Jubilees

Jubilees 4 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
4:1	ወበሣልስ ፡ ሱባዔ ፡ በካልእ ፡ ኢዮቤልዉ ፡ ወለደቶ ፡ ለቃየን ፡ ወበራብዕ ፡ ወለደቶ ፡ ለአቤል ።	ወበሣልስ ፡ ሱባዔ ፡ በካልእ ፡ ኢዮቤልዉ ፡ ወለደቶ ፡ ለቃየን ፡ ወበራብዕ ፡ ወለደቶ ፡ ለአቤል ።
4:2	ወበቀዳሚሁ ፡ ለኢዮቤልዉ ፡ ሣልስ ፡ ቀተሎ ፡ ቃየን ፡ ወልደ ፡ በታስዕ ፡ ኢዮቤልዉ ፡ በሱባዔ ፡ ቀዳሚ ፡ በሣልስ ፡ ዓመት ፡ በሱባዔሁ ፡ ለዝ ፡ ወጸውዐ ፡ ስሞ ፡ መላልኤል ።	ወበቀዳሚሁ ፡ ለኢዮቤልዉ ፡ ሣልስ ፡ ቀተሎ ፡ ቃየን ፡ ወልደ ፡ በታስዕ ፡ ኢዮቤልዉ ፡ በሱባዔ ፡ ቀዳሚ ፡ በሣልስ ፡ ዓመት ፡ በሱባዔሁ ፡ ለዝ ፡ ወጸውዐ ፡ ስሞ ፡ መላልኤል ።
4:3	ወቀተሎ ፡ በገዳም ፡ ወጸርኀ ፡ ደሙ ፡ እምድር ፡ ውስተ ፡ ሰማይ ፡ እንዘ ፡ ይበኪ ፡ በአንተ ፡ ዘተቀትለ ።	ወቀተሎ ፡ በገዳም ፡ ወጸርኀ ፡ ደሙ ፡ እምድር ፡ ውስተ ፡ ሰማይ ፡ እንዘ ፡ ይበኪ ፡ በአንተ ፡ ዘተቀትለ ።
4:4	ወዘለፎ ፡ እግዚአብሔር ፡ ለቃየን ፡ በእንተ ፡ አቤል ፡ በእንተ ፡ ዘቀተሎ ፡ ወገብረ ፡ ሎቱ ፡ ኑኅ ፡ ዲበ ፡ ምድር ፡ በእንተ ፡ ደመ ፡ እፓኑሁ ፡ ወረገሞ ፡ በዲበ ፡ ምድር ።	ወዘለፎ ፡ እግዚአብሔር ፡ ለቃየን ፡ በእንተ ፡ አቤል ፡ በእንተ ፡ ዘቀተሎ ፡ ወገብረ ፡ ሎቱ ፡ ኑኅ ፡ ዲበ ፡ ምድር ፡ በእንተ ፡ ደመ ፡ እፓኑሁ ፡ ወረገሞ ፡ በዲበ ፡ ምድር ።
4:5	በእንተ ፡ ዝንቱ ፡ ተጽሕፈ ፡ ውስተ ፡ ጽሳተ ፡ ሰማይ ፡ ርጉም ፡ ዘይዘብጥ ፡ ካልኦ ፡ በእከይ ፡ ወይቤሉ ፡ ኵሎሙ ፡ እለ ፡ ርእዩ ፡ ይኩን ፡ ወሰብእ ፡ ዘርእየ ፡ ወኢነ ፡ ገረ ፡ ይኩን ፡ ርጉመ ፡ ከማሁ ።	በእንተ ፡ ዝንቱ ፡ ተጽሕፈ ፡ ውስተ ፡ ጽሳተ ፡ ሰማይ ፡ ርጉም ፡ ዘይዘብጥ ፡ ካልኦ ፡ በእከይ ፡ ወይቤሉ ፡ ኵሎሙ ፡ እለ ፡ ርእዩ ፡ ይኩን ፡ ወሰብእ ፡ ዘርእየ ፡ ወኢነ ፡ ገረ ፡ ይኩን ፡ ርጉመ ፡ ከማሁ ።
