gezezra

gezezra 6 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
6:1	ወእምዝ፡ አዘዘ፡ ዳርዮስ፡ ንጉሥ፡ ይክሥቱ፡ መጻሕፍተ፡ ኖብያቲሆሙ፡ ዘመዛግብት፡ ዘውስተ፡ ባቢሎን።	ወእምዝ፡ አዘዘ፡ ዳርዮስ፡ ንጉሥ፡ ይክሥቱ፡ መጻሕፍተ፡ ኖብያቲሆሙ፡ ዘመዛግብት፡ ዘውስተ፡ ባቢሎን።
6:2	ወረከቡ፡ ውስተ፡ ሀገረ፡ ባሪ፡ አሐተ፡ መጽሐፍ፡ ወጽሑፍ፡ ውስቴታ፡ ተዝካር፡ ወይብል።	ወረከቡ፡ ውስተ፡ ሀገረ፡ ባሪ፡ አሐተ፡ መጽሐፍ፡ ወጽሑፍ፡ ውስቴታ፡ ተዝካር፡ ወይብል።
6:3	አመ፡ ቀዳሚት፡ ዓመተ፡ መንግሥቱ፡ አዘዘ፡ ቂሮስ፡ ንጉሥ፡ በእንተ፡ ቤተ፡ መቅደስ፡ ዘእግዚአብሔር፡ ዘበኢየሩሳሌም፡ ከመ፡ ይትሐነፅ፡ ቤት፡ ወበእንተ፡ መካነ፡ ምሥዋዕ፡ ኀበ፡ ይሠውዑ፡ ወአዘዘ፡ አምጣነ፡ ቆሙ፡ ስሳ፡ በእመት፡ ወራኅቡ፡ ስሳ፡ በእመት።	አመ፡ ቀዳሚት፡ ዓመተ፡ መንግሥቱ፡ አዘዘ፡ ቂሮስ፡ ንጉሥ፡ በእንተ፡ ቤተ፡ መቅደስ፡ ዘእግዚአብሔር፡ ዘበኢየሩሳሌም፡ ከመ፡ ይትሐነፅ፡ ቤት፡ ወበእንተ፡ መካነ፡ ምሥዋዕ፡ ኀበ፡ ይሠውዑ፡ ወአዘዘ፡ አምጣነ፡ ቆሙ፡ ስሳ፡ በእመት፡ ወራኅቡ፡ ስሳ፡ በእመት።
6:4	ወይእግልዎ፡ እንተ፡ ሠለስቱ፡ አግለ፡ እብን፡ ወእንተ፡ አሐቲ፡ አግለ፡ ዕፅ፡ ወይሁብዎሙ፡ እምቤተ፡ ንጉሥ፡ ለፃዕፃኦሙ።	ወይእግልዎ፡ እንተ፡ ሠለስቱ፡ አግለ፡ እብን፡ ወእንተ፡ አሐቲ፡ አግለ፡ ዕፅ፡ ወይሁብዎሙ፡ እምቤተ፡ ንጉሥ፡ ለፃዕፃኦሙ።
6:5	ወንዋየ፡ ቤተ፡ እግዚአብሔር፡ ዘወርቅ፡ ወዘብሩር፡ ዘአውፅአ፡ ናቡከደነፆር፡ እምውእቱ፡ ቤት፡ ዘኢየሩሳሌም፡ ወወሰዶ፡ ውስተ፡ ባቢሎን፡ ከመ፡ የሀብዎሙ፡ ወአንበሮሙ፡ ውስተ፡ ቤተ፡ መቅደስ፡ ዘኢየሩሳሌም፡ ውስተ፡ መካን፡ ኀበ፡ ነበሩ፡ በቤተ፡ እግዚአብሔር።	ወንዋየ፡ ቤተ፡ እግዚአብሔር፡ ዘወርቅ፡ ወዘብሩር፡ ዘአውፅአ፡ ናቡከደነፆር፡ እምውእቱ፡ ቤት፡ ዘኢየሩሳሌም፡ ወወሰዶ፡ ውስተ፡ ባቢሎን፡ ከመ፡ የሀብዎሙ፡ ወአንበሮሙ፡ ውስተ፡ ቤተ፡ መቅደስ፡ ዘኢየሩሳሌም፡ ውስተ፡ መካን፡ ኀበ፡ ነበሩ፡ በቤተ፡ እግዚአብሔር።
