Jubilees

Jubilees 31 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
31:1	ወበሠርቀ ፡ ወርኅ ፡ ነገረ ፡ ያዕቆብ ፡ ለኵሉ ፡ ሰብአ ፡ ቤቱ ፡ እንዘ ፡ ይብል ፡ ንጹሑ ፡ ወወልጡ ፡ አልባሲክሙ ፡ ወተንሢአነ ፡ ንዕርግ ፡ ቤቴል ፡ በኀበ ፡ ጸለይኩ ፡ ሎቱ ፡ ጸሎተ ፡ አመ ፡ ዕለተ ፡ ጐየይኩ ፡ እምገጸ ፡ ዔሳው ፡ እኁየ ፡ ዘውእቱ ፡ ምስሌየ ፡ ወሜጠኒ ፡ ውስተ ፡ ዛቲ ፡ ምድር ፡ በሰላም ፡ ወአሰስሉ ፡ አማልክተ ፡ ነኪር ፡ እለ ፡ ማእከሌክሙ ።	ወበሠርቀ ፡ ወርኅ ፡ ነገረ ፡ ያዕቆብ ፡ ለኵሉ ፡ ሰብአ ፡ ቤቱ ፡ እንዘ ፡ ይብል ፡ ንጹሑ ፡ ወወልጡ ፡ አልባሲክሙ ፡ ወተንሢአነ ፡ ንዕርግ ፡ ቤቴል ፡ በኀበ ፡ ጸለይኩ ፡ ሎቱ ፡ ጸሎተ ፡ አመ ፡ ዕለተ ፡ ጐየይኩ ፡ እምገጸ ፡ ዔሳው ፡ እኁየ ፡ ዘውእቱ ፡ ምስሌየ ፡ ወሜጠኒ ፡ ውስተ ፡ ዛቲ ፡ ምድር ፡ በሰላም ፡ ወአሰስሉ ፡ አማልክተ ፡ ነኪር ፡ እለ ፡ ማእከሌክሙ ።
31:2	ወመሰውዎሙ ፡ ለአማልክተ ፡ ነኪር ፡ ወዘውስተ ፡ እዘኒሆሙ ፡ ወዘውስተ ፡ ክሳውዲሆሙ ፡ ወጣዖተ ፡ ዘሰረቀት ፡ ራሔል ፡ እምኀበ ፡ ላባ ፡ አቡሃ ፡ ወወሀበት ፡ ኵሎ ፡ ለያዕቆብ ፡ ወአውዐዮ ፡ ወጸተሞ ፡ ወአማስኖ ፡ ወኀብኦ ፡ ታሕተ ፡ ድርዮስ ፡ ዘሀሎ ፡ ውስተ ፡ ምድረ ፡ ሰቂሞን ።	ወመሰውዎሙ ፡ ለአማልክተ ፡ ነኪር ፡ ወዘውስተ ፡ እዘኒሆሙ ፡ ወዘውስተ ፡ ክሳውዲሆሙ ፡ ወጣዖተ ፡ ዘሰረቀት ፡ ራሔል ፡ እምኀበ ፡ ላባ ፡ አቡሃ ፡ ወወሀበት ፡ ኵሎ ፡ ለያዕቆብ ፡ ወአውዐዮ ፡ ወጸተሞ ፡ ወአማስኖ ፡ ወኀብኦ ፡ ታሕተ ፡ ድርዮስ ፡ ዘሀሎ ፡ ውስተ ፡ ምድረ ፡ ሰቂሞን ።
31:3	ወዐርገ ፡ አመ ፡ ሠርቀ ፡ ወርኅ ፡ ሳብዕ ፡ ውስተ ፡ ቤቴሌ ፡ ወሐነጸ ፡ ምሥዋዐ ፡ ውስተ ፡ መካን ፡ ኀበ ፡ ኖመ ፡ ህየ ፡ ወአቀመ ፡ ህየ ፡ ሐውልተ ።	ወዐርገ ፡ አመ ፡ ሠርቀ ፡ ወርኅ ፡ ሳብዕ ፡ ውስተ ፡ ቤቴሌ ፡ ወሐነጸ ፡ ምሥዋዐ ፡ ውስተ ፡ መካን ፡ ኀበ ፡ ኖመ ፡ ህየ ፡ ወአቀመ ፡ ህየ ፡ ሐውልተ ።
