1 Enoch

1 Enoch 72 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
72:1	መጽሐፈ፡ ሚጠተ፡ ብርሃናተ፡ ሰማይ፡ አሐዱ፡ አሐዱ፡ ዘከመ፡ ሀለዉ፡ በበ፡ ሕዘቢሆሙ፡ አሐዱ፡ አሐዱ፡ በበ፡ ሥልጣኖሙ፡ ወበበ፡ ዘመኖሙ፡ አሐዱ፡ አሐዱ፡ በበ፡ ስሞሙ፡ ወሙላዳቲሆሙ፡ ወበበ፡ አውራኂሆሙ፡ እለ፡ አርአየኒ፡ ኡርኤል፡ መልአክ፡ ቅዱስ፡ ዘሀሎ፡ ምስሌየ፡ ዘውእቱ፡ መራሒሆሙ፡ ወኵሎ፡ መጽሐፎሙ፡ በከመ፡ ውእቱ፡ አርአየኒ፡ ወበከመ፡ ኵሉ፡ ዓመተ፡ ዓለም፡ ወእስከ፡ ለዓለም፡ እስከ፡ ይትገበር፡ ግብር፡ ሐዲስ፡ ዘይነብር፡ እስከ፡ ለዓለም።	መጽሐፈ፡ ሚጠተ፡ ብርሃናተ፡ ሰማይ፡ አሐዱ፡ አሐዱ፡ ዘከመ፡ ሀለዉ፡ በበ፡ ሕዘቢሆሙ፡ አሐዱ፡ አሐዱ፡ በበ፡ ሥልጣኖሙ፡ ወበበ፡ ዘመኖሙ፡ አሐዱ፡ አሐዱ፡ በበ፡ ስሞሙ፡ ወሙላዳቲሆሙ፡ ወበበ፡ አውራኂሆሙ፡ እለ፡ አርአየኒ፡ ኡርኤል፡ መልአክ፡ ቅዱስ፡ ዘሀሎ፡ ምስሌየ፡ ዘውእቱ፡ መራሒሆሙ፡ ወኵሎ፡ መጽሐፎሙ፡ በከመ፡ ውእቱ፡ አርአየኒ፡ ወበከመ፡ ኵሉ፡ ዓመተ፡ ዓለም፡ ወእስከ፡ ለዓለም፡ እስከ፡ ይትገበር፡ ግብር፡ ሐዲስ፡ ዘይነብር፡ እስከ፡ ለዓለም።
72:2	ወዝንቱ፡ ውእቱ፡ ትእዛዝ፡ ቀዳማዊ፡ ዘብርሃናት፡ ፀሓይ፡ ብርሃን፡ ሙፃኡ፡ በኀዋኅወ፡ ሰማይ፡ እለ፡ መንገለ፡ ጽባሕ፡ ወምዕራቢሁ፡ በኀዋኅወ፡ ሰማይ፡ ዘምዕራብ።	ወዝንቱ፡ ውእቱ፡ ትእዛዝ፡ ቀዳማዊ፡ ዘብርሃናት፡ ፀሓይ፡ ብርሃን፡ ሙፃኡ፡ በኀዋኅወ፡ ሰማይ፡ እለ፡ መንገለ፡ ጽባሕ፡ ወምዕራቢሁ፡ በኀዋኅወ፡ ሰማይ፡ ዘምዕራብ።
72:3	ወርኢኩ፡ ስሱ፡ ኀዋኅወ፡ እለ፡ እምኀበ፡ ይወፅእ፡ ፀሓይ፡ ወስሱ፡ ኀዋኅወ፡ እለ፡ ኀበ፡ የዐርብ፡ ፀሓይ፡ ወወርኅ፡ በውእቶን፡ ኀዋኅው፡ ይሠርቅ፡ ወየዐርብ፡ ወመራሕያኒሆሙ፡ ለከዋክብተ፡ ሰማይ፡ ምስለ፡ እለ፡ ይመርሕዎሙ፡ ስድስቱ፡ በጽባሕ፡ ወስድስቱ፡ በምዕራበ፡ ፀሓይ፡ ወኵሎሙ፡ አሐዱ፡ አሐዱ፡ እምድኅረ፡ ካልኡ፡ ርቱዕ፡ ወመሳክው፡ ብዙኃት፡ እምየማኑ፡ ወእምጸጋሙ፡ ለዝኩ፡ ኆኅት።	