Jubilees

Jubilees 10 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
10:1	ወበሱባዔ ፡ ሣልስ ፡ ዘኢዮቤልዉ ፡ ዝንቱ ፡ አኀዙ ፡ አጋንንት ፡ ርኩሳን ፡ ያስሕትዎሙ ፡ ለደቂቀ ፡ ውሉደ ፡ ኖኅ ፡ ወያዕብድዎሙ ፡ ወያሕጕልዎሙ ።	ወበሱባዔ ፡ ሣልስ ፡ ዘኢዮቤልዉ ፡ ዝንቱ ፡ አኀዙ ፡ አጋንንት ፡ ርኩሳን ፡ ያስሕትዎሙ ፡ ለደቂቀ ፡ ውሉደ ፡ ኖኅ ፡ ወያዕብድዎሙ ፡ ወያሕጕልዎሙ ።
10:2	ወመጽኡ ፡ ውሉደ ፡ ኖኅ ፡ ኀበ ፡ ኖኅ ፡ አቡሆሙ ፡ ወነገርዎ ፡ በእንተ ፡ አጋንንት ፡ እለ ፡ ያስሕቱ ፡ ወይጼልሉ ፡ ወይቀትሉ ፡ ውሉደ ፡ ውሉዱ ።	ወመጽኡ ፡ ውሉደ ፡ ኖኅ ፡ ኀበ ፡ ኖኅ ፡ አቡሆሙ ፡ ወነገርዎ ፡ በእንተ ፡ አጋንንት ፡ እለ ፡ ያስሕቱ ፡ ወይጼልሉ ፡ ወይቀትሉ ፡ ውሉደ ፡ ውሉዱ ።
10:3	ወጸለየ ፡ ቅድመ ፡ እግዚአብሔር ፡ አምላኩ ፡ ወይቤ ፡ አምላከ ፡ መናፍስት ፡ ዘውስተ ፡ ኵሉ ፡ ዘሥጋ ፡ ዘገበርከ ፡ ምስሌየ ፡ ምሕረተ ፡ ወአድኀንከኒ ፡ ወውሉድየሂ ፡ እምነ ፡ ማየ ፡ አይኅ ፡ ወኢገበርከኒ ፡ ከመ ፡ እኅለቅ ፡ ከመ ፡ ገበርከ ፡ ለውሉደ ፡ ሐጉል ፡ እስመ ፡ ዐቢይ ፡ ሣህልከ ፡ ላዕሌየ ፡ ወዐብየት ፡ ምሕረትከ ፡ ላዕለ ፡ ነፍስየ ።	ወጸለየ ፡ ቅድመ ፡ እግዚአብሔር ፡ አምላኩ ፡ ወይቤ ፡ አምላከ ፡ መናፍስት ፡ ዘውስተ ፡ ኵሉ ፡ ዘሥጋ ፡ ዘገበርከ ፡ ምስሌየ ፡ ምሕረተ ፡ ወአድኀንከኒ ፡ ወውሉድየሂ ፡ እምነ ፡ ማየ ፡ አይኅ ፡ ወኢገበርከኒ ፡ ከመ ፡ እኅለቅ ፡ ከመ ፡ ገበርከ ፡ ለውሉደ ፡ ሐጉል ፡ እስመ ፡ ዐቢይ ፡ ሣህልከ ፡ ላዕሌየ ፡ ወዐብየት ፡ ምሕረትከ ፡ ላዕለ ፡ ነፍስየ ።
10:4	ወአንተ ፡ ባርከኒ ፡ ኪያየ ፡ ወውሉድየ ፡ ንልሀቅ ፡ ወንብዛኅ ፡ ወንምልኣ ፡ ለምድር ።	ወአንተ ፡ ባርከኒ ፡ ኪያየ ፡ ወውሉድየ ፡ ንልሀቅ ፡ ወንብዛኅ ፡ ወንምልኣ ፡ ለምድር ።
