Jubilees

Jubilees 45 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
45:1	ወቦአ ፡ እስራኤል ፡ ውስተ ፡ ብሔረ ፡ ግብጽ ፡ ውስተ ፡ ምድረ ፡ ጌሤም ፡ አመ ፡ ሠርቀ ፡ ወርኅ ፡ ራብዕ ፡ በካልእ ፡ ዓመት ፡ ዘሱባዔ ፡ ሣልስ ፡ ዘአርብዓ ፡ ወኀምስቱ ፡ ኢዮቤልው ።	ወቦአ ፡ እስራኤል ፡ ውስተ ፡ ብሔረ ፡ ግብጽ ፡ ውስተ ፡ ምድረ ፡ ጌሤም ፡ አመ ፡ ሠርቀ ፡ ወርኅ ፡ ራብዕ ፡ በካልእ ፡ ዓመት ፡ ዘሱባዔ ፡ ሣልስ ፡ ዘአርብዓ ፡ ወኀምስቱ ፡ ኢዮቤልው ።
45:2	ወመጽአ ፡ ዮሴፍ ፡ ይትቀበል ፡ አባሁ ፡ ያዕቆብሃ ፡ ውስተ ፡ ምድረ ፡ ጌሤም ፡ ወሐቀፈ ፡ ክሳደ ፡ አቡሁ ፡ ወበከየ ።	ወመጽአ ፡ ዮሴፍ ፡ ይትቀበል ፡ አባሁ ፡ ያዕቆብሃ ፡ ውስተ ፡ ምድረ ፡ ጌሤም ፡ ወሐቀፈ ፡ ክሳደ ፡ አቡሁ ፡ ወበከየ ።
45:3	ወይቤሎ ፡ እስራኤል ፡ ለዮሴፍ ፡ እሙት ፡ ይእዜሰ ፡ እምዘ ፡ ርኢኩከ ፡ ወይእዜኒ ፡ ይትባረክ ፡ እግዚአብሔር ፡ አምላከ ፡ እስራኤል ፡ ወአምላከ ፡ አብርሃም ፡ ወአምላከ ፡ ይስሐቅ ፡ ዘኢከልአ ፡ ምሕረቶ ፡ ወሣህሎ ፡ እምገብሩ ፡ ያዕቆብ ።	ወይቤሎ ፡ እስራኤል ፡ ለዮሴፍ ፡ እሙት ፡ ይእዜሰ ፡ እምዘ ፡ ርኢኩከ ፡ ወይእዜኒ ፡ ይትባረክ ፡ እግዚአብሔር ፡ አምላከ ፡ እስራኤል ፡ ወአምላከ ፡ አብርሃም ፡ ወአምላከ ፡ ይስሐቅ ፡ ዘኢከልአ ፡ ምሕረቶ ፡ ወሣህሎ ፡ እምገብሩ ፡ ያዕቆብ ።
45:4	ዐቢይ ፡ ሊተ ፡ ዘርኢኩ ፡ ገጸከ ፡ እንዘ ፡ ሕያው ፡ አነ ፡ እስመ ፡ አማን ፡ ህልው ፡ ራእይ ፡ ዘርኢኩ ፡ በቤቴል ፡ ይትባረክ ፡ እግዚአብሔር ፡ አምላኪየ ፡ ለዓለመ ፡ ዓለም ፡ ወቡሩክ ፡ ስሙ ።	ዐቢይ ፡ ሊተ ፡ ዘርኢኩ ፡ ገጸከ ፡ እንዘ ፡ ሕያው ፡ አነ ፡ እስመ ፡ አማን ፡ ህልው ፡ ራእይ ፡ ዘርኢኩ ፡ በቤቴል ፡ ይትባረክ ፡ እግዚአብሔር ፡ አምላኪየ ፡ ለዓለመ ፡ ዓለም ፡ ወቡሩክ ፡ ስሙ ።