6:6	ወአዘዞሙ፡ ለመሳፍንተ፡ ማዕዶተ፡ ፈለግ፡ ታንትናይ፡ ወአስተርቡዝና፡ ወለአግብርተ፡ እጋእዝቲሆሙ፡ አፈርስካውያን፡ እለ፡ ማዕዶተ፡ ፈለግ፡ እንዘ፡ ይብል።	ወአዘዞሙ፡ ለመሳፍንተ፡ ማዕዶተ፡ ፈለግ፡ ታንትናይ፡ ወአስተርቡዝና፡ ወለአግብርተ፡ እጋእዝቲሆሙ፡ አፈርስካውያን፡ እለ፡ ማዕዶተ፡ ፈለግ፡ እንዘ፡ ይብል።
6:7	ኅድጉ፡ ይትገበር፡ ቤተ፡ እግዚአብሔር፡ ወሊቃናተ፡ ይሁዳ፡ ይግበሩ፡ ግብረ፡ ዘቤተ፡ እግዚአብሔር፡ ወይሕንፅዎ፡ ውስተ፡ መካኑ።	ኅድጉ፡ ይትገበር፡ ቤተ፡ እግዚአብሔር፡ ወሊቃናተ፡ ይሁዳ፡ ይግበሩ፡ ግብረ፡ ዘቤተ፡ እግዚአብሔር፡ ወይሕንፅዎ፡ ውስተ፡ መካኑ።
6:8	ወአነ፡ አዘዝኩ፡ ዑቁ፡ ምንተኒ፡ ኢትረስይዎሙ፡ ለሊቃናተ፡ ይሁዳ፡ ወኢትክልእዎሙ፡ ሐኒፀ፡ ቤተ፡ እግዚአብሔር፡ እምውስተ፡ ቤተ፡ ንጉሥ፡ እምነ፡ ጸባሕት፡ ዘማዕዶተ፡ ፈለግ፡ ወሀብዎሙ፡ ለእሙንቱ፡ እደው፡ ፃዕፃዓ፡ ወኢታዕርዕዎሙ።	ወአነ፡ አዘዝኩ፡ ዑቁ፡ ምንተኒ፡ ኢትረስይዎሙ፡ ለሊቃናተ፡ ይሁዳ፡ ወኢትክልእዎሙ፡ ሐኒፀ፡ ቤተ፡ እግዚአብሔር፡ እምውስተ፡ ቤተ፡ ንጉሥ፡ እምነ፡ ጸባሕት፡ ዘማዕዶተ፡ ፈለግ፡ ወሀብዎሙ፡ ለእሙንቱ፡ እደው፡ ፃዕፃዓ፡ ወኢታዕርዕዎሙ።
6:9	ዑቁ፡ ወኢታስትቱ፡ ወእጒለ፡ አልሕምት፡ ወአባግዕ፡ ወአጣሊኒ፡ ለመሥዋዕት፡ ለአምላከ፡ ሰማይ፡ ወሥርናየኒ፡ ወፄወኒ፡ ወወይነኒ፡ ወቅብዐኒ፡ በአምጣነ፡ ዘይቤለክሙ፡ ካህናት፡ እለ፡ በኢየሩሳሌም፡ ሀብዎሙ፡ ኵሎ፡ አሚረ፡ ዘሰአሉክሙ።	ዑቁ፡ ወኢታስትቱ፡ ወእጒለ፡ አልሕምት፡ ወአባግዕ፡ ወአጣሊኒ፡ ለመሥዋዕት፡ ለአምላከ፡ ሰማይ፡ ወሥርናየኒ፡ ወፄወኒ፡ ወወይነኒ፡ ወቅብዐኒ፡ በአምጣነ፡ ዘይቤለክሙ፡ ካህናት፡ እለ፡ በኢየሩሳሌም፡ ሀብዎሙ፡ ኵሎ፡ አሚረ፡ ዘሰአሉክሙ።
