Jubilees

Jubilees 33 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
33:1	ወሖረ ፡ ያዕቆብ ፡ ወኀደረ ፡ መንገለ ፡ ደቡበ ፡ መግደለድራኤፍ ፡ ወሖረ ፡ ኀበ ፡ አቡሁ ፡ ይስሐቅ ፡ ውእቱ ፡ ወልያ ፡ ብእሲቱ ፡ አመ ፡ ሠርቁ ፡ ለወርኅ ፡ ዓሥር ።	ወሖረ ፡ ያዕቆብ ፡ ወኀደረ ፡ መንገለ ፡ ደቡበ ፡ መግደለድራኤፍ ፡ ወሖረ ፡ ኀበ ፡ አቡሁ ፡ ይስሐቅ ፡ ውእቱ ፡ ወልያ ፡ ብእሲቱ ፡ አመ ፡ ሠርቁ ፡ ለወርኅ ፡ ዓሥር ።
33:2	ወርእዮ ፡ ሮቤል ፡ ባላንሃ ፡ ለአኪተ ፡ ራሔል ፡ ዕቅብተ ፡ አቡሁ ፡ እንዘ ፡ ትትሐፀብ ፡ በማይ ፡ በኅቡእ ፡ አፍቀራ ፡ 3 ወተኀብአ ፡ በሌሊት ፡ ወቦአ ፡ ቤተ ፡ ባላን ፡ ሌሊተ ፡ ወረከባ ፡ እንዘ ፡ ትሰክብ ፡ ውስተ ፡ ዐራታ ፡ ባሕቲታ ፡ ወትነውም ፡ ውስተ ፡ ቤታ ፡ 4 ወሰከበ ፡ ምስሌሃ ፡ ወነቅሀት ፡ ወርእየት ፡ ወናሁ ፡ ሮቤል ፡ ይሰክብ ፡ ምስሌሃ ፡ ውስተ ፡ ምስካብ ።	ወርእዮ ፡ ሮቤል ፡ ባላንሃ ፡ ለአኪተ ፡ ራሔል ፡ ዕቅብተ ፡ አቡሁ ፡ እንዘ ፡ ትትሐፀብ ፡ በማይ ፡ በኅቡእ ፡ አፍቀራ ፡ 3 ወተኀብአ ፡ በሌሊት ፡ ወቦአ ፡ ቤተ ፡ ባላን ፡ ሌሊተ ፡ ወረከባ ፡ እንዘ ፡ ትሰክብ ፡ ውስተ ፡ ዐራታ ፡ ባሕቲታ ፡ ወትነውም ፡ ውስተ ፡ ቤታ ፡ 4 ወሰከበ ፡ ምስሌሃ ፡ ወነቅሀት ፡ ወርእየት ፡ ወናሁ ፡ ሮቤል ፡ ይሰክብ ፡ ምስሌሃ ፡ ውስተ ፡ ምስካብ ።
33:5	ወተኀፈረት ፡ እምኔሁ ፡ ወኀደገት ፡ እዴሃ ፡ እምላዕሌሁ ፡ ወጐየ ።	ወተኀፈረት ፡ እምኔሁ ፡ ወኀደገት ፡ እዴሃ ፡ እምላዕሌሁ ፡ ወጐየ ።
33:6	ወትላሑ ፡ በእንተዝ ፡ ነገር ፡ ፈድፋደ ፡ ወኢነገረት ፡ ወኢለመኑሂ ፡ ሰብእ ።	ወትላሑ ፡ በእንተዝ ፡ ነገር ፡ ፈድፋደ ፡ ወኢነገረት ፡ ወኢለመኑሂ ፡ ሰብእ ።
33:7	ወሶበ ፡ መጽአ ፡ ያዕቆብ ፡ ወኀሠሣ ፡ ትቤሎ ፡ ኢኮንኩ ፡ ንጽሕተ ፡ ለከ ፡ እስመ ፡ ተገመንኩ ፡ እምኔከ ፡ እስመ ፡ አርኰሰኒ ፡ ሮቤል ፡ ወሰከበ ፡ ምስሌየ ፡ ሌሊተ ፡ ወአንሰ ፡ እነውም ፡ ወኢያእመርኩ ፡ እስከ ፡ ሶበ ፡ ከሠተ ፡ ክነፍየ ፡ ወሰከበ ፡ ምስሌየ ።	ወሶበ ፡ መጽአ ፡ ያዕቆብ ፡ ወኀሠሣ ፡ ትቤሎ ፡ ኢኮንኩ ፡ ንጽሕተ ፡ ለከ ፡ እስመ ፡ ተገመንኩ ፡ እምኔከ ፡ እስመ ፡ አርኰሰኒ ፡ ሮቤል ፡ ወሰከበ ፡ ምስሌየ ፡ ሌሊተ ፡ ወአንሰ ፡ እነውም ፡ ወኢያእመርኩ ፡ እስከ ፡ ሶበ ፡ ከሠተ ፡ ክነፍየ ፡ ወሰከበ ፡ ምስሌየ ።
