Jubilees

Jubilees 13 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
13:1	ወሖረ ፡ አብራም ፡ እምካራን ፡ ወነሥአ ፡ ሶራይሃ ፡ ብእሲቶ ።	ወሖረ ፡ አብራም ፡ እምካራን ፡ ወነሥአ ፡ ሶራይሃ ፡ ብእሲቶ ።
13:2	ወርእየ ፡ ወናሁ ፡ ምድር ፡ አዳም ፡ ጥቀ ፡ እምብዋአ ፡ ኤማት ፡ እስከ ፡ ኀበ ፡ ድርስ ፡ ነዋኅ ።	ወርእየ ፡ ወናሁ ፡ ምድር ፡ አዳም ፡ ጥቀ ፡ እምብዋአ ፡ ኤማት ፡ እስከ ፡ ኀበ ፡ ድርስ ፡ ነዋኅ ።
13:3	ወይቤሎ ፡ እግዚአብሔር ፡ ለከ ፡ ወለዘርእከ ፡ እሁብ ፡ ዛተ ፡ ምድረ ፡ 4 ወሐነጸ ፡ በህየ ፡ ምሥዋዐ ፡ ወአዕረገ ፡ ዲቤሁ ፡ ጽንሐሐ ፡ ለእግዚአብሔር ፡ ዘአስተርአዮ ።	ወይቤሎ ፡ እግዚአብሔር ፡ ለከ ፡ ወለዘርእከ ፡ እሁብ ፡ ዛተ ፡ ምድረ ፡ 4 ወሐነጸ ፡ በህየ ፡ ምሥዋዐ ፡ ወአዕረገ ፡ ዲቤሁ ፡ ጽንሐሐ ፡ ለእግዚአብሔር ፡ ዘአስተርአዮ ።
13:5	ወአንሥአ ፡ እምህየ ፡ ውስተ ፡ ደብረ ፡ ቤቴል ፡ ዘመንገለ ፡ ባሕር ፡ ወአጌ ፡ መንገለ ፡ ጽባሕ ፡ ወተከለ ፡ ደብተራሁ ፡ ህየ ።	ወአንሥአ ፡ እምህየ ፡ ውስተ ፡ ደብረ ፡ ቤቴል ፡ ዘመንገለ ፡ ባሕር ፡ ወአጌ ፡ መንገለ ፡ ጽባሕ ፡ ወተከለ ፡ ደብተራሁ ፡ ህየ ።
13:6	ወርእየ ፡ ወናሁ ፡ ምድር ፡ ጽፍሕት ፡ ወኄርት ፡ ጥቀ ፡ ወኵሉ ፡ ይሠርፅ ፡ ላዕሌሃ ፡ አውያን ፡ ወበለስ ፡ ወሮማን ፡ ዕፅ ፡ ባላን ፡ ወድርስ ፡ ወጤሬቤንቶስ ፡ ወዕፀወ ፡ ዘይት ፡ ወቄድሮስ ፡ ወቄጲሪሶስ ፡ ወሊባኖስ ፡ ወኵሉ ፡ ዕፀወ ፡ ገዳም ፡ ወማይ ፡ ዲበ ፡ አድባር ።	ወርእየ ፡ ወናሁ ፡ ምድር ፡ ጽፍሕት ፡ ወኄርት ፡ ጥቀ ፡ ወኵሉ ፡ ይሠርፅ ፡ ላዕሌሃ ፡ አውያን ፡ ወበለስ ፡ ወሮማን ፡ ዕፅ ፡ ባላን ፡ ወድርስ ፡ ወጤሬቤንቶስ ፡ ወዕፀወ ፡ ዘይት ፡ ወቄድሮስ ፡ ወቄጲሪሶስ ፡ ወሊባኖስ ፡ ወኵሉ ፡ ዕፀወ ፡ ገዳም ፡ ወማይ ፡ ዲበ ፡ አድባር ።
13:7	ወባረኮ ፡ ለእግዚአብሔር ፡ ዘአውፅኦ ፡ እምነ ፡ ኡር ፡ ዘከለዳዊያን ፡ ወአምጽኦ ፡ ውስተዝ ፡ ደብር ።	ወባረኮ ፡ ለእግዚአብሔር ፡ ዘአውፅኦ ፡ እምነ ፡ ኡር ፡ ዘከለዳዊያን ፡ ወአምጽኦ ፡ ውስተዝ ፡ ደብር ።
