Jubilees

Jubilees 12 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
12:1	ወኮነ ፡ በኡባዔ ፡ ሳድስ ፡ ዓመቱ ፡ ሎቱ ፡ ይቤ ፡ አብራም ፡ ለታራ ፡ አቡሁ ፡ እንዘ ፡ ይብል ፡ አባ ፡ ወይቤ ፡ ነየ ፡ አነ ፡ ወልድየ ።	ወኮነ ፡ በኡባዔ ፡ ሳድስ ፡ ዓመቱ ፡ ሎቱ ፡ ይቤ ፡ አብራም ፡ ለታራ ፡ አቡሁ ፡ እንዘ ፡ ይብል ፡ አባ ፡ ወይቤ ፡ ነየ ፡ አነ ፡ ወልድየ ።
12:2	ወይቤ ፡ ምንተ ፡ ረድኤተ ፡ ወተድላ ፡ ለነ ፡ እምእሉ ፡ ጣዖት ፡ ዘአንተ ፡ ታመልክ ፡ ወትሰግድ ፡ ቅድሜሆሙ ፡	ወይቤ ፡ ምንተ ፡ ረድኤተ ፡ ወተድላ ፡ ለነ ፡ እምእሉ ፡ ጣዖት ፡ ዘአንተ ፡ ታመልክ ፡ ወትሰግድ ፡ ቅድሜሆሙ ፡
12:3	እስመ ፡ አልቦ ፡ ላዕሌሆሙ ፡ ምንተኒ ፡ መንፈሰ ፡ እስመ ፡ ስግመት ፡ እሙንቱ ፡ ወስሕተተ ፡ ልብ ፡ እሙንቱ ፡ ኢታምልክዎሙ ።	እስመ ፡ አልቦ ፡ ላዕሌሆሙ ፡ ምንተኒ ፡ መንፈሰ ፡ እስመ ፡ ስግመት ፡ እሙንቱ ፡ ወስሕተተ ፡ ልብ ፡ እሙንቱ ፡ ኢታምልክዎሙ ።
12:4	አምልኩ ፡ አምላከ ፡ ሰማይ ፡ ዘያወርድ ፡ ዝናመ ።	አምልኩ ፡ አምላከ ፡ ሰማይ ፡ ዘያወርድ ፡ ዝናመ ።
12:5	ለምንት ፡ አንትሙ ፡ ታመልኩ ፡ እለ ፡ አልቦሙ ፡ መንፈሰ ፡ ላዕሌሆሙ ፡ እስመ ፡ ግብረ ፡ እደው ፡ እሙንቱ ፡ ወዲበ ፡ መታክፍቲክሙ ፡ አንትሙ ፡ ትጸውርዎሙ ፡ ወአልቦ ፡ እምኔሆሙ ፡ ለክሙ ፡ ረጽኤተ ፡ ዘእንበለ ፡ ኀሳር ፡ ዐቢይ ፡ ለእለ ፡ ይገብርዎሙ ፡ ወስሕተተ ፡ ልብ ፡ ለእለ ፡ ያመልክዎሙ ፡ ኢታምልክዎሙ ፡ 6 ወይቤሎ ፡ አነሂ ፡ አአምር ፡ ወልድየ ፡ ምንተ ፡ እሬሲ ፡ ለሕዝብ ፡ እለ ፡ አዘዙኒ ፡ እትለአክ ፡ ቅድሜሆሙ ፡ 7 ወእመ ፡ ነገርክዎሙ ፡ ጽድቀ ፡ ይቀትሉኒ ፡ እስመ ፡ ተለወት ፡ ነፍሶሙ ፡ ኀቤሆሙ ፡ ከመ ፡ ያምልክዎሙ ፡ ወይሰብሕዎሙ ።	