6:10	ከመ፡ ይግበሩ፡ ቊርባነ፡ ወመሥዋዕተ፡ ለአምላከ፡ ሰማይ፡ ወከመ፡ ይጻልዩ፡ በእንተ፡ ሕይወቱ፡ ለንጉሥ፡ ወበእንተ፡ ሕይወተ፡ ውሉዱ።	ከመ፡ ይግበሩ፡ ቊርባነ፡ ወመሥዋዕተ፡ ለአምላከ፡ ሰማይ፡ ወከመ፡ ይጻልዩ፡ በእንተ፡ ሕይወቱ፡ ለንጉሥ፡ ወበእንተ፡ ሕይወተ፡ ውሉዱ።
6:11	ወአነ፡ አዘዝኩ፡ ኵሎ፡ ሰብአ፡ ዘዓለወ፡ ዘንተ፡ ቃልየ፡ ይንሥኡ፡ ዕፀ፡ እምውስተ፡ ቤቱ፡ ወይሰቅልዎ፡ ቦቱ፡ ወይቅትልዎ፡ ወቤቶኒ፡ ከማሁ፡ ይረስዩ፡ አዘዝኩ።	ወአነ፡ አዘዝኩ፡ ኵሎ፡ ሰብአ፡ ዘዓለወ፡ ዘንተ፡ ቃልየ፡ ይንሥኡ፡ ዕፀ፡ እምውስተ፡ ቤቱ፡ ወይሰቅልዎ፡ ቦቱ፡ ወይቅትልዎ፡ ወቤቶኒ፡ ከማሁ፡ ይረስዩ፡ አዘዝኩ።
6:12	ወውእቱ፡ እግዚአብሔር፡ ዘኀደረ፡ ስሙ፡ ህየ፡ ይገፈትዖሙ፡ ለኵሎሙ፡ ነገሥት፡ ወአሕዛብ፡ እለ፡ የዓልዉ፡ ዘንተ፡ ቃልየ፡ ወእለ፡ ያነሥኡ፡ እደዊሆሙ፡ ከመ፡ ይወልጡ፡ ወያማስኑ፡ ቤተ፡ እግዚአብሔር፡ ዘኢየሩሳሌም፡ ወአነ፡ ዳርዮስ፡ አዘዝኩ፡ ከመዝ፡ ይግበሩ፡ ወያስተሐምሙ።	ወውእቱ፡ እግዚአብሔር፡ ዘኀደረ፡ ስሙ፡ ህየ፡ ይገፈትዖሙ፡ ለኵሎሙ፡ ነገሥት፡ ወአሕዛብ፡ እለ፡ የዓልዉ፡ ዘንተ፡ ቃልየ፡ ወእለ፡ ያነሥኡ፡ እደዊሆሙ፡ ከመ፡ ይወልጡ፡ ወያማስኑ፡ ቤተ፡ እግዚአብሔር፡ ዘኢየሩሳሌም፡ ወአነ፡ ዳርዮስ፡ አዘዝኩ፡ ከመዝ፡ ይግበሩ፡ ወያስተሐምሙ።
6:13	ወእምዝ፡ ታንትናይ፡ መልአከ፡ ማዕዶተ፡ ፈለግ፡ ወአስተርቡዝና፡ ወአግብርተ፡ አጋእዝቲሆሙ፡ እለ፡ ኀቤሆሙ፡ በከመ፡ ለአከ፡ ዳርዮስ፡ ንጉሥ፡ ገብሩ፡ ከማሁ፡ ወኢያስተቱ።	ወእምዝ፡ ታንትናይ፡ መልአከ፡ ማዕዶተ፡ ፈለግ፡ ወአስተርቡዝና፡ ወአግብርተ፡ አጋእዝቲሆሙ፡ እለ፡ ኀቤሆሙ፡ በከመ፡ ለአከ፡ ዳርዮስ፡ ንጉሥ፡ ገብሩ፡ ከማሁ፡ ወኢያስተቱ።