ወርኢኩ፡ ስሱ፡ ኀዋኅወ፡ እለ፡ እምኀበ፡ ይወፅእ፡ ፀሓይ፡ ወስሱ፡ ኀዋኅወ፡ እለ፡ ኀበ፡ የዐርብ፡ ፀሓይ፡ ወወርኅ፡ በውእቶን፡ ኀዋኅው፡ ይሠርቅ፡ ወየዐርብ፡ ወመራሕያኒሆሙ፡ ለከዋክብተ፡ ሰማይ፡ ምስለ፡ እለ፡ ይመርሕዎሙ፡ ስድስቱ፡ በጽባሕ፡ ወስድስቱ፡ በምዕራበ፡ ፀሓይ፡ ወኵሎሙ፡ አሐዱ፡ አሐዱ፡ እምድኅረ፡ ካልኡ፡ ርቱዕ፡ ወመሳክው፡ ብዙኃት፡ እምየማኑ፡ ወእምጸጋሙ፡ ለዝኩ፡ ኆኅት።
72:4	ወቀዳሚ፡ ይወፅእ፡ ብርሃን፡ ዘየዐቢ፡ ዘስሙ፡ ፀሓይ፡ ወክበበ፡ ዚኣሁ፡ ከመ፡ ክበበ፡ ሰማይ፡ ወኵለንታሁ፡ ምሉእ፡ እሳተ፡ ዘያበርህ፡ ወያውዒ።	ወቀዳሚ፡ ይወፅእ፡ ብርሃን፡ ዘየዐቢ፡ ዘስሙ፡ ፀሓይ፡ ወክበበ፡ ዚኣሁ፡ ከመ፡ ክበበ፡ ሰማይ፡ ወኵለንታሁ፡ ምሉእ፡ እሳተ፡ ዘያበርህ፡ ወያውዒ።
72:5	ወሠረገላተ፡ በኀበ፡ የዐርግ፡ ነፋስ፡ ይነፍኅ፡ ወየዐርብ፡ ፀሓይ፡ እምሰማይ፡ ወይገብእ፡ እንተ፡ መስዕ፡ ከመ፡ ይሑር፡ ምሥራቀ፡ ወይትመራሕ፡ ከመ፡ ይባእ፡ ኀበ፡ ዝኩ፡ ኆኅት፡ ወያበርህ፡ በገጸ፡ ሰማይ።	ወሠረገላተ፡ በኀበ፡ የዐርግ፡ ነፋስ፡ ይነፍኅ፡ ወየዐርብ፡ ፀሓይ፡ እምሰማይ፡ ወይገብእ፡ እንተ፡ መስዕ፡ ከመ፡ ይሑር፡ ምሥራቀ፡ ወይትመራሕ፡ ከመ፡ ይባእ፡ ኀበ፡ ዝኩ፡ ኆኅት፡ ወያበርህ፡ በገጸ፡ ሰማይ።
72:6	ወከመ፡ ዝ፡ ይወፅእ፡ በወርኅ፡ ቀዳማዊ፡ በኆኅት፡ ዐባይ፡ ወይወፅእ፡ እንተ፡ ይእቲ፡ ራብዕት፡ እምእልኩ፡ ኀዋኅው፡ ስድስቱ፡ እለ፡ መንገለ፡ ምሥራቀ፡ ፀሓይ።	ወከመ፡ ዝ፡ ይወፅእ፡ በወርኅ፡ ቀዳማዊ፡ በኆኅት፡ ዐባይ፡ ወይወፅእ፡ እንተ፡ ይእቲ፡ ራብዕት፡ እምእልኩ፡ ኀዋኅው፡ ስድስቱ፡ እለ፡ መንገለ፡ ምሥራቀ፡ ፀሓይ።
72:7	ወበይእቲ፡ ራብዕት፡ ኆኅት፡ እንተ፡ እምኔሃ፡ ይወፅእ፡ ፀሓይ፡ በወርኅ፡ ቀዳማዊ፡ ባቲ፡ ዐሡሩ፡ ወክልኤ፡ ኀዋኅው፡ ርኅዋት፡ ዘእምኔሆን፡ ይወፅእ፡ ላህብ፡ ሶበ፡ ይትረኀዉ፡ እምዘመነ፡ ዚኣሆሙ።	ወበይእቲ፡ ራብዕት፡ ኆኅት፡ እንተ፡ እምኔሃ፡ ይወፅእ፡ ፀሓይ፡ በወርኅ፡ ቀዳማዊ፡ ባቲ፡ ዐሡሩ፡ ወክልኤ፡ ኀዋኅው፡ ርኅዋት፡ ዘእምኔሆን፡ ይወፅእ፡ ላህብ፡ ሶበ፡ ይትረኀዉ፡ እምዘመነ፡ ዚኣሆሙ።