10:5	ወአንተ ፡ ታአምር ፡ ዘከመ ፡ ገብሩ ፡ ትጉሃኒከ ፡ አበዊሆሙ ፡ ለእሉ ፡ መንፈስ ፡ በመዋዕልየ ።	ወአንተ ፡ ታአምር ፡ ዘከመ ፡ ገብሩ ፡ ትጉሃኒከ ፡ አበዊሆሙ ፡ ለእሉ ፡ መንፈስ ፡ በመዋዕልየ ።
10:6	ወኢይመብሉ ፡ በመንፈሰ ፡ ሕያዋን ፡ እስመ ፡ አንተ ፡ ባሕቲትከ ፡ ታአምር ፡ ኵነኔሆሙ ፡ ወኢይትባውሑ ፡ ላዕለ ፡ ውሉደ ፡ ጻድቃን ፡ እምይእዜ ፡ ወእስከ ፡ ለዓለም ።	ወኢይመብሉ ፡ በመንፈሰ ፡ ሕያዋን ፡ እስመ ፡ አንተ ፡ ባሕቲትከ ፡ ታአምር ፡ ኵነኔሆሙ ፡ ወኢይትባውሑ ፡ ላዕለ ፡ ውሉደ ፡ ጻድቃን ፡ እምይእዜ ፡ ወእስከ ፡ ለዓለም ።
10:7	ወይቤለነ ፡ አምላክነ ፡ ከመ ፡ ንእስር ፡ ኵሎ ።	ወይቤለነ ፡ አምላክነ ፡ ከመ ፡ ንእስር ፡ ኵሎ ።
10:8	ወመጽአ ፡ መልአከ ፡ መናፍስት ፡ መስቴማ ፡ ወይቤ ፡ እግዚአኦ ፡ ፈጣሪ ፡ አትርፍ ፡ እምኔሆሙ ፡ ቅድሜየ ፡ ወይስምዑ ፡ ቃልየ ፡ ወይግበሩ ፡ ኵሎ ፡ ዘእቤሎሙ ፡ እስመ ፡ እመ ፡ ኢተርፉ ፡ ሊተ ፡ እምውስቴቶሙ ፡ ኢይክል ፡ ገቢረ ፡ ስልጣነ ፡ ፈቃድየ ፡ ውስተ ፡ ውሉደ ፡ ሰብእ ።	ወመጽአ ፡ መልአከ ፡ መናፍስት ፡ መስቴማ ፡ ወይቤ ፡ እግዚአኦ ፡ ፈጣሪ ፡ አትርፍ ፡ እምኔሆሙ ፡ ቅድሜየ ፡ ወይስምዑ ፡ ቃልየ ፡ ወይግበሩ ፡ ኵሎ ፡ ዘእቤሎሙ ፡ እስመ ፡ እመ ፡ ኢተርፉ ፡ ሊተ ፡ እምውስቴቶሙ ፡ ኢይክል ፡ ገቢረ ፡ ስልጣነ ፡ ፈቃድየ ፡ ውስተ ፡ ውሉደ ፡ ሰብእ ።
10:9	ወይቤ ፡ ይትረፉ ፡ ቅድሜሁ ፡ ዐሥራቶሙ ፡ ወተስዓተ ፡ መክፈልተ ፡ ያውርድ ፡ ውስተ ፡ መካነ ፡ ደይን ፡ 10 ወለአሐዱ ፡ እምኔነ ፡ ይቤ ፡ ከመ ፡ ንምሀሮ ፡ ለኖኅ ፡ ኵሎ ፡ ፈውሶሙ ፡ እስመ ፡ ያአምር ፡ ከመ ፡ አኮ ፡ በርትዕ ፡ ዘየሐውሩ ፡ ወአኮ ፡ በጽድቅ ፡ ዘይትባአሱ ።	ወይቤ ፡ ይትረፉ ፡ ቅድሜሁ ፡ ዐሥራቶሙ ፡ ወተስዓተ ፡ መክፈልተ ፡ ያውርድ ፡ ውስተ ፡ መካነ ፡ ደይን ፡ 10 ወለአሐዱ ፡ እምኔነ ፡ ይቤ ፡ ከመ ፡ ንምሀሮ ፡ ለኖኅ ፡ ኵሎ ፡ ፈውሶሙ ፡ እስመ ፡ ያአምር ፡ ከመ ፡ አኮ ፡ በርትዕ ፡ ዘየሐውሩ ፡ ወአኮ ፡ በጽድቅ ፡ ዘይትባአሱ ።
