Jubilees

Jubilees 18 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
18:1	ወይቤሎ ፡ እግዚአብሔር ፡ አብርሃም ፡ አብርሃም ፡ ወይቤ ፡ ነየ ፡ አነ ፡ 2 ወይቤሎ ፡ ንሥእ ፡ ወልደከ ፡ ፍቁረከ ፡ ዘታፈቅር ፡ ይስሐቅሃ ፡ ወሖር ፡ ውስተ ፡ ምደር ፡ ልዕልት ፡ ወአዕርጎ ፡ ውስተ ፡ አሐዱ ፡ እምአድባር ፡ ዘአነ ፡ አየድዐከ ፡ 3 ወአሌለየ ፡ በነገህ ፡ ወጸዐነ ፡ አድግቶ ፡ ወክልኤተ ፡ ደቆ ፡ ነሥአ ፡ ምስሌሁ ፡ ወይስሐቅሃ ፡ ወልዶ ፡ ወዕፀወ ፡ መሥዋዕት ፡ ሠፀረ ፡ ወሖረ ፡ ወስተ ፡ መካን ፡ በሠሉስ ፡ ዕለት ።	ወይቤሎ ፡ እግዚአብሔር ፡ አብርሃም ፡ አብርሃም ፡ ወይቤ ፡ ነየ ፡ አነ ፡ 2 ወይቤሎ ፡ ንሥእ ፡ ወልደከ ፡ ፍቁረከ ፡ ዘታፈቅር ፡ ይስሐቅሃ ፡ ወሖር ፡ ውስተ ፡ ምደር ፡ ልዕልት ፡ ወአዕርጎ ፡ ውስተ ፡ አሐዱ ፡ እምአድባር ፡ ዘአነ ፡ አየድዐከ ፡ 3 ወአሌለየ ፡ በነገህ ፡ ወጸዐነ ፡ አድግቶ ፡ ወክልኤተ ፡ ደቆ ፡ ነሥአ ፡ ምስሌሁ ፡ ወይስሐቅሃ ፡ ወልዶ ፡ ወዕፀወ ፡ መሥዋዕት ፡ ሠፀረ ፡ ወሖረ ፡ ወስተ ፡ መካን ፡ በሠሉስ ፡ ዕለት ።
18:4	ወበጽሐ ፡ እስከ ፡ ዐዘቅተ ፡ ማይ ፡ ወይቤ ፡ ለደቁ ፡ ንበሩ ፡ ዝየ ፡ ምስለ ፡ አድግት ፡ ወአነ ፡ ወሕፃን ፡ ነሐውር ፡ ወሰጊደነ ፡ ንገብእ ፡ ኀቤክሙ ።	ወበጽሐ ፡ እስከ ፡ ዐዘቅተ ፡ ማይ ፡ ወይቤ ፡ ለደቁ ፡ ንበሩ ፡ ዝየ ፡ ምስለ ፡ አድግት ፡ ወአነ ፡ ወሕፃን ፡ ነሐውር ፡ ወሰጊደነ ፡ ንገብእ ፡ ኀቤክሙ ።
18:5	ወነሥአ ፡ ዕፀ ፡ መሥዋዕት ፡ ወአስከሞ ፡ ለይስሐቅ ፡ ወልዱ ፡ ወነሥአ ፡ በእዴሁ ፡ እሳተ ፡ ወመጥባሕተ ።	ወነሥአ ፡ ዕፀ ፡ መሥዋዕት ፡ ወአስከሞ ፡ ለይስሐቅ ፡ ወልዱ ፡ ወነሥአ ፡ በእዴሁ ፡ እሳተ ፡ ወመጥባሕተ ።
18:6	ወይቤ ፡ ይስሐቅ ፡ ለአቡሁ ፡ አባ ።	ወይቤ ፡ ይስሐቅ ፡ ለአቡሁ ፡ አባ ።
18:7	ወይቤ ፡ እግዚአብሔር ፡ ያሬኢ ፡ ሎቱ ፡ በግዐ ፡ ለጽንሓሕ ፡ ወልድየ ።	ወይቤ ፡ እግዚአብሔር ፡ ያሬኢ ፡ ሎቱ ፡ በግዐ ፡ ለጽንሓሕ ፡ ወልድየ ።
