Jubilees

Jubilees 49 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
49:1	ተዘከር ፡ ትእዛዘ ፡ ዘአዘዘከ ፡ እግዚአብሔር ፡ በእንተ ፡ ፋሲካ ፡ ከመ ፡ ትግበር ፡ በጊዜሁ ፡ አመ ፡ ዐሡር ፡ ወረቡዑ ፡ ለወርኅ ፡ ቀዳማዊ ፡ ከመ ፡ ትጥብሖ ፡ ዘእንበለ ፡ ይምሰይ ፡ ወከመ ፡ ይብልዕዎ ፡ በሌሊት ፡ አመ ፡ ምሴት ፡ ዘዐሡር ፡ ወኀሙስ ፡ እምጊዜ ፡ ዕርበተ ፡ ፀሐይ ፡ 2 እስመ ፡ በዛቲ ፡ ሌሊት ፡ ቀዳሜ ፡ በዓል ፡ ይእቲ ፡ ወቀዳሜ ፡ ፍሥሐ ፡ ይእቲ ፡ አንትሙ ፡ ትነብሩ ፡ ትብልዑ ፡ ጳስካ ፡ በግብጽ ።	ተዘከር ፡ ትእዛዘ ፡ ዘአዘዘከ ፡ እግዚአብሔር ፡ በእንተ ፡ ፋሲካ ፡ ከመ ፡ ትግበር ፡ በጊዜሁ ፡ አመ ፡ ዐሡር ፡ ወረቡዑ ፡ ለወርኅ ፡ ቀዳማዊ ፡ ከመ ፡ ትጥብሖ ፡ ዘእንበለ ፡ ይምሰይ ፡ ወከመ ፡ ይብልዕዎ ፡ በሌሊት ፡ አመ ፡ ምሴት ፡ ዘዐሡር ፡ ወኀሙስ ፡ እምጊዜ ፡ ዕርበተ ፡ ፀሐይ ፡ 2 እስመ ፡ በዛቲ ፡ ሌሊት ፡ ቀዳሜ ፡ በዓል ፡ ይእቲ ፡ ወቀዳሜ ፡ ፍሥሐ ፡ ይእቲ ፡ አንትሙ ፡ ትነብሩ ፡ ትብልዑ ፡ ጳስካ ፡ በግብጽ ።
49:3	ወዛቲ ፡ ዘወሀበ ፡ እግዚአብሔር ፡ ሎሙ ፡ ውስተ ፡ ኵሉ ፡ ቤት ፡ ዘርእዩ ፡ ውስተ ፡ አንቀጹ ፡ ደመ ፡ በግዕ ፡ ዘዓመት ፡ ኢይባኡ ፡ ውስተ ፡ ቤቱ ፡ ለቀቲል ፡ አላ ፡ ይትዓደዉ ፡ ከመ ፡ ይድኀኑ ፡ ኵሎሙ ፡ እለ ፡ ውስተ ፡ ቤት ፡ እስመ ፡ ትእምርተ ፡ ደም ፡ ውስተ ፡ አንቀጹ ፡	ወዛቲ ፡ ዘወሀበ ፡ እግዚአብሔር ፡ ሎሙ ፡ ውስተ ፡ ኵሉ ፡ ቤት ፡ ዘርእዩ ፡ ውስተ ፡ አንቀጹ ፡ ደመ ፡ በግዕ ፡ ዘዓመት ፡ ኢይባኡ ፡ ውስተ ፡ ቤቱ ፡ ለቀቲል ፡ አላ ፡ ይትዓደዉ ፡ ከመ ፡ ይድኀኑ ፡ ኵሎሙ ፡ እለ ፡ ውስተ ፡ ቤት ፡ እስመ ፡ ትእምርተ ፡ ደም ፡ ውስተ ፡ አንቀጹ ፡