10:11	ወገበርነ ፡ በከመ ፡ ኵሉ ፡ ቃሉ ፡ ወኵሎ ፡ እኩያነ ፡ እለ ፡ ይጸውጉ ፡ አሰርነ ፡ ውስተ ፡ መካነ ፡ ደይን ፡ ወዐሥራቶሙ ፡ አትረፍነ ፡ ከመ ፡ ይኰንኑ ፡ ቅድመ ፡ ሰይጣን ፡ ዲበ ፡ ምድር ።	ወገበርነ ፡ በከመ ፡ ኵሉ ፡ ቃሉ ፡ ወኵሎ ፡ እኩያነ ፡ እለ ፡ ይጸውጉ ፡ አሰርነ ፡ ውስተ ፡ መካነ ፡ ደይን ፡ ወዐሥራቶሙ ፡ አትረፍነ ፡ ከመ ፡ ይኰንኑ ፡ ቅድመ ፡ ሰይጣን ፡ ዲበ ፡ ምድር ።
10:12	ወፈውሰ ፡ ደዌሆሙ ፡ ኵሎ ፡ ነገርናሁ ፡ ለኖኅ ፡ ምስለ ፡ አስሕቶቶሙ ፡ ከመ ፡ ይፈውስ ፡ በዕፀ ፡ ምድር ።	ወፈውሰ ፡ ደዌሆሙ ፡ ኵሎ ፡ ነገርናሁ ፡ ለኖኅ ፡ ምስለ ፡ አስሕቶቶሙ ፡ ከመ ፡ ይፈውስ ፡ በዕፀ ፡ ምድር ።
10:13	ወጸሐፈ ፡ ኖኅ ፡ ኵሎ ፡ ዘከመ ፡ መሀርናሁ ፡ በመጽሐፍ ፡ በኵሉ ፡ ትዝምደ ፡ ፈውስ ፡ ወተዐፅዉ ፡ መናፍስት ፡ እኩያን ፡ እምድኅሬሆሙ ፡ ለውሉደ ፡ ኖኅ ፡ 14 ወወሀበ ፡ ኵሎ ፡ መጻሕፍተ ፡ ዘጸሐፈ ፡ ለሴም ፡ ወልዱ ፡ ዘይልህቅ ፡ እስመ ፡ ኪያሁ ፡ ያፈቅር ፡ ፈድፋደ ፡ እምኵሉ ፡ ውሉዱ ።	ወጸሐፈ ፡ ኖኅ ፡ ኵሎ ፡ ዘከመ ፡ መሀርናሁ ፡ በመጽሐፍ ፡ በኵሉ ፡ ትዝምደ ፡ ፈውስ ፡ ወተዐፅዉ ፡ መናፍስት ፡ እኩያን ፡ እምድኅሬሆሙ ፡ ለውሉደ ፡ ኖኅ ፡ 14 ወወሀበ ፡ ኵሎ ፡ መጻሕፍተ ፡ ዘጸሐፈ ፡ ለሴም ፡ ወልዱ ፡ ዘይልህቅ ፡ እስመ ፡ ኪያሁ ፡ ያፈቅር ፡ ፈድፋደ ፡ እምኵሉ ፡ ውሉዱ ።
10:15	ወኖመ ፡ ኖኅ ፡ ምስለ ፡ አበዊሁ ፡ ወተቀብረ ፡ ውስተ ፡ ሉባር ፡ ደብር ፡ በምድረ ፡ አራራት ፡	ወኖመ ፡ ኖኅ ፡ ምስለ ፡ አበዊሁ ፡ ወተቀብረ ፡ ውስተ ፡ ሉባር ፡ ደብር ፡ በምድረ ፡ አራራት ፡
10:16	ተስዓተ ፡ ምእተ ፡ ወኀምሳ ፡ ዓመተ ፡ ፈጸመ ፡ በሕይወቱ ፡ ዐሠርተ ፡ ወተስዓተ ፡ ኢዮቤልዉ ፡ ወክልኤ ፡ ሱባዔ ።	ተስዓተ ፡ ምእተ ፡ ወኀምሳ ፡ ዓመተ ፡ ፈጸመ ፡ በሕይወቱ ፡ ዐሠርተ ፡ ወተስዓተ ፡ ኢዮቤልዉ ፡ ወክልኤ ፡ ሱባዔ ።