ለምንት ፡ አንትሙ ፡ ታመልኩ ፡ እለ ፡ አልቦሙ ፡ መንፈሰ ፡ ላዕሌሆሙ ፡ እስመ ፡ ግብረ ፡ እደው ፡ እሙንቱ ፡ ወዲበ ፡ መታክፍቲክሙ ፡ አንትሙ ፡ ትጸውርዎሙ ፡ ወአልቦ ፡ እምኔሆሙ ፡ ለክሙ ፡ ረጽኤተ ፡ ዘእንበለ ፡ ኀሳር ፡ ዐቢይ ፡ ለእለ ፡ ይገብርዎሙ ፡ ወስሕተተ ፡ ልብ ፡ ለእለ ፡ ያመልክዎሙ ፡ ኢታምልክዎሙ ፡ 6 ወይቤሎ ፡ አነሂ ፡ አአምር ፡ ወልድየ ፡ ምንተ ፡ እሬሲ ፡ ለሕዝብ ፡ እለ ፡ አዘዙኒ ፡ እትለአክ ፡ ቅድሜሆሙ ፡ 7 ወእመ ፡ ነገርክዎሙ ፡ ጽድቀ ፡ ይቀትሉኒ ፡ እስመ ፡ ተለወት ፡ ነፍሶሙ ፡ ኀቤሆሙ ፡ ከመ ፡ ያምልክዎሙ ፡ ወይሰብሕዎሙ ።
12:8	ወነገረ ፡ ዘንተ ፡ ነገረ ፡ ለክልኤ ፡ አኃዊሁ ፡ ወተምዕዑ ፡ ላዕሌሁ ፡ ወአርመመ ።	ወነገረ ፡ ዘንተ ፡ ነገረ ፡ ለክልኤ ፡ አኃዊሁ ፡ ወተምዕዑ ፡ ላዕሌሁ ፡ ወአርመመ ።
12:9	ወበአርብዓ ፡ ኢዮቤልዉ ፡ በሱባዔ ፡ ካልእ ፡ በሳብዕ ፡ ዓመቱ ፡ ሎቱ ፡ ነሥአ ፡ ሎቱ ፡ አብራም ፡ ብእሲተ ፡ ወስማ ፡ ሶራ ፡ ወለተ ፡ አቡሁ ፡ ወኮነቶ ፡ ሎቱ ፡ ብእሲተ ።	ወበአርብዓ ፡ ኢዮቤልዉ ፡ በሱባዔ ፡ ካልእ ፡ በሳብዕ ፡ ዓመቱ ፡ ሎቱ ፡ ነሥአ ፡ ሎቱ ፡ አብራም ፡ ብእሲተ ፡ ወስማ ፡ ሶራ ፡ ወለተ ፡ አቡሁ ፡ ወኮነቶ ፡ ሎቱ ፡ ብእሲተ ።
12:10	ወአራን ፡ እኁሁ ፡ ነሥአ ፡ ሎቱ ፡ በዓመት ፡ ሣልስ ፡ ዘሱባዔ ፡ ሣልስ ፡ ወወለደት ፡ ሎቱ ፡ ወልደ ፡ በዓመት ፡ ሳብዕ ፡ ዘሱባዔ ፡ ዝንቱ ፡ ወጸውዐ ፡ ስሞ ፡ ሎጥ ።	ወአራን ፡ እኁሁ ፡ ነሥአ ፡ ሎቱ ፡ በዓመት ፡ ሣልስ ፡ ዘሱባዔ ፡ ሣልስ ፡ ወወለደት ፡ ሎቱ ፡ ወልደ ፡ በዓመት ፡ ሳብዕ ፡ ዘሱባዔ ፡ ዝንቱ ፡ ወጸውዐ ፡ ስሞ ፡ ሎጥ ።
12:11	ወናኮርኒ ፡ እኁሁ ፡ ነሥአ ፡ ሎቱ ፡ ብእሲተ ።	ወናኮርኒ ፡ እኁሁ ፡ ነሥአ ፡ ሎቱ ፡ ብእሲተ ።
12:12	ወበዓመት ፡ ዘስሳ ፡ ዘሕይወተ ፡ አብራም ፡ ውእቱ ፡ ሱባዔ ፡ ራብዕ ።	ወበዓመት ፡ ዘስሳ ፡ ዘሕይወተ ፡ አብራም ፡ ውእቱ ፡ ሱባዔ ፡ ራብዕ ።
