Jubilees

Jubilees 1 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
1:1	ወኮነ ፡ በቀዳሚ ፡ ዓመት ፡ በፀአቶሙ ፡ ለደቂቀ ፡ እስራኤል ፡ እምነ ፡ ግብጽ ፡ በወርኅ ፡ ሣልስ ፡ አመ ፡ ዐሡሩ ፡ ወሰዱሱ ፡ ለውእቱ ፡ ወርኅ ፡ ተናገሮ ፡ እግዚአብሔር ፡ ለሙሴ ፡ እንዘ ፡ ይብል ፡ ዕርግ ፡ ኀቤየ ፡ ውስተ ፡ ደብር ፡ ወእሁበከ ፡ ክልኤ ፡ ጽላተ ፡ እብን ፡ ዘሕግ ፡ ወዘትእዛዝ ፡ ዘመጠነ ፡ ጸሐፍኩ ፡ ታለብዎሙ ።	ወኮነ ፡ በቀዳሚ ፡ ዓመት ፡ በፀአቶሙ ፡ ለደቂቀ ፡ እስራኤል ፡ እምነ ፡ ግብጽ ፡ በወርኅ ፡ ሣልስ ፡ አመ ፡ ዐሡሩ ፡ ወሰዱሱ ፡ ለውእቱ ፡ ወርኅ ፡ ተናገሮ ፡ እግዚአብሔር ፡ ለሙሴ ፡ እንዘ ፡ ይብል ፡ ዕርግ ፡ ኀቤየ ፡ ውስተ ፡ ደብር ፡ ወእሁበከ ፡ ክልኤ ፡ ጽላተ ፡ እብን ፡ ዘሕግ ፡ ወዘትእዛዝ ፡ ዘመጠነ ፡ ጸሐፍኩ ፡ ታለብዎሙ ።
1:2	ወዐርገ ፡ ሙሴ ፡ ውስተ ፡ ደብረ ፡ እግዚአብሔር ፡ ወኀደረ ፡ ስብሐተ ፡ እግዚአብሔር ፡ ውስተ ፡ ደብረ ፡ ሲና ፡ ወጸለሎ ፡ ደመና ፡ ሰዱሰ ፡ ዕለተ ።	ወዐርገ ፡ ሙሴ ፡ ውስተ ፡ ደብረ ፡ እግዚአብሔር ፡ ወኀደረ ፡ ስብሐተ ፡ እግዚአብሔር ፡ ውስተ ፡ ደብረ ፡ ሲና ፡ ወጸለሎ ፡ ደመና ፡ ሰዱሰ ፡ ዕለተ ።
1:3	ወጸውዖ ፡ ለሙሴ ፡ በዕለተ ፡ ሳብዕት ፡ በማእከለ ፡ ደመና ፡ ወርእየ ፡ ስብሐተ ፡ እግዚአብሔር ፡ ከመ ፡ እሳት ፡ ዘይነድድ ፡ ውስተ ፡ ርእሰ ፡ ደብር ።	ወጸውዖ ፡ ለሙሴ ፡ በዕለተ ፡ ሳብዕት ፡ በማእከለ ፡ ደመና ፡ ወርእየ ፡ ስብሐተ ፡ እግዚአብሔር ፡ ከመ ፡ እሳት ፡ ዘይነድድ ፡ ውስተ ፡ ርእሰ ፡ ደብር ።
1:4	ወሀሎ ፡ ሙሴ ፡ ውስተ ፡ ደብር ፡ አርብዓ ፡ ዕለተ ፡ ወአርብዓ ፡ ሌሊተ ።	ወሀሎ ፡ ሙሴ ፡ ውስተ ፡ ደብር ፡ አርብዓ ፡ ዕለተ ፡ ወአርብዓ ፡ ሌሊተ ።