72:8	ሶበ፡ ይሠርቅ፡ ፀሓይ፡ እምሰማይ፡ ይወፅእ፡ እንተ፡ ይእቲ፡ ራብዕት፡ ኆኅት፡ ሠላሳ፡ ጽባሐ፡ ወበራብዕት፡ ኆኅት፡ እንተ፡ እምዕራበ፡ ሰማይ፡ ርቱዐ፡ ይወርድ።	ሶበ፡ ይሠርቅ፡ ፀሓይ፡ እምሰማይ፡ ይወፅእ፡ እንተ፡ ይእቲ፡ ራብዕት፡ ኆኅት፡ ሠላሳ፡ ጽባሐ፡ ወበራብዕት፡ ኆኅት፡ እንተ፡ እምዕራበ፡ ሰማይ፡ ርቱዐ፡ ይወርድ።
72:9	ወበእማንቱ፡ መዋዕል፡ ትነውኅ፡ ዕለት፡ እምዕለት፡ ወተኀጽር፡ ሌሊት፡ እምሌሊት፡ እስከ፡ ሠላሳ፡ ጽባሕ።	ወበእማንቱ፡ መዋዕል፡ ትነውኅ፡ ዕለት፡ እምዕለት፡ ወተኀጽር፡ ሌሊት፡ እምሌሊት፡ እስከ፡ ሠላሳ፡ ጽባሕ።
72:10	ወበይእቲ፡ ዕለት፡ ትነውኅ፡ ካዕበተ፡ ዕለት፡ እምሌሊት፡ ወትከውን፡ ዕለት፡ ጥንቁቀ፡ ዐሠርተ፡ ክፍለ፡ ወትከውን፡ ሌሊት፡ ሰመንተ፡ ክፍለ።	ወበይእቲ፡ ዕለት፡ ትነውኅ፡ ካዕበተ፡ ዕለት፡ እምሌሊት፡ ወትከውን፡ ዕለት፡ ጥንቁቀ፡ ዐሠርተ፡ ክፍለ፡ ወትከውን፡ ሌሊት፡ ሰመንተ፡ ክፍለ።
72:11	ወይወፅእ፡ ፀሓይ፡ እምይእቲ፡ ራብዕት፡ ኆኅት፡ ወየዐርብ፡ በራብዕት፡ ኆኅት፡ ወይገብእ፡ ውስተ፡ ኀምስት፡ ኆኅት፡ እንተ፡ ጽባሕ፡ ሠላሳ፡ ጽባሐ፡ ወይወፅእ፡ እምኔሃ፡ ወየዐርብ፡ ውስተ፡ ኀምስት፡ ኆኅት።	ወይወፅእ፡ ፀሓይ፡ እምይእቲ፡ ራብዕት፡ ኆኅት፡ ወየዐርብ፡ በራብዕት፡ ኆኅት፡ ወይገብእ፡ ውስተ፡ ኀምስት፡ ኆኅት፡ እንተ፡ ጽባሕ፡ ሠላሳ፡ ጽባሐ፡ ወይወፅእ፡ እምኔሃ፡ ወየዐርብ፡ ውስተ፡ ኀምስት፡ ኆኅት።
72:12	ወአሜሃ፡ ትነውኅ፡ ዕለት፡ ክልኤተ፡ እደ፡ ወትከውን፡ ዕለት፡ ዐሠርተ፡ ወአሐደ፡ ክፍለ፡ ወተኀጽር፡ ሌሊት፡ ወትከውን፡ ሰብዐተ፡ ክፍለ።	ወአሜሃ፡ ትነውኅ፡ ዕለት፡ ክልኤተ፡ እደ፡ ወትከውን፡ ዕለት፡ ዐሠርተ፡ ወአሐደ፡ ክፍለ፡ ወተኀጽር፡ ሌሊት፡ ወትከውን፡ ሰብዐተ፡ ክፍለ።
