1 Enoch

1 Enoch 99 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
99:1	አሌ፡ ለክሙ፡ እለ፡ ትገብሩ፡ ርስዕናተ፡ ወነገረ፡ ሐሰት፡ ይሴብሑ፡ ወያከብሩ፡ ተሀጐልክሙ፡ ወአልብክሙ፡ ሕይወት፡ ወሠናይተ።	አሌ፡ ለክሙ፡ እለ፡ ትገብሩ፡ ርስዕናተ፡ ወነገረ፡ ሐሰት፡ ይሴብሑ፡ ወያከብሩ፡ ተሀጐልክሙ፡ ወአልብክሙ፡ ሕይወት፡ ወሠናይተ።
99:2	አሌ፡ ለክሙ፡ እለ፡ ትዌልጥዎን፡ ለነገራተ፡ ርትዕ፡ ወሥርዐተ፡ እንተ፡ ለዓለም፡ የዐልዉ፡ ወይሬስዩ፡ ርእሶሙ፡ ዘኢኮኑ፡ ኃጥኣነ፡ ዲበ፡ ምድር፡ ሀለዉ፡ ይትከየዱ።	አሌ፡ ለክሙ፡ እለ፡ ትዌልጥዎን፡ ለነገራተ፡ ርትዕ፡ ወሥርዐተ፡ እንተ፡ ለዓለም፡ የዐልዉ፡ ወይሬስዩ፡ ርእሶሙ፡ ዘኢኮኑ፡ ኃጥኣነ፡ ዲበ፡ ምድር፡ ሀለዉ፡ ይትከየዱ።
99:3	በእማንቱ፡ መዋዕል፡ ተደለዉ፡ ጻድቃን፡ ከመ፡ ትንሥኡ፡ ጸሎታቲክሙ፡ ለተዝካር፡ ወአንብርዎሙ፡ ሰማዕተ፡ በቅድመ፡ መላእክት፡ ከመ፡ ያነብርዎ፡ ለኀጢአተ፡ ኃጥኣን፡ ቅድመ፡ ልዑል፡ ለተዝካር።	በእማንቱ፡ መዋዕል፡ ተደለዉ፡ ጻድቃን፡ ከመ፡ ትንሥኡ፡ ጸሎታቲክሙ፡ ለተዝካር፡ ወአንብርዎሙ፡ ሰማዕተ፡ በቅድመ፡ መላእክት፡ ከመ፡ ያነብርዎ፡ ለኀጢአተ፡ ኃጥኣን፡ ቅድመ፡ ልዑል፡ ለተዝካር።
99:4	ወበእማንቱ፡ መዋዕል፡ ይትሀወኩ፡ አሕዛብ፡ ወይትነሥኡ፡ አዝማደ፡ አሕዛብ፡ በዕለት፡ እንተ፡ ሀጕል።	ወበእማንቱ፡ መዋዕል፡ ይትሀወኩ፡ አሕዛብ፡ ወይትነሥኡ፡ አዝማደ፡ አሕዛብ፡ በዕለት፡ እንተ፡ ሀጕል።
99:5	ወበእማንቱ፡ መዋዕል፡ እለ፡ ይጼነሱ፡ ይወፅኡ፡ ወይመሥጡ፡ ደቂቆሙ፡ ወይገድፍዎሙ፡ ለደቂቆሙ፡ ወእምኔሆሙ፡ ይድኅፁ፡ ውሉዶሙ፡ ወእንዘ፡ ይጠብዉ፡ ይገድፍዎሙ፡ ወኢይገብኡ፡ ኀቤሆሙ፡ ወኢይምሕርዎሙ፡ ለፍቁራኒሆሙ።	ወበእማንቱ፡ መዋዕል፡ እለ፡ ይጼነሱ፡ ይወፅኡ፡ ወይመሥጡ፡ ደቂቆሙ፡ ወይገድፍዎሙ፡ ለደቂቆሙ፡ ወእምኔሆሙ፡ ይድኅፁ፡ ውሉዶሙ፡ ወእንዘ፡ ይጠብዉ፡ ይገድፍዎሙ፡ ወኢይገብኡ፡ ኀቤሆሙ፡ ወኢይምሕርዎሙ፡ ለፍቁራኒሆሙ።