4:6	በእንተዝ ፡ ንሕነ ፡ ናየድዕ ፡ መጺአነ ፡ ቅድመ ፡ እግዚአብሔር ፡ አምሳክነ ፡ ዙሎ ፡ ኃጢአተ ፡ ዘይከውን ፡ ውስተ ፡ ሰማይ ፡ ወምድር ፡ ወዘበብርሃን ፡ ወዘበጽልመት ፡ ወዘበዙሉ ።	በእንተዝ ፡ ንሕነ ፡ ናየድዕ ፡ መጺአነ ፡ ቅድመ ፡ እግዚአብሔር ፡ አምሳክነ ፡ ዙሎ ፡ ኃጢአተ ፡ ዘይከውን ፡ ውስተ ፡ ሰማይ ፡ ወምድር ፡ ወዘበብርሃን ፡ ወዘበጽልመት ፡ ወዘበዙሉ ።
4:7	ወሀለዉ ፡ አዳም ፡ ወብእሲቱ ፡ እንዘ ፡ ይሳሕዉ ፡ በእንተ ፡ አቤል ፡ አርባዕተ ፡ ሱባዔ ፡ ዓመት ።	ወሀለዉ ፡ አዳም ፡ ወብእሲቱ ፡ እንዘ ፡ ይሳሕዉ ፡ በእንተ ፡ አቤል ፡ አርባዕተ ፡ ሱባዔ ፡ ዓመት ።
4:8	በሱባዔ ፡ ሳድስ ፡ ወለዳ ፡ ለአዙራ ፡ ወለቱ ።	በሱባዔ ፡ ሳድስ ፡ ወለዳ ፡ ለአዙራ ፡ ወለቱ ።
4:9	ወነሥአ ፡ ቃየን ፡ ለአዋን ፡ እኅቱ ፡ ሎቱ ፡ ብእሲተ ፡ ወወለደት ፡ ሎቱ ፡ ኡኖኅሃ ፡ በፍጸሚ ፡ ራብዕ ፡ ኢዮቤልዉ ።	ወነሥአ ፡ ቃየን ፡ ለአዋን ፡ እኅቱ ፡ ሎቱ ፡ ብእሲተ ፡ ወወለደት ፡ ሎቱ ፡ ኡኖኅሃ ፡ በፍጸሚ ፡ ራብዕ ፡ ኢዮቤልዉ ።
4:10	ወአዳም ፡ አእመራ ፡ ለሔዋ ፡ ብእሲቱ ፡ ወወለደት ፡ ዓዲ ፡ ተስዓተ ፡ ደቂቀ ።	ወአዳም ፡ አእመራ ፡ ለሔዋ ፡ ብእሲቱ ፡ ወወለደት ፡ ዓዲ ፡ ተስዓተ ፡ ደቂቀ ።
4:11	ወበሱባዔ ፡ ኃምስ ፡ ዘኃምስ ፡ ኢዮቤልዉ ፡ ነሠአ ፡ ሴት ፡ ለአዙራ ፡ እኅቱ ፡ ሎቱ ፡ ብእሲተ ፡ ወበራብዑ ፡ ሎቱ ፡ ወለደት ፡ ሎቱ ፡ ሄኖስሃ ፡ 12 ውእቱ ፡ ቀዳሚ ፡ ጸውዖ ፡ ስመ ፡ እግዚአብሔር ፡ በዲበ ፡ ምድር ።	ወበሱባዔ ፡ ኃምስ ፡ ዘኃምስ ፡ ኢዮቤልዉ ፡ ነሠአ ፡ ሴት ፡ ለአዙራ ፡ እኅቱ ፡ ሎቱ ፡ ብእሲተ ፡ ወበራብዑ ፡ ሎቱ ፡ ወለደት ፡ ሎቱ ፡ ሄኖስሃ ፡ 12 ውእቱ ፡ ቀዳሚ ፡ ጸውዖ ፡ ስመ ፡ እግዚአብሔር ፡ በዲበ ፡ ምድር ።
