Jubilees

Jubilees 38 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
38:1	ወእምዝ ፡ ተናገሮ ፡ ይሁዳ ፡ ለያዕቆብ ፡ አቡሁ ፡ ወይቤሎ ፡ ምስክ ፡ አባ ፡ ቀሥተከ ፡ ወፈኑ ፡ ሐጸከ ፡ ወንድፍ ፡ ጸላኤ ፡ ወቅትል ፡ ፀራዌ ፡ ወይኩን ፡ ለከ ፡ ኀይል ፡ እስመ ፡ ኢንቀትል ፡ እኅዋከ ፡ ወኀቤከ ፡ ውእቱ ፡ ወመምስልከ ፡ ውእቱ ፡ በኀቤነ ፡ ለክብር ።	ወእምዝ ፡ ተናገሮ ፡ ይሁዳ ፡ ለያዕቆብ ፡ አቡሁ ፡ ወይቤሎ ፡ ምስክ ፡ አባ ፡ ቀሥተከ ፡ ወፈኑ ፡ ሐጸከ ፡ ወንድፍ ፡ ጸላኤ ፡ ወቅትል ፡ ፀራዌ ፡ ወይኩን ፡ ለከ ፡ ኀይል ፡ እስመ ፡ ኢንቀትል ፡ እኅዋከ ፡ ወኀቤከ ፡ ውእቱ ፡ ወመምስልከ ፡ ውእቱ ፡ በኀቤነ ፡ ለክብር ።
38:2	ይእተ ፡ ሶቤ ፡ ወሰቀ ፡ ያዕቆብ ፡ ቀሥቶ ፡ ወፈነወ ፡ ሐጸ ፡ ወነደፎ ፡ ለዔሳው ፡ እኁሁ ፡ ወገደሎ ፡ 3 ወደገመ ፡ ፈነወ ፡ ሐጸ ፡ ወሄጶ ፡ አዱራንሃ ፡ አራማዌ ፡ ጥቦ ፡ ፀጋማዌ ፡ ወቀተሎ ።	ይእተ ፡ ሶቤ ፡ ወሰቀ ፡ ያዕቆብ ፡ ቀሥቶ ፡ ወፈነወ ፡ ሐጸ ፡ ወነደፎ ፡ ለዔሳው ፡ እኁሁ ፡ ወገደሎ ፡ 3 ወደገመ ፡ ፈነወ ፡ ሐጸ ፡ ወሄጶ ፡ አዱራንሃ ፡ አራማዌ ፡ ጥቦ ፡ ፀጋማዌ ፡ ወቀተሎ ።
38:4	ወእምዝ ፡ ወፅኡ ፡ ውሉደ ፡ ያዕቆብ ፡ እሙንቱ ፡ ወአግብርቲሆሙ ፡ ተናፊቆሙ ፡ ውስተ ፡ መርብዕተ ፡ ማኅፈድ ።	ወእምዝ ፡ ወፅኡ ፡ ውሉደ ፡ ያዕቆብ ፡ እሙንቱ ፡ ወአግብርቲሆሙ ፡ ተናፊቆሙ ፡ ውስተ ፡ መርብዕተ ፡ ማኅፈድ ።
38:5	ወወፅአ ፡ ይሁዳ ፡ ፍጽመ ፡ ወንፍታሌም ፡ ወጋድ ፡ ምስሌሁ ፡ ወኀምሳ ፡ ደቅ ፡ ምስሌሁ ፡ እንተ ፡ ገጸ ፡ ደቡብ ፡ ለማኅፈድ ፡ ወቀተሉ ፡ ኵሎ ፡ ዘረከቡ ፡ በቅድሜሆሙ ፡ ወአልቦ ፡ ዘአምሠጠ ፡ እምኔሆሙ ፡ ወኢአሐዱ ።	ወወፅአ ፡ ይሁዳ ፡ ፍጽመ ፡ ወንፍታሌም ፡ ወጋድ ፡ ምስሌሁ ፡ ወኀምሳ ፡ ደቅ ፡ ምስሌሁ ፡ እንተ ፡ ገጸ ፡ ደቡብ ፡ ለማኅፈድ ፡ ወቀተሉ ፡ ኵሎ ፡ ዘረከቡ ፡ በቅድሜሆሙ ፡ ወአልቦ ፡ ዘአምሠጠ ፡ እምኔሆሙ ፡ ወኢአሐዱ ።