99:6	ወካዕበ፡ አነ፡ እምሕል፡ ለክሙ፡ ለኃጥኣን፡ እስመ፡ ለዕለተ፡ ደም፡ ዘኢየሀድእ፡ ተደለወት፡ ኀጢአት።	ወካዕበ፡ አነ፡ እምሕል፡ ለክሙ፡ ለኃጥኣን፡ እስመ፡ ለዕለተ፡ ደም፡ ዘኢየሀድእ፡ ተደለወት፡ ኀጢአት።
99:7	ወይሰግዱ፡ ለእብን፡ ወእለ፡ ይገልፉ፡ ምስለ፡ ዘወርቅ፡ ወዘብሩር፡ ወዘዕፅ፡ ወዘልሕኵት፡ ወእለ፡ ይሰግዱ፡ ለነፍሳት፡ ርኩሳን፡ ወለእኩያን፡ አጋንንት፡ ወለኵሉ፡ ጣዖት፡ ወለምሕራማት፡ ወኵሉ፡ ረድኤት፡ ኢይትረከብ፡ እምኔሆሙ።	ወይሰግዱ፡ ለእብን፡ ወእለ፡ ይገልፉ፡ ምስለ፡ ዘወርቅ፡ ወዘብሩር፡ ወዘዕፅ፡ ወዘልሕኵት፡ ወእለ፡ ይሰግዱ፡ ለነፍሳት፡ ርኩሳን፡ ወለእኩያን፡ አጋንንት፡ ወለኵሉ፡ ጣዖት፡ ወለምሕራማት፡ ወኵሉ፡ ረድኤት፡ ኢይትረከብ፡ እምኔሆሙ።
99:8	ወይትረስዑ፡ በእንተ፡ እበደ፡ ልቦሙ፡ ወይጼለላ፡ አዕይንቲሆሙ፡ በፍርሀተ፡ ልቦሙ፡ ወበርእየ፡ አሕላሞሙ።	ወይትረስዑ፡ በእንተ፡ እበደ፡ ልቦሙ፡ ወይጼለላ፡ አዕይንቲሆሙ፡ በፍርሀተ፡ ልቦሙ፡ ወበርእየ፡ አሕላሞሙ።
99:9	ቦሙ፡ ይረስዑ፡ ወይፈርሁ፡ እስመ፡ ኵሎ፡ ግብሮሙ፡ በሐሰት፡ ገብሩ፡ ወሰገዱ፡ ለእብን፡ ወይትሀጐሉ፡ በምዕር።	ቦሙ፡ ይረስዑ፡ ወይፈርሁ፡ እስመ፡ ኵሎ፡ ግብሮሙ፡ በሐሰት፡ ገብሩ፡ ወሰገዱ፡ ለእብን፡ ወይትሀጐሉ፡ በምዕር።
99:10	ወበእማንቱ፡ መዋዕል፡ ብፁዓን፡ ኵሎሙ፡ እለ፡ ይትሜጠዉ፡ ነገረ፡ ጥበብ፡ ወየአምርዋ፡ ወይገብርዎን፡ ለፍናዋተ፡ ልዑል፡ ወየሐውሩ፡ በፍኖተ፡ ጽድቅ፡ ወኢይረስዑ፡ ምስለ፡ እለ፡ ይረስዑ፡ እስመ፡ እሙንቱ፡ ይድኅኑ።	ወበእማንቱ፡ መዋዕል፡ ብፁዓን፡ ኵሎሙ፡ እለ፡ ይትሜጠዉ፡ ነገረ፡ ጥበብ፡ ወየአምርዋ፡ ወይገብርዎን፡ ለፍናዋተ፡ ልዑል፡ ወየሐውሩ፡ በፍኖተ፡ ጽድቅ፡ ወኢይረስዑ፡ ምስለ፡ እለ፡ ይረስዑ፡ እስመ፡ እሙንቱ፡ ይድኅኑ።