72:13	ወይገብእ፡ ፀሓይ፡ ለጽባሕ፡ ወይበውእ፡ ውስተ፡ ሳድስት፡ ኆኅት፡ ወይወፅእ፡ ወየዐርብ፡ በሳድስት፡ ኆኅት፡ ሠላሳ፡ ወአሐደ፡ ጽባሐ፡ በእንተ፡ ትእምርተ፡ ዚኣሃ።	ወይገብእ፡ ፀሓይ፡ ለጽባሕ፡ ወይበውእ፡ ውስተ፡ ሳድስት፡ ኆኅት፡ ወይወፅእ፡ ወየዐርብ፡ በሳድስት፡ ኆኅት፡ ሠላሳ፡ ወአሐደ፡ ጽባሐ፡ በእንተ፡ ትእምርተ፡ ዚኣሃ።
72:14	ወበይእቲ፡ ዕለት፡ ትነውኅ፡ ዕለት፡ እምሌሊት፡ ወትከውን፡ ዕለት፡ ካዕበተ፡ ሌሊት፡ ወትከውን፡ ዕለት፡ ዐሠርተ፡ ወክልኤተ፡ ክፍለ፡ ወተኀጽር፡ ሌሊት፡ ወትከውን፡ ስድስተ፡ ክፍለ።	ወበይእቲ፡ ዕለት፡ ትነውኅ፡ ዕለት፡ እምሌሊት፡ ወትከውን፡ ዕለት፡ ካዕበተ፡ ሌሊት፡ ወትከውን፡ ዕለት፡ ዐሠርተ፡ ወክልኤተ፡ ክፍለ፡ ወተኀጽር፡ ሌሊት፡ ወትከውን፡ ስድስተ፡ ክፍለ።
72:15	ወይትነሣእ፡ ፀሓይ፡ ከመ፡ ትኅጽር፡ ዕለት፡ ወትኑኅ፡ ሌሊት፡ ወይገብእ፡ ፀሓይ፡ ለጽባሕ፡ ወይበውእ፡ ውስተ፡ ሳድስት፡ ኆኅት፡ ወይሠርቅ፡ እምኔሃ፡ ወየዐርብ፡ ሠላሳ፡ ጽባሕ።	ወይትነሣእ፡ ፀሓይ፡ ከመ፡ ትኅጽር፡ ዕለት፡ ወትኑኅ፡ ሌሊት፡ ወይገብእ፡ ፀሓይ፡ ለጽባሕ፡ ወይበውእ፡ ውስተ፡ ሳድስት፡ ኆኅት፡ ወይሠርቅ፡ እምኔሃ፡ ወየዐርብ፡ ሠላሳ፡ ጽባሕ።
72:16	ወሶበ፡ ተፈጸመ፡ ሠላሳ፡ ጽባሕ፡ ተሐጽጽ፡ መዓልት፡ ወትከውን፡ አሐደ፡ ክፍለ፡ ጥንቁቀ፡ ወትከውን፡ ዕለት፡ ዐሠርተ፡ ወአሐደ፡ ክፍለ፡ ወሌሊት፡ ሰብዐተ፡ ክፍለ።	ወሶበ፡ ተፈጸመ፡ ሠላሳ፡ ጽባሕ፡ ተሐጽጽ፡ መዓልት፡ ወትከውን፡ አሐደ፡ ክፍለ፡ ጥንቁቀ፡ ወትከውን፡ ዕለት፡ ዐሠርተ፡ ወአሐደ፡ ክፍለ፡ ወሌሊት፡ ሰብዐተ፡ ክፍለ።
72:17	ወይወፅእ፡ ፀሓይ፡ እምነ፡ ምዕራብ፡ እምይእቲ፡ ሳድስት፡ ኆኅት፡ ወየሐውር፡ ምሥራቀ፡ ወይሠርቅ፡ በኀምስት፡ ኆኅት፡ ሠላሳ፡ ጽባሐ፡ ወየዐርብ፡ በምዕራብ፡ ካዕበ፡ በኀምስት፡ ኆኅት፡ እንተ፡ ምዕራብ።	ወይወፅእ፡ ፀሓይ፡ እምነ፡ ምዕራብ፡ እምይእቲ፡ ሳድስት፡ ኆኅት፡ ወየሐውር፡ ምሥራቀ፡ ወይሠርቅ፡ በኀምስት፡ ኆኅት፡ ሠላሳ፡ ጽባሐ፡ ወየዐርብ፡ በምዕራብ፡ ካዕበ፡ በኀምስት፡ ኆኅት፡ እንተ፡ ምዕራብ።
