Jubilees

Jubilees 40 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
40:1	ወበውእቱ ፡ መዋዕል ፡ ሐለመ ፡ ፈርዖን ፡ ሕልመ ፡ ክልኤተ ፡ በአሐቲ ፡ ሌሊት ፡ በእንተ ፡ ነገረ ፡ ዐባር ፡ ዘይከውን ፡ ዲበ ፡ ኵሉ ፡ ምድር ፡ ወነቅሀ ፡ እምንዋሙ ፡ ወጸውዖሙ ፡ ለኵሎሙ ፡ መፈክራነ ፡ ሕልም ፡ እለ ፡ ውስተ ፡ ግብጽ ፡ ወረቀይት ፡ ወነገሮሙ ፡ ክልኤሆሙ ፡ ሕልሞ ፡ ወኢክህሉ ፡ አእምሮ ።	ወበውእቱ ፡ መዋዕል ፡ ሐለመ ፡ ፈርዖን ፡ ሕልመ ፡ ክልኤተ ፡ በአሐቲ ፡ ሌሊት ፡ በእንተ ፡ ነገረ ፡ ዐባር ፡ ዘይከውን ፡ ዲበ ፡ ኵሉ ፡ ምድር ፡ ወነቅሀ ፡ እምንዋሙ ፡ ወጸውዖሙ ፡ ለኵሎሙ ፡ መፈክራነ ፡ ሕልም ፡ እለ ፡ ውስተ ፡ ግብጽ ፡ ወረቀይት ፡ ወነገሮሙ ፡ ክልኤሆሙ ፡ ሕልሞ ፡ ወኢክህሉ ፡ አእምሮ ።
40:2	ወእምዝ ፡ ተዘከሮ ፡ ለዮሴፍ ፡ ሊቀ ፡ መዘርት ፡ ወነገረ ፡ በእንቲአሁ ፡ ለንጉሥ ፡ ወአውፅእዎ ፡ እምነ ፡ ቤተ ፡ ሞቅሕ ፡ ወነገረ ፡ በቅድሜሁ ፡ ክልኤሆሙ ፡ ሕለሚሁ ።	ወእምዝ ፡ ተዘከሮ ፡ ለዮሴፍ ፡ ሊቀ ፡ መዘርት ፡ ወነገረ ፡ በእንቲአሁ ፡ ለንጉሥ ፡ ወአውፅእዎ ፡ እምነ ፡ ቤተ ፡ ሞቅሕ ፡ ወነገረ ፡ በቅድሜሁ ፡ ክልኤሆሙ ፡ ሕለሚሁ ።
40:3	ወይቤ ፡ በቅድሜሁ ፡ ለፈርዖን ፡ ከመ ፡ ክልኤሆሙ ፡ ሕለሚሁ ፡ አሐዱ ፡ እሙንቱ ።	ወይቤ ፡ በቅድሜሁ ፡ ለፈርዖን ፡ ከመ ፡ ክልኤሆሙ ፡ ሕለሚሁ ፡ አሐዱ ፡ እሙንቱ ።
40:4	ወይእዜኒ ፡ ይሥራዕ ፡ ፈርዖን ፡ ውስተ ፡ ኵሉ ፡ ምድረ ፡ ግብጽ ፡ ከያደ ፡ ወይዝግቡ ፡ ሲሲተ ፡ ለሀገር ፡ ውስተ ፡ ሀገር ፡ በመዋዕለ ፡ ዓመታት ፡ ዘጽጋብ ፡ ወይከውን ፡ ሲሲተ ፡ ለሰብዐቱ ፡ ዓመታተ ፡ ዐባር ፡ ወኢትትሐጐል ፡ ምድር ፡ እምቅድመ ፡ ገጸ ፡ ዐባር ፡ እስመ ፡ ኀያል ፡ ይከውን ፡ ጥቀ ።	ወይእዜኒ ፡ ይሥራዕ ፡ ፈርዖን ፡ ውስተ ፡ ኵሉ ፡ ምድረ ፡ ግብጽ ፡ ከያደ ፡ ወይዝግቡ ፡ ሲሲተ ፡ ለሀገር ፡ ውስተ ፡ ሀገር ፡ በመዋዕለ ፡ ዓመታት ፡ ዘጽጋብ ፡ ወይከውን ፡ ሲሲተ ፡ ለሰብዐቱ ፡ ዓመታተ ፡ ዐባር ፡ ወኢትትሐጐል ፡ ምድር ፡ እምቅድመ ፡ ገጸ ፡ ዐባር ፡ እስመ ፡ ኀያል ፡ ይከውን ፡ ጥቀ ።