4:13	ወበሳብዕ ፡ ኢዮቤልዉ ፡ በሱባዔ ፡ ሣልስ ፡ ነሥአ ፡ ኡኖስ ፡ ኖአምሃ ፡ እኅቶ ፡ ሎቱ ፡ ብእሲተ ፡ ወወለደት ፡ ሎቱ ፡ ወልደ ፡ በሣልስ ፡ ዓመት ፡ ዘኃምስ ፡ ሱባዔ ፡ ወሰመዮ ፡ ስሞ ፡ ቃይ ፡ ናን ።	ወበሳብዕ ፡ ኢዮቤልዉ ፡ በሱባዔ ፡ ሣልስ ፡ ነሥአ ፡ ኡኖስ ፡ ኖአምሃ ፡ እኅቶ ፡ ሎቱ ፡ ብእሲተ ፡ ወወለደት ፡ ሎቱ ፡ ወልደ ፡ በሣልስ ፡ ዓመት ፡ ዘኃምስ ፡ ሱባዔ ፡ ወሰመዮ ፡ ስሞ ፡ ቃይ ፡ ናን ።
4:14	ወበፍጸሜ ፡ ሳምን ፡ ኢዮቤልዉ ፡ ነሥአ ፡ ሎቱ ፡ ቃይናን ፡ ብእሲተ ፡ ሙአሌሊትሃ ፡ እኅቶ ፡ ሎቱ ፡ ብእሲተ ፡ ወወለደት ፡ ሎቱ ፡ ወልደ ፡ በታስዕ ፡ ኢዮቤልዉ ፡ በሱባዔ ፡ ቀዳሚ ፡ በሣልስ ፡ ዓመት ፡ በሱባዔሁ ፡ ለዝ ፡ ወጸውዐ ፡ ስሞ ፡ መሳልኡል ።	ወበፍጸሜ ፡ ሳምን ፡ ኢዮቤልዉ ፡ ነሥአ ፡ ሎቱ ፡ ቃይናን ፡ ብእሲተ ፡ ሙአሌሊትሃ ፡ እኅቶ ፡ ሎቱ ፡ ብእሲተ ፡ ወወለደት ፡ ሎቱ ፡ ወልደ ፡ በታስዕ ፡ ኢዮቤልዉ ፡ በሱባዔ ፡ ቀዳሚ ፡ በሣልስ ፡ ዓመት ፡ በሱባዔሁ ፡ ለዝ ፡ ወጸውዐ ፡ ስሞ ፡ መሳልኡል ።
4:15	ወበካልእ ፡ ሱባዔ ፡ ዘዓሥር ፡ ኢዮቤልዉ ፡ ነሥአ ፡ ሎቱ ፡ መላልኤል ፡ ብእሲተ ፡ ዲናሃ ፡ ወለተ ፡ በራክኤል ፡ ወለተ ፡ እኅተ ፡ አቡሁ ፡ ሎቱ ፡ ብእሲተ ።	ወበካልእ ፡ ሱባዔ ፡ ዘዓሥር ፡ ኢዮቤልዉ ፡ ነሥአ ፡ ሎቱ ፡ መላልኤል ፡ ብእሲተ ፡ ዲናሃ ፡ ወለተ ፡ በራክኤል ፡ ወለተ ፡ እኅተ ፡ አቡሁ ፡ ሎቱ ፡ ብእሲተ ።
4:16	ወበዓሥር ፡ ወአሐዱ ፡ ኢዮቤልዉ ፡ ነሥአ ፡ ሎቱ ፡ ያሬድ ፡ ብእሲተ ፡ ወስማ ፡ ባረከ ፡ ወለተ ፡ ራሱእያል ፡ ወለተ ፡ እኅተ ፡ አቡሁ ፡ ሎቱ ፡ ብእሲተ ፡ በሱባዔ ፡ ራብዕ ፡ ዘኢዮቤልዉ ፡ ዝንቱ ።	ወበዓሥር ፡ ወአሐዱ ፡ ኢዮቤልዉ ፡ ነሥአ ፡ ሎቱ ፡ ያሬድ ፡ ብእሲተ ፡ ወስማ ፡ ባረከ ፡ ወለተ ፡ ራሱእያል ፡ ወለተ ፡ እኅተ ፡ አቡሁ ፡ ሎቱ ፡ ብእሲተ ፡ በሱባዔ ፡ ራብዕ ፡ ዘኢዮቤልዉ ፡ ዝንቱ ።
