Jubilees

Jubilees 8 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
8:1	ወበዕሥራ ፡ ወተስዐቱ ፡ ኢዮቤልዉ ፡ በሱባዐዔ ፡ ቀዳሚ ፡ በቀዳሚሁ ፡ ነሥአ ፡ ሎቱ ፡ አርፋክስድ ፡ ብእሲተ ፡ ወስማ ፡ ራሱእያ ፡ ወለተ ፡ ሱሰን ፡ ወለተ ፡ ኤላም ፡ ሎቱ ፡ ብእሲተ ፡ ወወለደት ፡ ሎቱ ፡ ወልደ ፡ በዓመት ፡ ሣልስ ፡ ዘሱባዔ ፡ ዝንቱ ፡ ወጸውዐ ፡ ስሞ ፡ ቃይናም ።	ወበዕሥራ ፡ ወተስዐቱ ፡ ኢዮቤልዉ ፡ በሱባዐዔ ፡ ቀዳሚ ፡ በቀዳሚሁ ፡ ነሥአ ፡ ሎቱ ፡ አርፋክስድ ፡ ብእሲተ ፡ ወስማ ፡ ራሱእያ ፡ ወለተ ፡ ሱሰን ፡ ወለተ ፡ ኤላም ፡ ሎቱ ፡ ብእሲተ ፡ ወወለደት ፡ ሎቱ ፡ ወልደ ፡ በዓመት ፡ ሣልስ ፡ ዘሱባዔ ፡ ዝንቱ ፡ ወጸውዐ ፡ ስሞ ፡ ቃይናም ።
8:2	ወልህቀ ፡ ወልድ ፡ ወመሀሮ ፡ አቡሁ ፡ መጽሐፈ ፡ ወሖረ ፡ ይኅሥሥ ፡ ሎቱ ፡ መካነ ፡ ኀበ ፡ ይእኅዝ ፡ ሎቱ ፡ ሀገረ ።	ወልህቀ ፡ ወልድ ፡ ወመሀሮ ፡ አቡሁ ፡ መጽሐፈ ፡ ወሖረ ፡ ይኅሥሥ ፡ ሎቱ ፡ መካነ ፡ ኀበ ፡ ይእኅዝ ፡ ሎቱ ፡ ሀገረ ።
8:3	ወረከበ ፡ መጽሐፈ ፡ ዘቈረፁ ፡ ቀደምት ፡ ውስተ ፡ ኰኩሕ ፡ ወአንበበ ፡ ዘውስቴታ ፡ ወአዕለዋ ፡ ወረስዐ ፡ እምውስቴታ ፡ ከመ ፡ ሀሎ ፡ ውስቴታ ፡ ትምህርት ፡ ዘትጉሃን ፡ በዘ ፡ ይሬእዩ ፡ ሰገለ ፡ ፀሓይ ፡ ወወርኅ ፡ ወከዋክብት ፡ ወውስተ ፡ ኵሉ ፡ ተአምረ ፡ ሰማይ ።	ወረከበ ፡ መጽሐፈ ፡ ዘቈረፁ ፡ ቀደምት ፡ ውስተ ፡ ኰኩሕ ፡ ወአንበበ ፡ ዘውስቴታ ፡ ወአዕለዋ ፡ ወረስዐ ፡ እምውስቴታ ፡ ከመ ፡ ሀሎ ፡ ውስቴታ ፡ ትምህርት ፡ ዘትጉሃን ፡ በዘ ፡ ይሬእዩ ፡ ሰገለ ፡ ፀሓይ ፡ ወወርኅ ፡ ወከዋክብት ፡ ወውስተ ፡ ኵሉ ፡ ተአምረ ፡ ሰማይ ።