38:6	ወሌዊ ፡ ወዳን ፡ ወአሴር ፡ ወፅኡ ፡ እንተ ፡ ገጸ ፡ ጽባሑ ፡ ለማኅፈድ ፡ ወኀምሳ ፡ ምስሌሆሙ ፡ ወቀተሉ ፡ መስተቃትላኒሆሙ ፡ ለሞአብ ፡ ወለአሞን ።	ወሌዊ ፡ ወዳን ፡ ወአሴር ፡ ወፅኡ ፡ እንተ ፡ ገጸ ፡ ጽባሑ ፡ ለማኅፈድ ፡ ወኀምሳ ፡ ምስሌሆሙ ፡ ወቀተሉ ፡ መስተቃትላኒሆሙ ፡ ለሞአብ ፡ ወለአሞን ።
38:7	ወወፅኡ ፡ ሮቤል ፡ ወርሳኮር ፡ ወዛብሎን ፡ እንተ ፡ ገጸ ፡ ሰሜኑ ፡ ለማኅፈድ ፡ ወኀምሳ ፡ ምስሌሆሙ ፡ ወቀተሉ ፡ መስተባእሳኒሆሙ ፡ ለፍልስጥኤም ።	ወወፅኡ ፡ ሮቤል ፡ ወርሳኮር ፡ ወዛብሎን ፡ እንተ ፡ ገጸ ፡ ሰሜኑ ፡ ለማኅፈድ ፡ ወኀምሳ ፡ ምስሌሆሙ ፡ ወቀተሉ ፡ መስተባእሳኒሆሙ ፡ ለፍልስጥኤም ።
38:8	ወወፅኡ ፡ ስምዖን ፡ ወብንያም ፡ ወኤኖክ ፡ ወልደ ፡ ሮቤል ፡ እንተ ፡ ገጸ ፡ ዐረቢሁ ፡ ለማኅፈድ ፡ ወኀምሳ ፡ ምስሌሆሙ ፡ ወቀተሉ ፡ እምነ ፡ ኤዶም ፡ ወእምነ ፡ ኮሬዎን ፡ አርባዕተ ፡ ምእተ ፡ ዕደ ፡ ጽኑዓነ ፡ መስተቃትላነ ፡ ወስድስቱ ፡ ምእት ፡ ጐዩ ።	ወወፅኡ ፡ ስምዖን ፡ ወብንያም ፡ ወኤኖክ ፡ ወልደ ፡ ሮቤል ፡ እንተ ፡ ገጸ ፡ ዐረቢሁ ፡ ለማኅፈድ ፡ ወኀምሳ ፡ ምስሌሆሙ ፡ ወቀተሉ ፡ እምነ ፡ ኤዶም ፡ ወእምነ ፡ ኮሬዎን ፡ አርባዕተ ፡ ምእተ ፡ ዕደ ፡ ጽኑዓነ ፡ መስተቃትላነ ፡ ወስድስቱ ፡ ምእት ፡ ጐዩ ።
38:9	ወሰደድዎሙ ፡ ውሉደ ፡ ያዕቆብ ፡ ድኅሬሆሙ ፡ እስከ ፡ ደብረ ፡ ሲኢር ።	ወሰደድዎሙ ፡ ውሉደ ፡ ያዕቆብ ፡ ድኅሬሆሙ ፡ እስከ ፡ ደብረ ፡ ሲኢር ።
38:10	ወአመንደብዎሙ ፡ ውሉደ ፡ ያዕቆብ ፡ ለደቂቀ ፡ ዔሳው ፡ በደብረ ፡ ሰኢር ፡ ወአትሐቱ ፡ ክሳዶሙ ፡ ከመ ፡ ይከኩኑ ፡ አግብርተ ፡ ለደቂቀ ፡ ያዕቆብ ።	ወአመንደብዎሙ ፡ ውሉደ ፡ ያዕቆብ ፡ ለደቂቀ ፡ ዔሳው ፡ በደብረ ፡ ሰኢር ፡ ወአትሐቱ ፡ ክሳዶሙ ፡ ከመ ፡ ይከኩኑ ፡ አግብርተ ፡ ለደቂቀ ፡ ያዕቆብ ።
