለ፡ አርአዩ፡ ለውሉደ፡ ሰብእ፡ ኵሎ፡ ዘኅቡእ።
69:15	ወዝንቱ፡ ኀይሉ፡ ለዝ፡ መሐላ፡ እስመ፡ ኀያል፡ ውእቱ፡ ወጽኑዕ፡ ወአንበሮ፡ ለዝኩ፡ መሐላ፡ አካዕ፡ በእዴሁ፡ ለቅዱስ፡ ሚካኤል።	ወዝንቱ፡ ኀይሉ፡ ለዝ፡ መሐላ፡ እስመ፡ ኀያል፡ ውእቱ፡ ወጽኑዕ፡ ወአንበሮ፡ ለዝኩ፡ መሐላ፡ አካዕ፡ በእዴሁ፡ ለቅዱስ፡ ሚካኤል።
69:16	ወእሉ፡ እሙንቱ፡ ኅቡኣቲሁ፡ ለዝ፡ መሐላ፡ ወጸንዑ፡ በመሐላሁ፡ ወሰማይ፡ ተሰቅለ፡ ዘእንበለ፡ ይትፈጠር፡ ዓለም፡ ወእስከ፡ ለዓለም።	ወእሉ፡ እሙንቱ፡ ኅቡኣቲሁ፡ ለዝ፡ መሐላ፡ ወጸንዑ፡ በመሐላሁ፡ ወሰማይ፡ ተሰቅለ፡ ዘእንበለ፡ ይትፈጠር፡ ዓለም፡ ወእስከ፡ ለዓለም።
69:17	ወቦቱ፡ ምድር፡ ተሣረረት፡ ዲበ፡ ማይ፡ ወእምነ፡ ኅቡኣተ፡ አድባር፡ ይመጽኡ፡ ለሕያዋን፡ ላህያት፡ ማያት፡ እምፍጥረተ፡ ዓለም፡ ወእስከ፡ ለዓለም።	ወቦቱ፡ ምድር፡ ተሣረረት፡ ዲበ፡ ማይ፡ ወእምነ፡ ኅቡኣተ፡ አድባር፡ ይመጽኡ፡ ለሕያዋን፡ ላህያት፡ ማያት፡ እምፍጥረተ፡ ዓለም፡ ወእስከ፡ ለዓለም።
69:18	ወበውእቱ፡ መሐላ፡ ተፈጥረት፡ ባሕር፡ ወመሠረታ፡ ለጊዜ፡ መዓት፡ አንበረ፡ ላቲ፡ ኆፃ፡ ወኢተኀልፍ፡ እምፍጥረተ፡ ዓለም፡ ወእስከ፡ ለዓለም።	ወበውእቱ፡ መሐላ፡ ተፈጥረት፡ ባሕር፡ ወመሠረታ፡ ለጊዜ፡ መዓት፡ አንበረ፡ ላቲ፡ ኆፃ፡ ወኢተኀልፍ፡ እምፍጥረተ፡ ዓለም፡ ወእስከ፡ ለዓለም።
69:19	ወበውእቱ፡ መሐላ፡ ቀላያት፡ ጸንዑ፡ ወቆሙ፡ ወኢይትሐወሱ፡ እመካኖሙ፡ እምዓለም፡ ወእስከ፡ ለዓለም።	ወበውእቱ፡ መሐላ፡ ቀላያት፡ ጸንዑ፡ ወቆሙ፡ ወኢይትሐወሱ፡ እመካኖሙ፡ እምዓለም፡ ወእስከ፡ ለዓለም።
69:20	ወበውእቱ፡ መሐላ፡ ፀሓይ፡ ወወርኅ፡ ይፌጽሙ፡ ምሕዋሮሙ፡ ወኢየኀልፉ፡ እምትእዛዞሙ፡ እምዓለም፡ ወእስከ፡ ለዓለም።	ወበውእቱ፡ መሐላ፡ ፀሓይ፡ ወወርኅ፡ ይፌጽሙ፡ ምሕዋሮሙ፡ ወኢየኀልፉ፡ እምትእዛዞሙ፡ እምዓለም፡ ወእስከ፡ ለዓለም።
