1 Enoch

1 Enoch 9 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
9:1	ወአሜሃ፡ ሐወጹ፡ ሚካኤል፡ ወገብርኤል፡ ወሱሩያል፡ ወኡርያል፡ እምሰማይ፡ ወርእዩ፡ ብዙኀ፡ ደመ፡ ዘይትከዐው፡ በዲበ፡ ምድር፡ ወኵሎ፡ ዐመፃ፡ ዘይትገበር፡ በዲበ፡ ምድር።	ወአሜሃ፡ ሐወጹ፡ ሚካኤል፡ ወገብርኤል፡ ወሱሩያል፡ ወኡርያል፡ እምሰማይ፡ ወርእዩ፡ ብዙኀ፡ ደመ፡ ዘይትከዐው፡ በዲበ፡ ምድር፡ ወኵሎ፡ ዐመፃ፡ ዘይትገበር፡ በዲበ፡ ምድር።
9:2	ወይቤሉ፡ በበይናቲሆሙ፡ ቃለ፡ ጽራሐቲሆሙ፡ ዕራቃ፡ ጸርሐት፡ ምድር፡ እስከ፡ አንቀጸ፡ ሰማይ።	ወይቤሉ፡ በበይናቲሆሙ፡ ቃለ፡ ጽራሐቲሆሙ፡ ዕራቃ፡ ጸርሐት፡ ምድር፡ እስከ፡ አንቀጸ፡ ሰማይ።
9:3	ወይእዜኒ፡ ኦ፡ ቅዱሳነ፡ ሰማይ፡ ለክሙ፡ ይሰክዩ፡ ነፍሳተ፡ ሰብእ፡ እንዘ፡ ይብሉ፡ አብኡ፡ ለነ፡ ፍትሐ፡ ኀበ፡ ልዑል።	ወይእዜኒ፡ ኦ፡ ቅዱሳነ፡ ሰማይ፡ ለክሙ፡ ይሰክዩ፡ ነፍሳተ፡ ሰብእ፡ እንዘ፡ ይብሉ፡ አብኡ፡ ለነ፡ ፍትሐ፡ ኀበ፡ ልዑል።
9:4	ወይቤሉ፡ ለእግዚኦሙ፡ ለንጉሥ፡ እስመ፡ እግዚኦሙ፡ ለአጋእዝት፡ ወአምላኮሙ፡ ለአማልክት፡ ወንጉሦሙ፡ ለነገሥት፡ ወመንበረ፡ ስብሐቲሁ፡ ውስተ፡ ኵሉ፡ ትውልድ፡ ዘለዓለም፡ ወስምከ፡ ቅዱስ፡ ወስቡሕ፡ ውስተ፡ ኵሉ፡ ትውልድ፡ ዓለም፡ ወቡሩክ፡ ወስቡሕ።	ወይቤሉ፡ ለእግዚኦሙ፡ ለንጉሥ፡ እስመ፡ እግዚኦሙ፡ ለአጋእዝት፡ ወአምላኮሙ፡ ለአማልክት፡ ወንጉሦሙ፡ ለነገሥት፡ ወመንበረ፡ ስብሐቲሁ፡ ውስተ፡ ኵሉ፡ ትውልድ፡ ዘለዓለም፡ ወስምከ፡ ቅዱስ፡ ወስቡሕ፡ ውስተ፡ ኵሉ፡ ትውልድ፡ ዓለም፡ ወቡሩክ፡ ወስቡሕ።
9:5	አንተ፡ ወገበርከ፡ ኵሎ፡ ወሥልጣነ፡ ኵሉ፡ ምስሌከ፡ ወኵሉ፡ ክሡት፡ በቅድሜከ፡ ወግሁድ፡ ወአንተ፡ ትሬኢ፡ ኵሎ፡ ወአልቦ፡ ዘይትከሀል፡ ይትኀባእ፡ እምኔከ።	አንተ፡ ወገበርከ፡ ኵሎ፡ ወሥልጣነ፡ ኵሉ፡ ምስሌከ፡ ወኵሉ፡ ክሡት፡ በቅድሜከ፡ ወግሁድ፡ ወአንተ፡ ትሬኢ፡ ኵሎ፡ ወአልቦ፡ ዘይትከሀል፡ ይትኀባእ፡ እምኔከ።