1:5	ወይቤሎ ፡ አንብር ፡ ልበከ ፡ ውስተ ፡ ኵሉ ፡ ነገር ፡ ዘአነ ፡ እነግረከ ፡ በዝንቱ ፡ ደብር ፡ ወጸሐፍ ፡ ውስተ ፡ መጽሐፍ ፡ ከመ ፡ ይርአዩ ፡ ትውልዶሙ ፡ ከመ ፡ ኢኀደግዎሙ ፡ በእንተ ፡ ኵሉ ፡ እኩይ ፡ ዘገብሩ ፡ ለአስሕቶ ፡ ሥርዓት ፡ ዘአነ ፡ እሠርዕ ፡ ማእከሌየ ፡ ወማእከሌከ ፡ ዮም ፡ ለትውልዶሙ ፡ በደብረ ፡ ሲና ።	ወይቤሎ ፡ አንብር ፡ ልበከ ፡ ውስተ ፡ ኵሉ ፡ ነገር ፡ ዘአነ ፡ እነግረከ ፡ በዝንቱ ፡ ደብር ፡ ወጸሐፍ ፡ ውስተ ፡ መጽሐፍ ፡ ከመ ፡ ይርአዩ ፡ ትውልዶሙ ፡ ከመ ፡ ኢኀደግዎሙ ፡ በእንተ ፡ ኵሉ ፡ እኩይ ፡ ዘገብሩ ፡ ለአስሕቶ ፡ ሥርዓት ፡ ዘአነ ፡ እሠርዕ ፡ ማእከሌየ ፡ ወማእከሌከ ፡ ዮም ፡ ለትውልዶሙ ፡ በደብረ ፡ ሲና ።
1:6	ወይከውን ፡ ከመዝ ፡ አመ ፡ ይመጽእ ፡ ኵሉ ፡ ዝነገር ፡ ላዕሌሆሙ ፡ ወያአምሩ ፡ ከመ ፡ ጸደቁ ፡ እምኔሆሙ ፡ በኵሉ ፡ ፍትሖሙ ፡ ወበኵሉ ፡ ምግባሮሙ ፡ ወያአምሩ ፡ ከመ ፡ ህልወ ፡ ኮንኩ ፡ ምስሌሆሙ ።	ወይከውን ፡ ከመዝ ፡ አመ ፡ ይመጽእ ፡ ኵሉ ፡ ዝነገር ፡ ላዕሌሆሙ ፡ ወያአምሩ ፡ ከመ ፡ ጸደቁ ፡ እምኔሆሙ ፡ በኵሉ ፡ ፍትሖሙ ፡ ወበኵሉ ፡ ምግባሮሙ ፡ ወያአምሩ ፡ ከመ ፡ ህልወ ፡ ኮንኩ ፡ ምስሌሆሙ ።
1:7	ወአንተኒ ፡ ጸሐፍ ፡ ለከ ፡ ኵሎ ፡ ዘቃለ ፡ ዘአነ ፡ አየድዐከ ፡ ዮም ፡ እስመ ፡ አአምር ፡ ምረቶሙ ፡ ወክሳዶሙ ፡ ይቡሰ ፡ ዘእንበለ ፡ አብኦሙ ፡ ውስተ ፡ ምድር ፡ እንተ ፡ መሐልኩ ፡ ለአብርሃም ፡ ወለይስሐቅ ፡ ወለያዕቆብ ፡ እንዘ ፡ እብል ፡ ለዘርእክሙ ፡ እሁብ ፡ ምድረ ፡ እንተ ፡ ትውሕዝ ፡ ሐሊበ ፡ ወመዓረ ።	ወአንተኒ ፡ ጸሐፍ ፡ ለከ ፡ ኵሎ ፡ ዘቃለ ፡ ዘአነ ፡ አየድዐከ ፡ ዮም ፡ እስመ ፡ አአምር ፡ ምረቶሙ ፡ ወክሳዶሙ ፡ ይቡሰ ፡ ዘእንበለ ፡ አብኦሙ ፡ ውስተ ፡ ምድር ፡ እንተ ፡ መሐልኩ ፡ ለአብርሃም ፡ ወለይስሐቅ ፡ ወለያዕቆብ ፡ እንዘ ፡ እብል ፡ ለዘርእክሙ ፡ እሁብ ፡ ምድረ ፡ እንተ ፡ ትውሕዝ ፡ ሐሊበ ፡ ወመዓረ ።