69:21	ወበውእቱ፡ መሐላ፡ ከዋክብት፡ ይፌጽሙ፡ ምሕዋሮሙ፡ አስማቲሆሙ፡ ይጼውዕ፡ ወያወሥእዎ፡ እምዓለም፡ ወእስከ፡ ለዓለም።	ወበውእቱ፡ መሐላ፡ ከዋክብት፡ ይፌጽሙ፡ ምሕዋሮሙ፡ አስማቲሆሙ፡ ይጼውዕ፡ ወያወሥእዎ፡ እምዓለም፡ ወእስከ፡ ለዓለም።
69:22	ወከመ፡ ዝ፡ ነፍሳቲሆሙ፡ ለማያት፡ ነፍሳቲሆሙ፡ ለነፋሳት፡ ወለኵሎሙ፡ መናፍስቲሆሙ፡ ወፍናዋቲሆሙ፡ እምኵሉ፡ ኅብራተ፡ መናፍስት።	ወከመ፡ ዝ፡ ነፍሳቲሆሙ፡ ለማያት፡ ነፍሳቲሆሙ፡ ለነፋሳት፡ ወለኵሎሙ፡ መናፍስቲሆሙ፡ ወፍናዋቲሆሙ፡ እምኵሉ፡ ኅብራተ፡ መናፍስት።
69:23	ወበህየ፡ ይትዐቀቡ፡ መዛግብተ፡ ቃሉ፡ ለነጐድጓድ፡ ወብርሃኑ፡ ለመብረቅ፡ ወበህየ፡ ይትዐቀቡ፡ መዛግብተ፡ በረድ፡ ወአስሐትያ፡ ወመዛግብተ፡ ጊሜ፡ ወመዛግብተ፡ ዝናም፡ ወጠል።	ወበህየ፡ ይትዐቀቡ፡ መዛግብተ፡ ቃሉ፡ ለነጐድጓድ፡ ወብርሃኑ፡ ለመብረቅ፡ ወበህየ፡ ይትዐቀቡ፡ መዛግብተ፡ በረድ፡ ወአስሐትያ፡ ወመዛግብተ፡ ጊሜ፡ ወመዛግብተ፡ ዝናም፡ ወጠል።
69:24	ወኵሎሙ፡ እሙንቱ፡ የአምኑ፡ ወየአኵቱ፡ በቅድመ፡ እግዚአ፡ መናፍስት፡ ወይሴብሑ፡ በኵሉ፡ ኀይሎሙ፡ ወሲሳዮሙ፡ በኵሉ፡ አኰቴት፡ ይእቲ፡ ወየአኵቱ፡ ወይሴብሑ፡ ወያሌዕሉ፡ በስሙ፡ ለእግዚአ፡ መናፍስት፡ ለዓለመ፡ ዓለም።	ወኵሎሙ፡ እሙንቱ፡ የአምኑ፡ ወየአኵቱ፡ በቅድመ፡ እግዚአ፡ መናፍስት፡ ወይሴብሑ፡ በኵሉ፡ ኀይሎሙ፡ ወሲሳዮሙ፡ በኵሉ፡ አኰቴት፡ ይእቲ፡ ወየአኵቱ፡ ወይሴብሑ፡ ወያሌዕሉ፡ በስሙ፡ ለእግዚአ፡ መናፍስት፡ ለዓለመ፡ ዓለም።
69:25	ወዲቤሆሙ፡ ጸንዐ፡ ዝ፡ መሐላ፡ ወይትዐቀቡ፡ ቦቱ፡ ወፍናዋቲሆሙ፡ ይትዐቀቡ፡ ወምሕዋራቲሆሙ፡ ኢይማስን።	ወዲቤሆሙ፡ ጸንዐ፡ ዝ፡ መሐላ፡ ወይትዐቀቡ፡ ቦቱ፡ ወፍናዋቲሆሙ፡ ይትዐቀቡ፡ ወምሕዋራቲሆሙ፡ ኢይማስን።