4:17	ውእቱ ፡ ቀዳሚ ፡ ተምህረ ፡ መጽሐፈ ፡ ወትምህርተ ፡ ወጥበበ ፡ እምእጓለ ፡ እመሕያው ፡ እምእለ ፡ ተወልዱ ፡ ዲበ ፡ ምድር ።	ውእቱ ፡ ቀዳሚ ፡ ተምህረ ፡ መጽሐፈ ፡ ወትምህርተ ፡ ወጥበበ ፡ እምእጓለ ፡ እመሕያው ፡ እምእለ ፡ ተወልዱ ፡ ዲበ ፡ ምድር ።
4:18	ውእቱ ፡ ቀዳሚ ፡ ጸሐፈ ፡ እምዐ ፡ ወአስምዐ ፡ ለደቂቀ ፡ እጓለ ፡ እመሕያው ፡ ውስተ ፡ ትዝምደ ፡ ምድር ፡ ወሱባዔሆሙ ፡ ለኢዮቤልዉሳት ፡ ነገረ ፡ ወመዋዕለ ፡ ዓመታት ፡ አይድዐ ፡ ወአውራኃተ ፡ ሠርዐ ፡ ወሰንበታተ ፡ ዓመታት ፡ ነገረ ፡ በከመ ፡ አይዳዕናሁ ፡ 19 ወዘኮነ ፡ ወዘይከውን ፡ ርእየ ፡ በራእየ ፡ ንዋሙ ፡ ዘከመ ፡ ይከውን ፡ ዲበ ፡ ደቂቀ ፡ እጓለ ፡ እመሕያው ፡ በትውልዶሙ ፡ እስከ ፡ አመ ፡ ዕለተ ፡ ደይን ፡ ኵሎ ፡ ርእየ ፡ ወአእመረ ።	ውእቱ ፡ ቀዳሚ ፡ ጸሐፈ ፡ እምዐ ፡ ወአስምዐ ፡ ለደቂቀ ፡ እጓለ ፡ እመሕያው ፡ ውስተ ፡ ትዝምደ ፡ ምድር ፡ ወሱባዔሆሙ ፡ ለኢዮቤልዉሳት ፡ ነገረ ፡ ወመዋዕለ ፡ ዓመታት ፡ አይድዐ ፡ ወአውራኃተ ፡ ሠርዐ ፡ ወሰንበታተ ፡ ዓመታት ፡ ነገረ ፡ በከመ ፡ አይዳዕናሁ ፡ 19 ወዘኮነ ፡ ወዘይከውን ፡ ርእየ ፡ በራእየ ፡ ንዋሙ ፡ ዘከመ ፡ ይከውን ፡ ዲበ ፡ ደቂቀ ፡ እጓለ ፡ እመሕያው ፡ በትውልዶሙ ፡ እስከ ፡ አመ ፡ ዕለተ ፡ ደይን ፡ ኵሎ ፡ ርእየ ፡ ወአእመረ ።
4:20	ወበዐሠርቱ ፡ ወክልኤቱ ፡ ኢዮበቤልዉ ፡ በሳብዕ ፡ ሱባዔሁ ፡ ሎቱ ፡ ነሥአ ፡ ሎቱ ፡ ብእኢተ ፡ ወስማ ፡ እድኒ ፡ ወለተ ፡ ዳንኤል ፡ ወለተ ፡ እኅተ ፡ አቡሁ ፡ ሎቱ ፡ ብእሲተ ።	ወበዐሠርቱ ፡ ወክልኤቱ ፡ ኢዮበቤልዉ ፡ በሳብዕ ፡ ሱባዔሁ ፡ ሎቱ ፡ ነሥአ ፡ ሎቱ ፡ ብእኢተ ፡ ወስማ ፡ እድኒ ፡ ወለተ ፡ ዳንኤል ፡ ወለተ ፡ እኅተ ፡ አቡሁ ፡ ሎቱ ፡ ብእሲተ ።