1:8	ወይትመየጡ ፡ ኀበ ፡ አምላክ ፡ ነኪር ፡ ኀበ ፡ እለ ፡ ኢያድኅንዎሙ ፡ እምኵሉ ፡ ምንዳቤሆሙ ።	ወይትመየጡ ፡ ኀበ ፡ አምላክ ፡ ነኪር ፡ ኀበ ፡ እለ ፡ ኢያድኅንዎሙ ፡ እምኵሉ ፡ ምንዳቤሆሙ ።
1:9	እስመ ፡ ይረስዑ ፡ ኵሎ ፡ ትእዛዝየ ፡ ኵሎ ፡ ዘአነ ፡ እኤዝዞሙ ፡ ወየሐውሩ ፡ ድኅረ ፡ አሕዛብ ፡ ወድኅረ ፡ ርኵሶሙ ፡ ወድኅረ ፡ ኀሳሮሙ ፡ ወይትቀነዩ ፡ ለአማልክቲሆሙ ፡ ወይከውንዎሙ ፡ ማዕቀፈ ፡ ወለምንዳቤ ፡ ወለፃዕር ፡ ወለመሥገርት ፡ 10 ወይትሐጐሉ ፡ ብዙኃን ፡ ወይትአኀዙ ፡ ወይወድቁ ፡ ውስተ ፡ እደ ፡ ፀር ፡ እስመ ፡ ኀደጉ ፡ ሥርዓትየ ፡ ወትእዛዝየ ፡ ወበዓላተ ፡ ኪዳንየ ፡ ወሰንበታትየ ፡ ወቅድሳትየ ፡ ዘቀደስኩ ፡ ሊተ ፡ በማእከሎሙ ።	እስመ ፡ ይረስዑ ፡ ኵሎ ፡ ትእዛዝየ ፡ ኵሎ ፡ ዘአነ ፡ እኤዝዞሙ ፡ ወየሐውሩ ፡ ድኅረ ፡ አሕዛብ ፡ ወድኅረ ፡ ርኵሶሙ ፡ ወድኅረ ፡ ኀሳሮሙ ፡ ወይትቀነዩ ፡ ለአማልክቲሆሙ ፡ ወይከውንዎሙ ፡ ማዕቀፈ ፡ ወለምንዳቤ ፡ ወለፃዕር ፡ ወለመሥገርት ፡ 10 ወይትሐጐሉ ፡ ብዙኃን ፡ ወይትአኀዙ ፡ ወይወድቁ ፡ ውስተ ፡ እደ ፡ ፀር ፡ እስመ ፡ ኀደጉ ፡ ሥርዓትየ ፡ ወትእዛዝየ ፡ ወበዓላተ ፡ ኪዳንየ ፡ ወሰንበታትየ ፡ ወቅድሳትየ ፡ ዘቀደስኩ ፡ ሊተ ፡ በማእከሎሙ ።
1:11	ወገብሩ ፡ ሎሙ ፡ ፍሥሐታተ ፡ ወኦመ ፡ ወግልፎ ፡ ወሰገዱ ፡ ዘዘ ፡ ዚአሆሙ ፡ ለስሒት ፡ ወይዘብሑ ፡ ውሉዶሙ ፡ ለአጋንንት ፡ ወለኵሉ ፡ ግብረ ፡ ስሕተተ ፡ ልቦሙ ።	ወገብሩ ፡ ሎሙ ፡ ፍሥሐታተ ፡ ወኦመ ፡ ወግልፎ ፡ ወሰገዱ ፡ ዘዘ ፡ ዚአሆሙ ፡ ለስሒት ፡ ወይዘብሑ ፡ ውሉዶሙ ፡ ለአጋንንት ፡ ወለኵሉ ፡ ግብረ ፡ ስሕተተ ፡ ልቦሙ ።
1:12	ወእፌኑ ፡ ኀቤሆሙ ፡ ሰማዕተ ፡ ከመ ፡ አስምዕ ፡ ሎሙ ፡ ወኢይሰምዑ ፡ ወሰማዕተኒ ፡ ይቀትሉ ፡ ወለእለሂ ፡ የኀሥሡ ፡ ሕገ ፡ ይሰደድዎሙ ፡ ወኵሎ ፡ ያፀርዑ ፡ ወይዌጥኑ ፡ ለገቢረ ፡ እኩይ ፡ በቅድመ ፡ አዕይንትየ ፡ 13 ወአኀብእ ፡ ገጽየ ፡ እምኔሆሙ ፡ ወእሜጥዎሙ ፡ ውስተ ፡ እደ ፡ አሕዛብ ፡ ለፂዋዌ ፡ ወለሕብል ፡ ወለተበልዖ ።	