38:11	ወለአኩ ፡ ኀበ ፡ አቡሆሙ ፡ እመ ፡ ይገብሩ ፡ ሰላም ፡ ምስሌሆሙ ፡ ወለእመ ፡ ይቀትልዎሙ ።	ወለአኩ ፡ ኀበ ፡ አቡሆሙ ፡ እመ ፡ ይገብሩ ፡ ሰላም ፡ ምስሌሆሙ ፡ ወለእመ ፡ ይቀትልዎሙ ።
38:12	ወለአከ ፡ ያዕቆብ ፡ ኀበ ፡ ውሉዱ ፡ ከመ ፡ ይግበሩ ፡ ሰላመ ፡ ወገብሩ ፡ ምስሌሆሙ ፡ ሰላመ ፡ ወአንበሩ ፡ አርዑተ ፡ ቅኔ ፡ ላዕሌሆሙ ፡ ከመ ፡ ይጸብሑ ፡ ለያዕቆብ ፡ ወለውሉዱ ፡ ኵሎ ፡ 13 ወነበሩ ፡ እንዘ ፡ ይጼብሑ ፡ ለያዕቆብ ፡ እስከ ፡ አመ ፡ ዕለተ ፡ ወረደ ፡ ያዕቆብ ፡ ውስተ ፡ ግብጽ ።	ወለአከ ፡ ያዕቆብ ፡ ኀበ ፡ ውሉዱ ፡ ከመ ፡ ይግበሩ ፡ ሰላመ ፡ ወገብሩ ፡ ምስሌሆሙ ፡ ሰላመ ፡ ወአንበሩ ፡ አርዑተ ፡ ቅኔ ፡ ላዕሌሆሙ ፡ ከመ ፡ ይጸብሑ ፡ ለያዕቆብ ፡ ወለውሉዱ ፡ ኵሎ ፡ 13 ወነበሩ ፡ እንዘ ፡ ይጼብሑ ፡ ለያዕቆብ ፡ እስከ ፡ አመ ፡ ዕለተ ፡ ወረደ ፡ ያዕቆብ ፡ ውስተ ፡ ግብጽ ።
38:14	ወኢነተጉ ፡ ውሉዱ ፡ ኤዶም ፡ እምአርዑተ ፡ ቅኔ ፡ ዘዐሠርቱ ፡ ወክልኤቱ ፡ ውሉደ ፡ ያዕቆብ ፡ ላዕሌሆሙ ፡ እስከ ፡ ዛቲ ፡ ዕለት ።	ወኢነተጉ ፡ ውሉዱ ፡ ኤዶም ፡ እምአርዑተ ፡ ቅኔ ፡ ዘዐሠርቱ ፡ ወክልኤቱ ፡ ውሉደ ፡ ያዕቆብ ፡ ላዕሌሆሙ ፡ እስከ ፡ ዛቲ ፡ ዕለት ።
38:15	ወእሉ ፡ ነገሥት ፡ እለ ፡ ነግሡ ፡ በኤዶም ፡ ዘእንበለ ፡ ይንግሥ ፡ ንጉሥ ፡ ለውሉደ ፡ እስራኤል ፡ እስከ ፡ ዛቲ ፡ ዕለት ፡ በምድረ ፡ ኤዶም ።	ወእሉ ፡ ነገሥት ፡ እለ ፡ ነግሡ ፡ በኤዶም ፡ ዘእንበለ ፡ ይንግሥ ፡ ንጉሥ ፡ ለውሉደ ፡ እስራኤል ፡ እስከ ፡ ዛቲ ፡ ዕለት ፡ በምድረ ፡ ኤዶም ።
38:16	ወነግሠ ፡ በኤዶም ፡ ባላቅ ፡ ወልደ ፡ ቦኤር ፡ ወስመ ፡ ሀገሩ ፡ ደናባ ።	ወነግሠ ፡ በኤዶም ፡ ባላቅ ፡ ወልደ ፡ ቦኤር ፡ ወስመ ፡ ሀገሩ ፡ ደናባ ።