31:4	ወይቤ ፡ ይስሐቅ ፡ ይምጻእ ፡ ወልድየ ፡ ያዕቆብ ፡ ወእርአዮ ፡ ዘእንበለ ፡ እሙት ።	ወይቤ ፡ ይስሐቅ ፡ ይምጻእ ፡ ወልድየ ፡ ያዕቆብ ፡ ወእርአዮ ፡ ዘእንበለ ፡ እሙት ።
31:5	ወሖረ ፡ ያዕቆብ ፡ ኀበ ፡ አቡሁ ፡ ይስሐቅ ፡ ወኀበ ፡ እሙ ፡ ርብቃ ፡ ውስተ ፡ ቤቱ ፡ ለአቡሁ ፡ አብርሃም ፡ ወክልኤተ ፡ እምውሉዱ ፡ ነሥአ ፡ ምስሌሁ ፡ ሌዊሃ ፡ ወይሁዳሃ ፡ ወመጽአ ፡ ኀበ ፡ አቡሁ ፡ ይስሐቅ ፡ ወኀበ ፡ እሙ ፡ ርብቃ ።	ወሖረ ፡ ያዕቆብ ፡ ኀበ ፡ አቡሁ ፡ ይስሐቅ ፡ ወኀበ ፡ እሙ ፡ ርብቃ ፡ ውስተ ፡ ቤቱ ፡ ለአቡሁ ፡ አብርሃም ፡ ወክልኤተ ፡ እምውሉዱ ፡ ነሥአ ፡ ምስሌሁ ፡ ሌዊሃ ፡ ወይሁዳሃ ፡ ወመጽአ ፡ ኀበ ፡ አቡሁ ፡ ይስሐቅ ፡ ወኀበ ፡ እሙ ፡ ርብቃ ።
31:6	ወወፅአት ፡ ርብቃ ፡ እማኅፈድ ፡ ውስተ ፡ አንቀጸ ፡ ማኅፈድ ፡ ከመ ፡ ትስዐሞ ፡ ለያዕቆብ ፡ ወትሕቅፎ ።	ወወፅአት ፡ ርብቃ ፡ እማኅፈድ ፡ ውስተ ፡ አንቀጸ ፡ ማኅፈድ ፡ ከመ ፡ ትስዐሞ ፡ ለያዕቆብ ፡ ወትሕቅፎ ።
31:7	ወርእየት ፡ ክልኤሆሙ ፡ ውሉዶ ።	ወርእየት ፡ ክልኤሆሙ ፡ ውሉዶ ።
31:8	ወቦአ ፡ ያዕቆብ ፡ ኀበ ፡ ይስሐቅ ፡ አቡሁ ፡ ውስተ ፡ ጽርሑ ፡ ኀበ ፡ ይሰክብ ፡ ህየ ።	ወቦአ ፡ ያዕቆብ ፡ ኀበ ፡ ይስሐቅ ፡ አቡሁ ፡ ውስተ ፡ ጽርሑ ፡ ኀበ ፡ ይሰክብ ፡ ህየ ።
31:9	ወጽላሌ ፡ ኀለፈ ፡ እምአዕይንተ ፡ ይስሐቅ ፡ ወርእየ ፡ ክልኤሆሙ ፡ ውሉዶ ፡ ለያዕቆብ ፡ ሌዊሃ ፡ ወይሁዳሃ ።	ወጽላሌ ፡ ኀለፈ ፡ እምአዕይንተ ፡ ይስሐቅ ፡ ወርእየ ፡ ክልኤሆሙ ፡ ውሉዶ ፡ ለያዕቆብ ፡ ሌዊሃ ፡ ወይሁዳሃ ።
31:10	ወነገሮ ፡ ከመ ፡ በአማን ፡ ውሉዱ ፡ እሙንቱ ፡ ወአማን ፡ ርኢከ ፡ ከመ ፡ በአማን ፡ ውሉድየ ፡ እሙንቱ ።	ወነገሮ ፡ ከመ ፡ በአማን ፡ ውሉዱ ፡ እሙንቱ ፡ ወአማን ፡ ርኢከ ፡ ከመ ፡ በአማን ፡ ውሉድየ ፡ እሙንቱ ።
31:11	ወቀርቡ ፡ ኀቤሁ ፡ ወተመይጠ ፡ ወሰዐሞሙ ፡ ወሐቀፎሙ ፡ ለኵሎሙ ፡ ኅቡረ ።	ወቀርቡ ፡ ኀቤሁ ፡ ወተመይጠ ፡ ወሰዐሞሙ ፡ ወሐቀፎሙ ፡ ለኵሎሙ ፡ ኅቡረ ።