ወእፌኑ ፡ ኀቤሆሙ ፡ ሰማዕተ ፡ ከመ ፡ አስምዕ ፡ ሎሙ ፡ ወኢይሰምዑ ፡ ወሰማዕተኒ ፡ ይቀትሉ ፡ ወለእለሂ ፡ የኀሥሡ ፡ ሕገ ፡ ይሰደድዎሙ ፡ ወኵሎ ፡ ያፀርዑ ፡ ወይዌጥኑ ፡ ለገቢረ ፡ እኩይ ፡ በቅድመ ፡ አዕይንትየ ፡ 13 ወአኀብእ ፡ ገጽየ ፡ እምኔሆሙ ፡ ወእሜጥዎሙ ፡ ውስተ ፡ እደ ፡ አሕዛብ ፡ ለፂዋዌ ፡ ወለሕብል ፡ ወለተበልዖ ።
1:14	ወይረስዑ ፡ ኵሎ ፡ ሕግየ ፡ ወኵሎ ፡ ትእዛዝየ ፡ ወኵሎ ፡ ፍትሕየ ፡ ወይስሕቱ ፡ ሠርቀ ፡ ወሰንበተ ፡ ወበዓለ ፡ ወኢዮቤለ ፡ ወሥርዓተ ።	ወይረስዑ ፡ ኵሎ ፡ ሕግየ ፡ ወኵሎ ፡ ትእዛዝየ ፡ ወኵሎ ፡ ፍትሕየ ፡ ወይስሕቱ ፡ ሠርቀ ፡ ወሰንበተ ፡ ወበዓለ ፡ ወኢዮቤለ ፡ ወሥርዓተ ።
1:15	ወእምዝ ፡ ይትመየጡ ፡ ኀቤየ ፡ እማእከለ ፡ አሕዛብ ፡ በኵሉ ፡ ልቦሙ ፡ ወበኵሉ ፡ ነፍሶሙ ፡ ወበኵሉ ፡ ኀይሎሙ ፡ ወአስተጋብኦሙ ፡ እማእከለ ፡ ኵሉ ፡ አሕዛብ ፡ ወየኀሥሡኒ ፡ ከመ ፡ እትራከቦሙ ፡ ሶበ ፡ ኀሠሡኒ ፡ በኵሉ ፡ ልቦሙ ፡ ወበኵሉ ፡ ነፍሶሙ ፡ ወእከሥት ፡ ሎሙ ፡ ብዙኀ ፡ ሰላመ ፡ በጽድቅ ፡ 16 ወአፈልሶሙ ፡ ተክለ ፡ ርትዕ ፡ በኵሉ ፡ ልብየ ፡ ወበኵሉ ፡ ነፍስየ ፡ ወይከውኑ ፡ ለበረከት ፡ ወአኮ ፡ ለመርገም ፡ ወይከውኑ ፡ ርእሰ ፡ ወአኮ ፡ ዘነበ ።	ወእምዝ ፡ ይትመየጡ ፡ ኀቤየ ፡ እማእከለ ፡ አሕዛብ ፡ በኵሉ ፡ ልቦሙ ፡ ወበኵሉ ፡ ነፍሶሙ ፡ ወበኵሉ ፡ ኀይሎሙ ፡ ወአስተጋብኦሙ ፡ እማእከለ ፡ ኵሉ ፡ አሕዛብ ፡ ወየኀሥሡኒ ፡ ከመ ፡ እትራከቦሙ ፡ ሶበ ፡ ኀሠሡኒ ፡ በኵሉ ፡ ልቦሙ ፡ ወበኵሉ ፡ ነፍሶሙ ፡ ወእከሥት ፡ ሎሙ ፡ ብዙኀ ፡ ሰላመ ፡ በጽድቅ ፡ 16 ወአፈልሶሙ ፡ ተክለ ፡ ርትዕ ፡ በኵሉ ፡ ልብየ ፡ ወበኵሉ ፡ ነፍስየ ፡ ወይከውኑ ፡ ለበረከት ፡ ወአኮ ፡ ለመርገም ፡ ወይከውኑ ፡ ርእሰ ፡ ወአኮ ፡ ዘነበ ።