13:8	ወኮነ ፡ በአሐዱ ፡ ዓመት ፡ በሱባዔ ፡ ሳብዕ ፡ በሠርቀ ፡ ወርኅ ፡ በዘ ፡ ቀዳሚ ፡ ሐነጸ ፡ ምሥዋዐ ፡ በዝ ፡ ደብር ፡ ወጸውዖ ፡ በስመ ፡ እግዚአብሔር ፡ አንተ ፡ አምላኪየ ፡ አምላከ ፡ ዘለዓለም ።	ወኮነ ፡ በአሐዱ ፡ ዓመት ፡ በሱባዔ ፡ ሳብዕ ፡ በሠርቀ ፡ ወርኅ ፡ በዘ ፡ ቀዳሚ ፡ ሐነጸ ፡ ምሥዋዐ ፡ በዝ ፡ ደብር ፡ ወጸውዖ ፡ በስመ ፡ እግዚአብሔር ፡ አንተ ፡ አምላኪየ ፡ አምላከ ፡ ዘለዓለም ።
13:9	ወአዕረገ ፡ ዲበ ፡ ምሥዋዕ ፡ ጽንሐሐ ፡ ለእግዚአብሔር ፡ ከመ ፡ የሀሉ ፡ ምስሌሁ ፡ ወኢይኅድጎ ፡ ኵሎ ፡ መዋዕለ ፡ ሕይወቱ ።	ወአዕረገ ፡ ዲበ ፡ ምሥዋዕ ፡ ጽንሐሐ ፡ ለእግዚአብሔር ፡ ከመ ፡ የሀሉ ፡ ምስሌሁ ፡ ወኢይኅድጎ ፡ ኵሎ ፡ መዋዕለ ፡ ሕይወቱ ።
13:10	ወአንሥአ ፡ እምህየ ፡ ወሖረ ፡ መንገለ ፡ ደቡብ ፡ ወበጽሐ ፡ እስከ ፡ ኬብሮን ፡ ወኬብሮን ፡ አሜሃ ፡ ተሐንጸት ፡ ወነበረ ፡ ህየ ፡ ዓመተ ፡ ክልኤተ ፡ ወሖረ ፡ ውስተ ፡ ምድረ ፡ ደቡብ ፡ እስከ ፡ ቦአ ፡ ሎጥ ።	ወአንሥአ ፡ እምህየ ፡ ወሖረ ፡ መንገለ ፡ ደቡብ ፡ ወበጽሐ ፡ እስከ ፡ ኬብሮን ፡ ወኬብሮን ፡ አሜሃ ፡ ተሐንጸት ፡ ወነበረ ፡ ህየ ፡ ዓመተ ፡ ክልኤተ ፡ ወሖረ ፡ ውስተ ፡ ምድረ ፡ ደቡብ ፡ እስከ ፡ ቦአ ፡ ሎጥ ።
13:11	ወሖረ ፡ አብራም ፡ ግብጽ ፡ በሣልስ ፡ ዓመት ፡ ዘሱባዔ ፡ ወኀደረ ፡ ውስተ ፡ ግብጽ ፡ ኀምስተ ፡ ዓመተ ፡ ዘእንበለ ፡ ትትሀየድ ፡ ብእሲቱ ።	ወሖረ ፡ አብራም ፡ ግብጽ ፡ በሣልስ ፡ ዓመት ፡ ዘሱባዔ ፡ ወኀደረ ፡ ውስተ ፡ ግብጽ ፡ ኀምስተ ፡ ዓመተ ፡ ዘእንበለ ፡ ትትሀየድ ፡ ብእሲቱ ።
13:12	ወጠናይስ ፡ ዘግብጽ ፡ አሜሃ ፡ ተሐብጸት ፡ በሰብዓቱ ፡ ክረምት ፡ እምድኅረ ፡ ኬብሮን ።	ወጠናይስ ፡ ዘግብጽ ፡ አሜሃ ፡ ተሐብጸት ፡ በሰብዓቱ ፡ ክረምት ፡ እምድኅረ ፡ ኬብሮን ።