18:8	ወሐነጸ ፡ ምሥዋዐ ፡ ወአንበረ ፡ ዕፀወ ፡ ዲበ ፡ መሥዋዕት ፡ ወአሰረ ፡ ይስሐቅሃ ፡ ወልዶ ፡ ወአንበሮ ፡ ዲበ ፡ ዕፀው ፡ ዘመልዕልተ ፡ ምሥዋዕ ፡ ወሰፍሐ ፡ እዴሁ ፡ ይንሥእ ፡ መጥባሕተ ፡ ከመ ፡ ይዝብሖ ፡ ለይስሐቅ ፡ ወልዱ ።	ወሐነጸ ፡ ምሥዋዐ ፡ ወአንበረ ፡ ዕፀወ ፡ ዲበ ፡ መሥዋዕት ፡ ወአሰረ ፡ ይስሐቅሃ ፡ ወልዶ ፡ ወአንበሮ ፡ ዲበ ፡ ዕፀው ፡ ዘመልዕልተ ፡ ምሥዋዕ ፡ ወሰፍሐ ፡ እዴሁ ፡ ይንሥእ ፡ መጥባሕተ ፡ ከመ ፡ ይዝብሖ ፡ ለይስሐቅ ፡ ወልዱ ።
18:9	ወአነ ፡ ቆምኩ ፡ ቅድሜሁ ፡ ወቅድመ ፡ መኰንነ ፡ መስቴማ ፡ ወይቤ ፡ እግዚአብሔር ፡ በሎ ፡ ኢያውርድ ፡ እዴሁ ፡ ላዕለ ፡ ሕፃን ፡ ወኢይግበር ፡ ምንተኒ ፡ ላዕሌሁ ፡ እስመ ፡ አእመርኩ ፡ ከመ ፡ ፈራሄ ፡ እግዚአብሔር ፡ ውእቱ ።	ወአነ ፡ ቆምኩ ፡ ቅድሜሁ ፡ ወቅድመ ፡ መኰንነ ፡ መስቴማ ፡ ወይቤ ፡ እግዚአብሔር ፡ በሎ ፡ ኢያውርድ ፡ እዴሁ ፡ ላዕለ ፡ ሕፃን ፡ ወኢይግበር ፡ ምንተኒ ፡ ላዕሌሁ ፡ እስመ ፡ አእመርኩ ፡ ከመ ፡ ፈራሄ ፡ እግዚአብሔር ፡ ውእቱ ።
18:10	ጸዋዕክዎ ፡ እምሰማይ ፡ ወእቤሎ ፡ አብርሃም ፡ ወደንገፀ ፡ ወይቤ ፡ ነየ ፡ አነ ።	ጸዋዕክዎ ፡ እምሰማይ ፡ ወእቤሎ ፡ አብርሃም ፡ ወደንገፀ ፡ ወይቤ ፡ ነየ ፡ አነ ።
18:11	ወእቤሎ ፡ ኢትፈኑ ፡ እዴከ ፡ ዲበ ፡ ሕፃን ፡ ወኢትግበረ ፡ ምንተኒ ፡ ዲቤሁ ፡ እስመ ፡ ይእዜ ፡ አእመርኩ ፡ ከመ ፡ ፈራሄ ፡ እግዚአብሔር ፡ አንተ ፡ ወኢመሐከ ፡ ወልደከ ፡ በኵረከ ፡ እምኔየ ፡ 12 ወተኀፍረ ፡ መኰንነ ፡ መስቴማ ፡ ወአንሥአ ፡ አብርሃም ፡ አዕይንቲሁ ፡ ወርእየ ፡ ወናሁ ፡ አሐዱ ፡ በሐኵ ፡ እኁዝ ፡ ወይመጽእ ፡ በአቅርንቲሁ ፡ ወሖረ ፡ አብርሃም ፡ ወነሥኦ ፡ ለበሐኵ ፡ ወአዕረጎ ፡ ለጽንሓሕ ፡ ህየንተ ፡ ወልዱ ።	ወእቤሎ ፡ ኢትፈኑ ፡ እዴከ ፡ ዲበ ፡ ሕፃን ፡ ወኢትግበረ ፡ ምንተኒ ፡ ዲቤሁ ፡ እስመ ፡ ይእዜ ፡ አእመርኩ ፡ ከመ ፡ ፈራሄ ፡ እግዚአብሔር ፡ አንተ ፡ ወኢመሐከ ፡ ወልደከ ፡ በኵረከ ፡ እምኔየ ፡ 12 ወተኀፍረ ፡ መኰንነ ፡ መስቴማ ፡ ወአንሥአ ፡ አብርሃም ፡ አዕይንቲሁ ፡ ወርእየ ፡ ወናሁ ፡ አሐዱ ፡ በሐኵ ፡ እኁዝ ፡ ወይመጽእ ፡ በአቅርንቲሁ ፡ ወሖረ ፡ አብርሃም ፡ ወነሥኦ ፡ ለበሐኵ ፡ ወአዕረጎ ፡ ለጽንሓሕ ፡ ህየንተ ፡ ወልዱ ።