1:17	ወአሐንጽ ፡ መቅደስየ ፡ ማእከሎሙ ፡ ወአኀድር ፡ ምስሌሆሙ ፡ ወእከውኖሙ ፡ አምላከ ፡ ወእሙንቱኒ ፡ ይከውኑኒ ፡ ሕዝብየ ፡ ዘበአማን ፡ ወዘበጽድቅ ፡ 18 ወኢየኀድጎሙ ፡ ወኢይትናከሮሙ ፡ እስመ ፡ አነ ፡ እግዚአብሔር ፡ አምላኮሙ ።	ወአሐንጽ ፡ መቅደስየ ፡ ማእከሎሙ ፡ ወአኀድር ፡ ምስሌሆሙ ፡ ወእከውኖሙ ፡ አምላከ ፡ ወእሙንቱኒ ፡ ይከውኑኒ ፡ ሕዝብየ ፡ ዘበአማን ፡ ወዘበጽድቅ ፡ 18 ወኢየኀድጎሙ ፡ ወኢይትናከሮሙ ፡ እስመ ፡ አነ ፡ እግዚአብሔር ፡ አምላኮሙ ።
1:19	ወወድቀ ፡ ሙሴ ፡ በገጹ ፡ ወጸለየ ፡ ወይቤ ፡ እግዚኦ ፡ አምላኪየ ፡ ኢትኅድግ ፡ ሕዝበከ ፡ ወርስተከ ፡ ለሐዊር ፡ በስሕተተ ፡ ልቦሙ ፡ ወኢትመጥዎሙ ፡ ውስተ ፡ እደ ፡ አሕዛብ ፡ ከመ ፡ ይኰንንዎሙ ፡ ወከመ ፡ ኢይግበርዎሙ ፡ ከመ ፡ ይኅጥኡ ፡ ለከ ።	ወወድቀ ፡ ሙሴ ፡ በገጹ ፡ ወጸለየ ፡ ወይቤ ፡ እግዚኦ ፡ አምላኪየ ፡ ኢትኅድግ ፡ ሕዝበከ ፡ ወርስተከ ፡ ለሐዊር ፡ በስሕተተ ፡ ልቦሙ ፡ ወኢትመጥዎሙ ፡ ውስተ ፡ እደ ፡ አሕዛብ ፡ ከመ ፡ ይኰንንዎሙ ፡ ወከመ ፡ ኢይግበርዎሙ ፡ ከመ ፡ ይኅጥኡ ፡ ለከ ።
1:20	ይትለዐል ፡ እግዚኦ ፡ ምሕረትከ ፡ ላዕለ ፡ ሕዝብከ ፡ ወፍጥር ፡ ሎሙ ፡ መንፈሰ ፡ ርቱዐ ፡ ወኢይኰንኖሙ ፡ መንፈሰ ፡ ቤልሖር ፡ ለአስተዋድዮቶሙ ፡ ቅድሜከ ፡ ወለአዕቅጾቶሙ ፡ እምኵሉ ፡ ፍኖተ ፡ ጽድቅ ፡ ከመ ፡ ይትሐጐሉ ፡ እምቅድመ ፡ ገጽከ ።	ይትለዐል ፡ እግዚኦ ፡ ምሕረትከ ፡ ላዕለ ፡ ሕዝብከ ፡ ወፍጥር ፡ ሎሙ ፡ መንፈሰ ፡ ርቱዐ ፡ ወኢይኰንኖሙ ፡ መንፈሰ ፡ ቤልሖር ፡ ለአስተዋድዮቶሙ ፡ ቅድሜከ ፡ ወለአዕቅጾቶሙ ፡ እምኵሉ ፡ ፍኖተ ፡ ጽድቅ ፡ ከመ ፡ ይትሐጐሉ ፡ እምቅድመ ፡ ገጽከ ።
1:21	ወእሙንቱ ፡ ሕዝብከ ፡ ወርስትከ ፡ ዘባላሕከ ፡ በኀይልከ ፡ ዐቢይ ፡ እምእደ ፡ ግብጽ ።	ወእሙንቱ ፡ ሕዝብከ ፡ ወርስትከ ፡ ዘባላሕከ ፡ በኀይልከ ፡ ዐቢይ ፡ እምእደ ፡ ግብጽ ።