12:13	ወተንሥኡ ፡ ሌሊተ ፡ ወፈቀዱ ፡ ያድኅኑ ፡ አማልክቲሆሙ ፡ እማእከለ ፡ እሳት ፡	ወተንሥኡ ፡ ሌሊተ ፡ ወፈቀዱ ፡ ያድኅኑ ፡ አማልክቲሆሙ ፡ እማእከለ ፡ እሳት ፡
12:14	ወሰረረ ፡ አራን ፡ ከመ ፡ ያድኅኖሙ ፡ ወነደደ ፡ እሳት ፡ ላዕሌሁ ፡ ወውዕየ ፡ በእሳት ፡ ወሞተ ፡ በኤኑር ፡ ዘከላዴዎን ፡ በቅድመ ፡ ታራ ፡ አቡሁ ፡ ወቀበርዎ ፡ በኤኑር ፡ ዘከላዴዎን ።	ወሰረረ ፡ አራን ፡ ከመ ፡ ያድኅኖሙ ፡ ወነደደ ፡ እሳት ፡ ላዕሌሁ ፡ ወውዕየ ፡ በእሳት ፡ ወሞተ ፡ በኤኑር ፡ ዘከላዴዎን ፡ በቅድመ ፡ ታራ ፡ አቡሁ ፡ ወቀበርዎ ፡ በኤኑር ፡ ዘከላዴዎን ።
12:15	ወወፅአ ፡ ታራ ፡ እምነ ፡ ኡር ፡ ዘከለዳዊያን ፡ ውእቱ ፡ ወውሉዱ ፡ ከመ ፡ ይምጽኡ ፡ ውስተ ፡ ምድረ ፡ ሊባኖስ ፡ ወውስተ ፡ ምድረ ፡ ከናአን ፡ ወኀደረ ፡ ውስተ ፡ ካራን ።	ወወፅአ ፡ ታራ ፡ እምነ ፡ ኡር ፡ ዘከለዳዊያን ፡ ውእቱ ፡ ወውሉዱ ፡ ከመ ፡ ይምጽኡ ፡ ውስተ ፡ ምድረ ፡ ሊባኖስ ፡ ወውስተ ፡ ምድረ ፡ ከናአን ፡ ወኀደረ ፡ ውስተ ፡ ካራን ።
12:16	ወበሳድስ ፡ ሱባዔ ፡ በዓመት ፡ ኃምሱ ፡ ሎቱ ፡ ነበረ ፡ አብራም ፡ በሌሊት ፡ በሠርቀ ፡ ወርኅ ፡ ሳብዕ ፡ ከመ ፡ ያበይን ፡ ከዋክብተ ፡ እምሰርክ ፡ እስከ ፡ ነግህ ፡ ከመ ፡ ይርአይ ፡ ምንተ ፡ ግብረ ፡ ዓመት ፡ በዝናማት ፡ ወሀሎ ፡ ውእቱ ፡ ባሕቲቱ ፡ ይነብር ፡ ወያቤይን ፡ 17 ወመጽአ ፡ ውስተ ፡ ልቡ ፡ ቃል ፡ ወይቤ ፡ ኵሉ ፡ ተአምረ ፡ ከዋክብት ፡ ወተአምሪሃ ፡ ለወርኅ ፡ ወለፀሐይ ፡ ኵሉ ፡ በእደ ፡ እግዚአብሔር ።	ወበሳድስ ፡ ሱባዔ ፡ በዓመት ፡ ኃምሱ ፡ ሎቱ ፡ ነበረ ፡ አብራም ፡ በሌሊት ፡ በሠርቀ ፡ ወርኅ ፡ ሳብዕ ፡ ከመ ፡ ያበይን ፡ ከዋክብተ ፡ እምሰርክ ፡ እስከ ፡ ነግህ ፡ ከመ ፡ ይርአይ ፡ ምንተ ፡ ግብረ ፡ ዓመት ፡ በዝናማት ፡ ወሀሎ ፡ ውእቱ ፡ ባሕቲቱ ፡ ይነብር ፡ ወያቤይን ፡ 17 ወመጽአ ፡ ውስተ ፡ ልቡ ፡ ቃል ፡ ወይቤ ፡ ኵሉ ፡ ተአምረ ፡ ከዋክብት ፡ ወተአምሪሃ ፡ ለወርኅ ፡ ወለፀሐይ ፡ ኵሉ ፡ በእደ ፡ እግዚአብሔር ።