9:6	ርኢኬ፡ ዘገብረ፡ አዛዝኤል፡ ዘከመ፡ መሀረ፡ ኵሎ፡ ዐመፃ፡ በዲበ፡ ምድር፡ ወአግሀደ፡ ኅቡኣተ፡ ዓለም፡ እለ፡ ይትገበራ፡ በሰማያት።	ርኢኬ፡ ዘገብረ፡ አዛዝኤል፡ ዘከመ፡ መሀረ፡ ኵሎ፡ ዐመፃ፡ በዲበ፡ ምድር፡ ወአግሀደ፡ ኅቡኣተ፡ ዓለም፡ እለ፡ ይትገበራ፡ በሰማያት።
9:7	ወአመረ፡ ስብዓታተ፡ ስማዝያ፡ ዘአንተ፡ ወሀብኮ፡ ሥልጣነ፡ ከመ፡ ይኰንን፡ እለ፡ ምስሌሁ፡ ኅቡረ።	ወአመረ፡ ስብዓታተ፡ ስማዝያ፡ ዘአንተ፡ ወሀብኮ፡ ሥልጣነ፡ ከመ፡ ይኰንን፡ እለ፡ ምስሌሁ፡ ኅቡረ።
9:8	ወሖሩ፡ ኀበ፡ አዋልደ፡ ሰብእ፡ ኅቡረ፡ ወሰከቡ፡ ምስሌሆን፡ ለእልኩ፡ አንስት፡ ወረኵሱ፡ ወአግሀዱ፡ ሎን፡ እሎንተ፡ ኃጣውአ።	ወሖሩ፡ ኀበ፡ አዋልደ፡ ሰብእ፡ ኅቡረ፡ ወሰከቡ፡ ምስሌሆን፡ ለእልኩ፡ አንስት፡ ወረኵሱ፡ ወአግሀዱ፡ ሎን፡ እሎንተ፡ ኃጣውአ።
9:9	ወአንስትኒ፡ ወለዳ፡ ረዓይተ፡ ወበዝ፡ መልአት፡ ኵላ፡ ምድር፡ ደመ፡ ወዐመፃ።	ወአንስትኒ፡ ወለዳ፡ ረዓይተ፡ ወበዝ፡ መልአት፡ ኵላ፡ ምድር፡ ደመ፡ ወዐመፃ።
9:10	ወይእዜኒ፡ ናሁ፡ ይጸርሑ፡ ነፍሳተ፡ እለ፡ ሞቱ፡ ወይሰክዩ፡ እስከ፡ አንቀጸ፡ ሰማይ፡ ወዐርገ፡ ገዐሮሙ፡ ወኢይክሉ፡ ወፂአ፡ እምቅድመ፡ ገጸ፡ ዐመፃ፡ ዘይትገበር፡ በዲበ፡ ምድር።	ወይእዜኒ፡ ናሁ፡ ይጸርሑ፡ ነፍሳተ፡ እለ፡ ሞቱ፡ ወይሰክዩ፡ እስከ፡ አንቀጸ፡ ሰማይ፡ ወዐርገ፡ ገዐሮሙ፡ ወኢይክሉ፡ ወፂአ፡ እምቅድመ፡ ገጸ፡ ዐመፃ፡ ዘይትገበር፡ በዲበ፡ ምድር።
9:11	ወአንተ፡ ተአምር፡ ኵሎ፡ ዘእንበለ፡ ይኩን፡ ወአንተ፡ ተአምር፡ ዘንተ፡ ወዘዚኣሆሙ፡ ወአልቦ፡ ዘትነግረነ፡ ወምንት፡ መፍትው፡ ንረስዮሙ፡ በእንተ፡ ዝንቱ።	ወአንተ፡ ተአምር፡ ኵሎ፡ ዘእንበለ፡ ይኩን፡ ወአንተ፡ ተአምር፡ ዘንተ፡ ወዘዚኣሆሙ፡ ወአልቦ፡ ዘትነግረነ፡ ወምንት፡ መፍትው፡ ንረስዮሙ፡ በእንተ፡ ዝንቱ።

read Ge'ez alone read Ge'ez alone