Jubilees

Jubilees 50 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
50:1	ወእምድኅረዝ ፡ ሕግ ፡ አይዳዕኩከ ፡ መዋዕለ ፡ ሰንበታት ፡ በገዳመ ፡ ሲና ፡ እንተ ፡ ይእቲ ፡ ማእከለ ፡ ኤሊም ፡ ወሲና ፡	ወእምድኅረዝ ፡ ሕግ ፡ አይዳዕኩከ ፡ መዋዕለ ፡ ሰንበታት ፡ በገዳመ ፡ ሲና ፡ እንተ ፡ ይእቲ ፡ ማእከለ ፡ ኤሊም ፡ ወሲና ፡
50:2	ወሰንበታተ ፡ ምድርኒ ፡ ነገርኩከ ፡ በደብረ ፡ ሲና ፡ ወዓመታተ ፡ ኢዮቤሌዎኒ ፡ ውስተ ፡ ሰንበታተ ፡ ዓመታት ፡ ወዓመቶሰ ፡ ኢነገርናከ ፡ እስከ ፡ አመ ፡ ትበውኡ ፡ ውስተ ፡ ምድር ፡ እንተ ፡ ትእኅዙ ፡	ወሰንበታተ ፡ ምድርኒ ፡ ነገርኩከ ፡ በደብረ ፡ ሲና ፡ ወዓመታተ ፡ ኢዮቤሌዎኒ ፡ ውስተ ፡ ሰንበታተ ፡ ዓመታት ፡ ወዓመቶሰ ፡ ኢነገርናከ ፡ እስከ ፡ አመ ፡ ትበውኡ ፡ ውስተ ፡ ምድር ፡ እንተ ፡ ትእኅዙ ፡
50:3	ወታሰነብት ፡ ምድርኒ ፡ ሰንበታቲሃ ፡ በነቢሮቶሙ ፡ ዲቤሃ ፡ ወዓመቶ ፡ ለኢዮቤል ፡ ያእምሩ ።	ወታሰነብት ፡ ምድርኒ ፡ ሰንበታቲሃ ፡ በነቢሮቶሙ ፡ ዲቤሃ ፡ ወዓመቶ ፡ ለኢዮቤል ፡ ያእምሩ ።
50:4	በእንተዝ ፡ ሠራዕኩ ፡ ለከ ፡ ሱባዔ ፡ ዓመታት ፡ ወኢዮቤሌዎታተ ፡ አርብዓ ፡ ወተስዐቱ ፡ ኢዮቤሌዎታት ፡ እምነ ፡ መዋዕሊሁ ፡ ለአዳም ፡ እስከ ፡ ዛቲ ፡ ዕለት ፡ ወሱባዔ ፡ አሐዱ ፡ ወክልኤ ፡ ዓመታት ፡ ወዓዲ ፡ አርብዓ ፡ ዓመት ፡ ርሑቅ ፡ ለአእምሮ ፡ ትእዛዛተ ፡ እግዚአብሔር ፡ እስከ ፡ አመ ፡ ያዐድው ፡ ማዕዶተ ፡ ምድረ ፡ ከናአን ፡ ዐዲዎሙ ፡ ዮርዳኖስ ፡ ገጸ ፡ ዐረቢሁ ፡	በእንተዝ ፡ ሠራዕኩ ፡ ለከ ፡ ሱባዔ ፡ ዓመታት ፡ ወኢዮቤሌዎታተ ፡ አርብዓ ፡ ወተስዐቱ ፡ ኢዮቤሌዎታት ፡ እምነ ፡ መዋዕሊሁ ፡ ለአዳም ፡ እስከ ፡ ዛቲ ፡ ዕለት ፡ ወሱባዔ ፡ አሐዱ ፡ ወክልኤ ፡ ዓመታት ፡ ወዓዲ ፡ አርብዓ ፡ ዓመት ፡ ርሑቅ ፡ ለአእምሮ ፡ ትእዛዛተ ፡ እግዚአብሔር ፡ እስከ ፡ አመ ፡ ያዐድው ፡ ማዕዶተ ፡ ምድረ ፡ ከናአን ፡ ዐዲዎሙ ፡ ዮርዳኖስ ፡ ገጸ ፡ ዐረቢሁ ፡