45:5	ወበልዑ ፡ ዮሴፍ ፡ ወአኀዊሁ ፡ በቅድመ ፡ አቡሆሙ ፡ ኅብስተ ፡ ወሰትዩ ፡ ወይነ ፡ ወተፈሥሐ ፡ ያዕቆብ ፡ ፍሥሓ ፡ ዐቢየ ፡ ጥቀ ።	ወበልዑ ፡ ዮሴፍ ፡ ወአኀዊሁ ፡ በቅድመ ፡ አቡሆሙ ፡ ኅብስተ ፡ ወሰትዩ ፡ ወይነ ፡ ወተፈሥሐ ፡ ያዕቆብ ፡ ፍሥሓ ፡ ዐቢየ ፡ ጥቀ ።
45:6	ወወሀቦ ፡ ዮሴፍ ፡ ለአቡሁ ፡ ወለአኀዊሁ ፡ ሀብተ ፡ ከመ ፡ ይኅድሩ ፡ ምድረ ፡ ጌሤም ፡ ወውስተ ፡ ራሜሲኖ ፡ ወኵሎ ፡ አድያሚሃ ፡ ሎሙ ፡ ዘይኴንኑ ፡ በቅድሜሁ ፡ ለፈርዖን ።	ወወሀቦ ፡ ዮሴፍ ፡ ለአቡሁ ፡ ወለአኀዊሁ ፡ ሀብተ ፡ ከመ ፡ ይኅድሩ ፡ ምድረ ፡ ጌሤም ፡ ወውስተ ፡ ራሜሲኖ ፡ ወኵሎ ፡ አድያሚሃ ፡ ሎሙ ፡ ዘይኴንኑ ፡ በቅድሜሁ ፡ ለፈርዖን ።
45:7	ወሴሰዮሙ ፡ ዮሴፍ ፡ ለአቡሁ ፡ ወለአኀዊሁ ፡ ወጥሪቶሙሂ ፡ ኀባውዘ ፡ በከመ ፡ የአክሎሙ ፡ ለሰብዐቱ ፡ ዓመታተ ፡ ዐባር ።	ወሴሰዮሙ ፡ ዮሴፍ ፡ ለአቡሁ ፡ ወለአኀዊሁ ፡ ወጥሪቶሙሂ ፡ ኀባውዘ ፡ በከመ ፡ የአክሎሙ ፡ ለሰብዐቱ ፡ ዓመታተ ፡ ዐባር ።
45:8	ወሐመት ፡ ምድረ ፡ ግብጽ ፡ እምቅድመ ፡ ገጸ ፡ ዐባር ።	ወሐመት ፡ ምድረ ፡ ግብጽ ፡ እምቅድመ ፡ ገጸ ፡ ዐባር ።
45:9	ወተፈጸመ ፡ ዓመታተ ፡ ዐባር ።	ወተፈጸመ ፡ ዓመታተ ፡ ዐባር ።
45:10	እስመ ፡ በሰብዓቱ ፡ ዓመታተ ፡ ዐባር ።	እስመ ፡ በሰብዓቱ ፡ ዓመታተ ፡ ዐባር ።
45:11	ወውእቱ ፡ ዓመት ፡ ቀዳሚ ፡ ዘሱባዔ ፡ ራብዕ ፡ ዘአርብዓ ፡ ወኀምስቱ ፡ ኢዮቤሌው ።	ወውእቱ ፡ ዓመት ፡ ቀዳሚ ፡ ዘሱባዔ ፡ ራብዕ ፡ ዘአርብዓ ፡ ወኀምስቱ ፡ ኢዮቤሌው ።