33:8	ወተምዐ ፡ ያዕቆብ ፡ ጥቀ ፡ ላዕለ ፡ ሮቤል ፡ እስመ ፡ ሰከበ ፡ ምስለ ፡ ባላን ፡ እስመ ፡ ከሠተ ፡ ክድነተ ፡ አቡሁ ፡	ወተምዐ ፡ ያዕቆብ ፡ ጥቀ ፡ ላዕለ ፡ ሮቤል ፡ እስመ ፡ ሰከበ ፡ ምስለ ፡ ባላን ፡ እስመ ፡ ከሠተ ፡ ክድነተ ፡ አቡሁ ፡
33:9	ወኢቀርባ ፡ እንከ ፡ ያዕቆብ ፡ እስመ ፡ አርኰሳ ፡ ሮቤል ። ወኵሉ ፡ ሰብእ ፡ ዘከሠተ ፡ ክድነተ ፡ አቡሁ ፡ እስመ ፡ እኩይ ፡ ነገሩ ፡ ጥቀ ፡ ወእስመ ፡ ምኑን ፡ ውእቱ ፡ በቅድመ ፡ እግዚአብሔር ።	ወኢቀርባ ፡ እንከ ፡ ያዕቆብ ፡ እስመ ፡ አርኰሳ ፡ ሮቤል ። ወኵሉ ፡ ሰብእ ፡ ዘከሠተ ፡ ክድነተ ፡ አቡሁ ፡ እስመ ፡ እኩይ ፡ ነገሩ ፡ ጥቀ ፡ ወእስመ ፡ ምኑን ፡ ውእቱ ፡ በቅድመ ፡ እግዚአብሔር ።
33:10	በእንተዝ ፡ ጽሑፍ ፡ ወሥሩዕ ፡ ውስተ ፡ ጽላተ ፡ ሰማይ ፡ ከመ ፡ ኢይስክብ ፡ ብእሲ ፡ ምስለ ፡ ብእሲተ ፡ አቡሁ ፡ ወከመ ፡ ኢይክሥት ፡ ክድነተ ፡ አቡሁ ፡ እስመ ፡ ርኩሰ ፡ ውእቱ ፡ ሞተ ፡ ይሙት ፡ ኅቡረ ፡ ብእሲ ፡ ዘይሰክብ ፡ ምስለ ፡ ብእሲተ ፡ አቡሁ ፡ ወብእሲትኒ ፡ እስመ ፡ ርኩሰ ፡ ነገሩ ፡ ውስተ ፡ ምድር ፡	በእንተዝ ፡ ጽሑፍ ፡ ወሥሩዕ ፡ ውስተ ፡ ጽላተ ፡ ሰማይ ፡ ከመ ፡ ኢይስክብ ፡ ብእሲ ፡ ምስለ ፡ ብእሲተ ፡ አቡሁ ፡ ወከመ ፡ ኢይክሥት ፡ ክድነተ ፡ አቡሁ ፡ እስመ ፡ ርኩሰ ፡ ውእቱ ፡ ሞተ ፡ ይሙት ፡ ኅቡረ ፡ ብእሲ ፡ ዘይሰክብ ፡ ምስለ ፡ ብእሲተ ፡ አቡሁ ፡ ወብእሲትኒ ፡ እስመ ፡ ርኩሰ ፡ ነገሩ ፡ ውስተ ፡ ምድር ፡
33:11	ወኢይኩን ፡ ርኵሰ ፡ ቅድመ ፡ አምላክነ ፡ በውስተ ፡ ሕዝብ ፡ ዘኀረየ ፡ ሎቱ ፡ ለምልካን ።	ወኢይኩን ፡ ርኵሰ ፡ ቅድመ ፡ አምላክነ ፡ በውስተ ፡ ሕዝብ ፡ ዘኀረየ ፡ ሎቱ ፡ ለምልካን ።
33:12	ወካዕበ ፡ ጽሑፍ ፡ ዳግመ ፡ ርጉመ ፡ ይከን ፡ ዘይሰክብ ፡ ምስለ ፡ ብእሲተ ፡ አቡሁ ፡ እስመ ፡ ከሠተ ፡ ኀፍረተ ፡ አቡሁ ፡ ወይቤሉ ፡ ኵሎሙ ፡ ቅዱሳኒሁ ፡ ለእግዚአብሔር ፡ ለይኩን ፡ ለይኩን ።	ወካዕበ ፡ ጽሑፍ ፡ ዳግመ ፡ ርጉመ ፡ ይከን ፡ ዘይሰክብ ፡ ምስለ ፡ ብእሲተ ፡ አቡሁ ፡ እስመ ፡ ከሠተ ፡ ኀፍረተ ፡ አቡሁ ፡ ወይቤሉ ፡ ኵሎሙ ፡ ቅዱሳኒሁ ፡ ለእግዚአብሔር ፡ ለይኩን ፡ ለይኩን ።