12:18	ለእመ ፡ ፈቀደ ፡ ያዘንም ፡ ነግህ ፡ ወሰርክ ፡ ወእመ ፡ ፈቀደ ፡ ኢያወርድ ፡ ወኵሉ ፡ ውስተ ፡ እዴሁ ።	ለእመ ፡ ፈቀደ ፡ ያዘንም ፡ ነግህ ፡ ወሰርክ ፡ ወእመ ፡ ፈቀደ ፡ ኢያወርድ ፡ ወኵሉ ፡ ውስተ ፡ እዴሁ ።
12:19	ወጸለየ ፡ በዛቲ ፡ ሌሊት ፡ ወይቤ ፡ አምላኪየ ፡ አምላኪየ ፡ አምላክ ፡ ልዑል ፡ አንተ ፡ ባሕቲትከ ፡ ሊተ ፡ አምላክ ፡ ወአንተ ፡ ኵሎ ፡ ፈጠርከ ፡ ወግብረ ፡ እደዊከ ፡ ኵሉ ፡ ኮነ ፡ ወሀለወ ፡ ወኪያከ ፡ ወመለኮትከ ፡ ኀረይኩ ።	ወጸለየ ፡ በዛቲ ፡ ሌሊት ፡ ወይቤ ፡ አምላኪየ ፡ አምላኪየ ፡ አምላክ ፡ ልዑል ፡ አንተ ፡ ባሕቲትከ ፡ ሊተ ፡ አምላክ ፡ ወአንተ ፡ ኵሎ ፡ ፈጠርከ ፡ ወግብረ ፡ እደዊከ ፡ ኵሉ ፡ ኮነ ፡ ወሀለወ ፡ ወኪያከ ፡ ወመለኮትከ ፡ ኀረይኩ ።
12:20	አድኅነኒ ፡ እምእደ ፡ መናፍስት ፡ እኩያን ፡ እለ ፡ ይሴለጡ ፡ ውስተ ፡ ኅሊና ፡ ልበ ፡ ሰብእ ፡ ወኢያስሕቱኑ ፡ እምድኅሬከ ፡ አምላኪየ ፡ ወትረስየኒ ፡ ኪያየ ፡ ወዘርእየ ፡ አንተ ፡ ለዓለም ።	አድኅነኒ ፡ እምእደ ፡ መናፍስት ፡ እኩያን ፡ እለ ፡ ይሴለጡ ፡ ውስተ ፡ ኅሊና ፡ ልበ ፡ ሰብእ ፡ ወኢያስሕቱኑ ፡ እምድኅሬከ ፡ አምላኪየ ፡ ወትረስየኒ ፡ ኪያየ ፡ ወዘርእየ ፡ አንተ ፡ ለዓለም ።
12:21	ወይቤ ፡ እመ ፡ እገብእሁ ፡ ውስተ ፡ ኡር ፡ ዘከለዳዊያን ፡ እለ ፡ እሙንቱ ፡ የኀሥሡ ፡ ገጽየ ፡ ከመ ፡ እግባእ ፡ ኀቤሆሙ ፡ ወሚመ ፡ እንበር ፡ ዝየ ፡ በዝ ፡ መካን ፡ ፍኖተ ፡ ርቱዐ ፡ ቅድሜከ ፡ ኪያሃ ፡ ሰርሕ ፡ በእደ ፡ ገብርከ ፡ ይግበር ፡ ወኢይሖር ፡ በስሕተተ ፡ ልብየ ፡ አምላኪየ ።	