99:11	አሌ፡ ለክሙ፡ እለ፡ ትሰፍሕዋ፡ ለእኪት፡ ለቢጽክሙ፡ እስመ፡ በሲኦል፡ ትትቀተሉ።	አሌ፡ ለክሙ፡ እለ፡ ትሰፍሕዋ፡ ለእኪት፡ ለቢጽክሙ፡ እስመ፡ በሲኦል፡ ትትቀተሉ።
99:12	አሌ፡ ለክሙ፡ እለ፡ ትገብርዎ፡ ለመሠረተ፡ ኀጢአት፡ ወጕሕሉት፡ ወእለ፡ ታመርሩ፡ ዲበ፡ ምድር፡ እስመ፡ ቦቱ፡ ይትዌድኡ።	አሌ፡ ለክሙ፡ እለ፡ ትገብርዎ፡ ለመሠረተ፡ ኀጢአት፡ ወጕሕሉት፡ ወእለ፡ ታመርሩ፡ ዲበ፡ ምድር፡ እስመ፡ ቦቱ፡ ይትዌድኡ።
99:13	አሌ፡ ለክሙ፡ እለ፡ ትነድቁ፡ አብያቲክሙ፡ በጻማ፡ ባዕድ፡ ወኵሉ፡ መንድቆሙ፡ ግንፋል፡ ወእብነ፡ ኀጢአት፡ እብለክሙ፡ ከመ፡ አልብክሙ፡ ሰላመ።	አሌ፡ ለክሙ፡ እለ፡ ትነድቁ፡ አብያቲክሙ፡ በጻማ፡ ባዕድ፡ ወኵሉ፡ መንድቆሙ፡ ግንፋል፡ ወእብነ፡ ኀጢአት፡ እብለክሙ፡ ከመ፡ አልብክሙ፡ ሰላመ።
99:14	አሌ፡ ሎሙ፡ ለእለ፡ ይሜንኑ፡ መስፈርተ፡ ወርስተ፡ አበዊሆሙ፡ እንተ፡ ለዓለም፡ ወያተልዉ፡ ነፍሶሙ፡ ድኅረ፡ ጣዖት፡ እስመ፡ ኢይከውን፡ ሎሙ፡ ዕረፍት።	አሌ፡ ሎሙ፡ ለእለ፡ ይሜንኑ፡ መስፈርተ፡ ወርስተ፡ አበዊሆሙ፡ እንተ፡ ለዓለም፡ ወያተልዉ፡ ነፍሶሙ፡ ድኅረ፡ ጣዖት፡ እስመ፡ ኢይከውን፡ ሎሙ፡ ዕረፍት።
99:15	አሌ፡ ለክሙ፡ እለ፡ ትገብርዋ፡ ለዐመፃ፡ ወትረድእዋ፡ ለግፍዕ፡ ወትቀትሉ፡ ቢጸክሙ፡ እስከ፡ ዕለተ፡ ኵነኔ፡ ዐባይ።	አሌ፡ ለክሙ፡ እለ፡ ትገብርዋ፡ ለዐመፃ፡ ወትረድእዋ፡ ለግፍዕ፡ ወትቀትሉ፡ ቢጸክሙ፡ እስከ፡ ዕለተ፡ ኵነኔ፡ ዐባይ።
99:16	ወያወድቅ፡ ስብሐቲክሙ፡ ወይወዲ፡ እከየ፡ ውስተ፡ ልብክሙ፡ ወያነሥእ፡ መንፈሰ፡ መዓቱ፡ ያህጕልክሙ፡ ለኵልክሙ፡ በሰይፍ፡ ወኵሎሙ፡ ጻድቃን፡ ወቅዱሳን፡ ይዜክሩ፡ ኀጢአተ፡ ዚኣክሙ።	ወያወድቅ፡ ስብሐቲክሙ፡ ወይወዲ፡ እከየ፡ ውስተ፡ ልብክሙ፡ ወያነሥእ፡ መንፈሰ፡ መዓቱ፡ ያህጕልክሙ፡ ለኵልክሙ፡ በሰይፍ፡ ወኵሎሙ፡ ጻድቃን፡ ወቅዱሳን፡ ይዜክሩ፡ ኀጢአተ፡ ዚኣክሙ።