4:21	ወሀሎ ፡ እንከ ፡ ምስለ ፡ መላእክተ ፡ አምላክ ፡ ስድስተ ፡ ዘኢዮቤልዉሳት ፡ ዓመታተ ።	ወሀሎ ፡ እንከ ፡ ምስለ ፡ መላእክተ ፡ አምላክ ፡ ስድስተ ፡ ዘኢዮቤልዉሳት ፡ ዓመታተ ።
4:22	ወአስምዐ ፡ ለትጉሃን ፡ ለእለ ፡ አበሱ ፡ ምስለ ፡ አዋልደ ፡ ሰብእ ።	ወአስምዐ ፡ ለትጉሃን ፡ ለእለ ፡ አበሱ ፡ ምስለ ፡ አዋልደ ፡ ሰብእ ።
4:23	ወተንሥአ ፡ እማእከለ ፡ ደቂቀ ፡ እጓለ ፡ እመሕያው ፡ ወወሰድናሁ ፡ ውስተ ፡ ገነተ ፡ ኤዶም ፡ ለዕበይ ፡ ወለክብር ።	ወተንሥአ ፡ እማእከለ ፡ ደቂቀ ፡ እጓለ ፡ እመሕያው ፡ ወወሰድናሁ ፡ ውስተ ፡ ገነተ ፡ ኤዶም ፡ ለዕበይ ፡ ወለክብር ።
4:24	ወበእንቲአሁ ፡ ኢመጽአ ፡ ማየ ፡ አይኅ ፡ ዲበ ፡ ኵሉ ፡ ምድረ ፡ ኤዶም ፡ እስመ ፡ ህየ ፡ ተውህበ ፡ ውእቱ ፡ ለትእምርት ፡ ወከመ ፡ ያስምዕ ፡ ላዕለ ፡ ኵሉ ፡ ደቂቀ ፡ ሰብእ ፡ ከመ ፡ ይንግር ፡ ኵሎ ፡ ግብረ ፡ ትውልድ ፡ እስከ ፡ አመ ፡ ዕለተ ፡ ደይን ፡ 25 ወውእቱ ፡ ዐጠነ ፡ ዕጣነ ፡ ምሴተ ፡ መቅደስ ፡ ዘይሰጠው ፡ ቅድመ ፡ እግዚአብሔር ፡ በደብረ ፡ ቀትር ።	ወበእንቲአሁ ፡ ኢመጽአ ፡ ማየ ፡ አይኅ ፡ ዲበ ፡ ኵሉ ፡ ምድረ ፡ ኤዶም ፡ እስመ ፡ ህየ ፡ ተውህበ ፡ ውእቱ ፡ ለትእምርት ፡ ወከመ ፡ ያስምዕ ፡ ላዕለ ፡ ኵሉ ፡ ደቂቀ ፡ ሰብእ ፡ ከመ ፡ ይንግር ፡ ኵሎ ፡ ግብረ ፡ ትውልድ ፡ እስከ ፡ አመ ፡ ዕለተ ፡ ደይን ፡ 25 ወውእቱ ፡ ዐጠነ ፡ ዕጣነ ፡ ምሴተ ፡ መቅደስ ፡ ዘይሰጠው ፡ ቅድመ ፡ እግዚአብሔር ፡ በደብረ ፡ ቀትር ።
4:26	እስመ ፡ አርባዕቱ ፡ መካን ፡ በዲበ ፡ ምድር ፡ ለእግዚአብሔር ፡ ገነተ ፡ ኤዶም ፡ ወደብረ ፡ ጽባሕ ፡ ወዝደብር ፡ ዘሀሎከ ፡ አንተ ፡ ውስቴቱ ፡ ደብረ ፡ ሲና ፡ ዮም ፡ ወደብረ ፡ ጽዮን ፡ ይትቄደስ ፡ በፍጥረት ፡ ሐዳስ ፡ ለቅዳሴ ፡ ምድር ፡ በእንተዝ ፡ ትትቄደስ ፡ ምድር ፡ እምኵሉ ፡ አበሳ ፡ ወእምርኵሳ ፡ በትውልደ ፡ ዓለም ።	