8:4	ወጸሐፈ ፡ ወኢነገረ ፡ በእንቲአሃ ፡ እስመ ፡ ይፈርሆ ፡ ለኖኅ ፡ ነጊረ ፡ በእንቲአሃ ፡ ከመ ፡ ኢይትመዓዕ ፡ ላዕሌሁ ፡ በእንቲአሃ ።	ወጸሐፈ ፡ ወኢነገረ ፡ በእንቲአሃ ፡ እስመ ፡ ይፈርሆ ፡ ለኖኅ ፡ ነጊረ ፡ በእንቲአሃ ፡ ከመ ፡ ኢይትመዓዕ ፡ ላዕሌሁ ፡ በእንቲአሃ ።
8:5	ወአመ ፡ ሠላሳ ፡ ኢዮቤልዉ ፡ በሱባዔ ፡ ካልእ ፡ በቀዳሚ ፡ ዓመቱ ፡ ነሥአ ፡ ሎቱ ፡ ብእሲተ ፡ ወስማ ፡ ሜልካ ፡ ወለተ ፡ አበዳይ ፡ ወልደ ፡ ያፌት ።	ወአመ ፡ ሠላሳ ፡ ኢዮቤልዉ ፡ በሱባዔ ፡ ካልእ ፡ በቀዳሚ ፡ ዓመቱ ፡ ነሥአ ፡ ሎቱ ፡ ብእሲተ ፡ ወስማ ፡ ሜልካ ፡ ወለተ ፡ አበዳይ ፡ ወልደ ፡ ያፌት ።
8:6	ወበዓመት ፡ ራብዕ ፡ ተወልደ ፡ ወልህቀ ፡ ሳላ ፡ ወነሥአ ፡ ሎቱ ፡ ብእሲተ ፡ ወስማ ፡ ሙአክ ፡ ወለተ ፡ ኬሴድ ፡ እኅወ ፡ አቡሁ ፡ ሎቱ ፡ ብእሲተ ።	ወበዓመት ፡ ራብዕ ፡ ተወልደ ፡ ወልህቀ ፡ ሳላ ፡ ወነሥአ ፡ ሎቱ ፡ ብእሲተ ፡ ወስማ ፡ ሙአክ ፡ ወለተ ፡ ኬሴድ ፡ እኅወ ፡ አቡሁ ፡ ሎቱ ፡ ብእሲተ ።
8:7	ወለደት ፡ ሎቱ ፡ ወልደ ፡ በኃምስ ፡ ዓመቱ ፡ ወጸውዐ ፡ ስሞ ፡ ኤቤር ።	ወለደት ፡ ሎቱ ፡ ወልደ ፡ በኃምስ ፡ ዓመቱ ፡ ወጸውዐ ፡ ስሞ ፡ ኤቤር ።
8:8	ወበሳድስ ፡ ዓመት ፡ ወለደት ፡ ሎቱ ፡ ወልደ ፡ ወጸውዐ ፡ ስሞ ፡ ፋሌክ ።	ወበሳድስ ፡ ዓመት ፡ ወለደት ፡ ሎቱ ፡ ወልደ ፡ ወጸውዐ ፡ ስሞ ፡ ፋሌክ ።
8:9	ወተካፈሉ ፡ በእኩይ ፡ በበይናቲሆሙ ፡ ወነገርዎ ፡ ለኖኅ ፡	ወተካፈሉ ፡ በእኩይ ፡ በበይናቲሆሙ ፡ ወነገርዎ ፡ ለኖኅ ፡
8:10	ወኮነ ፡ በቀዳሚሁ ፡ ለሠላሳ ፡ ወሠለስቱ ፡ ኢዮቤልዉ ፡ ወከፈልዋ ፡ ለምድር ፡ ሠለስተ ፡ መክፈልተ ፡ ለሴም ፡ ወለካም ፡ ወለያፌት ፡ በበ ፡ ርስቱ ።	ወኮነ ፡ በቀዳሚሁ ፡ ለሠላሳ ፡ ወሠለስቱ ፡ ኢዮቤልዉ ፡ ወከፈልዋ ፡ ለምድር ፡ ሠለስተ ፡ መክፈልተ ፡ ለሴም ፡ ወለካም ፡ ወለያፌት ፡ በበ ፡ ርስቱ ።