49:4	ወገብሩ ፡ ኀይላቲሁ ፡ ለእግዚአብሔር ፡ ኵሎ ፡ ዘመጠነ ፡ አዘዞሙ ፡ እግዚአብሔር ፡ ወተዐደዉ ፡ እምኵሉ ፡ ደቂቀ ፡ እስራኤል ፡ ወኢቦአ ፡ ላዕሌሆሙ ፡ መቅሠፍት ፡ ለአማስኖ ፡ እምኔሆሙ ፡ ኵሎ ፡ ነፍሰ ፡ እምእንስሳ ፡ እስከ ፡ ሰብእ ፡ ወእስከ ፡ ከልብ ።	ወገብሩ ፡ ኀይላቲሁ ፡ ለእግዚአብሔር ፡ ኵሎ ፡ ዘመጠነ ፡ አዘዞሙ ፡ እግዚአብሔር ፡ ወተዐደዉ ፡ እምኵሉ ፡ ደቂቀ ፡ እስራኤል ፡ ወኢቦአ ፡ ላዕሌሆሙ ፡ መቅሠፍት ፡ ለአማስኖ ፡ እምኔሆሙ ፡ ኵሎ ፡ ነፍሰ ፡ እምእንስሳ ፡ እስከ ፡ ሰብእ ፡ ወእስከ ፡ ከልብ ።
49:5	ወኮነ ፡ መቅሠፍት ፡ በግብጽ ፡ ጥቀ ፡ ዐቢይ ፡ ወአልቦ ፡ ቤተ ፡ በግብጽ ፡ ዘአልቦ ፡ በድነ ፡ ውስቴታ ፡ ወብካየ ፡ ወዐውያተ ፡ 6 ወኵሉ ፡ እስራኤል ፡ ይነብር ፡ እንዘ ፡ ይበልዕ ፡ ሥጋ ፡ ጳስካ ፡ ወእንዘ ፡ ይሰቲ ፡ ወይነ ፡ ወይሴብሕ ፡ ወይባርክ ፡ ወያአኵት ፡ እግዚአብሔር ፡ አምላከ ፡ አበዊሁ ፡ ወድልወ ፡ ይከውን ፡ ለወፂእ ፡ እምአርዑተ ፡ ግብጽ ፡ ወእምቅኔ ፡ እኪት ።	ወኮነ ፡ መቅሠፍት ፡ በግብጽ ፡ ጥቀ ፡ ዐቢይ ፡ ወአልቦ ፡ ቤተ ፡ በግብጽ ፡ ዘአልቦ ፡ በድነ ፡ ውስቴታ ፡ ወብካየ ፡ ወዐውያተ ፡ 6 ወኵሉ ፡ እስራኤል ፡ ይነብር ፡ እንዘ ፡ ይበልዕ ፡ ሥጋ ፡ ጳስካ ፡ ወእንዘ ፡ ይሰቲ ፡ ወይነ ፡ ወይሴብሕ ፡ ወይባርክ ፡ ወያአኵት ፡ እግዚአብሔር ፡ አምላከ ፡ አበዊሁ ፡ ወድልወ ፡ ይከውን ፡ ለወፂእ ፡ እምአርዑተ ፡ ግብጽ ፡ ወእምቅኔ ፡ እኪት ።
49:7	ወአንተኒ ፡ ተዘከር ፡ ዛተ ፡ ዕለተ ፡ ኵሎ ፡ መዋዕለ ፡ ሕይወትከ ፡ ወግበራ ፡ እምዓም ፡ ለዓም ፡ ኵሎ ፡ መዋዕለ ፡ ሕይወትከ ፡ ምዕረ ፡ ለዓመት ፡ በዕለቱ ፡ በከመ ፡ ኵሉ ፡ ሕጉ ፡ ወኢታስተኃልፍ ፡ ዕለተ ፡ እምዕለት ፡ ወእምወርኅ ፡ ለወርኅ ፡ 8 እስመ ፡ ሥርዐት ፡ ዘለዓለም ፡ ውእቱ ፡ ወቍሩጽ ፡ ውስተ ፡ ጽላተ ፡ ሰማይ ፡ ላዕለ ፡ ውሉደ ፡ እስራኤል ፡ ከመ ፡ ይግበርዎ ፡ በኵሉ ፡ ዓመት ፡ ወዓመት ፡ በዕለቱ ፡ ምዕረ ፡ በዓመት ፡ ውስተ ፡ ኵሉ ፡ ትውልዶሙ ፡ ወአልቦ ፡ ወሰነ ፡ መዋዕል ፡ እስመ ፡ ለዓለም ፡ ውእቱ ፡ ሥሩዕ ፡	ወአንተኒ ፡ ተዘከር ፡ ዛተ ፡ ዕለተ ፡ ኵሎ ፡ መዋዕለ ፡ ሕይወትከ ፡ ወግበራ ፡ እምዓም ፡ ለዓም ፡ ኵሎ ፡ መዋዕለ ፡ ሕይወትከ ፡ ምዕረ ፡ ለዓመት ፡ በዕለቱ ፡ በከመ ፡ ኵሉ ፡ ሕጉ ፡ ወኢታስተኃልፍ ፡ ዕለተ ፡ እምዕለት ፡ ወእምወርኅ ፡ ለወርኅ ፡ 8 እስመ ፡ ሥርዐት ፡ ዘለዓለም ፡ ውእቱ ፡ ወቍሩጽ ፡ ውስተ ፡ ጽላተ ፡ ሰማይ ፡ ላዕለ ፡ ውሉደ ፡ እስራኤል ፡ ከመ ፡ ይግበርዎ ፡ በኵሉ ፡ ዓመት ፡ ወዓመት ፡ በዕለቱ ፡ ምዕረ ፡ በዓመት ፡ ውስተ ፡ ኵሉ ፡ ትውልዶሙ ፡ ወአልቦ ፡ ወሰነ ፡ መዋዕል ፡ እስመ ፡ ለዓለም ፡ ውእቱ ፡ ሥሩዕ ፡
49:9	ወብእሲ ፡ እንዘ ፡ ንጹሕ ፡ ውእቱ ፡ ወኢመጽአ ፡ ይግበሮ ፡ በጊዜ ፡ ዕለቱ ፡ ለአብኦ ፡ ቍርባን ፡ ዘይሠምር ፡ ቅድመ ፡ እግዚአብሔር ፡ ወለበሊዕ ፡ ወለሰቲይ ፡ በቅድመ ፡ እግዚአብሔር ፡ በዕለተ ፡ በዓሉ ፡ ወይሠረዉ ፡ ውእቱ ፡ ብእሲ ፡ ዘንጹሕ ፡ ወቅሩብ ፡ እስመ ፡ ቍርባነ ፡ እግዚአብሔር ፡ ኢያብአ ፡ በጊዜሁ ፡ ወኀጢአተ ፡ ይነሥእ ፡ ውእቱ ፡ ብእሲ ፡ ለርእሱ ፡	ወብእሲ ፡ እንዘ ፡ ንጹሕ ፡ ውእቱ ፡ ወኢመጽአ ፡ ይግበሮ ፡ በጊዜ ፡ ዕለቱ ፡ ለአብኦ ፡ ቍርባን ፡ ዘይሠምር ፡ ቅድመ ፡ እግዚአብሔር ፡ ወለበሊዕ ፡ ወለሰቲይ ፡ በቅድመ ፡ እግዚአብሔር ፡ በዕለተ ፡ በዓሉ ፡ ወይሠረዉ ፡ ውእቱ ፡ ብእሲ ፡ ዘንጹሕ ፡ ወቅሩብ ፡ እስመ ፡ ቍርባነ ፡ እግዚአብሔር ፡ ኢያብአ ፡ በጊዜሁ ፡ ወኀጢአተ ፡ ይነሥእ ፡ ውእቱ ፡ ብእሲ ፡ ለርእሱ ፡