31:12	ወመንፈሰ ፡ ትንቢት ፡ ወረደ ፡ ውስተ ፡ አፉሁ ፡ ወአኀዞ ፡ ለሌዊ ፡ በየማናዊ ፡ እዴሁ ፡ ወይሁዳሃ ፡ በፀጋማዊ ፡ እዴሁ ።	ወመንፈሰ ፡ ትንቢት ፡ ወረደ ፡ ውስተ ፡ አፉሁ ፡ ወአኀዞ ፡ ለሌዊ ፡ በየማናዊ ፡ እዴሁ ፡ ወይሁዳሃ ፡ በፀጋማዊ ፡ እዴሁ ።
31:13	ወተመይጠ ፡ ኀበ ፡ ሌዊ ፡ ቅድመ ፡ ወአኀዘ ፡ ይባርኮ ፡ መቅድመ ፡ ወይቤሎ ፡ ይባርከ ፡ እግዚአ ፡ ኵሉ ፡ ውእቱ ፡ እግዚአ ፡ ኵሉ ፡ ዓለማት ።	ወተመይጠ ፡ ኀበ ፡ ሌዊ ፡ ቅድመ ፡ ወአኀዘ ፡ ይባርኮ ፡ መቅድመ ፡ ወይቤሎ ፡ ይባርከ ፡ እግዚአ ፡ ኵሉ ፡ ውእቱ ፡ እግዚአ ፡ ኵሉ ፡ ዓለማት ።
31:14	ወየሀብከ ፡ እግዚአብሔር ፡ ለከ ፡ ወለዘርእከ ፡ ዕበየ ፡ ዐባየ ፡ ለክብር ፡ ወኪያከ ፡ ወዘርእከ ፡ ያቅርብ ፡ ኀቤሁ ፡ እምኵሉ ፡ ዘሥጋ ፡ ከመ ፡ ይትለአክ ፡ ውስተ ፡ መቅደሱ ፡ ከመ ፡ መላእክተ ፡ ገጽ ፡ ወከመ ፡ ቅዱሳን ።	ወየሀብከ ፡ እግዚአብሔር ፡ ለከ ፡ ወለዘርእከ ፡ ዕበየ ፡ ዐባየ ፡ ለክብር ፡ ወኪያከ ፡ ወዘርእከ ፡ ያቅርብ ፡ ኀቤሁ ፡ እምኵሉ ፡ ዘሥጋ ፡ ከመ ፡ ይትለአክ ፡ ውስተ ፡ መቅደሱ ፡ ከመ ፡ መላእክተ ፡ ገጽ ፡ ወከመ ፡ ቅዱሳን ።
31:15	ወመኳንንተ ፡ ወመሳፍንተ ፡ ወመላእክተ ፡ ይከውኑ ፡ ለኵሉ ፡ ዘርአ ፡ ውሉደ ፡ ያዕቆብ ፡ ቃሎ ፡ ለእግዚአብሔር ፡ በጽድቅ ፡ ይነግሩ ፡ ወኵሎ ፡ ኵነኔሁ ፡ በጽድቅ ፡ ይኴንኑ ።	ወመኳንንተ ፡ ወመሳፍንተ ፡ ወመላእክተ ፡ ይከውኑ ፡ ለኵሉ ፡ ዘርአ ፡ ውሉደ ፡ ያዕቆብ ፡ ቃሎ ፡ ለእግዚአብሔር ፡ በጽድቅ ፡ ይነግሩ ፡ ወኵሎ ፡ ኵነኔሁ ፡ በጽድቅ ፡ ይኴንኑ ።
31:16	ኪያከ ፡ ጸውዐት ፡ እምከ ፡ ስመከ ፡ ሌዊሃ ፡ ወበአማን ፡ ጸውዐት ፡ ስመከ ፡ ልጹቆ ፡ ለእግዚአብሔር ፡ ትከውን ፡ ወሱታፌ ፡ ኵሎሙ ፡ ውሉደ ፡ ያዕቆብ ።	ኪያከ ፡ ጸውዐት ፡ እምከ ፡ ስመከ ፡ ሌዊሃ ፡ ወበአማን ፡ ጸውዐት ፡ ስመከ ፡ ልጹቆ ፡ ለእግዚአብሔር ፡ ትከውን ፡ ወሱታፌ ፡ ኵሎሙ ፡ ውሉደ ፡ ያዕቆብ ።