10:17	ዘአፈድፈደ ፡ ሐዪወ ፡ ዲበ ፡ ምድር ፡ እምውሉደ ፡ ሰብእ ፡ በእንተ ፡ ጽድቁ ፡ ዘባቲ ፡ ፍጹም ፡ በጽድቁ ፡ ዘእንበለ ፡ ኤኖክ ።	ዘአፈድፈደ ፡ ሐዪወ ፡ ዲበ ፡ ምድር ፡ እምውሉደ ፡ ሰብእ ፡ በእንተ ፡ ጽድቁ ፡ ዘባቲ ፡ ፍጹም ፡ በጽድቁ ፡ ዘእንበለ ፡ ኤኖክ ።
10:18	ወበሠላሳ ፡ ወሠለስቱ ፡ ኢዮቤልዉ ፡ በዓመት ፡ አሐዱ ፡ በዝ ፡ ካልእ ፡ ሱባዔ ፡ ነሥአ ፡ ሎቱ ፡ ፋሌክ ፡ ብእሲተ ፡ እንተ ፡ ስማ ፡ ሎምና ፡ ወለተ ፡ ሲናኦር ፡ ወወለደት ፡ ሎቱ ፡ ወልደ ፡ በዓመት ፡ ራብዕ ፡ ዘሱባዔ ፡ ዝንቱ ፡ ወጸውዐ ፡ ስሞ ፡ ራግው ፡ እስመ ፡ ይቤ ፡ ናሁ ፡ ውሉደ ፡ ሰብእ ፡ ኮኑ ፡ እኩያነ ፡ ለምክረ ፡ ፁግ ፡ ከመ ፡ ይሕንጹ ፡ ሎሙ ፡ ሀገረ ፡ ወማኅፈደ ፡ ውስተ ፡ ምድረ ፡ ሰኖኦር ፡	ወበሠላሳ ፡ ወሠለስቱ ፡ ኢዮቤልዉ ፡ በዓመት ፡ አሐዱ ፡ በዝ ፡ ካልእ ፡ ሱባዔ ፡ ነሥአ ፡ ሎቱ ፡ ፋሌክ ፡ ብእሲተ ፡ እንተ ፡ ስማ ፡ ሎምና ፡ ወለተ ፡ ሲናኦር ፡ ወወለደት ፡ ሎቱ ፡ ወልደ ፡ በዓመት ፡ ራብዕ ፡ ዘሱባዔ ፡ ዝንቱ ፡ ወጸውዐ ፡ ስሞ ፡ ራግው ፡ እስመ ፡ ይቤ ፡ ናሁ ፡ ውሉደ ፡ ሰብእ ፡ ኮኑ ፡ እኩያነ ፡ ለምክረ ፡ ፁግ ፡ ከመ ፡ ይሕንጹ ፡ ሎሙ ፡ ሀገረ ፡ ወማኅፈደ ፡ ውስተ ፡ ምድረ ፡ ሰኖኦር ፡
10:19	እስመ ፡ ፈለሱ ፡ እምድረ ፡ አራራት ፡ መንገለ ፡ ጽባሕ ፡ ውስተ ፡ ሰናኦር ፡ እስመ ፡ በመዋዕሊሁ ፡ ሐነጽዎ ፡ ለሀገር ፡ ወለማኅፈድ ፡ እንዘ ፡ ይብሉ ፡ ንዕርግ ፡ ቦቱ ፡ ውስተ ፡ ሰማይ ፡	እስመ ፡ ፈለሱ ፡ እምድረ ፡ አራራት ፡ መንገለ ፡ ጽባሕ ፡ ውስተ ፡ ሰናኦር ፡ እስመ ፡ በመዋዕሊሁ ፡ ሐነጽዎ ፡ ለሀገር ፡ ወለማኅፈድ ፡ እንዘ ፡ ይብሉ ፡ ንዕርግ ፡ ቦቱ ፡ ውስተ ፡ ሰማይ ፡