13:13	ወኮነ ፡ አመ ፡ ሄዶ ፡ ፈርዖን ፡ ሶራይ ፡ ብእሲቶ ፡ ለአብራም ፡ ቀሠፈ ፡ እግዚአብሔር ፡ ፈርዖንሃ ፡ ወቤቶ ፡ በመቅሠፍት ፡ ዐቢይ ፡ በእንተ ፡ ሶራይ ፡ ብእሲቱ ፡ ለአብራም ።	ወኮነ ፡ አመ ፡ ሄዶ ፡ ፈርዖን ፡ ሶራይ ፡ ብእሲቶ ፡ ለአብራም ፡ ቀሠፈ ፡ እግዚአብሔር ፡ ፈርዖንሃ ፡ ወቤቶ ፡ በመቅሠፍት ፡ ዐቢይ ፡ በእንተ ፡ ሶራይ ፡ ብእሲቱ ፡ ለአብራም ።
13:14	ወአብራም ፡ ክቡር ፡ በጥሪት ፡ ጥቀ ፡ በአባግዕ ፡ ወበአልህምት ፡ ወበአእዱግ ፡ ወበአፍራስ ፡ ወበአግማል ፡ ወበአግብርት ፡ ወበአእማት ፡ ወበብሩር ፡ ወበወርቅ ፡ ፈድፋደ ።	ወአብራም ፡ ክቡር ፡ በጥሪት ፡ ጥቀ ፡ በአባግዕ ፡ ወበአልህምት ፡ ወበአእዱግ ፡ ወበአፍራስ ፡ ወበአግማል ፡ ወበአግብርት ፡ ወበአእማት ፡ ወበብሩር ፡ ወበወርቅ ፡ ፈድፋደ ።
13:15	ወአግብአ ፡ ፈርዖን ፡ ሶራይሃ ፡ ብእሲተ ፡ አብራም ፡ ወአፍለሶ ፡ እምድረ ፡ ግብጽ ፡ ወሖረ ፡ ውስተ ፡ መካን ፡ ኀበ ፡ ተከለ ፡ ደብተራሁ ፡ እንተ ፡ ቀዲሙ ፡ ውስተ ፡ መካነ ፡ ምሥዋዐ ፡ አጌ ፡ እምጽባሐ ፡ ቤቴል ፡ ወባሕር ፡ ወባሪኮ ፡ ለእግዚአብሔር ፡ አምላኩ ፡ ዘሜጦ ፡ በሰላም ።	ወአግብአ ፡ ፈርዖን ፡ ሶራይሃ ፡ ብእሲተ ፡ አብራም ፡ ወአፍለሶ ፡ እምድረ ፡ ግብጽ ፡ ወሖረ ፡ ውስተ ፡ መካን ፡ ኀበ ፡ ተከለ ፡ ደብተራሁ ፡ እንተ ፡ ቀዲሙ ፡ ውስተ ፡ መካነ ፡ ምሥዋዐ ፡ አጌ ፡ እምጽባሐ ፡ ቤቴል ፡ ወባሕር ፡ ወባሪኮ ፡ ለእግዚአብሔር ፡ አምላኩ ፡ ዘሜጦ ፡ በሰላም ።
13:16	ወኮነ ፡ በዝ ፡ አርብዓ ፡ ወአሐዱ ፡ ኢዮቤልዎን ፡ በሣልስ ፡ ዓም ፡ ዘሱባዔ ፡ ቀዳሚ ፡ ገብአ ፡ ውስተ ፡ ዝመካን ፡ ወአዕረገ ፡ በዲቤሁ ፡ ጽንሐሐ ፡ ወጸውዐ ፡ በስመ ፡ እግዚአብሔር ፡ አምላክ ፡ ልዑል ፡ አምላኪየ ፡ ለዓለመ ፡ ዓለም ።	ወኮነ ፡ በዝ ፡ አርብዓ ፡ ወአሐዱ ፡ ኢዮቤልዎን ፡ በሣልስ ፡ ዓም ፡ ዘሱባዔ ፡ ቀዳሚ ፡ ገብአ ፡ ውስተ ፡ ዝመካን ፡ ወአዕረገ ፡ በዲቤሁ ፡ ጽንሐሐ ፡ ወጸውዐ ፡ በስመ ፡ እግዚአብሔር ፡ አምላክ ፡ ልዑል ፡ አምላኪየ ፡ ለዓለመ ፡ ዓለም ።