ወይቤ ፡ እመ ፡ እገብእሁ ፡ ውስተ ፡ ኡር ፡ ዘከለዳዊያን ፡ እለ ፡ እሙንቱ ፡ የኀሥሡ ፡ ገጽየ ፡ ከመ ፡ እግባእ ፡ ኀቤሆሙ ፡ ወሚመ ፡ እንበር ፡ ዝየ ፡ በዝ ፡ መካን ፡ ፍኖተ ፡ ርቱዐ ፡ ቅድሜከ ፡ ኪያሃ ፡ ሰርሕ ፡ በእደ ፡ ገብርከ ፡ ይግበር ፡ ወኢይሖር ፡ በስሕተተ ፡ ልብየ ፡ አምላኪየ ።
12:22	ወውእቱ ፡ ሶበ ፡ ፈጸመ ፡ ተናግሮ ፡ ወጸዕዮ ።	ወውእቱ ፡ ሶበ ፡ ፈጸመ ፡ ተናግሮ ፡ ወጸዕዮ ።
12:23	ወእባርከከ ፡ ወአዐቢ ፡ ስመከ ፡ ወትከውን ፡ ቡሩከ ፡ ውስተ ፡ ምድር ።	ወእባርከከ ፡ ወአዐቢ ፡ ስመከ ፡ ወትከውን ፡ ቡሩከ ፡ ውስተ ፡ ምድር ።
12:24	ወእከውነከ ፡ ለከ ፡ ወለወልድከ ፡ ወለወልደ ፡ ወልድከ ፡ ወለኵሉ ፡ ዘርእከ ፡ አምላከ ፡ ኢትፍራህ ፡ እምይእዜ ፡ ወእስከ ፡ ኵሉ ፡ ትዝምደ ፡ ምድር ፡ አነ ፡ አምላክከ ።	ወእከውነከ ፡ ለከ ፡ ወለወልድከ ፡ ወለወልደ ፡ ወልድከ ፡ ወለኵሉ ፡ ዘርእከ ፡ አምላከ ፡ ኢትፍራህ ፡ እምይእዜ ፡ ወእስከ ፡ ኵሉ ፡ ትዝምደ ፡ ምድር ፡ አነ ፡ አምላክከ ።
12:25	ወይቤለኒ ፡ እግዚአብሔር ፡ አምላክ ፡ ፍታሕ ፡ አፉሁ ፡ ወእዘኒሁ ፡ ይስማዕ ፡ ወይንብብ ፡ በልሳኑ ፡ በልሳን ፡ እንተ ፡ ታስተርኢ ፡ እስመ ፡ አዕረፈ ፡ እምአፈ ፡ ኵሉ ፡ ውሉደ ፡ ሰብእ ፡ እምዕለተ ፡ ድቀት ፡ 26 ወፈታሕኩ ፡ አፉሁ ፡ ወእዘኒሁ ፡ ወከናፍሪሁ ፡ ወአኀዝኩ ፡ እትናገር ፡ ምስሌሁ ፡ ዕብራይስጥ ፡ በልሳነ ፡ ፍጥረት ።	ወይቤለኒ ፡ እግዚአብሔር ፡ አምላክ ፡ ፍታሕ ፡ አፉሁ ፡ ወእዘኒሁ ፡ ይስማዕ ፡ ወይንብብ ፡ በልሳኑ ፡ በልሳን ፡ እንተ ፡ ታስተርኢ ፡ እስመ ፡ አዕረፈ ፡ እምአፈ ፡ ኵሉ ፡ ውሉደ ፡ ሰብእ ፡ እምዕለተ ፡ ድቀት ፡ 26 ወፈታሕኩ ፡ አፉሁ ፡ ወእዘኒሁ ፡ ወከናፍሪሁ ፡ ወአኀዝኩ ፡ እትናገር ፡ ምስሌሁ ፡ ዕብራይስጥ ፡ በልሳነ ፡ ፍጥረት ።