1:22	ወይቤሎ ፡ እግዚአብሔር ፡ ለሙሴ ፡ አነ ፡ አአምር ፡ ተዋሥኦቶሙ ፡ ወኅሊናሆሙ ፡ ወይቡሰ ፡ ክሳዶሙ ፡ ወኢይሰምዑ ፡ እስከ ፡ ሶበ ፡ ያአምሩ ፡ ኃጢአቶሙ ፡ ወኃጣውአ ፡ አበዊሆሙ ።	ወይቤሎ ፡ እግዚአብሔር ፡ ለሙሴ ፡ አነ ፡ አአምር ፡ ተዋሥኦቶሙ ፡ ወኅሊናሆሙ ፡ ወይቡሰ ፡ ክሳዶሙ ፡ ወኢይሰምዑ ፡ እስከ ፡ ሶበ ፡ ያአምሩ ፡ ኃጢአቶሙ ፡ ወኃጣውአ ፡ አበዊሆሙ ።
1:23	ወእምድኅረ ፡ ዝንቱ ፡ ይትመየጡ ፡ ኀቤየ ፡ በኵሉ ፡ ርትዕ ፡ ወበኵሉ ፡ ልብ ፡ ወበኵሉ ፡ ነፍስ ።	ወእምድኅረ ፡ ዝንቱ ፡ ይትመየጡ ፡ ኀቤየ ፡ በኵሉ ፡ ርትዕ ፡ ወበኵሉ ፡ ልብ ፡ ወበኵሉ ፡ ነፍስ ።
1:24	ወትተሉ ፡ ነፍሶሙ ፡ ኀቤየ ፡ ወበኵሉ ፡ ትእዛዝየ ፡ ወይገብሩ ፡ ሎሙ ፡ ትእዛዛትየ ፡ ወእከውኖሙ ፡ አበ ፡ ወእሙንቱ ፡ ይከውኑኒ ፡ ውሉደ ።	ወትተሉ ፡ ነፍሶሙ ፡ ኀቤየ ፡ ወበኵሉ ፡ ትእዛዝየ ፡ ወይገብሩ ፡ ሎሙ ፡ ትእዛዛትየ ፡ ወእከውኖሙ ፡ አበ ፡ ወእሙንቱ ፡ ይከውኑኒ ፡ ውሉደ ።
1:25	ወይሰመዩ ፡ ኵሎሙ ፡ ውሉደ ፡ አምላክ ፡ ሕያው ፡ ወየአምሮሙ ፡ ኵሉ ፡ መልአክ ፡ ወኵሉ ፡ መንፈስ ፡ ወያአምርዎሙ ፡ ከመ ፡ እሙንቱ ፡ ውሉድየ ፡ ወአነ ፡ አቡሆሙ ፡ በርትዕ ፡ ወበጽድቅ ፡ ወአፈቅሮሙ ።	ወይሰመዩ ፡ ኵሎሙ ፡ ውሉደ ፡ አምላክ ፡ ሕያው ፡ ወየአምሮሙ ፡ ኵሉ ፡ መልአክ ፡ ወኵሉ ፡ መንፈስ ፡ ወያአምርዎሙ ፡ ከመ ፡ እሙንቱ ፡ ውሉድየ ፡ ወአነ ፡ አቡሆሙ ፡ በርትዕ ፡ ወበጽድቅ ፡ ወአፈቅሮሙ ።
1:26	ወአንተ ፡ ጸሐፍ ፡ ለከ ፡ ኵሎ ፡ ዘንተ ፡ ነገረ ፡ ዘአነ ፡ አየድዐከ ፡ በዝንቱ ፡ ደብር ፡ ዘቀዳሚ ፡ ወዘደኃሪ ፡ ወዘይመጽእ ፡ ሀሎ ፡ በኵሉ ፡ ኩፋሌ ፡ መዋዕል ፡ ዘበሕግ ፡ ወዘበስምዕ ፡ ወበሱባዔሆሙ ፡ ለኢዮቤልዎን ፡ እስከ ፡ ለዓለም ።	ወአንተ ፡ ጸሐፍ ፡ ለከ ፡ ኵሎ ፡ ዘንተ ፡ ነገረ ፡ ዘአነ ፡ አየድዐከ ፡ በዝንቱ ፡ ደብር ፡ ዘቀዳሚ ፡ ወዘደኃሪ ፡ ወዘይመጽእ ፡ ሀሎ ፡ በኵሉ ፡ ኩፋሌ ፡ መዋዕል ፡ ዘበሕግ ፡ ወዘበስምዕ ፡ ወበሱባዔሆሙ ፡ ለኢዮቤልዎን ፡ እስከ ፡ ለዓለም ።