31:17	ወኵሎሙ ፡ እለ ፡ ይጸልኡከ ፡ ቅድሜከ ፡ ይደቁ ፡ ወኵሎሙ ፡ ፀርከ ፡ ይሠረዉ ፡ ወይትሐጐሉ ፡ ዘይባርከከ ፡ ቡሩክ ፡ ወኵሉ ፡ ሕዝብ ፡ ዘይረግሙከ ፡ ይኩኑ ፡ ርጉማነ ።	ወኵሎሙ ፡ እለ ፡ ይጸልኡከ ፡ ቅድሜከ ፡ ይደቁ ፡ ወኵሎሙ ፡ ፀርከ ፡ ይሠረዉ ፡ ወይትሐጐሉ ፡ ዘይባርከከ ፡ ቡሩክ ፡ ወኵሉ ፡ ሕዝብ ፡ ዘይረግሙከ ፡ ይኩኑ ፡ ርጉማነ ።
31:18	ወለይሁዳሂ ፡ ይቤሎ ፡ የሀብከ ፡ እግዚአብሔር ፡ ኀይለ ፡ ወጽንዐ ፡ ከመ ፡ ትኪዶሙ ፡ ለኵሎሙ ፡ እለ ፡ ይጸልኡከ ፡ መኰንነ ፡ ኩን ፡ አንተ ፡ ወአሐዱ ፡ እምነ ፡ ውሉድከ ፡ ለውሉደ ፡ ያዕቆብ ፡ ስምከ ፡ ወስመ ፡ ውሉድከ ፡ ይኩን ፡ ዘየሐውር ፡ ወዘያንሶሱ ፡ ውስተ ፡ ኵላ ፡ ምድር ፡ ወአህጉር ።	ወለይሁዳሂ ፡ ይቤሎ ፡ የሀብከ ፡ እግዚአብሔር ፡ ኀይለ ፡ ወጽንዐ ፡ ከመ ፡ ትኪዶሙ ፡ ለኵሎሙ ፡ እለ ፡ ይጸልኡከ ፡ መኰንነ ፡ ኩን ፡ አንተ ፡ ወአሐዱ ፡ እምነ ፡ ውሉድከ ፡ ለውሉደ ፡ ያዕቆብ ፡ ስምከ ፡ ወስመ ፡ ውሉድከ ፡ ይኩን ፡ ዘየሐውር ፡ ወዘያንሶሱ ፡ ውስተ ፡ ኵላ ፡ ምድር ፡ ወአህጉር ።
31:19	ብከ ፡ ይኩን ፡ ረድኤቱ ፡ ለያዕቆብ ፡ ወብከ ፡ ትትረከብ ፡ መድኀኒተ ፡ እስራኤል ፡	ብከ ፡ ይኩን ፡ ረድኤቱ ፡ ለያዕቆብ ፡ ወብከ ፡ ትትረከብ ፡ መድኀኒተ ፡ እስራኤል ፡
31:20	ወአመ ፡ ዕለተ ፡ ትነብር ፡ ውስተ ፡ መንበረ ፡ ክብረ ፡ ጽድቅከ ፡ ትከውን ፡ ዐባይ ፡ ሰላም ፡ ለኵሉ ፡ ዘርአ ፡ ውሉዱ ፡ ለፍቁር ።	ወአመ ፡ ዕለተ ፡ ትነብር ፡ ውስተ ፡ መንበረ ፡ ክብረ ፡ ጽድቅከ ፡ ትከውን ፡ ዐባይ ፡ ሰላም ፡ ለኵሉ ፡ ዘርአ ፡ ውሉዱ ፡ ለፍቁር ።
31:21	ወተመይጠ ፡ ወሰዐሞ ፡ ዳግመ ፡ ወሐቀፎ ፡ ወተፈሥሐ ፡ ዐቢየ ፡ እስመ ፡ ርእየ ፡ ውሉዶ ፡ ለያዕቆብ ፡ ወልዱ ፡ ዘበጽድቅ ።	ወተመይጠ ፡ ወሰዐሞ ፡ ዳግመ ፡ ወሐቀፎ ፡ ወተፈሥሐ ፡ ዐቢየ ፡ እስመ ፡ ርእየ ፡ ውሉዶ ፡ ለያዕቆብ ፡ ወልዱ ፡ ዘበጽድቅ ።