12:27	ወነሥአ ፡ መጻሕፍተ ፡ አበዊሁ ፡ ወጽሑፋት ፡ እማንቱ ፡ ዕብራይስጥ ፡ ወደገሞን ፡ ወአኀዘ ፡ ይትመሀሮን ፡ እምአሜሃ ፡ ወአነ ፡ አየድዖ ፡ ኵሎ ፡ ዘይሰአኖ ።	ወነሥአ ፡ መጻሕፍተ ፡ አበዊሁ ፡ ወጽሑፋት ፡ እማንቱ ፡ ዕብራይስጥ ፡ ወደገሞን ፡ ወአኀዘ ፡ ይትመሀሮን ፡ እምአሜሃ ፡ ወአነ ፡ አየድዖ ፡ ኵሎ ፡ ዘይሰአኖ ።
12:28	በዓመት ፡ ሳብዕ ፡ ዘሱባዔ ፡ ሳድስ ፡ ወተናገረ ፡ ምስለ ፡ አቡሁ ፡ ወአይድዖ ፡ ከመ ፡ የሐውር ፡ ውእቱ ፡ እምካራን ፡ ለሐዊረ ፡ ምድረ ፡ ከናአን ፡ ይርአያ ፡ ወይግባእ ፡ ኀቤሁ ፡	በዓመት ፡ ሳብዕ ፡ ዘሱባዔ ፡ ሳድስ ፡ ወተናገረ ፡ ምስለ ፡ አቡሁ ፡ ወአይድዖ ፡ ከመ ፡ የሐውር ፡ ውእቱ ፡ እምካራን ፡ ለሐዊረ ፡ ምድረ ፡ ከናአን ፡ ይርአያ ፡ ወይግባእ ፡ ኀቤሁ ፡
12:29	ወይቤሎ ፡ ታራ ፡ አቡሁ ፡ ሖር ፡ በሰላም ፡ አምላከ ፡ ዓለም ፡ ያርትዕ ፡ ፍኖተከ ፡ ወእግዚአብሔር ፡ ምስሌከ ፡ ወይትማኅፀንከ ፡ እምኩሉ ፡ እኩይ ።	ወይቤሎ ፡ ታራ ፡ አቡሁ ፡ ሖር ፡ በሰላም ፡ አምላከ ፡ ዓለም ፡ ያርትዕ ፡ ፍኖተከ ፡ ወእግዚአብሔር ፡ ምስሌከ ፡ ወይትማኅፀንከ ፡ እምኩሉ ፡ እኩይ ።
12:30	ወእመ ፡ ርኢከ ፡ ምድረ ፡ አዳም ፡ ለአዕይንቲከ ፡ ለኀዲር ፡ ውስቴታ ፡ ነዓ ፡ ወንሥአኒ ፡ ኀቤከ ፡ ወንሥኦ ፡ ለሎጥ ፡ ምስሌከ ፡ ወልደ ፡ አራን ፡ እኁከ ፡ ለከ ፡ ለወልድ ፡ እግዚአብሔር ፡ ምስሌከ ፡ 31 ወናኮርሃ ፡ እኅዋከ ፡ ኅድግ ፡ ኀቤየ ፡ እስከ ፡ ትገብእ ፡ በሰላም ፡ ወነሐውር ፡ ኵልነ ፡ ኅቡረ ፡ ምስሌከ ።	ወእመ ፡ ርኢከ ፡ ምድረ ፡ አዳም ፡ ለአዕይንቲከ ፡ ለኀዲር ፡ ውስቴታ ፡ ነዓ ፡ ወንሥአኒ ፡ ኀቤከ ፡ ወንሥኦ ፡ ለሎጥ ፡ ምስሌከ ፡ ወልደ ፡ አራን ፡ እኁከ ፡ ለከ ፡ ለወልድ ፡ እግዚአብሔር ፡ ምስሌከ ፡ 31 ወናኮርሃ ፡ እኅዋከ ፡ ኅድግ ፡ ኀቤየ ፡ እስከ ፡ ትገብእ ፡ በሰላም ፡ ወነሐውር ፡ ኵልነ ፡ ኅቡረ ፡ ምስሌከ ።