8:11	ወጸውዐ ፡ ደቂቆ ፡ ወቀርቡ ፡ ኀቤሁ ፡ እሙንቱ ፡ ወውሉዶሙ ፡ ወከፈለ ፡ ምድረ ፡ በዑፃዌ ፡ ዘይእኅዙ ፡ ሠለስቲሆሙ ፡ ውሉዱ ።	ወጸውዐ ፡ ደቂቆ ፡ ወቀርቡ ፡ ኀቤሁ ፡ እሙንቱ ፡ ወውሉዶሙ ፡ ወከፈለ ፡ ምድረ ፡ በዑፃዌ ፡ ዘይእኅዙ ፡ ሠለስቲሆሙ ፡ ውሉዱ ።
8:12	ወወፅአ ፡ በመጽሐፍ ፡ ዕፃሁ ፡ ለሴም ፡ ማእከለ ፡ ምድር ፡ ዘይእኅዝ ፡ ለርስቱ ፡ ወለውሉዱ ፡ ለትውልድ ፡ ዘለዓለም ።	ወወፅአ ፡ በመጽሐፍ ፡ ዕፃሁ ፡ ለሴም ፡ ማእከለ ፡ ምድር ፡ ዘይእኅዝ ፡ ለርስቱ ፡ ወለውሉዱ ፡ ለትውልድ ፡ ዘለዓለም ።
8:13	ወየሐውር ፡ እስከ ፡ ሶበ ፡ ይቀርብ ፡ ካራስ ፡ ዝውእቱ ፡ ውስተ ፡ ሕፅነ ፡ ልሳን ፡ እንተ ፡ ትኔጽር ፡ መንገለ ፡ ሰሜን ፡	ወየሐውር ፡ እስከ ፡ ሶበ ፡ ይቀርብ ፡ ካራስ ፡ ዝውእቱ ፡ ውስተ ፡ ሕፅነ ፡ ልሳን ፡ እንተ ፡ ትኔጽር ፡ መንገለ ፡ ሰሜን ፡
8:14	ወየሐውር ፡ መክፈልቱ ፡ እንተ ፡ መንገለ ፡ ባሕር ፡ ዐቢይ ፡ ወየሐውር ፡ ርቱዐ ፡ እስከ ፡ ይቀርብ ፡ መንገለ ፡ ዐረቢሃ ፡ ለልሳን ፡ እንተ ፡ ትኔጽር ፡ መንገለ ፡ ሰሜን ።	ወየሐውር ፡ መክፈልቱ ፡ እንተ ፡ መንገለ ፡ ባሕር ፡ ዐቢይ ፡ ወየሐውር ፡ ርቱዐ ፡ እስከ ፡ ይቀርብ ፡ መንገለ ፡ ዐረቢሃ ፡ ለልሳን ፡ እንተ ፡ ትኔጽር ፡ መንገለ ፡ ሰሜን ።
8:15	ወትገምጽ ፡ እምህየ ፡ መንገለ ፡ ሰሜን ፡ መንገለ ፡ አፉሃ ፡ ለባሕር ፡ ዐቢይ ፡ ውስተ ፡ ከናፍረ ፡ ማያት ።	ወትገምጽ ፡ እምህየ ፡ መንገለ ፡ ሰሜን ፡ መንገለ ፡ አፉሃ ፡ ለባሕር ፡ ዐቢይ ፡ ውስተ ፡ ከናፍረ ፡ ማያት ።
8:16	ወተሐውር ፡ መንገለ ፡ ጽባሕ ፡ እስከ ፡ ሶበ ፡ ይቀርብ ፡ ኀበ ፡ ገነተ ፡ ኤዶም ፡ መንገለ ፡ ሰሜኑ ፡ ለሰሜን ።	ወተሐውር ፡ መንገለ ፡ ጽባሕ ፡ እስከ ፡ ሶበ ፡ ይቀርብ ፡ ኀበ ፡ ገነተ ፡ ኤዶም ፡ መንገለ ፡ ሰሜኑ ፡ ለሰሜን ።
