1 Enoch

1 Enoch 84 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
84:1	ወአልዐልኩ፡ እደውየ፡ በጽድቅ፡ ወባረክዎ፡ ለቅዱስ፡ ወለዐቢይ፡ ወነገርኩ፡ በመንፈሰ፡ አፉየ፡ ወበልሳነ፡ ሥጋ፡ እንተ፡ ገብረ፡ አምላክ፡ ለውሉደ፡ ሰብእ፡ ከመ፡ ይትናገሩ፡ ባቲ፡ ወወሀቦሙ፡ መንፈሰ፡ ወልሳነ፡ ወአፈ፡ ከመ፡ ይትናገሩ፡ ቦቱ።	ወአልዐልኩ፡ እደውየ፡ በጽድቅ፡ ወባረክዎ፡ ለቅዱስ፡ ወለዐቢይ፡ ወነገርኩ፡ በመንፈሰ፡ አፉየ፡ ወበልሳነ፡ ሥጋ፡ እንተ፡ ገብረ፡ አምላክ፡ ለውሉደ፡ ሰብእ፡ ከመ፡ ይትናገሩ፡ ባቲ፡ ወወሀቦሙ፡ መንፈሰ፡ ወልሳነ፡ ወአፈ፡ ከመ፡ ይትናገሩ፡ ቦቱ።
84:2	ቡሩክ፡ አንተ፡ እግዚኦ፡ ንጉሥ፡ ወዐቢይ፡ ወኀያል፡ በዕበየ፡ ዚኣከ፡ እግዚአ፡ ኵሉ፡ ፍጥረተ፡ ሰማይ፡ ንጉሠ፡ ነገሥት፡ ወአምላከ፡ ኵሉ፡ ዓለም፡ ወመለኮትከ፡ ወመንግሥትከ፡ ወዕበይከ፡ ይነብር፡ ለዓለም፡ ወለዓለመ፡ ዓለም፡ ወለኵሉ፡ ትውልደ፡ ትውልድ፡ ሥልጣንከ፡ ወኵሎሙ፡ ሰማያት፡ ምንባሪከ፡ ለዓለም፡ ወኵላ፡ ምድር፡ መከየደ፡ እገሪከ፡ ለዓለመ፡ ዓለም።	ቡሩክ፡ አንተ፡ እግዚኦ፡ ንጉሥ፡ ወዐቢይ፡ ወኀያል፡ በዕበየ፡ ዚኣከ፡ እግዚአ፡ ኵሉ፡ ፍጥረተ፡ ሰማይ፡ ንጉሠ፡ ነገሥት፡ ወአምላከ፡ ኵሉ፡ ዓለም፡ ወመለኮትከ፡ ወመንግሥትከ፡ ወዕበይከ፡ ይነብር፡ ለዓለም፡ ወለዓለመ፡ ዓለም፡ ወለኵሉ፡ ትውልደ፡ ትውልድ፡ ሥልጣንከ፡ ወኵሎሙ፡ ሰማያት፡ ምንባሪከ፡ ለዓለም፡ ወኵላ፡ ምድር፡ መከየደ፡ እገሪከ፡ ለዓለመ፡ ዓለም።
84:3	እስመ፡ አንተ፡ ገበርከ፡ ኵሎ፡ ወኵሎ፡ አንተ፡ ትመልክ፡ ወኢይጸንዐከ፡ ግብር፡ ወኢ፡ አሐዱ፡ ወኢ፡ አሐቲ፡ ጥበብ፡ ኢተኀልፈከ፡ ወኢትትመየጥ፡ እመንበርታ፡ ምንባሪከ፡ ወኢ፡ እምገጽከ፡ ወአንተ፡ ኵሎ፡ ተአምር፡ ወትሬኢ፡ ወትሰምዕ፡ ወአልቦ፡ ዘይትኀባእ፡ እምኔከ፡ እስመ፡ ኵሎ፡ ትሬኢ።	እስመ፡ አንተ፡ ገበርከ፡ ኵሎ፡ ወኵሎ፡ አንተ፡ ትመልክ፡ ወኢይጸንዐከ፡ ግብር፡ ወኢ፡ አሐዱ፡ ወኢ፡ አሐቲ፡ ጥበብ፡ ኢተኀልፈከ፡ ወኢትትመየጥ፡ እመንበርታ፡ ምንባሪከ፡ ወኢ፡ እምገጽከ፡ ወአንተ፡ ኵሎ፡ ተአምር፡ ወትሬኢ፡ ወትሰምዕ፡ ወአልቦ፡ ዘይትኀባእ፡ እምኔከ፡ እስመ፡ ኵሎ፡ ትሬኢ።
84:4	ወይእዜኒ፡ መላእክተ፡ ሰማያቲከ፡ ይኤብሱ፡ ወዲበ፡ ሥጋ፡ ሰብእ፡ ትከውን፡ መዓትከ፡ እስከ፡ ዕለተ፡ ዐባይ፡ ኵነኔ።	ወይእዜኒ፡ መላእክተ፡ ሰማያቲከ፡ ይኤብሱ፡ ወዲበ፡ ሥጋ፡ ሰብእ፡ ትከውን፡ መዓትከ፡ እስከ፡ ዕለተ፡ ዐባይ፡ ኵነኔ።
84:5	ወይእዜኒ፡ አምላክ፡ ወእግዚእ፡ ወንጉሥ፡ ዐቢይ፡ ኣስተበቍዕ፡ ወእስእል፡ ከመ፡ ታቅም፡ ሊተ፡ ስእለትየ፡ ከመ፡ ታትርፍ፡ ሊተ፡ ደኃሪተ፡ ውስተ፡ ምድር፡ ወኢታጥፍእ፡ ኵሎ፡ ሥጋ፡ ሰብእ፡ ወኢታዕርቃ፡ ለምድር፡ ወኢይኩን፡ ሀጕል፡ ለዓለም።	ወይእዜኒ፡ አምላክ፡ ወእግዚእ፡ ወንጉሥ፡ ዐቢይ፡ ኣስተበቍዕ፡ ወእስእል፡ ከመ፡ ታቅም፡ ሊተ፡ ስእለትየ፡ ከመ፡ ታትርፍ፡ ሊተ፡ ደኃሪተ፡ ውስተ፡ ምድር፡ ወኢታጥፍእ፡ ኵሎ፡ ሥጋ፡ ሰብእ፡ ወኢታዕርቃ፡ ለምድር፡ ወኢይኩን፡ ሀጕል፡ ለዓለም።
84:6	ወይእዜኒ፡ እግዚእየ፡ አጥፍእ፡ እምዲበ፡ ምድር፡ ሥጋ፡ እንተ፡ አምዕዐተከ፡ ወሥጋ፡ ጽድቅ፡ ወርትዕ፡ አቅም፡ ለተክለ፡ ዘርዕ፡ ለዓለም፡ ወኢትሰውር፡ ገጸከ፡ እምስእለተ፡ ገብርከ፡ እግዚኦ።	ወይእዜኒ፡ እግዚእየ፡ አጥፍእ፡ እምዲበ፡ ምድር፡ ሥጋ፡ እንተ፡ አምዕዐተከ፡ ወሥጋ፡ ጽድቅ፡ ወርትዕ፡ አቅም፡ ለተክለ፡ ዘርዕ፡ ለዓለም፡ ወኢትሰውር፡ ገጸከ፡ እምስእለተ፡ ገብርከ፡ እግዚኦ።

read Ge'ez alone read Ge'ez alone