1 Enoch

1 Enoch 71 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
71:1	ወኮነ፡ እምድኅረ፡ ዝ፡ ከመ፡ ትትከበት፡ መንፈስየ፡ ወትዕርግ፡ ውስተ፡ ሰማየ፡ ሰማያት፡ ርኢክዎሙ፡ ለውሉዶሙ፡ ለመላእክት፡ ቅዱሳን፡ ይከይዱ፡ ዲበ፡ ላህበ፡ እሳት፡ ወአልባሲሆሙ፡ ጸዐዳ፡ ወዐጽፎሙኒ፡ ወብርሃነ፡ ገጾሙ፡ ከመ፡ በረድ።	ወኮነ፡ እምድኅረ፡ ዝ፡ ከመ፡ ትትከበት፡ መንፈስየ፡ ወትዕርግ፡ ውስተ፡ ሰማየ፡ ሰማያት፡ ርኢክዎሙ፡ ለውሉዶሙ፡ ለመላእክት፡ ቅዱሳን፡ ይከይዱ፡ ዲበ፡ ላህበ፡ እሳት፡ ወአልባሲሆሙ፡ ጸዐዳ፡ ወዐጽፎሙኒ፡ ወብርሃነ፡ ገጾሙ፡ ከመ፡ በረድ።
71:2	ወርኢኩ፡ ክልኤተ፡ አፍላገ፡ እሳት፡ ወብርሃነ፡ ዝኩ፡ እሳት፡ ከመ፡ ያክንት፡ ያበርህ፡ ወወደቁ፡ በገጽየ፡ በቅድመ፡ እግዚአ፡ መናፍስት።	ወርኢኩ፡ ክልኤተ፡ አፍላገ፡ እሳት፡ ወብርሃነ፡ ዝኩ፡ እሳት፡ ከመ፡ ያክንት፡ ያበርህ፡ ወወደቁ፡ በገጽየ፡ በቅድመ፡ እግዚአ፡ መናፍስት።
71:3	ወሚካኤል፡ መልአክ፡ አሐዱ፡ እምአርእስተ፡ መላእክት፡ አኀዘኒ፡ እዴየ፡ ዘየማን፡ ወአንሥአኒ፡ ወአውፅአኒ፡ ኀበ፡ ኵሉ፡ ኅቡኣተ፡ ምሕረት፡ ወኅቡኣተ፡ ጽድቅ።	ወሚካኤል፡ መልአክ፡ አሐዱ፡ እምአርእስተ፡ መላእክት፡ አኀዘኒ፡ እዴየ፡ ዘየማን፡ ወአንሥአኒ፡ ወአውፅአኒ፡ ኀበ፡ ኵሉ፡ ኅቡኣተ፡ ምሕረት፡ ወኅቡኣተ፡ ጽድቅ።
71:4	ወአርአየኒ፡ ኵሎ፡ ኅቡኣተ፡ አጽናፈ፡ ሰማይ፡ ወኵሎ፡ መዛግብተ፡ ከዋክብት፡ ወብርሃናት፡ ኵሎሙ፡ እምኀበ፡ ይወፅኡ፡ ለገጸ፡ ቅዱሳን።	ወአርአየኒ፡ ኵሎ፡ ኅቡኣተ፡ አጽናፈ፡ ሰማይ፡ ወኵሎ፡ መዛግብተ፡ ከዋክብት፡ ወብርሃናት፡ ኵሎሙ፡ እምኀበ፡ ይወፅኡ፡ ለገጸ፡ ቅዱሳን።
71:5	ወከበቶ፡ መንፈስ፡ ለሄኖክ፡ ውስተ፡ ሰማየ፡ ሰማያት፡ ወርኢኩ፡ በህየ፡ ማእከለ፡ ዝኩ፡ ብርሃን፡ ከመ፡ ቦቱ፡ ዘይትነደቅ፡ እምእብነ፡ አስሐትያ፡ ወበማእከለ፡ እሙንቱ፡ አእባን፡ ልሳናተ፡ እሳት፡ ሕያው።	ወከበቶ፡ መንፈስ፡ ለሄኖክ፡ ውስተ፡ ሰማየ፡ ሰማያት፡ ወርኢኩ፡ በህየ፡ ማእከለ፡ ዝኩ፡ ብርሃን፡ ከመ፡ ቦቱ፡ ዘይትነደቅ፡ እምእብነ፡ አስሐትያ፡ ወበማእከለ፡ እሙንቱ፡ አእባን፡ ልሳናተ፡ እሳት፡ ሕያው።