እስመ ፡ አርባዕቱ ፡ መካን ፡ በዲበ ፡ ምድር ፡ ለእግዚአብሔር ፡ ገነተ ፡ ኤዶም ፡ ወደብረ ፡ ጽባሕ ፡ ወዝደብር ፡ ዘሀሎከ ፡ አንተ ፡ ውስቴቱ ፡ ደብረ ፡ ሲና ፡ ዮም ፡ ወደብረ ፡ ጽዮን ፡ ይትቄደስ ፡ በፍጥረት ፡ ሐዳስ ፡ ለቅዳሴ ፡ ምድር ፡ በእንተዝ ፡ ትትቄደስ ፡ ምድር ፡ እምኵሉ ፡ አበሳ ፡ ወእምርኵሳ ፡ በትውልደ ፡ ዓለም ።
4:27	ወበኢዮቤልዉ ፡ ዘውእቱ ፡ ዓሥር ፡ ወራብዕ ፡ ኢዮቤልዉ ፡ ነሥአ ፡ ማቱሳላ ፡ እድናሃ ፡ ብእሲቶ ፡ ወለተ ፡ እዝራኤል ፡ ወለተ ፡ እኅተ ፡ አቡሁ ፡ ብእሲተ ፡ ሎቱ ፡ በሱባዔ ፡ ሣልስ ፡ በዓመት ፡ አሐዱ ፡ ዘውእቱ ፡ ዓመት ፡ ወወለደ ፡ ወልደ ፡ ወጸውዐ ፡ ስሞ ፡ ላሜክ ፡ 28 ወበዓሥር ፡ ወኃምስ ፡ ኢዮቤልዉ ፡ በሱባዔ ፡ ሣልስ ፡ ነሥአ ፡ ላሜክ ፡ ብእሲተ ፡ ወስማ ፡ ቤተኖስ ፡ ወለተ ፡ በራክኤል ፡ ወለተ ፡ እኅተ ፡ አቡሁ ፡ ሎቱ ፡ ብእሲተ ፡ ወበዝ ፡ ሱባዔ ፡ ወለደት ፡ ሎቱ ፡ ወልደ ፡ ወጸውዐ ፡ ስሞ ፡ ኖኅ ፡ እንዘ ፡ ይብል ፡ ዘይናዝዘኒ ፡ እምሐዘንየ ፡ ወእምኵሉ ፡ ግብርየ ፡ ወእምድር ፡ እንተ ፡ ረገማ ፡ እግዚአብሔር ።	ወበኢዮቤልዉ ፡ ዘውእቱ ፡ ዓሥር ፡ ወራብዕ ፡ ኢዮቤልዉ ፡ ነሥአ ፡ ማቱሳላ ፡ እድናሃ ፡ ብእሲቶ ፡ ወለተ ፡ እዝራኤል ፡ ወለተ ፡ እኅተ ፡ አቡሁ ፡ ብእሲተ ፡ ሎቱ ፡ በሱባዔ ፡ ሣልስ ፡ በዓመት ፡ አሐዱ ፡ ዘውእቱ ፡ ዓመት ፡ ወወለደ ፡ ወልደ ፡ ወጸውዐ ፡ ስሞ ፡ ላሜክ ፡ 28 ወበዓሥር ፡ ወኃምስ ፡ ኢዮቤልዉ ፡ በሱባዔ ፡ ሣልስ ፡ ነሥአ ፡ ላሜክ ፡ ብእሲተ ፡ ወስማ ፡ ቤተኖስ ፡ ወለተ ፡ በራክኤል ፡ ወለተ ፡ እኅተ ፡ አቡሁ ፡ ሎቱ ፡ ብእሲተ ፡ ወበዝ ፡ ሱባዔ ፡ ወለደት ፡ ሎቱ ፡ ወልደ ፡ ወጸውዐ ፡ ስሞ ፡ ኖኅ ፡ እንዘ ፡ ይብል ፡ ዘይናዝዘኒ ፡ እምሐዘንየ ፡ ወእምኵሉ ፡ ግብርየ ፡ ወእምድር ፡ እንተ ፡ ረገማ ፡ እግዚአብሔር ።