1:27	ወይቤሎ ፡ ለመልአከ ፡ ገጽ ፡ ጸሐፍ ፡ ለሙሴ ፡ እምቀዳሚ ፡ ፍጥረት ፡ እስከ ፡ አመ ፡ ይትሐነጽ ፡ መቅደስየ ፡ በማእከሎሙ ፡ ለዓለመ ፡ ዓለማት ።	ወይቤሎ ፡ ለመልአከ ፡ ገጽ ፡ ጸሐፍ ፡ ለሙሴ ፡ እምቀዳሚ ፡ ፍጥረት ፡ እስከ ፡ አመ ፡ ይትሐነጽ ፡ መቅደስየ ፡ በማእከሎሙ ፡ ለዓለመ ፡ ዓለማት ።
1:28	ወያስተርኢ ፡ እግዚአብሔር ፡ ለዐይነ ፡ ኵሉ ፡ ወያአምር ፡ ኵሉ ፡ ከመ ፡ አነ ፡ አምላከ ፡ እስራኤል ፡ ወአብ ፡ ለኵሎሙ ፡ ደቂቀ ፡ ያዕቆብ ፡ ወንጉሥ ፡ በደብረ ፡ ጽዮን ፡ ለዓለመ ፡ ዓለም ፡ ወትከውን ፡ ጽዮን ፡ ወኢየሩሳሌም ፡ ቅድስት ።	ወያስተርኢ ፡ እግዚአብሔር ፡ ለዐይነ ፡ ኵሉ ፡ ወያአምር ፡ ኵሉ ፡ ከመ ፡ አነ ፡ አምላከ ፡ እስራኤል ፡ ወአብ ፡ ለኵሎሙ ፡ ደቂቀ ፡ ያዕቆብ ፡ ወንጉሥ ፡ በደብረ ፡ ጽዮን ፡ ለዓለመ ፡ ዓለም ፡ ወትከውን ፡ ጽዮን ፡ ወኢየሩሳሌም ፡ ቅድስት ።
1:29	ወነሥአ ፡ መልአከ ፡ ገጽ ፡ ዘየሐውር ፡ ቅድመ ፡ ተዓይኒሆሙ ፡ ለእስራኤል ፡ ጽላተ ፡ ዘኩፋሌ ፡ ዓመታት ፡ እምአመ ፡ ፍጥረተ ፡ ሕግ ፡ ወለስምዕ ፡ ለሱባዔሁ ፡ ለኢዮቤልዎን ፡ በበ ፡ ዓመት ፡ በኵሉ ፡ ኆልቆሙ ፡ ወኢዮቤልዎን ፡ እምዕለተ ፡ ፍጥረት ፡ ሐዳስ ፡ አመ ፡ ይትሐደስ ፡ ሰማያት ፡ ወምድር ፡ ወኵሉ ፡ ፍጥረቶሙ ፡ በከመ ፡ ኀይላቲሆሙ ፡ ለሰማይ ፡ ወበከመ ፡ ኵሉ ፡ ፍጥረተ ፡ ምድር ፡ እስከ ፡ አመ ፡ ይትፈጠር ፡ መቅደሰ ፡ እግዚአብሔር ፡ በኢየሩሳሌም ፡ በደብረ ፡ ጽዮን ።	ወነሥአ ፡ መልአከ ፡ ገጽ ፡ ዘየሐውር ፡ ቅድመ ፡ ተዓይኒሆሙ ፡ ለእስራኤል ፡ ጽላተ ፡ ዘኩፋሌ ፡ ዓመታት ፡ እምአመ ፡ ፍጥረተ ፡ ሕግ ፡ ወለስምዕ ፡ ለሱባዔሁ ፡ ለኢዮቤልዎን ፡ በበ ፡ ዓመት ፡ በኵሉ ፡ ኆልቆሙ ፡ ወኢዮቤልዎን ፡ እምዕለተ ፡ ፍጥረት ፡ ሐዳስ ፡ አመ ፡ ይትሐደስ ፡ ሰማያት ፡ ወምድር ፡ ወኵሉ ፡ ፍጥረቶሙ ፡ በከመ ፡ ኀይላቲሆሙ ፡ ለሰማይ ፡ ወበከመ ፡ ኵሉ ፡ ፍጥረተ ፡ ምድር ፡ እስከ ፡ አመ ፡ ይትፈጠር ፡ መቅደሰ ፡ እግዚአብሔር ፡ በኢየሩሳሌም ፡ በደብረ ፡ ጽዮን ።