10:20	ወአኀዙ ፡ ይሕንጹ ፡ ወበሱባዔ ፡ ራብዕ ፡ ወፈጡ ፡ በእሳት ፡ ወኮኖሙ ፡ ግንፋል ፡ ከመ ፡ እብን ፡ ወፅቡር ፡ በዘ ፡ ይመርዩ ፡ ቦቱ ፡ አስፋሊጦስ ፡ ዘይወፅእ ፡ እምነ ፡ ባሕር ፡ ወእምአንቅዕተ ፡ ማያት ፡ በምድረ ፡ ሰናኦር ፡	ወአኀዙ ፡ ይሕንጹ ፡ ወበሱባዔ ፡ ራብዕ ፡ ወፈጡ ፡ በእሳት ፡ ወኮኖሙ ፡ ግንፋል ፡ ከመ ፡ እብን ፡ ወፅቡር ፡ በዘ ፡ ይመርዩ ፡ ቦቱ ፡ አስፋሊጦስ ፡ ዘይወፅእ ፡ እምነ ፡ ባሕር ፡ ወእምአንቅዕተ ፡ ማያት ፡ በምድረ ፡ ሰናኦር ፡
10:21	ወሐነጽዎ ፡ አርብዓ ፡ ዓመተ ፡ ወሠለስተ ፡ ዓመተ ፡ ሀለዉ ፡ የሐንጽዎ ፡ ግንፋለ ፡ ፍጹመ ፡ ሠለስተ ፡ ወዐሠርተ ፡ ውስቴቱ ፡ ወሣልስተ ፡ አሐቲ ፡ ለኑኁ ፡ ኀምሳ ፡ ምእት ፡ ወአርባዕቱ ፡ ምእት ፡ ወሠላሳ ፡ ወሠላስ ፡ በእመት ፡ ዐርገ ፡ ኑኁ ።	ወሐነጽዎ ፡ አርብዓ ፡ ዓመተ ፡ ወሠለስተ ፡ ዓመተ ፡ ሀለዉ ፡ የሐንጽዎ ፡ ግንፋለ ፡ ፍጹመ ፡ ሠለስተ ፡ ወዐሠርተ ፡ ውስቴቱ ፡ ወሣልስተ ፡ አሐቲ ፡ ለኑኁ ፡ ኀምሳ ፡ ምእት ፡ ወአርባዕቱ ፡ ምእት ፡ ወሠላሳ ፡ ወሠላስ ፡ በእመት ፡ ዐርገ ፡ ኑኁ ።
10:22	ወይቤለነ ፡ እግዚአብሔር ፡ አምላክነ ፡ ለነ ፡ ናሁ ፡ ሕዝብ ፡ አሐዱ ፡ ወወጠነ ፡ ይግበር ፡ ወይእዜኒ ፡ ኢየሐልቅ ፡ እምኔሆሙ ።	ወይቤለነ ፡ እግዚአብሔር ፡ አምላክነ ፡ ለነ ፡ ናሁ ፡ ሕዝብ ፡ አሐዱ ፡ ወወጠነ ፡ ይግበር ፡ ወይእዜኒ ፡ ኢየሐልቅ ፡ እምኔሆሙ ።
10:23	ወወረደ ፡ እግዚአብሔር ፡ ወወረድነ ፡ ምስሌሁ ፡ ንርአይ ፡ ሀገረ ፡ ወማኅፈደ ፡ ዘሐነጹ ፡ ውሉደ ፡ ሰብእ ።	ወወረደ ፡ እግዚአብሔር ፡ ወወረድነ ፡ ምስሌሁ ፡ ንርአይ ፡ ሀገረ ፡ ወማኅፈደ ፡ ዘሐነጹ ፡ ውሉደ ፡ ሰብእ ።
10:24	ወሦጠ ፡ ኵሎ ፡ ቃለ ፡ ልሳናቲሆሙ ፡ ወኢሰምዐ ፡ እንከ ፡ አሐዱ ፡ ቃለ ፡ ካልኡ ፡ ወአንተጉ ፡ እንከ ፡ ሐኒጸ ፡ ሀገር ፡ ወማኅፈድ ።	ወሦጠ ፡ ኵሎ ፡ ቃለ ፡ ልሳናቲሆሙ ፡ ወኢሰምዐ ፡ እንከ ፡ አሐዱ ፡ ቃለ ፡ ካልኡ ፡ ወአንተጉ ፡ እንከ ፡ ሐኒጸ ፡ ሀገር ፡ ወማኅፈድ ።