72:18	ወበይእቲ፡ ዕለት፡ ተሐጽጽ፡ ዕለት፡ ክልኤተ፡ ክፍለ፡ ወትከውን፡ ዕለት፡ ዐሠርተ፡ ክፍለ፡ ወሌሊት፡ ሰመንተ፡ ክፍለ።	ወበይእቲ፡ ዕለት፡ ተሐጽጽ፡ ዕለት፡ ክልኤተ፡ ክፍለ፡ ወትከውን፡ ዕለት፡ ዐሠርተ፡ ክፍለ፡ ወሌሊት፡ ሰመንተ፡ ክፍለ።
72:19	ወይወፅእ፡ ፀሓይ፡ እምይእቲ፡ ኀምስት፡ ኆኅት፡ ወየዐርብ፡ በኀምስት፡ ኆኅት፡ እንተ፡ ምዕራብ፡ ወይሠርቅ፡ በራብዕት፡ ኆኅት፡ በእንተ፡ ትእምርተ፡ ዚኣሃ፡ ሠላሳ፡ ወአሐደ፡ ጽባሐ፡ ወየዐርብ፡ በምዕራብ።	ወይወፅእ፡ ፀሓይ፡ እምይእቲ፡ ኀምስት፡ ኆኅት፡ ወየዐርብ፡ በኀምስት፡ ኆኅት፡ እንተ፡ ምዕራብ፡ ወይሠርቅ፡ በራብዕት፡ ኆኅት፡ በእንተ፡ ትእምርተ፡ ዚኣሃ፡ ሠላሳ፡ ወአሐደ፡ ጽባሐ፡ ወየዐርብ፡ በምዕራብ።
72:20	ወበይእቲ፡ ዕለት፡ ይትዔረይ፡ መዓልት፡ ምስለ፡ ሌሊት፡ ወይከውን፡ ዕሩየ፡ ወትከውን፡ ሌሊት፡ ተስዓተ፡ ክፍለ፡ ወመዓልት፡ ተስዓተ፡ ክፍለ።	ወበይእቲ፡ ዕለት፡ ይትዔረይ፡ መዓልት፡ ምስለ፡ ሌሊት፡ ወይከውን፡ ዕሩየ፡ ወትከውን፡ ሌሊት፡ ተስዓተ፡ ክፍለ፡ ወመዓልት፡ ተስዓተ፡ ክፍለ።
72:21	ወይወፅእ፡ ፀሓይ፡ እምይእቲ፡ ኆኅት፡ ወየዐርብ፡ በምዕራብ፡ ወይገብእ፡ ለጽባሕ፡ ወይወፅእ፡ በሣልስት፡ ኆኅት፡ ሠላሳ፡ ጽባሐ፡ ወየዐርብ፡ በምዕራብ፡ በሣልስት፡ ኆኅት።	ወይወፅእ፡ ፀሓይ፡ እምይእቲ፡ ኆኅት፡ ወየዐርብ፡ በምዕራብ፡ ወይገብእ፡ ለጽባሕ፡ ወይወፅእ፡ በሣልስት፡ ኆኅት፡ ሠላሳ፡ ጽባሐ፡ ወየዐርብ፡ በምዕራብ፡ በሣልስት፡ ኆኅት።
72:22	ወበይእቲ፡ ዕለት፡ ትነውኅ፡ ሌሊት፡ እምሌሊት፡ እስከ፡ ሠላሳ፡ ጽባሕ፡ ወተኀጽር፡ ዕለት፡ እምዕለት፡ እስከ፡ ሠላሳ፡ ዕለት፡ ወትከውን፡ ሌሊት፡ ዐሠርተ፡ ክፍለ፡ ጥንቁቀ፡ ወመዓልት፡ ሰመንተ፡ ክፍለ።	ወበይእቲ፡ ዕለት፡ ትነውኅ፡ ሌሊት፡ እምሌሊት፡ እስከ፡ ሠላሳ፡ ጽባሕ፡ ወተኀጽር፡ ዕለት፡ እምዕለት፡ እስከ፡ ሠላሳ፡ ዕለት፡ ወትከውን፡ ሌሊት፡ ዐሠርተ፡ ክፍለ፡ ጥንቁቀ፡ ወመዓልት፡ ሰመንተ፡ ክፍለ።