71:6	ወርእየት፡ መንፈስየ፡ ዐውደ፡ ዘየዐውዶ፡ ለውእቱ፡ ቤት፡ እሳት፡ እምአርባዕቱ፡ አጽናፊሁ፡ ለውእቱ፡ ፈለግ፡ ምሉኣነ፡ እሳት፡ ሕያው፡ ወየዐውድዎ፡ ለውእቱ፡ ቤት።	ወርእየት፡ መንፈስየ፡ ዐውደ፡ ዘየዐውዶ፡ ለውእቱ፡ ቤት፡ እሳት፡ እምአርባዕቱ፡ አጽናፊሁ፡ ለውእቱ፡ ፈለግ፡ ምሉኣነ፡ እሳት፡ ሕያው፡ ወየዐውድዎ፡ ለውእቱ፡ ቤት።
71:7	በዐውዱ፡ ኪሩቤል፡ ወሱራፌል፡ ወአፍኒን፡ እሉ፡ እሙንቱ፡ እለ፡ ኢይነውሙ፡ ወየዐቅቡ፡ መንበረ፡ ስብሐቲሁ።	በዐውዱ፡ ኪሩቤል፡ ወሱራፌል፡ ወአፍኒን፡ እሉ፡ እሙንቱ፡ እለ፡ ኢይነውሙ፡ ወየዐቅቡ፡ መንበረ፡ ስብሐቲሁ።
71:8	ወርኢኩ፡ መላእክተ፡ እለ፡ ኢይትኌለቁ፡ አእላፈ፡ አእላፋት፡ ወትእልፊተ፡ አእላፋት፡ ዘየዐውድዎ፡ ለውእቱ፡ ቤት፡ ወሚካኤል፡ ወገብርኤል፡ ፋኑኤል፡ ወሩፋኤል፡ ወመላእክት፡ ቅዱሳን፡ እለ፡ መልዕልተ፡ ሰማያት፡ ይበውኡ፡ ወይወፅኡ፡ በውእቱ፡ ቤት።	ወርኢኩ፡ መላእክተ፡ እለ፡ ኢይትኌለቁ፡ አእላፈ፡ አእላፋት፡ ወትእልፊተ፡ አእላፋት፡ ዘየዐውድዎ፡ ለውእቱ፡ ቤት፡ ወሚካኤል፡ ወገብርኤል፡ ፋኑኤል፡ ወሩፋኤል፡ ወመላእክት፡ ቅዱሳን፡ እለ፡ መልዕልተ፡ ሰማያት፡ ይበውኡ፡ ወይወፅኡ፡ በውእቱ፡ ቤት።
71:9	ወወፅኡ፡ እምውእቱ፡ ቤት፡ ሚካኤል፡ ወገብርኤል፡ ሩፋኤል፡ ወፋኑኤል፡ ወብዙኃን፡ ቅዱሳን፡ መላእክት፡ እለ፡ አልቦሙ፡ ኍልቊ።	ወወፅኡ፡ እምውእቱ፡ ቤት፡ ሚካኤል፡ ወገብርኤል፡ ሩፋኤል፡ ወፋኑኤል፡ ወብዙኃን፡ ቅዱሳን፡ መላእክት፡ እለ፡ አልቦሙ፡ ኍልቊ።
71:10	ወምስሌሆሙ፡ ርእሰ፡ መዋዕል፡ ወርእሱ፡ ኮነ፡ ከመ፡ ፀምር፡ ጸዐዳ፡ ወንጹሕ፡ ወልብሱ፡ ዘኢይተረጐም።	ወምስሌሆሙ፡ ርእሰ፡ መዋዕል፡ ወርእሱ፡ ኮነ፡ ከመ፡ ፀምር፡ ጸዐዳ፡ ወንጹሕ፡ ወልብሱ፡ ዘኢይተረጐም።
71:11	ወወደቁ፡ በገጽየ፡ ወኵሉ፡ ሥጋየ፡ ተመስወ፡ ወመንፈስየ፡ ተወለጠ፡ ወጸራሕኩ፡ በቃል፡ ዐቢይ፡ በመንፈሰ፡ ኀይል፡ ወባረኩ፡ ወሰባሕኩ፡ ወአልዐልኩ።	ወወደቁ፡ በገጽየ፡ ወኵሉ፡ ሥጋየ፡ ተመስወ፡ ወመንፈስየ፡ ተወለጠ፡ ወጸራሕኩ፡ በቃል፡ ዐቢይ፡ በመንፈሰ፡ ኀይል፡ ወባረኩ፡ ወሰባሕኩ፡ ወአልዐልኩ።
71:12	ወእላ፡ በረከታት፡ እለ፡ ወፅኣ፡ እምአፉየ፡ ኮና፡ ሥሙራተ፡ በቅድመ፡ ዝኩ፡ ርእሰ፡ መዋዕል።	ወእላ፡ በረከታት፡ እለ፡ ወፅኣ፡ እምአፉየ፡ ኮና፡ ሥሙራተ፡ በቅድመ፡ ዝኩ፡ ርእሰ፡ መዋዕል።