18:13	ወጸውዖ ፡ አብርሃም ፡ ለውእቱ ፡ መካን ፡ እግዚአብሔር ፡ ርእየ ፡ ከመ ፡ ይትበሀል ፡ እግዚአብሔር ፡ ርእየ ፡ ውእቱ ፡ ደብሩ ፡ ለጽዮን ።	ወጸውዖ ፡ አብርሃም ፡ ለውእቱ ፡ መካን ፡ እግዚአብሔር ፡ ርእየ ፡ ከመ ፡ ይትበሀል ፡ እግዚአብሔር ፡ ርእየ ፡ ውእቱ ፡ ደብሩ ፡ ለጽዮን ።
18:14	ወጸውዖ ፡ እግዚአብሔር ፡ ለአብርሃም ፡ በስሙ ፡ ዳግመ ፡ እምሰማይ ፡ በከመ ፡ አስተርአይነ ፡ ከመ ፡ ንትናገሮ ፡ በስመ ፡ እግዚአብሔር ፡ 15 ወይቤ ፡ በርእስየ ፡ መሐልኩ ፡ ይቤ ፡ እግዚአብሔር ፡ እስመ ፡ ገበርከ ፡ ዘንተ ፡ ቃለ ፡ ወኢመሐከ ፡ ወልደከ ፡ በኵረከ ፡ እምኔየ ፡ ዘአፍቀርከ ።	ወጸውዖ ፡ እግዚአብሔር ፡ ለአብርሃም ፡ በስሙ ፡ ዳግመ ፡ እምሰማይ ፡ በከመ ፡ አስተርአይነ ፡ ከመ ፡ ንትናገሮ ፡ በስመ ፡ እግዚአብሔር ፡ 15 ወይቤ ፡ በርእስየ ፡ መሐልኩ ፡ ይቤ ፡ እግዚአብሔር ፡ እስመ ፡ ገበርከ ፡ ዘንተ ፡ ቃለ ፡ ወኢመሐከ ፡ ወልደከ ፡ በኵረከ ፡ እምኔየ ፡ ዘአፍቀርከ ።
18:16	ወይትባረኩ ፡ በዘርእከ ፡ ኵሎሙ ፡ አሕዛበ ፡ ምድር ፡ ህየንተ ፡ ዘሰማዕከ ፡ ቃለ ፡ ዚአየ ።	ወይትባረኩ ፡ በዘርእከ ፡ ኵሎሙ ፡ አሕዛበ ፡ ምድር ፡ ህየንተ ፡ ዘሰማዕከ ፡ ቃለ ፡ ዚአየ ።
18:17	ወሖረ ፡ አብርሃም ፡ ኀበ ፡ ደቁ ፡ ወተንሥኡ ፡ ወሖሩ ፡ ቤርሳቤ ፡ ኅቡረ ።	ወሖረ ፡ አብርሃም ፡ ኀበ ፡ ደቁ ፡ ወተንሥኡ ፡ ወሖሩ ፡ ቤርሳቤ ፡ ኅቡረ ።
18:18	ወይገብር ፡ ዛተ ፡ በዓለ ፡ በኵሉ ፡ ዓመታት ፡ ሰቡዐ ፡ ዕለተ ፡ በፍሥሓ ፡ ወሰመያ ፡ በዓለ ፡ እግዚአብሔር ፡ በከመ ፡ ሰቡዕ ፡ ዕለት ፡ እለ ፡ ሖረ ፡ ወተመይጠ ፡ በሰላም ።	ወይገብር ፡ ዛተ ፡ በዓለ ፡ በኵሉ ፡ ዓመታት ፡ ሰቡዐ ፡ ዕለተ ፡ በፍሥሓ ፡ ወሰመያ ፡ በዓለ ፡ እግዚአብሔር ፡ በከመ ፡ ሰቡዕ ፡ ዕለት ፡ እለ ፡ ሖረ ፡ ወተመይጠ ፡ በሰላም ።
18:19	ወከመዝ ፡ ሥሩዕ ፡ ውእቱ ፡ ወጽሑፍ ፡ ውስተ ፡ ጽላተ ፡ ሰማይ ፡ በእንተ ፡ እስራኤል ፡ ወዲበ ፡ ዘርኡ ፡ ለገቢረ ፡ ዛቲ ፡ በዓል ፡ ሰቡዐ ፡ ዕለተ ፡ በፍሥሓ ፡ በዓል ።	ወከመዝ ፡ ሥሩዕ ፡ ውእቱ ፡ ወጽሑፍ ፡ ውስተ ፡ ጽላተ ፡ ሰማይ ፡ በእንተ ፡ እስራኤል ፡ ወዲበ ፡ ዘርኡ ፡ ለገቢረ ፡ ዛቲ ፡ በዓል ፡ ሰቡዐ ፡ ዕለተ ፡ በፍሥሓ ፡ በዓል ።