72:23	ወይወፅእ፡ ፀሓይ፡ እምይእቲ፡ ሣልስት፡ ኆኅት፡ ወየዐርብ፡ በሣልስት፡ ኆኅት፡ በዐረብ፡ ወይገብእ፡ ውስተ፡ ምሥራቅ፡ ወይወፅእ፡ ፀሓይ፡ ውስተ፡ ካልእት፡ ኆኅት፡ እምሥራቅ፡ ሠላሳ፡ ጽባሐ፡ ወከመ፡ ዝ፡ የዐርብ፡ በካልእ፡ ኆኅት፡ በምዕራበ፡ ሰማይ።	ወይወፅእ፡ ፀሓይ፡ እምይእቲ፡ ሣልስት፡ ኆኅት፡ ወየዐርብ፡ በሣልስት፡ ኆኅት፡ በዐረብ፡ ወይገብእ፡ ውስተ፡ ምሥራቅ፡ ወይወፅእ፡ ፀሓይ፡ ውስተ፡ ካልእት፡ ኆኅት፡ እምሥራቅ፡ ሠላሳ፡ ጽባሐ፡ ወከመ፡ ዝ፡ የዐርብ፡ በካልእ፡ ኆኅት፡ በምዕራበ፡ ሰማይ።
72:24	ወበይእቲ፡ ዕለት፡ ትከውን፡ ሌሊት፡ ዐሠርተ፡ ወአሐደ፡ ክፍለ፡ ወዕለት፡ ሰብዐተ፡ ክፍለ።	ወበይእቲ፡ ዕለት፡ ትከውን፡ ሌሊት፡ ዐሠርተ፡ ወአሐደ፡ ክፍለ፡ ወዕለት፡ ሰብዐተ፡ ክፍለ።
72:25	ወይወፅእ፡ ፀሓይ፡ በይእቲ፡ ዕለት፡ እምይእቲ፡ ካልእት፡ ኆኅት፡ ወየዐርብ፡ በምዕራብ፡ በካልእ፡ ኆኅት፡ ወይገብእ፡ በምሥራቅ፡ ወይወፅእ፡ በአሐቲ፡ ኆኅት፡ ሠላሳ፡ ወአሐደ፡ ጽባሐ፡ በእንተ፡ ትእምርተ፡ ዚኣየ፡ ወየዐርብ፡ በምዕራብ፡ በአሐቲ፡ ኆኅት።	ወይወፅእ፡ ፀሓይ፡ በይእቲ፡ ዕለት፡ እምይእቲ፡ ካልእት፡ ኆኅት፡ ወየዐርብ፡ በምዕራብ፡ በካልእ፡ ኆኅት፡ ወይገብእ፡ በምሥራቅ፡ ወይወፅእ፡ በአሐቲ፡ ኆኅት፡ ሠላሳ፡ ወአሐደ፡ ጽባሐ፡ በእንተ፡ ትእምርተ፡ ዚኣየ፡ ወየዐርብ፡ በምዕራብ፡ በአሐቲ፡ ኆኅት።
72:26	ወበይእቲ፡ ዕለት፡ ትነውኅ፡ ሌሊት፡ ወትከውን፡ ካዕበታ፡ ለዕለት፡ ወትከውን፡ ሌሊት፡ ዐሠርተ፡ ወክልኤተ፡ ክፍለ፡ ጥንቁቀ፡ ወመዓልት፡ ሰብዐተ፡ ክፍለ።	ወበይእቲ፡ ዕለት፡ ትነውኅ፡ ሌሊት፡ ወትከውን፡ ካዕበታ፡ ለዕለት፡ ወትከውን፡ ሌሊት፡ ዐሠርተ፡ ወክልኤተ፡ ክፍለ፡ ጥንቁቀ፡ ወመዓልት፡ ሰብዐተ፡ ክፍለ።