13:17	ወበራብዕ ፡ ዓመት ፡ ዘዝ ፡ ሱባዔ ፡ ተፈልጠ ፡ ሎጥ ፡ እምኔሁ ፡ ወኀደረ ፡ ሎጥ ፡ ውስተ ፡ ሰዶም ፡ ወሰብአ ፡ ሰዶም ፡ ኃጥኣን ፡ ጥቀ ።	ወበራብዕ ፡ ዓመት ፡ ዘዝ ፡ ሱባዔ ፡ ተፈልጠ ፡ ሎጥ ፡ እምኔሁ ፡ ወኀደረ ፡ ሎጥ ፡ ውስተ ፡ ሰዶም ፡ ወሰብአ ፡ ሰዶም ፡ ኃጥኣን ፡ ጥቀ ።
13:18	ወአከዮ ፡ በልቡ ፡ እስመ ፡ ተፈልጠ ፡ ወልደ ፡ እኁሁ ፡ እምኔሁ ፡ እስመ ፡ አልቦ ፡ ውሉደ ፡ 19 በውእቱ ፡ ዓመት ፡ አመ ፡ ተፄወወ ፡ ሎጥ ።	ወአከዮ ፡ በልቡ ፡ እስመ ፡ ተፈልጠ ፡ ወልደ ፡ እኁሁ ፡ እምኔሁ ፡ እስመ ፡ አልቦ ፡ ውሉደ ፡ 19 በውእቱ ፡ ዓመት ፡ አመ ፡ ተፄወወ ፡ ሎጥ ።
13:20	እስመ ፡ ኵላ ፡ ምድረ ፡ እንተ ፡ ትሬኢ ፡ ለከ ፡ ወለዘርእከ ፡ እመሁባ ፡ እስከ ፡ ለዓለም ።	እስመ ፡ ኵላ ፡ ምድረ ፡ እንተ ፡ ትሬኢ ፡ ለከ ፡ ወለዘርእከ ፡ እመሁባ ፡ እስከ ፡ ለዓለም ።
13:21	ተንሥእ ፡ ወአንሶሱ ፡ ውስተ ፡ ኑኃ ፡ ወርሕባ ፡ ወርኢ ፡ ኵሎ ፡ እስመ ፡ ለዘርእከ ፡ እሁባ ።	ተንሥእ ፡ ወአንሶሱ ፡ ውስተ ፡ ኑኃ ፡ ወርሕባ ፡ ወርኢ ፡ ኵሎ ፡ እስመ ፡ ለዘርእከ ፡ እሁባ ።
13:22	ወበዝ ፡ ዓመት ፡ መጽአ ፡ ከደለጎሞር ፡ ንጉሠ ፡ ኤላም ፡ አመርፋል ፡ ንጉሠ ፡ ሲናአር ፡ ወአሪአክ ፡ ንጉሠ ፡ ሴለሳር ፡ ወቴርጋል ፡ ንጉሠ ፡ አሕዛብ ፡ ወቀተልዎ ፡ ለንጉሠ ፡ ጎሞር ፡ ወጐየ ፡ ንጉሠ ፡ ሰዶም ።	ወበዝ ፡ ዓመት ፡ መጽአ ፡ ከደለጎሞር ፡ ንጉሠ ፡ ኤላም ፡ አመርፋል ፡ ንጉሠ ፡ ሲናአር ፡ ወአሪአክ ፡ ንጉሠ ፡ ሴለሳር ፡ ወቴርጋል ፡ ንጉሠ ፡ አሕዛብ ፡ ወቀተልዎ ፡ ለንጉሠ ፡ ጎሞር ፡ ወጐየ ፡ ንጉሠ ፡ ሰዶም ።
13:23	ወፄወዉ ፡ ሰዶምሃ ፡ ወአዳማሃ ፡ ወሴቦኤም ፡ ወፄወውዎ ፡ ለሎጥኒ ፡ ወልደ ፡ እኁሁ ፡ ለአብራም ፡ ሰኵሎ ፡ ጥሪቶ ፡ ወሖረ ፡ እስከ ፡ ዳን ።	ወፄወዉ ፡ ሰዶምሃ ፡ ወአዳማሃ ፡ ወሴቦኤም ፡ ወፄወውዎ ፡ ለሎጥኒ ፡ ወልደ ፡ እኁሁ ፡ ለአብራም ፡ ሰኵሎ ፡ ጥሪቶ ፡ ወሖረ ፡ እስከ ፡ ዳን ።
13:24	ወመጽአ ፡ ዘድኅነ ፡ ወነገሮ ፡ ለአብራም ፡ ከመ ፡ ተፄወወ ፡ ወልደ ፡ እኁሁ ።	ወመጽአ ፡ ዘድኅነ ፡ ወነገሮ ፡ ለአብራም ፡ ከመ ፡ ተፄወወ ፡ ወልደ ፡ እኁሁ ።
