| 79:1 | ወይእዜኒ፡ ወልድየ፡ ማቱሳላ፡ አርአይኩከ፡ ኵሎ፡ ወተፈጸመ፡ ኵሉ፡ ሥርዐተ፡ ከዋክብተ፡ ሰማይ። | ወይእዜኒ፡ ወልድየ፡ ማቱሳላ፡ አርአይኩከ፡ ኵሎ፡ ወተፈጸመ፡ ኵሉ፡ ሥርዐተ፡ ከዋክብተ፡ ሰማይ። |
|---|
| 79:2 | ወአርአየኒ፡ ኵሎ፡ ሥርዐቶሙ፡ ለእሉ፡ እንተ፡ በኵሉ፡ መዋዕል፡ ወበኵሉ፡ ዘመን፡ ዘበኵሉ፡ ሥልጣን፡ ወበኵሉ፡ ዓመት፡ ወበሙፃኡ፡ ወበትእዛዙ፡ ወበኵሉ፡ ወርኅ፡ ወበኵሉ፡ ሰንበታት። | ወአርአየኒ፡ ኵሎ፡ ሥርዐቶሙ፡ ለእሉ፡ እንተ፡ በኵሉ፡ መዋዕል፡ ወበኵሉ፡ ዘመን፡ ዘበኵሉ፡ ሥልጣን፡ ወበኵሉ፡ ዓመት፡ ወበሙፃኡ፡ ወበትእዛዙ፡ ወበኵሉ፡ ወርኅ፡ ወበኵሉ፡ ሰንበታት። |
|---|
| 79:3 | ወሕጸጸ፡ ወርኅ፡ ዘይትገበር፡ በሳድስ፡ ኆኅት፡ እስመ፡ በዛቲ፡ ኆኅት፡ ሳድሲት፡ ይትፌጸም፡ ብርሃነ፡ ዚኣሁ፡ ወእምኔሁ፡ ይከውን፡ ርእሰ፡ ወርኅ፡ ወታሕጻጺት። | ወሕጸጸ፡ ወርኅ፡ ዘይትገበር፡ በሳድስ፡ ኆኅት፡ እስመ፡ በዛቲ፡ ኆኅት፡ ሳድሲት፡ ይትፌጸም፡ ብርሃነ፡ ዚኣሁ፡ ወእምኔሁ፡ ይከውን፡ ርእሰ፡ ወርኅ፡ ወታሕጻጺት። |
|---|
| 79:4 | ዘይትገበር፡ በኆኅት፡ ቀዳሚት፡ በዘመነ፡ ዚኣሁ፡ እስከ፡ ይትፌጸም፡ መዋዕል፡ ምእት፡ ወሰብዓ፡ ወሰብዐቱ፡ በሥርዐተ፡ ሰንበት፡ ዕሥራ፡ ወኀምስቱ፡ ወክልኤ፡ መዋዕል። | ዘይትገበር፡ በኆኅት፡ ቀዳሚት፡ በዘመነ፡ ዚኣሁ፡ እስከ፡ ይትፌጸም፡ መዋዕል፡ ምእት፡ ወሰብዓ፡ ወሰብዐቱ፡ በሥርዐተ፡ ሰንበት፡ ዕሥራ፡ ወኀምስቱ፡ ወክልኤ፡ መዋዕል። |
|---|
| 79:5 | ወዘየሐጽጽ፡ እምፀሓይ፡ ወሥርዐተ፡ ከዋክብት፡ ኀሙሰ፡ መዋዕለ፡ በዘመን፡ አሐዱ፡ ጥንቁቀ፡ ወሶበ፡ ይትፌጸም፡ ዝ፡ መካን፡ ዘትሬኢ። | ወዘየሐጽጽ፡ እምፀሓይ፡ ወሥርዐተ፡ ከዋክብት፡ ኀሙሰ፡ መዋዕለ፡ በዘመን፡ አሐዱ፡ ጥንቁቀ፡ ወሶበ፡ ይትፌጸም፡ ዝ፡ መካን፡ ዘትሬኢ። |
|---|
| 79:6 | ከመ፡ ዝ፡ አርአያ፡ ወአምሳል፡ እምኵሉ፡ ብርሃን፡ ዘአርአየኒ፡ ኡርኤል፡ መልአክ፡ ዐቢይ፡ ዘውእቱ፡ መራሒሆሙ። | ከመ፡ ዝ፡ አርአያ፡ ወአምሳል፡ እምኵሉ፡ ብርሃን፡ ዘአርአየኒ፡ ኡርኤል፡ መልአክ፡ ዐቢይ፡ ዘውእቱ፡ መራሒሆሙ። |
|---|