33:13	ወአንተኒ ፡ ሙሴ ፡ አዝዞሙ ፡ ለውሉደ ፡ እስራኤል ፡ ይዕቀቡ ፡ ዘንተ ፡ ቃለ ፡ እስመ ፡ ኵነኔ ፡ ሞት ፡ ውእቱ ፡ ወርኵስ ፡ ውእቱ ፡ ወአልቦ ፡ ስርየተ ፡ ለአስተስርዮ ፡ በእንተ ፡ ብእሲ ፡ ዘገብረ ፡ ዘንተ ፡ ለዓለም ፡ ዘእንበለ ፡ ለአምቶቱ ፡ ወለቀቲሎቱ ፡ ወለተወግሮቱ ፡ በእብን ፡ ወለተሠርዎቱ ፡ እማእከለ ፡ ሕዝበ ፡ አምላክነ ፡	ወአንተኒ ፡ ሙሴ ፡ አዝዞሙ ፡ ለውሉደ ፡ እስራኤል ፡ ይዕቀቡ ፡ ዘንተ ፡ ቃለ ፡ እስመ ፡ ኵነኔ ፡ ሞት ፡ ውእቱ ፡ ወርኵስ ፡ ውእቱ ፡ ወአልቦ ፡ ስርየተ ፡ ለአስተስርዮ ፡ በእንተ ፡ ብእሲ ፡ ዘገብረ ፡ ዘንተ ፡ ለዓለም ፡ ዘእንበለ ፡ ለአምቶቱ ፡ ወለቀቲሎቱ ፡ ወለተወግሮቱ ፡ በእብን ፡ ወለተሠርዎቱ ፡ እማእከለ ፡ ሕዝበ ፡ አምላክነ ፡
33:14	እስመ ፡ ኢይከውኖ ፡ ሐይወ ፡ አሐተ ፡ ዕለተ ፡ ውስተ ፡ ምድር ፡ ኵሉ ፡ ሰብእ ፡ ዘይገብሮ ፡ በውስተ ፡ እስራኤል ፡ እስመ ፡ ምኑን ፡ ወርኩስ ፡ ውእቱ ።	እስመ ፡ ኢይከውኖ ፡ ሐይወ ፡ አሐተ ፡ ዕለተ ፡ ውስተ ፡ ምድር ፡ ኵሉ ፡ ሰብእ ፡ ዘይገብሮ ፡ በውስተ ፡ እስራኤል ፡ እስመ ፡ ምኑን ፡ ወርኩስ ፡ ውእቱ ።
33:15	ወኢይበሉ ፡ ለሮቤል ፡ ኮነ ፡ ሐዩው ፡ ወስርየተ ፡ እምዘ ፡ ሰከበ ፡ ምስለ ፡ ዕቅብተ ፡ ብእሲተ ፡ አቡሁ ፡ ወይእቲኒ ፡ እንዘ ፡ ባቲ ፡ ምተ ፡ ወእንዘ ፡ ምታ ፡ ሕያው ፡ ያዕቆብ ፡ አቡሁ ።	ወኢይበሉ ፡ ለሮቤል ፡ ኮነ ፡ ሐዩው ፡ ወስርየተ ፡ እምዘ ፡ ሰከበ ፡ ምስለ ፡ ዕቅብተ ፡ ብእሲተ ፡ አቡሁ ፡ ወይእቲኒ ፡ እንዘ ፡ ባቲ ፡ ምተ ፡ ወእንዘ ፡ ምታ ፡ ሕያው ፡ ያዕቆብ ፡ አቡሁ ።
33:16	እስመ ፡ ኢተከሥተ ፡ ሥርዓት ፡ ወኵነኔ ፡ ወሕግ ፡ እስከ ፡ አሜሃ ፡ ፍጹመ ፡ ለኵሉ ።	እስመ ፡ ኢተከሥተ ፡ ሥርዓት ፡ ወኵነኔ ፡ ወሕግ ፡ እስከ ፡ አሜሃ ፡ ፍጹመ ፡ ለኵሉ ።