31:22	ወወፅአ ፡ እማእከለ ፡ እገሪሁ ፡ ወወድቀ ፡ ወሰገደ ፡ ሎቱ ፡ ወባረኮሙ ።	ወወፅአ ፡ እማእከለ ፡ እገሪሁ ፡ ወወድቀ ፡ ወሰገደ ፡ ሎቱ ፡ ወባረኮሙ ።
31:23	ወአኖሙ ፡ ክልኤሆሙ ፡ ውሉዶ ፡ ለያዕቆብ ፡ አሐደ ፡ በይምኑ ፡ ወአሐደ ፡ በፅግሙ ፡ ወተኆለቆ ፡ ሎቱ ፡ ጽድቀ ።	ወአኖሙ ፡ ክልኤሆሙ ፡ ውሉዶ ፡ ለያዕቆብ ፡ አሐደ ፡ በይምኑ ፡ ወአሐደ ፡ በፅግሙ ፡ ወተኆለቆ ፡ ሎቱ ፡ ጽድቀ ።
31:24	ወነገረ ፡ ያዕቆብ ፡ ኵሎ ፡ ለአቡሁ ፡ በሌሊት ፡ ዘከመ ፡ ገብረ ፡ እግዚአብሔር ፡ ምስሌሁ ፡ ሣህለ ፡ ዐቢይ ።	ወነገረ ፡ ያዕቆብ ፡ ኵሎ ፡ ለአቡሁ ፡ በሌሊት ፡ ዘከመ ፡ ገብረ ፡ እግዚአብሔር ፡ ምስሌሁ ፡ ሣህለ ፡ ዐቢይ ።
31:25	ወባረከ ፡ ይስሐቅ ፡ አምላከ ፡ አቡሁ ፡ አብርሃም ፡ ዘኢኀደገ ፡ ምሕረቶ ፡ ወጽድቆ ፡ እምወልደ ፡ ገብሩ ፡ ይስሐቅ ።	ወባረከ ፡ ይስሐቅ ፡ አምላከ ፡ አቡሁ ፡ አብርሃም ፡ ዘኢኀደገ ፡ ምሕረቶ ፡ ወጽድቆ ፡ እምወልደ ፡ ገብሩ ፡ ይስሐቅ ።
31:26	ወበነግህ ፡ ነገረ ፡ ያዕቆብ ፡ ለአቡሁ ፡ ይስሐቅ ፡ ጸሎተ ፡ ዘጸለየ ፡ ለእግዚአብሔር ፡ ወራእየ ፡ ዘርእየ ፡ ወከመ ፡ ሐነጸ ፡ ምሥዋዐ ፡ ወኵሉ ፡ ድልው ፡ ለመሥዋዕት ፡ ለገቢር ፡ ቅድመ ፡ እግዚአብሔር ፡ በከመ ፡ ጸለየ ፡ ወከመ ፡ መጽአ ፡ ይጽዐኖ ፡ ዲበ ፡ አድግ ።	ወበነግህ ፡ ነገረ ፡ ያዕቆብ ፡ ለአቡሁ ፡ ይስሐቅ ፡ ጸሎተ ፡ ዘጸለየ ፡ ለእግዚአብሔር ፡ ወራእየ ፡ ዘርእየ ፡ ወከመ ፡ ሐነጸ ፡ ምሥዋዐ ፡ ወኵሉ ፡ ድልው ፡ ለመሥዋዕት ፡ ለገቢር ፡ ቅድመ ፡ እግዚአብሔር ፡ በከመ ፡ ጸለየ ፡ ወከመ ፡ መጽአ ፡ ይጽዐኖ ፡ ዲበ ፡ አድግ ።
31:27	ወይቤ ፡ ይስሐቅ ፡ ለያዕቆብ ፡ ወልዱ ፡ ኢይክል ፡ መጺአ ፡ ምስሌከ ፡ እስመ ፡ ረሣእኩ ፡ ወኢይክል ፡ ተዐግሦ ፡ በፍኖት ፡ ሖር ፡ ወልድየ ፡ በሰላም ፡ እስመ ፡ ወልደ ፡ ምእት ፡ ወስሳ ፡ ወኀምስቱ ፡ ዓመት ፡ አነ ።	ወይቤ ፡ ይስሐቅ ፡ ለያዕቆብ ፡ ወልዱ ፡ ኢይክል ፡ መጺአ ፡ ምስሌከ ፡ እስመ ፡ ረሣእኩ ፡ ወኢይክል ፡ ተዐግሦ ፡ በፍኖት ፡ ሖር ፡ ወልድየ ፡ በሰላም ፡ እስመ ፡ ወልደ ፡ ምእት ፡ ወስሳ ፡ ወኀምስቱ ፡ ዓመት ፡ አነ ።