10:25	በእንተዝ ፡ ተሰምየት ፡ ኵላ ፡ ምድረ ፡ ሰናኦር ፡ ባቤል ፡ እስመ ፡ በህየ ፡ ሦጠ ፡ አምላክ ፡ ኵሎ ፡ ልሳናቲሆሙ ፡ ለውሉደ ፡ ሰብእ ።	በእንተዝ ፡ ተሰምየት ፡ ኵላ ፡ ምድረ ፡ ሰናኦር ፡ ባቤል ፡ እስመ ፡ በህየ ፡ ሦጠ ፡ አምላክ ፡ ኵሎ ፡ ልሳናቲሆሙ ፡ ለውሉደ ፡ ሰብእ ።
10:26	ወፈነወ ፡ እግዚአብሔር ፡ ነፋሰ ፡ ውስተ ፡ ማኅፈደ ፡ ወገፍትኦ ፡ ውስተ ፡ ምድር ።	ወፈነወ ፡ እግዚአብሔር ፡ ነፋሰ ፡ ውስተ ፡ ማኅፈደ ፡ ወገፍትኦ ፡ ውስተ ፡ ምድር ።
10:27	በሱባዔ ፡ ራብዕ ፡ በአሐዱ ፡ ዓመት ፡ በቅድመ ፡ ዚአሁ ፡ ዘሠላሳ ፡ ወአርባዕቱ ፡ ኢዮቤልዉ ፡ ተዘርዉ ፡ እምድረ ፡ ሰናኦር ።	በሱባዔ ፡ ራብዕ ፡ በአሐዱ ፡ ዓመት ፡ በቅድመ ፡ ዚአሁ ፡ ዘሠላሳ ፡ ወአርባዕቱ ፡ ኢዮቤልዉ ፡ ተዘርዉ ፡ እምድረ ፡ ሰናኦር ።
10:28	ወሖሩ ፡ ካም ፡ ወውሉዱ ፡ ውስተ ፡ ምድር ፡ እንተ ፡ እኅዝት ፡ ሎቱ ፡ ዘረከበ ፡ በመክፈልቱ ፡ ውስተ ፡ ምድረ ፡ ደቡብ ፡	ወሖሩ ፡ ካም ፡ ወውሉዱ ፡ ውስተ ፡ ምድር ፡ እንተ ፡ እኅዝት ፡ ሎቱ ፡ ዘረከበ ፡ በመክፈልቱ ፡ ውስተ ፡ ምድረ ፡ ደቡብ ፡
10:29	ወርእየ ፡ ከናአን ፡ ምድረ ፡ ሊባኖስ ፡ እስከ ፡ ሙሐዘ ፡ ግብጽ ፡ ከመ ፡ ሠናይት ፡ ይእቲ ፡ ጥቀ ።	ወርእየ ፡ ከናአን ፡ ምድረ ፡ ሊባኖስ ፡ እስከ ፡ ሙሐዘ ፡ ግብጽ ፡ ከመ ፡ ሠናይት ፡ ይእቲ ፡ ጥቀ ።
10:30	ወይቤሎ ፡ ካም ፡ አቡሁ ፡ ወኵስ ፡ ወመጽሬም ፡ አኃዊሁ ፡ እስመ ፡ ኀደርከ ፡ ውስተ ፡ ምድር ፡ እንተ ፡ ኢኮነት ፡ እንቲአከ ፡ ወኢወፅአ ፡ ለነ ፡ በዕፀው ፡ ኢትግበር ፡ ከመዝ ።	ወይቤሎ ፡ ካም ፡ አቡሁ ፡ ወኵስ ፡ ወመጽሬም ፡ አኃዊሁ ፡ እስመ ፡ ኀደርከ ፡ ውስተ ፡ ምድር ፡ እንተ ፡ ኢኮነት ፡ እንቲአከ ፡ ወኢወፅአ ፡ ለነ ፡ በዕፀው ፡ ኢትግበር ፡ ከመዝ ።
10:31	ኢትኅድር ፡ ውስተ ፡ ማኅደረ ፡ ሴም ።	ኢትኅድር ፡ ውስተ ፡ ማኅደረ ፡ ሴም ።