6:14	ወሊቃናቲሆሙ፡ ለአይሁድ፡ የሐንፁ፡ ወሌዋውያን፡ እንዘ፡ ይትኔበዩ፡ ሎሙ፡ ሐጌ፡ ነቢይ፡ ወዘካርያስ፡ ወልደ፡ ሐዶ፡ ወሐነፁ፡ ወአቀሙ፡ በትእዛዘ፡ አምላከ፡ እስራኤል፡ ወበትእዛዘ፡ ቂሮስ፡ ወዳርዮስ፡ ወአርተሰስታ፡ ንጉሠ፡ ፋርስ።	ወሊቃናቲሆሙ፡ ለአይሁድ፡ የሐንፁ፡ ወሌዋውያን፡ እንዘ፡ ይትኔበዩ፡ ሎሙ፡ ሐጌ፡ ነቢይ፡ ወዘካርያስ፡ ወልደ፡ ሐዶ፡ ወሐነፁ፡ ወአቀሙ፡ በትእዛዘ፡ አምላከ፡ እስራኤል፡ ወበትእዛዘ፡ ቂሮስ፡ ወዳርዮስ፡ ወአርተሰስታ፡ ንጉሠ፡ ፋርስ።
6:15	ወፈጸምዎ፡ ለውእቱ፡ ቤት፡ አመ፡ ሠሉሱ፡ ለሠርቀ፡ ወርኀ፡ አዳር፡ በሳድስ፡ ዓመተ፡ መንግሥቱ፡ ለዳርዮስ።	ወፈጸምዎ፡ ለውእቱ፡ ቤት፡ አመ፡ ሠሉሱ፡ ለሠርቀ፡ ወርኀ፡ አዳር፡ በሳድስ፡ ዓመተ፡ መንግሥቱ፡ ለዳርዮስ።
6:16	ወገብሩ፡ ደቂቀ፡ እስራኤል፡ ወካህናት፡ ወሌዋውያን፡ ወእለ፡ ተርፉ፡ ደቂቀ፡ ፈላስያን፡ መድቅሐ፡ ቤተ፡ እግዚአብሔር፡ በተፍሥሕት።	ወገብሩ፡ ደቂቀ፡ እስራኤል፡ ወካህናት፡ ወሌዋውያን፡ ወእለ፡ ተርፉ፡ ደቂቀ፡ ፈላስያን፡ መድቅሐ፡ ቤተ፡ እግዚአብሔር፡ በተፍሥሕት።
6:17	ወአብኡ፡ ለመድቅሐ፡ ቤተ፡ እግዚአብሔር፡ ምእተ፡ አልሕምተ፡ ወክልኤተ፡ ምእተ፡ አባሕኰ፡ አባግዕ፡ ወአርባዕተ፡ ምእተ፡ ማሐስአ፡ አጣሊ፡ ወዓሠርተ፡ ወክልኤተ፡ ሐራጊተ፡ አጣሊ፡ ዘበእንተ፡ ኃጢአት፡ በበይነ፡ ኵሉ፡ እስራኤል፡ በከመ፡ ኊልቆሙ፡ ለሕዝበ፡ እስራኤል።	ወአብኡ፡ ለመድቅሐ፡ ቤተ፡ እግዚአብሔር፡ ምእተ፡ አልሕምተ፡ ወክልኤተ፡ ምእተ፡ አባሕኰ፡ አባግዕ፡ ወአርባዕተ፡ ምእተ፡ ማሐስአ፡ አጣሊ፡ ወዓሠርተ፡ ወክልኤተ፡ ሐራጊተ፡ አጣሊ፡ ዘበእንተ፡ ኃጢአት፡ በበይነ፡ ኵሉ፡ እስራኤል፡ በከመ፡ ኊልቆሙ፡ ለሕዝበ፡ እስራኤል።