45:12	ወነሥአ ፡ ዮሴፍ ፡ እምእክል ፡ ዘዘርኡ ፡ ኀምስቶ ፡ ለንጉሥ ፡ ወራብዕተ ፡ እደ ፡ ኀደገ ፡ ሎሙ ፡ ለሲሲት ፡ ወለዘርእ ፡ ወረሰዮ ፡ ዮሴፍ ፡ ሥርዐተ ፡ ለምድረ ፡ ግብጽ ፡ እስከ ፡ ዛቲ ፡ ዕለት ።	ወነሥአ ፡ ዮሴፍ ፡ እምእክል ፡ ዘዘርኡ ፡ ኀምስቶ ፡ ለንጉሥ ፡ ወራብዕተ ፡ እደ ፡ ኀደገ ፡ ሎሙ ፡ ለሲሲት ፡ ወለዘርእ ፡ ወረሰዮ ፡ ዮሴፍ ፡ ሥርዐተ ፡ ለምድረ ፡ ግብጽ ፡ እስከ ፡ ዛቲ ፡ ዕለት ።
45:13	ወሐይወ ፡ እስራኤል ፡ በምድረ ፡ ግብጽ ፡ ዐሠርተ ፡ ወሰብዓተ ፡ ዓመተ ።	ወሐይወ ፡ እስራኤል ፡ በምድረ ፡ ግብጽ ፡ ዐሠርተ ፡ ወሰብዓተ ፡ ዓመተ ።
45:14	ወባረኮሙ ፡ እስራኤል ፡ ለውሉዱ ፡ ዘእንበለ ፡ ይሙት ፡ ወነገሮሙ ፡ ኵሎ ፡ ዘኮነ ፡ ይረክቦሙ ፡ በምድረ ፡ ግብጽ ፡ ወበደኃሪ ፡ መዋዕል ፡ ዘከመ ፡ ይመጽእ ፡ ላዕሌሆሙ ፡ አይድዖሙ ፡ ወባረኮሙ ።	ወባረኮሙ ፡ እስራኤል ፡ ለውሉዱ ፡ ዘእንበለ ፡ ይሙት ፡ ወነገሮሙ ፡ ኵሎ ፡ ዘኮነ ፡ ይረክቦሙ ፡ በምድረ ፡ ግብጽ ፡ ወበደኃሪ ፡ መዋዕል ፡ ዘከመ ፡ ይመጽእ ፡ ላዕሌሆሙ ፡ አይድዖሙ ፡ ወባረኮሙ ።
45:15	ወኖመ ፡ ምስለ ፡ አበዊሁ ፡ ወተቀብረ ፡ ውስተ ፡ በአት ፡ ዘካዕበት ፡ በምድረ ፡ ከናአን ፡ ቅሩበ ፡ አብርሃም ፡ አቡሁ ፡ ውስተ ፡ መቃብር ፡ ዘከረየ ፡ ለርእሱ ፡ ውስተ ፡ በአተ ፡ ካዕበት ፡ በምድረ ፡ ኬብሮን ።	ወኖመ ፡ ምስለ ፡ አበዊሁ ፡ ወተቀብረ ፡ ውስተ ፡ በአት ፡ ዘካዕበት ፡ በምድረ ፡ ከናአን ፡ ቅሩበ ፡ አብርሃም ፡ አቡሁ ፡ ውስተ ፡ መቃብር ፡ ዘከረየ ፡ ለርእሱ ፡ ውስተ ፡ በአተ ፡ ካዕበት ፡ በምድረ ፡ ኬብሮን ።
45:16	ወወሀቦ ፡ ኵሎ ፡ መጻሕፍቲሁ ፡ ወመጻሕፍተ ፡ አበዊሁ ፡ ለሌዊ ፡ ወልዱ ፡ ከመ ፡ ይዕቀቦን ፡ ወከመ ፡ የሐድሶን ፡ ለውሉዱ ፡ እስከ ፡ ዛቲ ፡ ዕለት ።	ወወሀቦ ፡ ኵሎ ፡ መጻሕፍቲሁ ፡ ወመጻሕፍተ ፡ አበዊሁ ፡ ለሌዊ ፡ ወልዱ ፡ ከመ ፡ ይዕቀቦን ፡ ወከመ ፡ የሐድሶን ፡ ለውሉዱ ፡ እስከ ፡ ዛቲ ፡ ዕለት ።