10:32	ርጉም ፡ አንተ ፡ ወርጉመ ፡ ትከውን ፡ እምኵሎሙ ፡ ውሉደ ፡ ኖኅ ፡ በመርገም ፡ እንተ ፡ ተሠራዕነ ፡ በመሐላ ፡ በቅድሜሁ ፡ ለመኰንን ፡ ቅዱስ ፡ ወበቅድመ ፡ ኖኅ ፡ አቡነ ።	ርጉም ፡ አንተ ፡ ወርጉመ ፡ ትከውን ፡ እምኵሎሙ ፡ ውሉደ ፡ ኖኅ ፡ በመርገም ፡ እንተ ፡ ተሠራዕነ ፡ በመሐላ ፡ በቅድሜሁ ፡ ለመኰንን ፡ ቅዱስ ፡ ወበቅድመ ፡ ኖኅ ፡ አቡነ ።
10:33	ወኢሰምዖሙ ፡ ወኀደረ ፡ ምድረ ፡ ሊባኖስ ፡ እምኤማት ፡ እስከ ፡ ምብዋአ ፡ ግብጽ ፡ ውእቱ ፡ ወውሉዱ ፡ እስከ ፡ ዛቲ ፡ ዕለት ፡ 34 ወበእንተዝ ፡ ተሰምየት ፡ ይእቲ ፡ ምድር ፡ ምድረ ፡ ከናአን ።	ወኢሰምዖሙ ፡ ወኀደረ ፡ ምድረ ፡ ሊባኖስ ፡ እምኤማት ፡ እስከ ፡ ምብዋአ ፡ ግብጽ ፡ ውእቱ ፡ ወውሉዱ ፡ እስከ ፡ ዛቲ ፡ ዕለት ፡ 34 ወበእንተዝ ፡ ተሰምየት ፡ ይእቲ ፡ ምድር ፡ ምድረ ፡ ከናአን ።
10:35	ወያፌትሰ ፡ ወውሉዱ ፡ ሖሩ ፡ መንገለ ፡ ባሕር ፡ ወኀደሩ ፡ ውስተ ፡ ምድረ ፡ መክፈልቶሙ ፡ ወርእየ ፡ ማዳይ ፡ ምድረ ፡ ባሕር ፡ ወኢአደመቶ ፡ በቅድሜሁ ፡ ወአስተብቍዐ ፡ እምኀበ ፡ ኤላም ፡ ወአሱር ፡ ወአርፋክስድ ፡ እምኀበ ፡ እኀወ ፡ ብእሲቱ ፡ ወኀደረ ፡ ውስተ ፡ ምድረ ፡ ሜድቂን ፡ ቅሩበ ፡ ኀበ ፡ እኅወ ፡ ብእሲቱ ፡ እስከ ፡ ዛቲ ፡ ዕለት ፡	ወያፌትሰ ፡ ወውሉዱ ፡ ሖሩ ፡ መንገለ ፡ ባሕር ፡ ወኀደሩ ፡ ውስተ ፡ ምድረ ፡ መክፈልቶሙ ፡ ወርእየ ፡ ማዳይ ፡ ምድረ ፡ ባሕር ፡ ወኢአደመቶ ፡ በቅድሜሁ ፡ ወአስተብቍዐ ፡ እምኀበ ፡ ኤላም ፡ ወአሱር ፡ ወአርፋክስድ ፡ እምኀበ ፡ እኀወ ፡ ብእሲቱ ፡ ወኀደረ ፡ ውስተ ፡ ምድረ ፡ ሜድቂን ፡ ቅሩበ ፡ ኀበ ፡ እኅወ ፡ ብእሲቱ ፡ እስከ ፡ ዛቲ ፡ ዕለት ፡
10:36	ወሰመየ ፡ ምንባሪሁ ፡ ወምንባረ ፡ ውሉደ ፡ ሜዲቂን ፡ በስመ ፡ ማዳይ ፡ አቡሆሙ ።	ወሰመየ ፡ ምንባሪሁ ፡ ወምንባረ ፡ ውሉደ ፡ ሜዲቂን ፡ በስመ ፡ ማዳይ ፡ አቡሆሙ ።