40:5	ወወሀቦ ፡ እግዚአብሔር ፡ ለዮሴፍ ፡ ሞገሰ ፡ ወምሕረተ ፡ በቅድመ ፡ አዕይንቲሁ ፡ ለፈርዖን ፡ ወይቤ ፡ ፈርዖን ፡ ለላእካኒሁ ፡ ኢንረክብ ፡ ብእሴ ፡ ጠቢበ ፡ ወማእምረ ፡ ዘከመዝ ፡ ብእሲ ፡ እስመ ፡ መንፈሰ ፡ እግዚአብሔር ፡ ምስሌሁ ።	ወወሀቦ ፡ እግዚአብሔር ፡ ለዮሴፍ ፡ ሞገሰ ፡ ወምሕረተ ፡ በቅድመ ፡ አዕይንቲሁ ፡ ለፈርዖን ፡ ወይቤ ፡ ፈርዖን ፡ ለላእካኒሁ ፡ ኢንረክብ ፡ ብእሴ ፡ ጠቢበ ፡ ወማእምረ ፡ ዘከመዝ ፡ ብእሲ ፡ እስመ ፡ መንፈሰ ፡ እግዚአብሔር ፡ ምስሌሁ ።
40:6	ወሤሞ ፡ ዳግመ ፡ ውስተ ፡ ኵሉ ፡ መንግሥቱ ፡ ወአኰነኖ ፡ ውስተ ፡ ኵሉ ፡ ግብጽ ፡ ወአጽዐኖ ፡ ዲበ ፡ ሰረገላሁ ፡ ካዕብ ፡ ዘፈርዖን ፡	ወሤሞ ፡ ዳግመ ፡ ውስተ ፡ ኵሉ ፡ መንግሥቱ ፡ ወአኰነኖ ፡ ውስተ ፡ ኵሉ ፡ ግብጽ ፡ ወአጽዐኖ ፡ ዲበ ፡ ሰረገላሁ ፡ ካዕብ ፡ ዘፈርዖን ፡
40:7	ወአልበሶ ፡ ልብሰ ፡ ቢሶስ ፡ ወአዕነቆ ፡ ባዝግና ፡ ወርቅ ፡ ውስተ ፡ ክሳዱ ።	ወአልበሶ ፡ ልብሰ ፡ ቢሶስ ፡ ወአዕነቆ ፡ ባዝግና ፡ ወርቅ ፡ ውስተ ፡ ክሳዱ ።
40:8	ወመበለ ፡ ዮሴፍ ፡ ውስተ ፡ ኵሉ ፡ ምድረ ፡ ግብጽ ፡ ወአፍቅርዎ ፡ ኵሎሙ ፡ መኳንንቲሁ ፡ ለፈርዖን ፡ ወኵሎሙ ፡ ላእካኒሁ ፡ ወኵሎሙ ፡ እለ ፡ ይገብሩ ፡ ግብረ ፡ ንጉሥ ።	ወመበለ ፡ ዮሴፍ ፡ ውስተ ፡ ኵሉ ፡ ምድረ ፡ ግብጽ ፡ ወአፍቅርዎ ፡ ኵሎሙ ፡ መኳንንቲሁ ፡ ለፈርዖን ፡ ወኵሎሙ ፡ ላእካኒሁ ፡ ወኵሎሙ ፡ እለ ፡ ይገብሩ ፡ ግብረ ፡ ንጉሥ ።
40:9	ወተሰናአወት ፡ ምድረ ፡ ግብድ ፡ በቅድሜሁ ፡ ለፈርዖን ፡ በእንተ ፡ ዮሴፍ ፡ እስመ ፡ እግዚአብሔር ፡ ምስሌሁ ፡ ወወሀቦ ፡ ሞገሰ ፡ ወምሕረተ ፡ ላዕለ ፡ ኵሎሙ ፡ ዘመዱ ፡ በቅድመ ፡ ኵሎሙ ፡ እለ ፡ ያአምርዎ ፡ ወለእለ ፡ ይሰምዑ ፡ ስምዐ ፡ ምስሌሁ ፡ ወረትዐት ፡ መንግሥተ ፡ ፈርዖን ፡ ወአልቦ ፡ ሰይጣነ ፡ ወአልቦ ፡ እኩየ ፡	ወተሰናአወት ፡ ምድረ ፡ ግብድ ፡ በቅድሜሁ ፡ ለፈርዖን ፡ በእንተ ፡ ዮሴፍ ፡ እስመ ፡ እግዚአብሔር ፡ ምስሌሁ ፡ ወወሀቦ ፡ ሞገሰ ፡ ወምሕረተ ፡ ላዕለ ፡ ኵሎሙ ፡ ዘመዱ ፡ በቅድመ ፡ ኵሎሙ ፡ እለ ፡ ያአምርዎ ፡ ወለእለ ፡ ይሰምዑ ፡ ስምዐ ፡ ምስሌሁ ፡ ወረትዐት ፡ መንግሥተ ፡ ፈርዖን ፡ ወአልቦ ፡ ሰይጣነ ፡ ወአልቦ ፡ እኩየ ፡
40:10	ወጸውዐ ፡ ንጉሥ ፡ ስሞ ፡ ለዮሴፍ ፡ ስፋንጢፋንስ ።	ወጸውዐ ፡ ንጉሥ ፡ ስሞ ፡ ለዮሴፍ ፡ ስፋንጢፋንስ ።
40:11	ወበዕለተ ፡ ቆመ ፡ ዮሴፍ ፡ ኀበ ፡ ፈርዖን ፡ ወልደ ፡ ሠላሳ ፡ ክረምት ፡ አመ ፡ ቆመ ፡ ቅድመ ፡ ፈርዖን ።	ወበዕለተ ፡ ቆመ ፡ ዮሴፍ ፡ ኀበ ፡ ፈርዖን ፡ ወልደ ፡ ሠላሳ ፡ ክረምት ፡ አመ ፡ ቆመ ፡ ቅድመ ፡ ፈርዖን ።
40:12	ወበውእቱ ፡ ዓመት ፡ ሞተ ፡ ይስሐቅ ፡ ወበጽሐ ፡ በከመ ፡ ነገረ ፡ ዮሴፍ ፡ በእንተ ፡ ፍካሬ ፡ ክልኤቱ ፡ ሕልሙ ፡ ዘከመ ፡ ነገሮ ፡ ወኮነ ፡ ሰብዐቱ ፡ ክረምት ፡ ዘጽጋብ ፡ ውስተ ፡ ኵሉ ፡ ምድረ ፡ ግብጽ ፡ ወፈርየት ፡ ምድረ ፡ ብዙኀ ፡ አሐቲ ፡ መስፈርት ፡ ዐሠርተ ፡ ወሰማኒተ ፡ ምእተ ፡ መሳፍረ ።	ወበውእቱ ፡ ዓመት ፡ ሞተ ፡ ይስሐቅ ፡ ወበጽሐ ፡ በከመ ፡ ነገረ ፡ ዮሴፍ ፡ በእንተ ፡ ፍካሬ ፡ ክልኤቱ ፡ ሕልሙ ፡ ዘከመ ፡ ነገሮ ፡ ወኮነ ፡ ሰብዐቱ ፡ ክረምት ፡ ዘጽጋብ ፡ ውስተ ፡ ኵሉ ፡ ምድረ ፡ ግብጽ ፡ ወፈርየት ፡ ምድረ ፡ ብዙኀ ፡ አሐቲ ፡ መስፈርት ፡ ዐሠርተ ፡ ወሰማኒተ ፡ ምእተ ፡ መሳፍረ ።
40:13	ወአስተጋብአ ፡ ዮሴፍ ፡ ሲሲተ ፡ ለሀገር ፡ ውስተ ፡ ሀገር ፡ እስከ ፡ መልአ ፡ ሥርናይ ፡ እስከ ፡ ሶበ ፡ ይስእኑ ፡ ኆልቆቶ ፡ ወሰፊረ ፡ እምነ ፡ ብዝኁ ።	ወአስተጋብአ ፡ ዮሴፍ ፡ ሲሲተ ፡ ለሀገር ፡ ውስተ ፡ ሀገር ፡ እስከ ፡ መልአ ፡ ሥርናይ ፡ እስከ ፡ ሶበ ፡ ይስእኑ ፡ ኆልቆቶ ፡ ወሰፊረ ፡ እምነ ፡ ብዝኁ ።

read Ge'ez alone read Ge'ez alone