71:13	ወመጽአ፡ ውእቱ፡ ርእሰ፡ መዋዕል፡ ምስለ፡ ሚካኤል፡ ወገብርኤል፡ ሩፋኤል፡ ወፋኑኤል፡ ወአእላፍ፡ ወትእልፊተ፡ አእላፋት፡ መላእክት፡ እለ፡ አልቦሙ፡ ኍልቊ።	ወመጽአ፡ ውእቱ፡ ርእሰ፡ መዋዕል፡ ምስለ፡ ሚካኤል፡ ወገብርኤል፡ ሩፋኤል፡ ወፋኑኤል፡ ወአእላፍ፡ ወትእልፊተ፡ አእላፋት፡ መላእክት፡ እለ፡ አልቦሙ፡ ኍልቊ።
71:14	ወመጽአ፡ ኀቤየ፡ ውእቱ፡ መልአክ፡ ወበቃሉ፡ አምኀኒ፡ ወይቤለኒ፡ አንተ፡ ውእቱ፡ ወልደ፡ ብእሲ፡ ዘተወለድከ፡ ለጽድቅ፡ ወጽድቅ፡ ላዕሌከ፡ ኀደረ፡ ወጽድቁ፡ ለርእሰ፡ መዋዕል፡ ኢየኀድገከ።	ወመጽአ፡ ኀቤየ፡ ውእቱ፡ መልአክ፡ ወበቃሉ፡ አምኀኒ፡ ወይቤለኒ፡ አንተ፡ ውእቱ፡ ወልደ፡ ብእሲ፡ ዘተወለድከ፡ ለጽድቅ፡ ወጽድቅ፡ ላዕሌከ፡ ኀደረ፡ ወጽድቁ፡ ለርእሰ፡ መዋዕል፡ ኢየኀድገከ።
71:15	ወይቤለኒ፡ ይጼውዕ፡ ለከ፡ ሰላመ፡ በስሙ፡ ለዓለመ፡ ዓለም፡ ዘይከውን፡ እስመ፡ እምህየ፡ ወፅአ፡ ሰላም፡ እምፍጥረተ፡ ዓለም፡ ወከመ፡ ዝ፡ ይከውን፡ ለከ፡ ለዓለም፡ ወለዓለመ፡ ዓለም።	ወይቤለኒ፡ ይጼውዕ፡ ለከ፡ ሰላመ፡ በስሙ፡ ለዓለመ፡ ዓለም፡ ዘይከውን፡ እስመ፡ እምህየ፡ ወፅአ፡ ሰላም፡ እምፍጥረተ፡ ዓለም፡ ወከመ፡ ዝ፡ ይከውን፡ ለከ፡ ለዓለም፡ ወለዓለመ፡ ዓለም።
71:16	ወኵሉ፡ ይከውን፡ ወየሐውር፡ ዲበ፡ ፍኖትከ፡ እንዘ፡ ጽድቅ፡ ኢየኀድገከ፡ ለዓለም፡ ወምስሌከ፡ ማኅደሪሆሙ፡ ወምስሌከ፡ ክፍሎሙ፡ ወእምኔከ፡ ኢይትሌለዩ፡ ለዓለም፡ ወለዓለመ፡ ዓለም።	ወኵሉ፡ ይከውን፡ ወየሐውር፡ ዲበ፡ ፍኖትከ፡ እንዘ፡ ጽድቅ፡ ኢየኀድገከ፡ ለዓለም፡ ወምስሌከ፡ ማኅደሪሆሙ፡ ወምስሌከ፡ ክፍሎሙ፡ ወእምኔከ፡ ኢይትሌለዩ፡ ለዓለም፡ ወለዓለመ፡ ዓለም።
71:17	ወከመ፡ ዝ፡ ይከውን፡ ኑኀ፡ መዋዕል፡ ምስለ፡ ውእቱ፡ ወልደ፡ ዕጓለ፡ እመሕያው፡ ወሰላም፡ ይከውን፡ ለጻድቃን፡ ወፍኖቱ፡ ርቱዕ፡ ለጻድቃን፡ በስመ፡ እግዚአ፡ መናፍስት፡ ለዓለመ፡ ዓለም።	ወከመ፡ ዝ፡ ይከውን፡ ኑኀ፡ መዋዕል፡ ምስለ፡ ውእቱ፡ ወልደ፡ ዕጓለ፡ እመሕያው፡ ወሰላም፡ ይከውን፡ ለጻድቃን፡ ወፍኖቱ፡ ርቱዕ፡ ለጻድቃን፡ በስመ፡ እግዚአ፡ መናፍስት፡ ለዓለመ፡ ዓለም።