38:17	ወሞተ ፡ ባላቅ ፡ ወነግሠ ፡ ህየንቴሁ ፡ ዮባብ ፡ ወልደ ፡ ዛራ ፡ ዘእምነ ፡ ቦሲር ።	ወሞተ ፡ ባላቅ ፡ ወነግሠ ፡ ህየንቴሁ ፡ ዮባብ ፡ ወልደ ፡ ዛራ ፡ ዘእምነ ፡ ቦሲር ።
38:18	ወሞተ ፡ ዮባብ ፡ ወነግሠ ፡ ህየንቴሁ ፡ አሳም ፡ ዘእምነ ፡ ደብረ ፡ ቴማን ።	ወሞተ ፡ ዮባብ ፡ ወነግሠ ፡ ህየንቴሁ ፡ አሳም ፡ ዘእምነ ፡ ደብረ ፡ ቴማን ።
38:19	ወሞተ ፡ አሳም ፡ ወነግሠ ፡ ህየንቴሁ ፡ አዳት ፡ ወልደ ፡ ባርድ ፡ ዘቀተለ ፡ መዕድያምሃ ፡ በሐቅለ ፡ ሞአብ ፡ ወስመ ፡ ሀገሩ ፡ አውኡቱ ።	ወሞተ ፡ አሳም ፡ ወነግሠ ፡ ህየንቴሁ ፡ አዳት ፡ ወልደ ፡ ባርድ ፡ ዘቀተለ ፡ መዕድያምሃ ፡ በሐቅለ ፡ ሞአብ ፡ ወስመ ፡ ሀገሩ ፡ አውኡቱ ።
38:20	ወሞተ ፡ አዳት ፡ ወነግሠ ፡ ህየንቴሁ ፡ ሰሎማን ፡ ዘእምነ ፡ እማሴቃ ።	ወሞተ ፡ አዳት ፡ ወነግሠ ፡ ህየንቴሁ ፡ ሰሎማን ፡ ዘእምነ ፡ እማሴቃ ።
38:21	ወሞተ ፡ ሰሎማን ፡ ወነገሠ ፡ ህየንቴሁ ፡ ሳኡል ፡ ዘእምነ ፡ ራአቦት ፡ ፈለግ ፡ 22 ወሞተ ፡ ሳኡል ፡ ወነግሠ ፡ ህየንቴሁ ፡ ብኤሉናን ፡ ወልደ ፡ አክቡር ፡ 23 ወሞተ ፡ በኤሉናን ፡ ወልደ ፡ አክቡር ፡ ወነግሠ ፡ ህየንቴሁ ፡ አዳት ፡ ወስመ ፡ ብእሲቱ ፡ መይጠቢት ፡ ወለተ ፡ መጥሪት ፡ ወለተ ፡ ሜተቤድዛአብ ።	ወሞተ ፡ ሰሎማን ፡ ወነገሠ ፡ ህየንቴሁ ፡ ሳኡል ፡ ዘእምነ ፡ ራአቦት ፡ ፈለግ ፡ 22 ወሞተ ፡ ሳኡል ፡ ወነግሠ ፡ ህየንቴሁ ፡ ብኤሉናን ፡ ወልደ ፡ አክቡር ፡ 23 ወሞተ ፡ በኤሉናን ፡ ወልደ ፡ አክቡር ፡ ወነግሠ ፡ ህየንቴሁ ፡ አዳት ፡ ወስመ ፡ ብእሲቱ ፡ መይጠቢት ፡ ወለተ ፡ መጥሪት ፡ ወለተ ፡ ሜተቤድዛአብ ።
38:24	እሉ ፡ ነገሥት ፡ እለ ፡ ነግሡ ፡ በምድረ ፡ ኤዶም ።	እሉ ፡ ነገሥት ፡ እለ ፡ ነግሡ ፡ በምድረ ፡ ኤዶም ።