72:27	ወፈጸመ፡ ፀሓይ፡ አርእስቲሁ፡ ወዳግመ፡ የዐውድ፡ ዲበ፡ እሉ፡ አርእስቲሁ፡ ወይበውእ፡ በውእቱ፡ ኆኅት፡ ሠላሳ፡ ጽባሐ፡ ወበምዕራብኒ፡ በአንጻሪሁ፡ የዐርብ።	ወፈጸመ፡ ፀሓይ፡ አርእስቲሁ፡ ወዳግመ፡ የዐውድ፡ ዲበ፡ እሉ፡ አርእስቲሁ፡ ወይበውእ፡ በውእቱ፡ ኆኅት፡ ሠላሳ፡ ጽባሐ፡ ወበምዕራብኒ፡ በአንጻሪሁ፡ የዐርብ።
72:28	ወበይእቲ፡ ዕለት፡ ተኀጽር፡ እምኑኃ፡ አሐደ፡ እደ፡ ዝ፡ ውእቱ፡ ክፍል፡ አሐዱ፡ ወትከውን፡ ሌሊት፡ ዐሠርተ፡ ወአሐደ፡ ክፍለ፡ ወመዓልት፡ አሐደ፡ ክፍለ።	ወበይእቲ፡ ዕለት፡ ተኀጽር፡ እምኑኃ፡ አሐደ፡ እደ፡ ዝ፡ ውእቱ፡ ክፍል፡ አሐዱ፡ ወትከውን፡ ሌሊት፡ ዐሠርተ፡ ወአሐደ፡ ክፍለ፡ ወመዓልት፡ አሐደ፡ ክፍለ።
72:29	ወገብአ፡ ፀሓይ፡ ወቦአ፡ ውስተ፡ ካልእ፡ ኆኅት፡ እንተ፡ ምሥራቅ፡ ወይገብእ፡ ዲበ፡ ዝኩ፡ አርእስቲሁ፡ ሠላሳ፡ ጽባሐ፡ ይሠርቅ፡ ወየዐርብ።	ወገብአ፡ ፀሓይ፡ ወቦአ፡ ውስተ፡ ካልእ፡ ኆኅት፡ እንተ፡ ምሥራቅ፡ ወይገብእ፡ ዲበ፡ ዝኩ፡ አርእስቲሁ፡ ሠላሳ፡ ጽባሐ፡ ይሠርቅ፡ ወየዐርብ።
72:30	ወበይእቲ፡ ዕለት፡ ተኀጽር፡ ሌሊት፡ እምኑኃ፡ ወትከውን፡ ሌሊት፡ ዐሠርተ፡ ክፍለ፡ ወመዓልት፡ ሰመንተ፡ ክፍለ።	ወበይእቲ፡ ዕለት፡ ተኀጽር፡ ሌሊት፡ እምኑኃ፡ ወትከውን፡ ሌሊት፡ ዐሠርተ፡ ክፍለ፡ ወመዓልት፡ ሰመንተ፡ ክፍለ።
72:31	ወበይእቲ፡ ዕለት፡ ይወፅእ፡ ፀሓይ፡ እምይእቲ፡ ካልእት፡ ኆኅት፡ ወየዐርብ፡ በምዕራብ፡ ወይገብእ፡ ምሥራቀ፡ ወይሠርቅ፡ በሣልስት፡ ኆኅት፡ ሠላሳ፡ ወአሐደ፡ ጽባሐ፡ በእንተ፡ ትእምርተ፡ ዚኣሃ፡ ወየዐርብ፡ በምዕራበ፡ ሰማይ።	ወበይእቲ፡ ዕለት፡ ይወፅእ፡ ፀሓይ፡ እምይእቲ፡ ካልእት፡ ኆኅት፡ ወየዐርብ፡ በምዕራብ፡ ወይገብእ፡ ምሥራቀ፡ ወይሠርቅ፡ በሣልስት፡ ኆኅት፡ ሠላሳ፡ ወአሐደ፡ ጽባሐ፡ በእንተ፡ ትእምርተ፡ ዚኣሃ፡ ወየዐርብ፡ በምዕራበ፡ ሰማይ።