31:28	ወአአምር ፡ አነ ፡ ወልድየ ፡ ከመሰ ፡ በእንቲአየ ፡ መጻእከ ።	ወአአምር ፡ አነ ፡ ወልድየ ፡ ከመሰ ፡ በእንቲአየ ፡ መጻእከ ።
31:29	ወተሰራሕ ፡ ወግበር ፡ ጸሎተ ፡ እንተ ፡ ጸለይከ ፡ ወኢታጐንዲ ፡ ጸሎተከ ፡ እስመ ፡ ትትኃሠሥ ፡ ጸሎተ ።	ወተሰራሕ ፡ ወግበር ፡ ጸሎተ ፡ እንተ ፡ ጸለይከ ፡ ወኢታጐንዲ ፡ ጸሎተከ ፡ እስመ ፡ ትትኃሠሥ ፡ ጸሎተ ።
31:30	ወይቤላ ፡ ለርብቃ ፡ ሖሪ ፡ ምስለ ፡ ያዕቆብ ፡ ወልድኪ ። ወሖረት ፡ ርብቃ ፡ ምስለ ፡ ያዕቆብ ፡ ወልዳ ፡ ወዲቦራ ፡ ምስሌሃ ፡ ወበጽሑ ፡ ውስተ ፡ ቤቴል ።	ወይቤላ ፡ ለርብቃ ፡ ሖሪ ፡ ምስለ ፡ ያዕቆብ ፡ ወልድኪ ። ወሖረት ፡ ርብቃ ፡ ምስለ ፡ ያዕቆብ ፡ ወልዳ ፡ ወዲቦራ ፡ ምስሌሃ ፡ ወበጽሑ ፡ ውስተ ፡ ቤቴል ።
31:31	ወተዘከረ ፡ ያዕቆብ ፡ ጸሎተ ፡ እንተ ፡ ባረኮ ፡ አቡሁ ፡ ወክልኤተ ፡ ውሉዶ ፡ ሌዊሃ ፡ ወይሁዳሃ ፡ ወተፈሥሐ ፡ ወባረኮ ፡ ለአምላከ ፡ አበዊሁ ፡ አብርሃም ፡ ወይስሐቅ ።	ወተዘከረ ፡ ያዕቆብ ፡ ጸሎተ ፡ እንተ ፡ ባረኮ ፡ አቡሁ ፡ ወክልኤተ ፡ ውሉዶ ፡ ሌዊሃ ፡ ወይሁዳሃ ፡ ወተፈሥሐ ፡ ወባረኮ ፡ ለአምላከ ፡ አበዊሁ ፡ አብርሃም ፡ ወይስሐቅ ።
31:32	ወይቤ ፡ ይእዜ ፡ አእመርኩ ፡ ከመ ፡ ብየ ፡ ተስፋ ፡ ዘለዓለም ፡ ወለውሉድየሂ ፡ በቅድመ ፡ አምላከ ፡ ኵሉ ፡ ወከመዝ ፡ ሥሩዕ ፡ በእንተ ፡ ክልኤሆሙ ፡ ወያዐርጉ ፡ ሎሙ ፡ በስምዕ ፡ ዘለዓለም ፡ ውስተ ፡ ጽላተ ፡ ሰማይ ፡ በከመ ፡ ባረኮሙ ፡ ይስሐቅ ።	ወይቤ ፡ ይእዜ ፡ አእመርኩ ፡ ከመ ፡ ብየ ፡ ተስፋ ፡ ዘለዓለም ፡ ወለውሉድየሂ ፡ በቅድመ ፡ አምላከ ፡ ኵሉ ፡ ወከመዝ ፡ ሥሩዕ ፡ በእንተ ፡ ክልኤሆሙ ፡ ወያዐርጉ ፡ ሎሙ ፡ በስምዕ ፡ ዘለዓለም ፡ ውስተ ፡ ጽላተ ፡ ሰማይ ፡ በከመ ፡ ባረኮሙ ፡ ይስሐቅ ።