50:5	ወኢዮቤሌዎታት ፡ የኀልፉ ፡ እስከ ፡ አመ ፡ ይነጽሕ ፡ እስራኤል ፡ እምኵሉ ፡ አበሳ ፡ ዝሙት ፡ ወርኵስ ፡ ወግማኔ ፡ ወኀጢአት ፡ ወጌጋይ ፡ ወየኀድር ፡ ውስተ ፡ ኵሉ ፡ ምድር ፡ እንዘ ፡ ይትአመን ፡ ወአልቦ ፡ እንከ ፡ ሎቱ ፡ መነሂ ፡ ሰይጣነ ፡ ወአልቦ ፡ መነሂ ፡ እኩየ ፡ ወትነጽሕ ፡ ምድር ፡ እምውእቱ ፡ ጊዜ ፡ እስከ ፡ ኵሉ ፡ መዋዕል ።	ወኢዮቤሌዎታት ፡ የኀልፉ ፡ እስከ ፡ አመ ፡ ይነጽሕ ፡ እስራኤል ፡ እምኵሉ ፡ አበሳ ፡ ዝሙት ፡ ወርኵስ ፡ ወግማኔ ፡ ወኀጢአት ፡ ወጌጋይ ፡ ወየኀድር ፡ ውስተ ፡ ኵሉ ፡ ምድር ፡ እንዘ ፡ ይትአመን ፡ ወአልቦ ፡ እንከ ፡ ሎቱ ፡ መነሂ ፡ ሰይጣነ ፡ ወአልቦ ፡ መነሂ ፡ እኩየ ፡ ወትነጽሕ ፡ ምድር ፡ እምውእቱ ፡ ጊዜ ፡ እስከ ፡ ኵሉ ፡ መዋዕል ።
50:6	ወናሁ ፡ ትእዛዘ ፡ ሰንበታትኒ ፡ ጸሐፍኩ ፡ ለከ ፡ ወኵሉ ፡ ፍትሐተ ፡ ሕገጊሁ ፡	ወናሁ ፡ ትእዛዘ ፡ ሰንበታትኒ ፡ ጸሐፍኩ ፡ ለከ ፡ ወኵሉ ፡ ፍትሐተ ፡ ሕገጊሁ ፡
50:7	ሰዱሰ ፡ ዕለተ ፡ ትገብር ፡ ግብረ ፡ ወአመ ፡ ሳብዕት ፡ ዕለት ፡ ሰንበት ፡ ዘእግዚአብሔር ፡ አምላክክሙ ፡ ኢትግበሩ ፡ ባቲ ፡ ኵሎ ፡ ግብረ ፡ አንትሙ ፡ ወውሉድክሙ ፡ ወአግብርቲክሙ ፡ ወአእማቲክሙ ፡ ወኵሉ ፡ እንስሳክሙ ፡ ወነኪርኒ ፡ ዘኀቤክሙ ።	ሰዱሰ ፡ ዕለተ ፡ ትገብር ፡ ግብረ ፡ ወአመ ፡ ሳብዕት ፡ ዕለት ፡ ሰንበት ፡ ዘእግዚአብሔር ፡ አምላክክሙ ፡ ኢትግበሩ ፡ ባቲ ፡ ኵሎ ፡ ግብረ ፡ አንትሙ ፡ ወውሉድክሙ ፡ ወአግብርቲክሙ ፡ ወአእማቲክሙ ፡ ወኵሉ ፡ እንስሳክሙ ፡ ወነኪርኒ ፡ ዘኀቤክሙ ።