72:32	ወበይእቲ፡ ዕለት፡ ተኀጽር፡ ሌሊት፡ ወትከውን፡ ተስዓተ፡ ክፍለ፡ ወዕለት፡ ትከውን፡ ተስዓተ፡ ክፍለ፡ ወይትዔረይ፡ ሌሊት፡ ምስለ፡ መዓልት፡ ወይከውን፡ ዓመት፡ ጥንቁቀ፡ መዋዕለ፡ ሠለስተ፡ ምእተ፡ ስሳ፡ ወረቡዐ።	ወበይእቲ፡ ዕለት፡ ተኀጽር፡ ሌሊት፡ ወትከውን፡ ተስዓተ፡ ክፍለ፡ ወዕለት፡ ትከውን፡ ተስዓተ፡ ክፍለ፡ ወይትዔረይ፡ ሌሊት፡ ምስለ፡ መዓልት፡ ወይከውን፡ ዓመት፡ ጥንቁቀ፡ መዋዕለ፡ ሠለስተ፡ ምእተ፡ ስሳ፡ ወረቡዐ።
72:33	ወኑኃ፡ ለዕለት፡ ወለሌሊት፡ ወሕጸራ፡ ለዕለት፡ ወለሌሊት፡ በምሕዋረ፡ ፀሓይ፡ ውእቱ፡ ይትሌለይ።	ወኑኃ፡ ለዕለት፡ ወለሌሊት፡ ወሕጸራ፡ ለዕለት፡ ወለሌሊት፡ በምሕዋረ፡ ፀሓይ፡ ውእቱ፡ ይትሌለይ።
72:34	ወበእንቲኣሁ፡ ይነውኅ፡ ምሕዋሪሁ፡ ወዕለት፡ እምዕለት፡ ይቀርብ፡ ወሌሊት፡ እምሌሊት፡ ይቀርብ።	ወበእንቲኣሁ፡ ይነውኅ፡ ምሕዋሪሁ፡ ወዕለት፡ እምዕለት፡ ይቀርብ፡ ወሌሊት፡ እምሌሊት፡ ይቀርብ።
72:35	ወዝ፡ ውእቱ፡ ትእዛዙ፡ ወምሕዋሩ፡ ለፀሓይ፡ ወምግባኡ፡ ወሶበ፡ ይገብእ፡ ለእንተ፡ ስሳ፡ ይገብእ፡ ወይወፅእ፡ ወዝ፡ ውእቱ፡ ብርሃን፡ ዐቢይ፡ ዘለዓለም፡ ዘይሰመይ፡ ፀሓየ፡ ለዓለመ፡ ዓለም።	ወዝ፡ ውእቱ፡ ትእዛዙ፡ ወምሕዋሩ፡ ለፀሓይ፡ ወምግባኡ፡ ወሶበ፡ ይገብእ፡ ለእንተ፡ ስሳ፡ ይገብእ፡ ወይወፅእ፡ ወዝ፡ ውእቱ፡ ብርሃን፡ ዐቢይ፡ ዘለዓለም፡ ዘይሰመይ፡ ፀሓየ፡ ለዓለመ፡ ዓለም።
72:36	ወዝንቱ፡ ውእቱ፡ ዘይወፅእ፡ ብርሃን፡ ዐቢይ፡ ዘይሰመይ፡ በአርአያ፡ ዚኣሁ፡ በከመ፡ አዘዘ፡ እግዚእ።	ወዝንቱ፡ ውእቱ፡ ዘይወፅእ፡ ብርሃን፡ ዐቢይ፡ ዘይሰመይ፡ በአርአያ፡ ዚኣሁ፡ በከመ፡ አዘዘ፡ እግዚእ።
72:37	ወከመ፡ ዝ፡ ይወፅእ፡ ወይበውእ፡ ኢየሐጽጽ፡ ወኢየዐርፍ፡ አላ፡ ይረውጽ፡ መዓልተ፡ ወሌሊተ፡ በሠረገላ፡ ወብርሃነ፡ ዚኣሁ፡ ሰብዐተ፡ እደ፡ ያበርህ፡ እምዘወርኅ፡ ወአምጣኒሆሙ፡ ለክልኤሆሙ፡ ዘውግ።	ወከመ፡ ዝ፡ ይወፅእ፡ ወይበውእ፡ ኢየሐጽጽ፡ ወኢየዐርፍ፡ አላ፡ ይረውጽ፡ መዓልተ፡ ወሌሊተ፡ በሠረገላ፡ ወብርሃነ፡ ዚኣሁ፡ ሰብዐተ፡ እደ፡ ያበርህ፡ እምዘወርኅ፡ ወአምጣኒሆሙ፡ ለክልኤሆሙ፡ ዘውግ።