13:25	ወአስተረሰየ ፡ ልደ ፡ ቤቱ ፡ [ወሖረ ፡ አብራም ፡ ወቀተሎ ፡ ለከደለጎሞር ፡ ወየመይጠ ፡ ወዐሠረ ፡ ዐሥራተ ፡ እምኵሉ ፡ ወወሀቦ ፡ ለመልከ ፡ ጼዴቅ ።	ወአስተረሰየ ፡ ልደ ፡ ቤቱ ፡ [ወሖረ ፡ አብራም ፡ ወቀተሎ ፡ ለከደለጎሞር ፡ ወየመይጠ ፡ ወዐሠረ ፡ ዐሥራተ ፡ እምኵሉ ፡ ወወሀቦ ፡ ለመልከ ፡ ጼዴቅ ።
13:26	ወአልቦ ፡ ለዝ ፡ ሕግ ፡ ወሰነ ፡ መዋዕል ፡ እስመ ፡ ትውልድ ፡ ዘለዓለም ፡ ሠርዖ ፡ ከመ ፡ የሀቡ ፡ ዓሥራተ ፡ እምኵሉ ፡ ለእግዚአብሔር ፡ እምዘርእ ፡ ወእምወይን ፡ ወእምቅብእ ፡ ወእምአልህምት ፡ ወእምአባግዕ ፡ 27 ወውእቱ ፡ ወሀበ ፡ ለካህናቲሁ ፡ ለበሊዕ ፡ ወለሰቲይ ፡ በፍሥሓ ፡ በቅድሜሁ ።	ወአልቦ ፡ ለዝ ፡ ሕግ ፡ ወሰነ ፡ መዋዕል ፡ እስመ ፡ ትውልድ ፡ ዘለዓለም ፡ ሠርዖ ፡ ከመ ፡ የሀቡ ፡ ዓሥራተ ፡ እምኵሉ ፡ ለእግዚአብሔር ፡ እምዘርእ ፡ ወእምወይን ፡ ወእምቅብእ ፡ ወእምአልህምት ፡ ወእምአባግዕ ፡ 27 ወውእቱ ፡ ወሀበ ፡ ለካህናቲሁ ፡ ለበሊዕ ፡ ወለሰቲይ ፡ በፍሥሓ ፡ በቅድሜሁ ።
13:28	ወበጽሐ ፡ ኀቤሁ ፡ ንጉሠ ፡ ሰዶም ፡ ወሰገደ ፡ ቅድሜሁ ፡ ወይቤ ፡ እግዚእነ ፡ አብራም ፡ ጸግወነ ፡ ነፍሰ ፡ እለ ፡ ባለሕከ ፡ ወምህርካሁሰ ፡ ይኩንከ ።	ወበጽሐ ፡ ኀቤሁ ፡ ንጉሠ ፡ ሰዶም ፡ ወሰገደ ፡ ቅድሜሁ ፡ ወይቤ ፡ እግዚእነ ፡ አብራም ፡ ጸግወነ ፡ ነፍሰ ፡ እለ ፡ ባለሕከ ፡ ወምህርካሁሰ ፡ ይኩንከ ።
13:29	ወይቤሎ ፡ አብራም ፡ ሎቱ ፡ አነሥእ ፡ እደዊየ ፡ ኀበ ፡ አምላክ ፡ ልዑል ፡ እምፈትል ፡ እስከ ፡ ቶታነ ፡ አሣእን ፡ እመ ፡ እነሥእ ፡ እምኵሉ ፡ ዘዚአከ ፡ ከመ ፡ ኢትኩን ፡ በሃሌ ፡ አነ ፡ አብዐልክዎ ፡ ለአብራም ።	ወይቤሎ ፡ አብራም ፡ ሎቱ ፡ አነሥእ ፡ እደዊየ ፡ ኀበ ፡ አምላክ ፡ ልዑል ፡ እምፈትል ፡ እስከ ፡ ቶታነ ፡ አሣእን ፡ እመ ፡ እነሥእ ፡ እምኵሉ ፡ ዘዚአከ ፡ ከመ ፡ ኢትኩን ፡ በሃሌ ፡ አነ ፡ አብዐልክዎ ፡ ለአብራም ።