69:26	ወኮኖሙ፡ ፍሥሓ፡ ዐቢየ፡ ወባረኩ፡ ወሰብሑ፡ ወአልዐሉ፡ በእንተ፡ ዘተከሥተ፡ ሎሙ፡ ስሙ፡ ለወልደ፡ ዕጓለ፡ እመሕያው።	ወኮኖሙ፡ ፍሥሓ፡ ዐቢየ፡ ወባረኩ፡ ወሰብሑ፡ ወአልዐሉ፡ በእንተ፡ ዘተከሥተ፡ ሎሙ፡ ስሙ፡ ለወልደ፡ ዕጓለ፡ እመሕያው።
69:27	ወነበረ፡ ዲበ፡ መንበረ፡ ስብሐቲሁ፡ ወርእሱሰ፡ ለኵነኔ፡ ተውህበ፡ ሎቱ፡ ለወልደ፡ ዕጓለ፡ እመሕያው፡ ወያኀልፍ፡ ወያማስን፡ ኃጥኣነ፡ እምገጸ፡ ለምድር፡ ወእለ፡ አስሐትዎ፡ ለዓለም።	ወነበረ፡ ዲበ፡ መንበረ፡ ስብሐቲሁ፡ ወርእሱሰ፡ ለኵነኔ፡ ተውህበ፡ ሎቱ፡ ለወልደ፡ ዕጓለ፡ እመሕያው፡ ወያኀልፍ፡ ወያማስን፡ ኃጥኣነ፡ እምገጸ፡ ለምድር፡ ወእለ፡ አስሐትዎ፡ ለዓለም።
69:28	በሰናስል፡ ይትአሰሩ፡ ወበማኅበሮሙ፡ ዘሙስና፡ ይትዐጸዉ፡ ወኵሉ፡ ምግባሮሙ፡ የኀልፍ፡ እምቅድመ፡ ገጻ፡ ለምድር።	በሰናስል፡ ይትአሰሩ፡ ወበማኅበሮሙ፡ ዘሙስና፡ ይትዐጸዉ፡ ወኵሉ፡ ምግባሮሙ፡ የኀልፍ፡ እምቅድመ፡ ገጻ፡ ለምድር።
69:29	ወእምይእዜሰ፡ ኢይከውን፡ ዘይማስን፡ እስመ፡ ወልደ፡ ብእሲ፡ ተርእየ፡ ወነበረ፡ ዲበ፡ መንበረ፡ ስብሐቲሁ፡ ወኵሉ፡ እኩይ፡ እምቅድመ፡ ገጹ፡ የኀልፍ፡ ወየሐውር፡ ወይነግሩ፡ ለውእቱ፡ ወልደ፡ ብእሲ፡ ወይጸንዕ፡ በቅድመ፡ እግዚአ፡ መናፍስት፡ ወዝ፡ ውእቱ፡ ሣልስ፡ ምሳሌ፡ ዘሄኖክ።	ወእምይእዜሰ፡ ኢይከውን፡ ዘይማስን፡ እስመ፡ ወልደ፡ ብእሲ፡ ተርእየ፡ ወነበረ፡ ዲበ፡ መንበረ፡ ስብሐቲሁ፡ ወኵሉ፡ እኩይ፡ እምቅድመ፡ ገጹ፡ የኀልፍ፡ ወየሐውር፡ ወይነግሩ፡ ለውእቱ፡ ወልደ፡ ብእሲ፡ ወይጸንዕ፡ በቅድመ፡ እግዚአ፡ መናፍስት፡ ወዝ፡ ውእቱ፡ ሣልስ፡ ምሳሌ፡ ዘሄኖክ።