8:17	ዛቲ ፡ መክፈልት ፡ ወፅአት ፡ በዕፁ ፡ ለሴም ፡ ወለውሉዱ ፡ ለእኂዞታ ፡ ለዓለም ፡ ለትውልዱ ፡ እስከ ፡ ለዓለም ።	ዛቲ ፡ መክፈልት ፡ ወፅአት ፡ በዕፁ ፡ ለሴም ፡ ወለውሉዱ ፡ ለእኂዞታ ፡ ለዓለም ፡ ለትውልዱ ፡ እስከ ፡ ለዓለም ።
8:18	ወተፈሥሐ ፡ ኖኅ ፡ እስመ ፡ ወፅአ ፡ ዝንቱ ፡ መክፈልት ፡ ለሴም ፡ ወለውሉዱ ።	ወተፈሥሐ ፡ ኖኅ ፡ እስመ ፡ ወፅአ ፡ ዝንቱ ፡ መክፈልት ፡ ለሴም ፡ ወለውሉዱ ።
8:19	ወአእመረ ፡ ከመ ፡ ገነተ ፡ ኤዶም ፡ ቅድስተ ፡ ቅዱሳን ፡ ወማኅደሩ ፡ ለእግዚአብሔር ፡ ውእቱ ፡ ወደብረ ፡ ሲና ፡ ማእከላ ፡ ለገዳም ፡ ወደብረ ፡ ጽዮን ፡ ማእከለ ፡ ሕንብርታ ፡ ለምድር ።	ወአእመረ ፡ ከመ ፡ ገነተ ፡ ኤዶም ፡ ቅድስተ ፡ ቅዱሳን ፡ ወማኅደሩ ፡ ለእግዚአብሔር ፡ ውእቱ ፡ ወደብረ ፡ ሲና ፡ ማእከላ ፡ ለገዳም ፡ ወደብረ ፡ ጽዮን ፡ ማእከለ ፡ ሕንብርታ ፡ ለምድር ።
8:20	ወባረኮ ፡ ለአምላከ ፡ አማልክት ፡ ዘወደየ ፡ ውስተ ፡ አፉሁ ፡ ንባበ ፡ እግዚአብሔር ፡ ወእግዚአብሔር ፡ እስከ ፡ ለዓለም ።	ወባረኮ ፡ ለአምላከ ፡ አማልክት ፡ ዘወደየ ፡ ውስተ ፡ አፉሁ ፡ ንባበ ፡ እግዚአብሔር ፡ ወእግዚአብሔር ፡ እስከ ፡ ለዓለም ።
8:21	ወአእመረ ፡ ከመ ፡ መክፈልተ ፡ በረከት ፡ ወቡሩክ ፡ በጽሐ ፡ ለሴም ፡ ወለውሉዱ ፡ ለትውልድ ፡ ዘለዓለም ፡ ኵላ ፡ ምድረ ፡ ኤዶም ፡ ወኵላ ፡ ምድረ ፡ ባሕረ ፡ ኤርትራ ፡ ወኵላ ፡ ምድረ ፡ ጽባሕ ፡ ወእንደኬ ፡ ወበኤርትራ ፡ ወአድባሪሁ ፡ ወኵላ ፡ ምድረ ፡ ባሳ ፡ ወኵላ ፡ ምድረ ፡ ሊባኖስ ፡ ወደሰያተ ፡ ክብቱር ።	ወአእመረ ፡ ከመ ፡ መክፈልተ ፡ በረከት ፡ ወቡሩክ ፡ በጽሐ ፡ ለሴም ፡ ወለውሉዱ ፡ ለትውልድ ፡ ዘለዓለም ፡ ኵላ ፡ ምድረ ፡ ኤዶም ፡ ወኵላ ፡ ምድረ ፡ ባሕረ ፡ ኤርትራ ፡ ወኵላ ፡ ምድረ ፡ ጽባሕ ፡ ወእንደኬ ፡ ወበኤርትራ ፡ ወአድባሪሁ ፡ ወኵላ ፡ ምድረ ፡ ባሳ ፡ ወኵላ ፡ ምድረ ፡ ሊባኖስ ፡ ወደሰያተ ፡ ክብቱር ።