49:10	ከመ ፡ ይኩኑ ፡ ውሉደ ፡ እስራኤል ፡ እለ ፡ ይመጽኡ ፡ ወይገብሩ ፡ ጰስከ ፡ በዕለተ ፡ ጊዜሁ ፡ አመ ፡ ዐሡሩ ፡ ወረቡዑ ፡ ለወርኅ ፡ ቀዳማዊ ፡ በማእከለ ፡ ምስያታት ፡ እምሣልስታ ፡ ለዕለት ፡ እስከ ፡ ሣልስታ ፡ ለሌሊት ፡ እስመ ፡ ክልኤ ፡ መክፈልታ ፡ ለዕለት ፡ ተውህበ ፡ ለብርሃን ፡ ወሣልስታ ፡ ለምሴት ፡	ከመ ፡ ይኩኑ ፡ ውሉደ ፡ እስራኤል ፡ እለ ፡ ይመጽኡ ፡ ወይገብሩ ፡ ጰስከ ፡ በዕለተ ፡ ጊዜሁ ፡ አመ ፡ ዐሡሩ ፡ ወረቡዑ ፡ ለወርኅ ፡ ቀዳማዊ ፡ በማእከለ ፡ ምስያታት ፡ እምሣልስታ ፡ ለዕለት ፡ እስከ ፡ ሣልስታ ፡ ለሌሊት ፡ እስመ ፡ ክልኤ ፡ መክፈልታ ፡ ለዕለት ፡ ተውህበ ፡ ለብርሃን ፡ ወሣልስታ ፡ ለምሴት ፡
49:11	ዝውእቱ ፡ ዘአዘዘከ ፡ እግዚአብሔር ፡ ከመ ፡ ትግበሮ ፡ በማእከለ ፡ ምሴታት ።	ዝውእቱ ፡ ዘአዘዘከ ፡ እግዚአብሔር ፡ ከመ ፡ ትግበሮ ፡ በማእከለ ፡ ምሴታት ።
49:12	ወኢይከውን ፡ ጠቢሖቱ ፡ በኵሉ ፡ ጊዜ ፡ ብርሃን ፡ ዘእንበለ ፡ ጊዜ ፡ ወሰነ ፡ ምሴት ፡ ወይበልዕዎ ፡ በጊዜ ፡ ምሴት ፡ እስከ ፡ ሣልስተ ፡ ሌሊት ፡ ወዘተርፈ ፡ እምኵሉ ፡ ሥጋሁ ፡ እምሣልስተ ፡ ሌሊት ፡ ወከሐ ፡ በእሳት ፡ ያውዕይዎ ።	ወኢይከውን ፡ ጠቢሖቱ ፡ በኵሉ ፡ ጊዜ ፡ ብርሃን ፡ ዘእንበለ ፡ ጊዜ ፡ ወሰነ ፡ ምሴት ፡ ወይበልዕዎ ፡ በጊዜ ፡ ምሴት ፡ እስከ ፡ ሣልስተ ፡ ሌሊት ፡ ወዘተርፈ ፡ እምኵሉ ፡ ሥጋሁ ፡ እምሣልስተ ፡ ሌሊት ፡ ወከሐ ፡ በእሳት ፡ ያውዕይዎ ።
49:13	ወኢይከውን ፡ ያብስልዎ ፡ በማይ ፡ ወኢይብልዕዎ ፡ ጥራየ ፡ አላ ፡ ጥቡሰ ፡ በእሳት ፡ ብሱለ ፡ በእሳት ፡ በአስተሐምሞ ፡ ርእስ ፡ ምስለ ፡ ንዋየ ፡ ውስጡ ፡ ወምስለ ፡ እገሪሁ ።	ወኢይከውን ፡ ያብስልዎ ፡ በማይ ፡ ወኢይብልዕዎ ፡ ጥራየ ፡ አላ ፡ ጥቡሰ ፡ በእሳት ፡ ብሱለ ፡ በእሳት ፡ በአስተሐምሞ ፡ ርእስ ፡ ምስለ ፡ ንዋየ ፡ ውስጡ ፡ ወምስለ ፡ እገሪሁ ።
49:14	በእንተዝ ፡ አዘዞሙ ፡ እግዚአብሔር ፡ ለውሉደ ፡ እስራኤል ፡ ከመ ፡ ይግበሩ ፡ ጳስካ ፡ በዕለተ ፡ ጊዜሁ ።	በእንተዝ ፡ አዘዞሙ ፡ እግዚአብሔር ፡ ለውሉደ ፡ እስራኤል ፡ ከመ ፡ ይግበሩ ፡ ጳስካ ፡ በዕለተ ፡ ጊዜሁ ።
49:15	ወአንተሂ ፡ አዝዞሙ ፡ ለውሉደ ፡ እስራኤል ፡ ከመ ፡ ይግበሩ ፡ ጳስካ ፡ በመዋዕሊሆሙ ፡ በኵሉ ፡ ዓመት ፡ ምዕረ ፡ ለዓመት ፡ በዕለተ ፡ ጊዜሁ ፡ ወይመጽእ ፡ ተዝካር ፡ እምቅድመ ፡ እግዚአብሔር ፡ ዘይሠምር ፡ ወኢይመጽኦሙ ፡ መቅሠፍት ፡ ለቀቲል ፡ ወለማኅፀት ፡ በውእቱ ፡ ዓመት ፡ አመ ፡ ገብሩ ፡ ጳስካ ፡ በጊዜሁ ፡ በኵሉ ፡ በከመ ፡ ተአዘዘ ።	ወአንተሂ ፡ አዝዞሙ ፡ ለውሉደ ፡ እስራኤል ፡ ከመ ፡ ይግበሩ ፡ ጳስካ ፡ በመዋዕሊሆሙ ፡ በኵሉ ፡ ዓመት ፡ ምዕረ ፡ ለዓመት ፡ በዕለተ ፡ ጊዜሁ ፡ ወይመጽእ ፡ ተዝካር ፡ እምቅድመ ፡ እግዚአብሔር ፡ ዘይሠምር ፡ ወኢይመጽኦሙ ፡ መቅሠፍት ፡ ለቀቲል ፡ ወለማኅፀት ፡ በውእቱ ፡ ዓመት ፡ አመ ፡ ገብሩ ፡ ጳስካ ፡ በጊዜሁ ፡ በኵሉ ፡ በከመ ፡ ተአዘዘ ።
49:16	ወኢይከውን ፡ እንከ ፡ ለበሊዖቱ ፡ በአፍአ ፡ እምቤተ ፡ መቅደሱ ፡ ለእግዚአብሔር ፡ ወበአንጸረ ፡ ቤተ ፡ መቅደሱ ፡ ለእግዚአብሔር ፡ ወኵሉ ፡ ሕዝበ ፡ ማኅበሮሙ ፡ ለእስራኤል ፡ ይግበርዎ ፡ በጊዜሁ ።	ወኢይከውን ፡ እንከ ፡ ለበሊዖቱ ፡ በአፍአ ፡ እምቤተ ፡ መቅደሱ ፡ ለእግዚአብሔር ፡ ወበአንጸረ ፡ ቤተ ፡ መቅደሱ ፡ ለእግዚአብሔር ፡ ወኵሉ ፡ ሕዝበ ፡ ማኅበሮሙ ፡ ለእስራኤል ፡ ይግበርዎ ፡ በጊዜሁ ።
49:17	ኵሉ ፡ ሰብእ ፡ ዘመጽአ ፡ በዕለቱ ፡ ይብልዖ ፡ በቤተ ፡ መቅደሱ ፡ ለአምላክክሙ ፡ በቅድመ ፡ እግዚአብሔር ፡ ዘእምዕሥራ ፡ ዓመት ፡ ወላዕለ ፡ እስመ ፡ ከመዝ ፡ ተጽሕፈ ፡ ወተሠርዐ ፡ ከመ ፡ ይብልዕዎ ፡ በቤተ ፡ መቅደሱ ፡ ለእግዚአብሔር ።	ኵሉ ፡ ሰብእ ፡ ዘመጽአ ፡ በዕለቱ ፡ ይብልዖ ፡ በቤተ ፡ መቅደሱ ፡ ለአምላክክሙ ፡ በቅድመ ፡ እግዚአብሔር ፡ ዘእምዕሥራ ፡ ዓመት ፡ ወላዕለ ፡ እስመ ፡ ከመዝ ፡ ተጽሕፈ ፡ ወተሠርዐ ፡ ከመ ፡ ይብልዕዎ ፡ በቤተ ፡ መቅደሱ ፡ ለእግዚአብሔር ።