50:8	ወሰብእ ፡ ዘይገብር ፡ ምንተሂ ፡ ግብረ ፡ ባቲ ፡ ይሙት ፡ ኵሉ ፡ ብእሲ ፡ ዘይጌምና ፡ ለዛ ፡ ዕለት ፡ ዘይሰክብ ፡ ምስለ ፡ ብእሲት ፡ ወዘሂ ፡ ይትናገር ፡ ነገረ ፡ ምግባር ፡ ባቲ ፡ ከመ ፡ ይግበር ፡ ባቲ ፡ ገዪሶ ፡ ወበእንተኒ ፡ ኵሉ ፡ ሠዪጥ ፡ ወተሣይጦ ፡ ወዘሂ ፡ ማየ ፡ ይቀድሕ ፡ ባቲ ፡ ዘኢያስተዳለወ ፡ ሎቱ ፡ በዕለተ ፡ ሳድስት ፡ ወዘኒ ፡ አንሥአ ፡ ዘይጸውር ፡ ኵሎ ፡ ከመ ፡ ያውፅእ ፡ እምደብተራሁ ፡ ወእመኒ ፡ እምቤቱ ፡ ይሙት ።	ወሰብእ ፡ ዘይገብር ፡ ምንተሂ ፡ ግብረ ፡ ባቲ ፡ ይሙት ፡ ኵሉ ፡ ብእሲ ፡ ዘይጌምና ፡ ለዛ ፡ ዕለት ፡ ዘይሰክብ ፡ ምስለ ፡ ብእሲት ፡ ወዘሂ ፡ ይትናገር ፡ ነገረ ፡ ምግባር ፡ ባቲ ፡ ከመ ፡ ይግበር ፡ ባቲ ፡ ገዪሶ ፡ ወበእንተኒ ፡ ኵሉ ፡ ሠዪጥ ፡ ወተሣይጦ ፡ ወዘሂ ፡ ማየ ፡ ይቀድሕ ፡ ባቲ ፡ ዘኢያስተዳለወ ፡ ሎቱ ፡ በዕለተ ፡ ሳድስት ፡ ወዘኒ ፡ አንሥአ ፡ ዘይጸውር ፡ ኵሎ ፡ ከመ ፡ ያውፅእ ፡ እምደብተራሁ ፡ ወእመኒ ፡ እምቤቱ ፡ ይሙት ።
50:9	ኢትግበሩ ፡ ሰንበት ፡ ምንተሂ ፡ ግብረ ፡ ዘኢያስተዳለውክምዎ ፡ ለክሙ ፡ በዕለተ ፡ ሳድስት ፡ ለበሊዕ ፡ ወለሰቲይ ፡ ወለአዕርፎ ፡ ወለአሰንብቶ ፡ እምኵሉ ፡ ግብር ፡ በዛቲ ፡ ዕለት ፡ ወለባርኮ ፡ እግዚአብሔር ፡ አምላክክሙ ።	ኢትግበሩ ፡ ሰንበት ፡ ምንተሂ ፡ ግብረ ፡ ዘኢያስተዳለውክምዎ ፡ ለክሙ ፡ በዕለተ ፡ ሳድስት ፡ ለበሊዕ ፡ ወለሰቲይ ፡ ወለአዕርፎ ፡ ወለአሰንብቶ ፡ እምኵሉ ፡ ግብር ፡ በዛቲ ፡ ዕለት ፡ ወለባርኮ ፡ እግዚአብሔር ፡ አምላክክሙ ።
50:10	እስመ ፡ ዐባይ ፡ ክብር ፡ እንተ ፡ ወሀበ ፡ እግዚአብሔር ፡ ለእስራኤል ፡ ለበሊዕ ፡ ወለሰቲይ ፡ ወለጸጊብ ፡ በዛቲ ፡ ዕለተ ፡ በዓል ፡ ወለአዕርፎ ፡ ባቲ ፡ እምኵሉ ፡ ግብር ፡ ዘእምግብረ ፡ እጓለ ፡ እመሕያው ፡ ዘእንበለ ፡ ዐጢነ ፡ ዕጣን ፡ ወለአብኦ ፡ ቍርባን ፡ ወመሥዋዕት ፡ ቅድመ ፡ እግዚአብሔር ፡ ለመዋዕል ፡ ወለሰንበታት ፡	እስመ ፡ ዐባይ ፡ ክብር ፡ እንተ ፡ ወሀበ ፡ እግዚአብሔር ፡ ለእስራኤል ፡ ለበሊዕ ፡ ወለሰቲይ ፡ ወለጸጊብ ፡ በዛቲ ፡ ዕለተ ፡ በዓል ፡ ወለአዕርፎ ፡ ባቲ ፡ እምኵሉ ፡ ግብር ፡ ዘእምግብረ ፡ እጓለ ፡ እመሕያው ፡ ዘእንበለ ፡ ዐጢነ ፡ ዕጣን ፡ ወለአብኦ ፡ ቍርባን ፡ ወመሥዋዕት ፡ ቅድመ ፡ እግዚአብሔር ፡ ለመዋዕል ፡ ወለሰንበታት ፡
50:11	ዝግብር ፡ ባሕቲቱ ፡ ይትገበር ፡ በመዋዕለ ፡ ሰንበታት ፡ በቤተ ፡ መቅደሱ ፡ ለእግዚአብሔር ፡ አምላክክሙ ፡ ከመ ፡ ያስተስርዩ ፡ ዲበ ፡ እስራኤል ፡ መባአ ፡ ወትረ ፡ ዕለተ ፡ እምዕለት ፡ ለተዝካር ፡ ዘይሠጠው ፡ ቅድመ ፡ እግዚአብሔር ፡ ወይትወከፎሙ ፡ ለዓለም ፡ ዕለተ ፡ እምዕለት ፡ በከመ ፡ ተአዘዝከ ።	ዝግብር ፡ ባሕቲቱ ፡ ይትገበር ፡ በመዋዕለ ፡ ሰንበታት ፡ በቤተ ፡ መቅደሱ ፡ ለእግዚአብሔር ፡ አምላክክሙ ፡ ከመ ፡ ያስተስርዩ ፡ ዲበ ፡ እስራኤል ፡ መባአ ፡ ወትረ ፡ ዕለተ ፡ እምዕለት ፡ ለተዝካር ፡ ዘይሠጠው ፡ ቅድመ ፡ እግዚአብሔር ፡ ወይትወከፎሙ ፡ ለዓለም ፡ ዕለተ ፡ እምዕለት ፡ በከመ ፡ ተአዘዝከ ።
50:12	ወኵሉ ፡ ሰብእ ፡ ዘይገብር ፡ ግብረ ፡ ወዘሂ ፡ የሐውር ፡ መንገደ ፡ ወዘሂ ፡ ይትቀነይ ፡ ወፍረ ፡ ወእመሂ ፡ በቤቱ ፡ ወእመሂ ፡ በኵሉ ፡ መካን ።	ወኵሉ ፡ ሰብእ ፡ ዘይገብር ፡ ግብረ ፡ ወዘሂ ፡ የሐውር ፡ መንገደ ፡ ወዘሂ ፡ ይትቀነይ ፡ ወፍረ ፡ ወእመሂ ፡ በቤቱ ፡ ወእመሂ ፡ በኵሉ ፡ መካን ።
50:13	ወሰብእ ፡ ዘይገብር ፡ ኵሎ ፡ ዘእምዝ ፡ በዕለተ ፡ ሰንበት ፡ ይሙት ። ተፈጸመ ፡ በዝየ ፡ ነገር ፡ ዘኩፋሌ ፡ መዋዕል ።	ወሰብእ ፡ ዘይገብር ፡ ኵሎ ፡ ዘእምዝ ፡ በዕለተ ፡ ሰንበት ፡ ይሙት ። ተፈጸመ ፡ በዝየ ፡ ነገር ፡ ዘኩፋሌ ፡ መዋዕል ።

read Ge'ez alone read Ge'ez alone