33:17	ወአልቦ ፡ ለዝ ፡ ሕግ ፡ ተውዳአ ፡ መዋዕል ፡ ወምንተኒ ፡ ስርየተ ፡ ሎቱ ፡ ዘእንበለ ፡ ከመ ፡ ይሠረዉ ፡ ክልኤሆሙ ፡ በማእከለ ፡ ሕዝብ ፡ በዕለት ፡ እንተ ፡ ባቲ ፡ ገብርዋ ፡ ይቅትልዎሙ ።	ወአልቦ ፡ ለዝ ፡ ሕግ ፡ ተውዳአ ፡ መዋዕል ፡ ወምንተኒ ፡ ስርየተ ፡ ሎቱ ፡ ዘእንበለ ፡ ከመ ፡ ይሠረዉ ፡ ክልኤሆሙ ፡ በማእከለ ፡ ሕዝብ ፡ በዕለት ፡ እንተ ፡ ባቲ ፡ ገብርዋ ፡ ይቅትልዎሙ ።
33:18	ወአነተኒ ፡ ሙሴ ፡ ጸሐፍ ፡ ለእስራኤል ፡ ወይዕቀብዋ ፡ ወኢይግበሩ ፡ ዘከመ ፡ ዝንቱ ፡ ነገር ፡ ወኢይስሐቱ ፡ ለአበሳ ፡ ሞት ፡ እስመ ፡ መኵንን ፡ እግዚአብሔር ፡ አምላክነ ፡ ዘውእቱ ፡ ኢይነሥእ ፡ ገጸ ፡ ወኢይነሥእ ፡ ሕልያነ ።	ወአነተኒ ፡ ሙሴ ፡ ጸሐፍ ፡ ለእስራኤል ፡ ወይዕቀብዋ ፡ ወኢይግበሩ ፡ ዘከመ ፡ ዝንቱ ፡ ነገር ፡ ወኢይስሐቱ ፡ ለአበሳ ፡ ሞት ፡ እስመ ፡ መኵንን ፡ እግዚአብሔር ፡ አምላክነ ፡ ዘውእቱ ፡ ኢይነሥእ ፡ ገጸ ፡ ወኢይነሥእ ፡ ሕልያነ ።
33:19	ወንግሮሙ ፡ ዘንተ ፡ ነገረ ፡ ሥርዓት ፡ ሎሙ ፡ ይስምዑ ፡ ወይትዐቀቡ ፡ ወይትናጸሩ ፡ እምኔሆሙ ፡ ወኢይትሐጐሉ ፡ ወኢይሠረዉ ፡ እምድር ።	ወንግሮሙ ፡ ዘንተ ፡ ነገረ ፡ ሥርዓት ፡ ሎሙ ፡ ይስምዑ ፡ ወይትዐቀቡ ፡ ወይትናጸሩ ፡ እምኔሆሙ ፡ ወኢይትሐጐሉ ፡ ወኢይሠረዉ ፡ እምድር ።
33:20	ወአልቦ ፡ ኀጢአተ ፡ ዐባየ ፡ እምዝሙና ፡ ዘይዜምዉ ፡ ዲበ ፡ ምድር ፡ እስመ ፡ ሕዝብ ፡ ቅዱስ ፡ እስራኤል ፡ ለእግዚአብሔር ፡ አምላኩ ።	ወአልቦ ፡ ኀጢአተ ፡ ዐባየ ፡ እምዝሙና ፡ ዘይዜምዉ ፡ ዲበ ፡ ምድር ፡ እስመ ፡ ሕዝብ ፡ ቅዱስ ፡ እስራኤል ፡ ለእግዚአብሔር ፡ አምላኩ ።
33:21	ወበሣልስ ፡ ዓመት ፡ ዘሱባዔ ፡ ሳድስ ፡ ሀሎ ፡ እንዘ ፡ የሐውር ፡ ያዕቆብ ፡ ወኵሉ ፡ ውሉዱ ፡ ወኀደሩ ፡ ቤተ ፡ አብርሃም ፡ ቅሩበ ፡ ይስሐቅ ፡ አቡሁ ፡ ወእሙ ፡ ርብቃ ።	ወበሣልስ ፡ ዓመት ፡ ዘሱባዔ ፡ ሳድስ ፡ ሀሎ ፡ እንዘ ፡ የሐውር ፡ ያዕቆብ ፡ ወኵሉ ፡ ውሉዱ ፡ ወኀደሩ ፡ ቤተ ፡ አብርሃም ፡ ቅሩበ ፡ ይስሐቅ ፡ አቡሁ ፡ ወእሙ ፡ ርብቃ ።
33:22	ወዝንቱ ፡ አስማቲሆሙ ፡ ለውሉደ ፡ ያዕቆብ ፡ በኵሩ ፡ ሮቤል ።	ወዝንቱ ፡ አስማቲሆሙ ፡ ለውሉደ ፡ ያዕቆብ ፡ በኵሩ ፡ ሮቤል ።
33:23	ወሐዊሮሙ ፡ ሰገዱ ፡ ለይስሐቅ ፡ ወለርብቃ ።	ወሐዊሮሙ ፡ ሰገዱ ፡ ለይስሐቅ ፡ ወለርብቃ ።