49:18	ወእምከመ ፡ ቦኡ ፡ ውሉደ ፡ እስራኤል ፡ ውስተ ፡ ምድር ፡ እንተ ፡ ይእኅዙ ፡ ውስተ ፡ ምድረ ፡ ከናአን ፡ ወይተክሉ ፡ ደብተራ ፡ እግዚአብሔር ፡ ማእከለ ፡ ምድር ፡ ውስተ ፡ አሐዱ ፡ እምነ ፡ ሠራዊቶሙ ፡ እስከ ፡ አመ ፡ ይትሐነጽ ፡ መቅደሱ ፡ ለእግዚአብሔር ፡ በዲበ ፡ ምድር ።	ወእምከመ ፡ ቦኡ ፡ ውሉደ ፡ እስራኤል ፡ ውስተ ፡ ምድር ፡ እንተ ፡ ይእኅዙ ፡ ውስተ ፡ ምድረ ፡ ከናአን ፡ ወይተክሉ ፡ ደብተራ ፡ እግዚአብሔር ፡ ማእከለ ፡ ምድር ፡ ውስተ ፡ አሐዱ ፡ እምነ ፡ ሠራዊቶሙ ፡ እስከ ፡ አመ ፡ ይትሐነጽ ፡ መቅደሱ ፡ ለእግዚአብሔር ፡ በዲበ ፡ ምድር ።
49:19	ወበመዋዕል ፡ አመ ፡ ተሐንጸ ፡ ቤት ፡ በስመ ፡ እግዚአብሔር ፡ በምድረ ፡ ርስቶሙ ፡ ህየ ፡ ይሖሩ ፡ ወይጥብሑ ፡ ጳስካ ፡ ምሴተ ፡ እንዘ ፡ የዐርብ ፡ ፀሐይ ፡ በትሥልስታ ፡ ለዕለት ፡	ወበመዋዕል ፡ አመ ፡ ተሐንጸ ፡ ቤት ፡ በስመ ፡ እግዚአብሔር ፡ በምድረ ፡ ርስቶሙ ፡ ህየ ፡ ይሖሩ ፡ ወይጥብሑ ፡ ጳስካ ፡ ምሴተ ፡ እንዘ ፡ የዐርብ ፡ ፀሐይ ፡ በትሥልስታ ፡ ለዕለት ፡
49:20	ወያዐርጉ ፡ ደሞ ፡ ውስተ ፡ ምክያዳ ፡ ለምሥዋዕ ፡ ወሥብሐ ፡ ያንብሩ ፡ ዲበ ፡ እሳት ፡ ዘላዕለ ፡ ምሥዋዕ ፡ ወሥጋሁ ፡ ይብልዑ ፡ ጥቡሰ ፡ በእሳት ፡ በውስተ ፡ ዐጸደ ፡ ቤተ ፡ መቅደስ ፡ በስመ ፡ እግዚአብሔር ።	ወያዐርጉ ፡ ደሞ ፡ ውስተ ፡ ምክያዳ ፡ ለምሥዋዕ ፡ ወሥብሐ ፡ ያንብሩ ፡ ዲበ ፡ እሳት ፡ ዘላዕለ ፡ ምሥዋዕ ፡ ወሥጋሁ ፡ ይብልዑ ፡ ጥቡሰ ፡ በእሳት ፡ በውስተ ፡ ዐጸደ ፡ ቤተ ፡ መቅደስ ፡ በስመ ፡ እግዚአብሔር ።