8:22	ወለካም ፡ ወፅአ ፡ መክፈልት ፡ ዘዳግም ፡ መንገለ ፡ ማዕዶተ ፡ ግዮን ፡ መንገለ ፡ ሰሜን ፡ በየማነ ፡ ገነት ፡ ወየሐውር ፡ መንገለ ፡ ሰሜን ፡ ወየሐውር ፡ ኵሎ ፡ አድባረ ፡ እሳት ።	ወለካም ፡ ወፅአ ፡ መክፈልት ፡ ዘዳግም ፡ መንገለ ፡ ማዕዶተ ፡ ግዮን ፡ መንገለ ፡ ሰሜን ፡ በየማነ ፡ ገነት ፡ ወየሐውር ፡ መንገለ ፡ ሰሜን ፡ ወየሐውር ፡ ኵሎ ፡ አድባረ ፡ እሳት ።
8:23	ወይመጽእ ፡ ውስተ ፡ ደቡብ ፡ ውስተ ፡ ጽንፈ ፡ ጋዲር ፡ ወይመጽእ ፡ ውስተ ፡ ከንፈረ ፡ ማየ ፡ ባሕር ፡ ውስተ ፡ ማያተ ፡ ባሕር ፡ ዐቢይ ፡ እስከ ፡ ሶበ ፡ ይቀርብ ፡ ፈለገ ፡ ግዮን ፡ ወየሐውር ፡ ግዮን ፡ ፈለግ ፡ እስከ ፡ ሶበ ፡ ይቀርብ ፡ በየማነ ፡ ገነተ ፡ ኤዶም ።	ወይመጽእ ፡ ውስተ ፡ ደቡብ ፡ ውስተ ፡ ጽንፈ ፡ ጋዲር ፡ ወይመጽእ ፡ ውስተ ፡ ከንፈረ ፡ ማየ ፡ ባሕር ፡ ውስተ ፡ ማያተ ፡ ባሕር ፡ ዐቢይ ፡ እስከ ፡ ሶበ ፡ ይቀርብ ፡ ፈለገ ፡ ግዮን ፡ ወየሐውር ፡ ግዮን ፡ ፈለግ ፡ እስከ ፡ ሶበ ፡ ይቀርብ ፡ በየማነ ፡ ገነተ ፡ ኤዶም ።
8:24	ወዛቲ ፡ ምድር ፡ እንተ ፡ ወፅአት ፡ ለካም ፡ በመክፈልት ፡ ዘይእኅዝ ፡ ለዓለም ፡ ሎቱ ፡ ወለውሉዱ ፡ ለትዝምዶሙ ፡ እስከ ፡ ለዓለም ።	ወዛቲ ፡ ምድር ፡ እንተ ፡ ወፅአት ፡ ለካም ፡ በመክፈልት ፡ ዘይእኅዝ ፡ ለዓለም ፡ ሎቱ ፡ ወለውሉዱ ፡ ለትዝምዶሙ ፡ እስከ ፡ ለዓለም ።
8:25	ወለያፌት ፡ ወፅአ ፡ መክፈልት ፡ ሣልስ ፡ ማዕዶተ ፡ ጢና ፡ ፈለግ ፡ መንገለ ፡ ደቡባቲሁ ፡ ለሙፃአ ፡ ማያቲሁ ፡ ወየሐውር ፡ መንገለ ፡ ጽባሕ ፡ ደቡብ ፡ ኵሎ ፡ ደወለ ፡ ጎግ ፡ ወኵሎ ፡ ጽባሓቲሆሙ ፡ 26 ወየሐውር ፡ መንገለ ፡ ደቡብ ፡ ለደቡብ ፡ ወየሐውር ፡ መንገለ ፡ አድባረ ፡ ቄልጥ ፡ መንገለ ፡ ደቡብ ፡ ወመንገለ ፡ ባሕረ ፡ ማኡቅ ፡ ወይመጽእ ፡ መንገለ ፡ ጽባሑ ፡ ለጋዲር ፡ እስከ ፡ መንገለ ፡ እደ ፡ ማየ ፡ ባሕር ፡	ወለያፌት ፡ ወፅአ ፡ መክፈልት ፡ ሣልስ ፡ ማዕዶተ ፡ ጢና ፡ ፈለግ ፡ መንገለ ፡ ደቡባቲሁ ፡ ለሙፃአ ፡ ማያቲሁ ፡ ወየሐውር ፡ መንገለ ፡ ጽባሕ ፡ ደቡብ ፡ ኵሎ ፡ ደወለ ፡ ጎግ ፡ ወኵሎ ፡ ጽባሓቲሆሙ ፡ 26 ወየሐውር ፡ መንገለ ፡ ደቡብ ፡ ለደቡብ ፡ ወየሐውር ፡ መንገለ ፡ አድባረ ፡ ቄልጥ ፡ መንገለ ፡ ደቡብ ፡ ወመንገለ ፡ ባሕረ ፡ ማኡቅ ፡ ወይመጽእ ፡ መንገለ ፡ ጽባሑ ፡ ለጋዲር ፡ እስከ ፡ መንገለ ፡ እደ ፡ ማየ ፡ ባሕር ፡
8:27	ወየሐውር ፡ እስከ ፡ ሶበ ፡ ይቀርብ ፡ መንገለ ፡ ዐረበ ፡ ፋራ ።	ወየሐውር ፡ እስከ ፡ ሶበ ፡ ይቀርብ ፡ መንገለ ፡ ዐረበ ፡ ፋራ ።
8:28	ወየሐውር ፡ መንገለ ፡ እደ ፡ ጢና ፡ ፈለግ ፡ መንገለ ፡ ጽባሐ ፡ ደቡብ ፡ እስከ ፡ ሶበ ፡ ይቀርብ ፡ እስከ ፡ ጽንፈ ፡ ማያቲሁ ፡ መንገለ ፡ ደብረ ፡ ራፋ ፡ ወየአውዳ ፡ ለደቡብ ።	ወየሐውር ፡ መንገለ ፡ እደ ፡ ጢና ፡ ፈለግ ፡ መንገለ ፡ ጽባሐ ፡ ደቡብ ፡ እስከ ፡ ሶበ ፡ ይቀርብ ፡ እስከ ፡ ጽንፈ ፡ ማያቲሁ ፡ መንገለ ፡ ደብረ ፡ ራፋ ፡ ወየአውዳ ፡ ለደቡብ ።
8:29	ዛቲ ፡ ምድር ፡ እንተ ፡ ወፅአት ፡ ለያፌት ፡ ወለውሉዱ ፡ በመክፈልተ ፡ ርስቱ ፡ ዘይእኅዝ ፡ ሎቱ ፡ ወለውሉዱ ፡ ለትዝምዶሙ ፡ እስከ ፡ ለዓለም ።	ዛቲ ፡ ምድር ፡ እንተ ፡ ወፅአት ፡ ለያፌት ፡ ወለውሉዱ ፡ በመክፈልተ ፡ ርስቱ ፡ ዘይእኅዝ ፡ ሎቱ ፡ ወለውሉዱ ፡ ለትዝምዶሙ ፡ እስከ ፡ ለዓለም ።
8:30	ወባሕቱ ፡ ቍሩር ፡ ይእቲ ፡ ወምድረ ፡ ካም ፡ መርቄ ፡ ይእቲ ፡ ወምድረ ፡ ሴምሰ ፡ ኢመርቄ ፡ ወኢደደክ ፡ እስመ ፡ ቱስሕት ፡ ይእቲ ፡ በቍር ፡ ወበሞቅ ።	ወባሕቱ ፡ ቍሩር ፡ ይእቲ ፡ ወምድረ ፡ ካም ፡ መርቄ ፡ ይእቲ ፡ ወምድረ ፡ ሴምሰ ፡ ኢመርቄ ፡ ወኢደደክ ፡ እስመ ፡ ቱስሕት ፡ ይእቲ ፡ በቍር ፡ ወበሞቅ ።