4:29	ወበፍጻሜሁ ፡ ለዓሥር ፡ ወታስዕ ፡ ኢዮቤልዉ ፡ በሱባዔ ፡ ሳብዕ ፡ በሳድስ ፡ ዓመቱ ፡ ሎቱ ፡ ሞተ ፡ አዳም ፡ ወቀበርዎ ፡ ኵሎሙ ፡ ደቂቁ ፡ ወስተ ፡ ምድረ ፡ ፍጥረቱ ።	ወበፍጻሜሁ ፡ ለዓሥር ፡ ወታስዕ ፡ ኢዮቤልዉ ፡ በሱባዔ ፡ ሳብዕ ፡ በሳድስ ፡ ዓመቱ ፡ ሎቱ ፡ ሞተ ፡ አዳም ፡ ወቀበርዎ ፡ ኵሎሙ ፡ ደቂቁ ፡ ወስተ ፡ ምድረ ፡ ፍጥረቱ ።
4:30	ወሰብዓ ፡ ዓመተ ፡ አሕጸጸ ፡ እምዐሠርቱ ፡ ምእት ፡ ዓም ፡ እስመ ፡ ዐሠርቱ ፡ ምእት ፡ ዓመት ፡ አሐቲ ፡ ዕለተ ፡ ውስተ ፡ ስምዐ ፡ ሰማያት ።	ወሰብዓ ፡ ዓመተ ፡ አሕጸጸ ፡ እምዐሠርቱ ፡ ምእት ፡ ዓም ፡ እስመ ፡ ዐሠርቱ ፡ ምእት ፡ ዓመት ፡ አሐቲ ፡ ዕለተ ፡ ውስተ ፡ ስምዐ ፡ ሰማያት ።
4:31	በተፍጻሜቱ ፡ ለዝንቱ ፡ ኢዮቤልዉ ፡ ተቀትለ ፡ ቃየን ፡ እምድኅሬሁ ፡ በአሐዱ ፡ ዓም ፡ ወወድቀ ፡ ቤቱ ፡ ላዕሌሁ ፡ ወሞተ ፡ በማእከለ ፡ ቤቱ ፡ ወተቀትለ ፡ በእበኒሃ ።	በተፍጻሜቱ ፡ ለዝንቱ ፡ ኢዮቤልዉ ፡ ተቀትለ ፡ ቃየን ፡ እምድኅሬሁ ፡ በአሐዱ ፡ ዓም ፡ ወወድቀ ፡ ቤቱ ፡ ላዕሌሁ ፡ ወሞተ ፡ በማእከለ ፡ ቤቱ ፡ ወተቀትለ ፡ በእበኒሃ ።
4:32	በእንተዝ ፡ ተሠርዐ ፡ ውስተ ፡ ጽላተ ፡ ሰማይ ፡ በንዋይ ፡ ዘቀተለ ፡ ብእሲ ፡ ቢጾ ፡ ቦቱ ፡ ይትቀትል ፡ በከመ ፡ አቍሰሎ ፡ ከማሁ ፡ ይግበሩ ፡ ሎቱ ።	በእንተዝ ፡ ተሠርዐ ፡ ውስተ ፡ ጽላተ ፡ ሰማይ ፡ በንዋይ ፡ ዘቀተለ ፡ ብእሲ ፡ ቢጾ ፡ ቦቱ ፡ ይትቀትል ፡ በከመ ፡ አቍሰሎ ፡ ከማሁ ፡ ይግበሩ ፡ ሎቱ ።
4:33	ወበዕሥራ ፡ ወኃምስ ፡ ኢዮቤልዉ ፡ ነሥአ ፡ ሎቱ ፡ ኖኅ ፡ ብእሲተ ፡ ወስማ ፡ ዕምዛራ ፡ ወለተ ፡ ራኪኤል ፡ ወለተ ፡ እኅቱ ፡ ሎቱ ፡ ብእሲተ ።	ወበዕሥራ ፡ ወኃምስ ፡ ኢዮቤልዉ ፡ ነሥአ ፡ ሎቱ ፡ ኖኅ ፡ ብእሲተ ፡ ወስማ ፡ ዕምዛራ ፡ ወለተ ፡ ራኪኤል ፡ ወለተ ፡ እኅቱ ፡ ሎቱ ፡ ብእሲተ ።