gezezra

gezezra 1 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
1:1	አመ፡ ቀዳሚ፡ ዓመተ፡ መንግሥቱ፡ ለቂሮስ፡ ንጉሠ፡ ፋርስ፡ እምዘኀልቀ፡ ቃለ፡ እግዚአብሔር፡ እምአፈ፡ ኤርምያስ፡ አንሥአ፡ እግዚአብሔር፡ መንፈሰ፡ ቂሮስ፡ ንጉሠ፡ ፋርስ፡ ወአዘዘ፡ በቃሉ፡ ለኵሉ፡ መንግሥቱ፡ ወዓዲ፡ ጸሐፈ፡ እንዘ፡ ይብል።	አመ፡ ቀዳሚ፡ ዓመተ፡ መንግሥቱ፡ ለቂሮስ፡ ንጉሠ፡ ፋርስ፡ እምዘኀልቀ፡ ቃለ፡ እግዚአብሔር፡ እምአፈ፡ ኤርምያስ፡ አንሥአ፡ እግዚአብሔር፡ መንፈሰ፡ ቂሮስ፡ ንጉሠ፡ ፋርስ፡ ወአዘዘ፡ በቃሉ፡ ለኵሉ፡ መንግሥቱ፡ ወዓዲ፡ ጸሐፈ፡ እንዘ፡ ይብል።
1:2	ከመዝ፡ ይቤ፡ ቂሮስ፡ ንጉሠ፡ ፋርስ፡ ኵሎ፡ መንግሥተ፡ ምድር፡ ወሀበኒ፡ እግዚአብሔር፡ እግዚአ፡ ሰማይ፡ ወውእቱ፡ አሕለየኒ፡ ዘከመ፡ አሐንፅ፡ ሎቱ፡ ቤተ፡ በኢየሩሳሌም፡ ዘይሁዳ።	ከመዝ፡ ይቤ፡ ቂሮስ፡ ንጉሠ፡ ፋርስ፡ ኵሎ፡ መንግሥተ፡ ምድር፡ ወሀበኒ፡ እግዚአብሔር፡ እግዚአ፡ ሰማይ፡ ወውእቱ፡ አሕለየኒ፡ ዘከመ፡ አሐንፅ፡ ሎቱ፡ ቤተ፡ በኢየሩሳሌም፡ ዘይሁዳ።
1:3	መኑ፡ እምውስተ፡ ኵሉ፡ አሕዛብ፡ እግዚአብሔር፡ የሃሉ፡ ምስሌሁ፡ ከመ፡ ይዕርግ፡ ኢየሩሳሌም፡ ዘይሁዳ፡ ወይሕንፅ፡ ቤተ፡ እግዚአብሔር፡ አምላከ፡ እስራኤል፡ ወውእቱ፡ እግዚአብሔር፡ ዘውስተ፡ ኢየሩሳሌም።	መኑ፡ እምውስተ፡ ኵሉ፡ አሕዛብ፡ እግዚአብሔር፡ የሃሉ፡ ምስሌሁ፡ ከመ፡ ይዕርግ፡ ኢየሩሳሌም፡ ዘይሁዳ፡ ወይሕንፅ፡ ቤተ፡ እግዚአብሔር፡ አምላከ፡ እስራኤል፡ ወውእቱ፡ እግዚአብሔር፡ ዘውስተ፡ ኢየሩሳሌም።
1:4	ወኵሎሙ፡ እለ፡ ተርፉ፡ ውስተ፡ ኵሉ፡ በሐውርት፡ እለ፡ ለሊሁ፡ አፍለሰ፡ ህየ፡ ወይትራድእዎ፡ ምስሌሆሙ፡ እምውስተ፡ ሰብአ፡ ብሔር፡ በወርቅ፡ ወበብሩር፡ ወበንዋይ፡ ወበእንስሳ፡ ወባዕደኒ፡ ዘፈቀዱ፡ ለቤተ፡ እግዚአብሔር፡ ዘኢየሩሳሌም።	ወኵሎሙ፡ እለ፡ ተርፉ፡ ውስተ፡ ኵሉ፡ በሐውርት፡ እለ፡ ለሊሁ፡ አፍለሰ፡ ህየ፡ ወይትራድእዎ፡ ምስሌሆሙ፡ እምውስተ፡ ሰብአ፡ ብሔር፡ በወርቅ፡ ወበብሩር፡ ወበንዋይ፡ ወበእንስሳ፡ ወባዕደኒ፡ ዘፈቀዱ፡ ለቤተ፡ እግዚአብሔር፡ ዘኢየሩሳሌም።