6:18	ወአቀሞሙ፡ ለካህናት፡ በከመ፡ ሕጎሙ፡ ወሌዋውያን፡ በኀበ፡ ቢጾሙ፡ ከመ፡ ይትቀነዩ፡ ለእግዚአብሔር፡ በኢየሩሳሌም፡ በከመ፡ ጽሑፍ፡ ውስተ፡ መጽሐፈ፡ ሙሴ።	ወአቀሞሙ፡ ለካህናት፡ በከመ፡ ሕጎሙ፡ ወሌዋውያን፡ በኀበ፡ ቢጾሙ፡ ከመ፡ ይትቀነዩ፡ ለእግዚአብሔር፡ በኢየሩሳሌም፡ በከመ፡ ጽሑፍ፡ ውስተ፡ መጽሐፈ፡ ሙሴ።
6:19	ወገብሩ፡ ፋሲካ፡ ደቂቀ፡ ፈላስያን፡ አመ፡ ዓሡሩ፡ ወረቡዑ፡ ለሠርቀ፡ ቀዳሚ፡ ወርኅ።	ወገብሩ፡ ፋሲካ፡ ደቂቀ፡ ፈላስያን፡ አመ፡ ዓሡሩ፡ ወረቡዑ፡ ለሠርቀ፡ ቀዳሚ፡ ወርኅ።
6:20	ወአንጽሑ፡ ርእሶሙ፡ ካህናት፡ ወሌዋውያን፡ ወኵሎሙ፡ ነጽሑ፡ ወጠብሑ፡ ፋሲካ፡ ለኵሎሙ፡ ደቂቀ፡ ፈላስያን፡ ወለአኃዊሆሙኒ፡ ካህናት፡ ወለርእሶሙኒ።	ወአንጽሑ፡ ርእሶሙ፡ ካህናት፡ ወሌዋውያን፡ ወኵሎሙ፡ ነጽሑ፡ ወጠብሑ፡ ፋሲካ፡ ለኵሎሙ፡ ደቂቀ፡ ፈላስያን፡ ወለአኃዊሆሙኒ፡ ካህናት፡ ወለርእሶሙኒ።
6:21	ወበልዑ፡ ደቂቀ፡ እስራኤል፡ ፍሥሐ፡ እለ፡ አተዉ፡ ፈላስያን፡ ወኵሎሙ፡ እለ፡ ገብኡ፡ ኀቤሆሙ፡ እምውስተ፡ ርኵሶሙ፡ ለአሕዛብ፡ ምድር፡ ከመ፡ ይኅሥሥዎ፡ ለእግዚአብሔር፡ አምላከ፡ እስራኤል።	ወበልዑ፡ ደቂቀ፡ እስራኤል፡ ፍሥሐ፡ እለ፡ አተዉ፡ ፈላስያን፡ ወኵሎሙ፡ እለ፡ ገብኡ፡ ኀቤሆሙ፡ እምውስተ፡ ርኵሶሙ፡ ለአሕዛብ፡ ምድር፡ ከመ፡ ይኅሥሥዎ፡ ለእግዚአብሔር፡ አምላከ፡ እስራኤል።
6:22	ወገብሩ፡ በዓለ፡ ናእት፡ ሰቡዐ፡ መዋዕለ፡ በትፍሥሕት፡ እስመ፡ አስተፍሥሖሙ፡ እግዚአብሔር፡ ወሜጠ፡ ልቦ፡ ለንጉሠ፡ አሦር፡ ኀቤሆሙ፡ ወጸንዖሙ፡ እደዊሆሙ፡ ለግብረ፡ ቤተ፡ አምላከ፡ እስራኤል።	ወገብሩ፡ በዓለ፡ ናእት፡ ሰቡዐ፡ መዋዕለ፡ በትፍሥሕት፡ እስመ፡ አስተፍሥሖሙ፡ እግዚአብሔር፡ ወሜጠ፡ ልቦ፡ ለንጉሠ፡ አሦር፡ ኀቤሆሙ፡ ወጸንዖሙ፡ እደዊሆሙ፡ ለግብረ፡ ቤተ፡ አምላከ፡ እስራኤል።