49:21	ወኢይክሉ ፡ ገቢረ ፡ ጳስካ ፡ በአህጉሪሆሙ ፡ ወበኵሉ ፡ በሓውርት ፡ ዘእንበለ ፡ በቅድመ ፡ ደብተራ ፡ እግዚአብሔር ፡ ወእመ ፡ አኮ ፡ በቅድመ ፡ ቤት ፡ ኀበ ፡ ኀደረ ፡ ስመ ፡ ዚአሁ ፡ ወስቴቱ ፡ ወኢይስሕቱ ፡ ድኅረ ፡ እግዚአብሔር ።	ወኢይክሉ ፡ ገቢረ ፡ ጳስካ ፡ በአህጉሪሆሙ ፡ ወበኵሉ ፡ በሓውርት ፡ ዘእንበለ ፡ በቅድመ ፡ ደብተራ ፡ እግዚአብሔር ፡ ወእመ ፡ አኮ ፡ በቅድመ ፡ ቤት ፡ ኀበ ፡ ኀደረ ፡ ስመ ፡ ዚአሁ ፡ ወስቴቱ ፡ ወኢይስሕቱ ፡ ድኅረ ፡ እግዚአብሔር ።
49:22	ወአንተኒ ፡ ሙሴ ፡ አዝዞሙ ፡ ለውሉደ ፡ እስራኤል ፡ ወይዕቀቡ ፡ ሥርዐተ ፡ ጳስካ ፡ በከመ ፡ ተአዘዘ ፡ ለከ ፡ ከመ ፡ ትንግሮሙ ፡ ዓመቶ ፡ ለለ ፡ ዓመት ፡ ወዕለቶ ፡ ለዕለታት ፡ ወበዓለ ፡ ናእት ፡ ከመ ፡ ይብልዑ ፡ ናእተ ፡ ሰቡዐ ፡ ዕለተ ፡ ከመ ፡ ይግበሩ ፡ በዓሎ ፡ ከመ ፡ ያብኡ ፡ ቍርባኖ ፡ ዕለተ ፡ እምዕለት ፡ በእላ ፡ ሰቡዕ ፡ መዋዕለ ፡ ፍሥሐ ፡ ቅድመ ፡ እግዚአብሔር ፡ ዲበ ፡ ምሥዋዐ ፡ አምላክክሙ ፡ 23 እስመ ፡ ዛተ ፡ በዓለ ፡ በውልዋሌ ፡ ገበርክምዋ ፡ አመ ፡ ትወፅኡ ፡ እምግብጽ ፡ እስከ ፡ አመ ፡ ተዐድዉ ፡ ባሕረ ፡ ውስተ ፡ ገዳመ ፡ ሱር ፡ እስመ ፡ በኀበ ፡ ድንጋገ ፡ ባሕር ፡ ሰለጥክምዋ ።	ወአንተኒ ፡ ሙሴ ፡ አዝዞሙ ፡ ለውሉደ ፡ እስራኤል ፡ ወይዕቀቡ ፡ ሥርዐተ ፡ ጳስካ ፡ በከመ ፡ ተአዘዘ ፡ ለከ ፡ ከመ ፡ ትንግሮሙ ፡ ዓመቶ ፡ ለለ ፡ ዓመት ፡ ወዕለቶ ፡ ለዕለታት ፡ ወበዓለ ፡ ናእት ፡ ከመ ፡ ይብልዑ ፡ ናእተ ፡ ሰቡዐ ፡ ዕለተ ፡ ከመ ፡ ይግበሩ ፡ በዓሎ ፡ ከመ ፡ ያብኡ ፡ ቍርባኖ ፡ ዕለተ ፡ እምዕለት ፡ በእላ ፡ ሰቡዕ ፡ መዋዕለ ፡ ፍሥሐ ፡ ቅድመ ፡ እግዚአብሔር ፡ ዲበ ፡ ምሥዋዐ ፡ አምላክክሙ ፡ 23 እስመ ፡ ዛተ ፡ በዓለ ፡ በውልዋሌ ፡ ገበርክምዋ ፡ አመ ፡ ትወፅኡ ፡ እምግብጽ ፡ እስከ ፡ አመ ፡ ተዐድዉ ፡ ባሕረ ፡ ውስተ ፡ ገዳመ ፡ ሱር ፡ እስመ ፡ በኀበ ፡ ድንጋገ ፡ ባሕር ፡ ሰለጥክምዋ ።