1:5	ወተንሥኡ፡ መላእክተ፡ አበወ፡ ይሁዳ፡ ወብንያም፡ ወካህናትኒ፡ ወሌዋውያን፡ ወኵሎሙ፡ እለ፡ ወደየ፡ ሎሙ፡ እግዚአብሔር፡ ውስተ፡ ልቦሙ፡ ከመ፡ ይዕርጉ፡ ወይሕንፁ፡ ቤተ፡ እግዚአብሔር፡ በኢየሩሳሌም።	ወተንሥኡ፡ መላእክተ፡ አበወ፡ ይሁዳ፡ ወብንያም፡ ወካህናትኒ፡ ወሌዋውያን፡ ወኵሎሙ፡ እለ፡ ወደየ፡ ሎሙ፡ እግዚአብሔር፡ ውስተ፡ ልቦሙ፡ ከመ፡ ይዕርጉ፡ ወይሕንፁ፡ ቤተ፡ እግዚአብሔር፡ በኢየሩሳሌም።
1:6	ወኵሎሙ፡ እለ፡ ዓውዶሙ፡ ይርድእዎሙ፡ ምስሌሆሙ፡ በንዋየ፡ ወርቅ፡ ወብሩር፡ ወእንስሳ፡ ወባዕደኒ፡ ዘአስተአደሙ፡ በፈቃዶሙ።	ወኵሎሙ፡ እለ፡ ዓውዶሙ፡ ይርድእዎሙ፡ ምስሌሆሙ፡ በንዋየ፡ ወርቅ፡ ወብሩር፡ ወእንስሳ፡ ወባዕደኒ፡ ዘአስተአደሙ፡ በፈቃዶሙ።
1:7	ወንጉሥኒ፡ ቂሮስ፡ አውፅአ፡ ንዋየ፡ ቤተ፡ እግዚአብሔር፡ ዘነሥኦ፡ ናቡደከነፆር፡ እም፡ ኢየሩሳሌም፡ ወአብኦ፡ ውስተ፡ ቤተ፡ አምላኩ።	ወንጉሥኒ፡ ቂሮስ፡ አውፅአ፡ ንዋየ፡ ቤተ፡ እግዚአብሔር፡ ዘነሥኦ፡ ናቡደከነፆር፡ እም፡ ኢየሩሳሌም፡ ወአብኦ፡ ውስተ፡ ቤተ፡ አምላኩ።
1:8	ወአውፅአ፡ ቂሮስ፡ ንጉሠ፡ ፋርስ፡ ላዕለ፡ እደ፡ ሚትሪዳጡ፡ ወልደ፡ ገስባሬኑ፡ ወጸሐፈ፡ ወወሀቦ፡ ለሲሳብሳር፡ መልአከ፡ ይሁዳ።	ወአውፅአ፡ ቂሮስ፡ ንጉሠ፡ ፋርስ፡ ላዕለ፡ እደ፡ ሚትሪዳጡ፡ ወልደ፡ ገስባሬኑ፡ ወጸሐፈ፡ ወወሀቦ፡ ለሲሳብሳር፡ መልአከ፡ ይሁዳ።
1:9	ወእሉ፡ ኊልቈ፡ መዋፅሕት፡ ዘወርቅ፡ ሠላሳ፡ ወመዋፅሕት፡ ዘብሩር፡ ዓሠርቱ፡ ምእት፡ ወአፅሕልት፡ ዕሥራ፡ ወተስዓቱ።	ወእሉ፡ ኊልቈ፡ መዋፅሕት፡ ዘወርቅ፡ ሠላሳ፡ ወመዋፅሕት፡ ዘብሩር፡ ዓሠርቱ፡ ምእት፡ ወአፅሕልት፡ ዕሥራ፡ ወተስዓቱ።
1:10	ወጽዋዓት፡ ዘወርቅ፡ ሠላሳ፡ ወዘብሩር፡ አርባዕቱ፡ ምእት፡ ወዓሠርቱ፡ ወካልአን፡ ዓሠርቱ፡ ምእት።	ወጽዋዓት፡ ዘወርቅ፡ ሠላሳ፡ ወዘብሩር፡ አርባዕቱ፡ ምእት፡ ወዓሠርቱ፡ ወካልአን፡ ዓሠርቱ፡ ምእት።
1:11	ወኵሉ፡ ንዋይ፡ ዘወርቅኒ፡ ወዘብሩርኒ፡ ኃምሳ፡ ምእት፡ ወአርባዕቱ፡ ምእት፡ ዘ፡ ኵሎ፡ አዕረገ፡ ሲሳብሳር፡ ምስለ፡ እለ፡ ዓርጉፄዋ፡ እምባቢሎን፡ ኢየሩሳሌም።	ወኵሉ፡ ንዋይ፡ ዘወርቅኒ፡ ወዘብሩርኒ፡ ኃምሳ፡ ምእት፡ ወአርባዕቱ፡ ምእት፡ ዘ፡ ኵሎ፡ አዕረገ፡ ሲሳብሳር፡ ምስለ፡ እለ፡ ዓርጉፄዋ፡ እምባቢሎን፡ ኢየሩሳሌም።

read Ge'ez alone read Ge'ez alone