| 24:1 | ጌዴዎንሰ፡ ሶበ፡ ተአመኖ፡ ለእግዚአብሔር፡ በውሁዳን፡ ሠራዊት፡ ሞዓ፡ ))፡ ወአዕላፈ፡ ሠራዊት፡ እለ፡ አልቦሙ፡ ኊልቍ፡ ከመ፡ አንበጣ፡ ወሠራዊተ፡ ቍላፋን። | ጌዴዎንሰ፡ ሶበ፡ ተአመኖ፡ ለእግዚአብሔር፡ በውሁዳን፡ ሠራዊት፡ ሞዓ፡ ))፡ ወአዕላፈ፡ ሠራዊት፡ እለ፡ አልቦሙ፡ ኊልቍ፡ ከመ፡ አንበጣ፡ ወሠራዊተ፡ ቍላፋን። |
|---|
| 24:2 | ኢትትአመኑ፡ ባዕዳነ፡ አማልክተ፡ እስመ፡ አልቦ፡ ባዕድ፡ አምላክ፡ ዘእንበሌየ፡ ኦነገሥት፡ ወመኳንንት። | ኢትትአመኑ፡ ባዕዳነ፡ አማልክተ፡ እስመ፡ አልቦ፡ ባዕድ፡ አምላክ፡ ዘእንበሌየ፡ ኦነገሥት፡ ወመኳንንት። |
|---|
| 24:3 | እስመ፡ አነ፡ ውእቱ፡ እግዚአብሔር፡ አምላክክሙ፡ ዘአውፃዕኩክሙ፡ እምከርሠ፡ እምክሙ፡ ወአልሐቁክሙ፡ ወሲሰይኩክሙ፡ ወዓረዝኩክሙ፡ ወለምንት፡ ታመክንዩ፡ ወታመልኩ፡ ባዕደ፡ አምላክ፡ ዘእንበሌየ። | እስመ፡ አነ፡ ውእቱ፡ እግዚአብሔር፡ አምላክክሙ፡ ዘአውፃዕኩክሙ፡ እምከርሠ፡ እምክሙ፡ ወአልሐቁክሙ፡ ወሲሰይኩክሙ፡ ወዓረዝኩክሙ፡ ወለምንት፡ ታመክንዩ፡ ወታመልኩ፡ ባዕደ፡ አምላክ፡ ዘእንበሌየ። |
|---|
| 24:4 | ወዘንተ፡ ኵሉ፡ ገበርኩ፡ ለክሙ፡ ወምንተ፡ ወሀብክሙኒ፡ ወምንት፡ እፈቅድ፡ እምኔክሙ፡ ዘእንበለ፡ መድኃኒተ፡ ነድስክሙ፡ ከመ፡ ትሑር፡ በሕግየ፡ ወበሥርዓትየ፡ ወበትእዛዝየ፡ ወአነሂ፡ አሀብክሙ፡ መድኃኒተ፡ ነፍስክሙ። | ወዘንተ፡ ኵሉ፡ ገበርኩ፡ ለክሙ፡ ወምንተ፡ ወሀብክሙኒ፡ ወምንት፡ እፈቅድ፡ እምኔክሙ፡ ዘእንበለ፡ መድኃኒተ፡ ነድስክሙ፡ ከመ፡ ትሑር፡ በሕግየ፡ ወበሥርዓትየ፡ ወበትእዛዝየ፡ ወአነሂ፡ አሀብክሙ፡ መድኃኒተ፡ ነፍስክሙ። |
|---|
| 24:5 | ይቤ፡ እግዚአብሔር፡ ዘኵሎ፡ ይመልክ፡ አድኀኑ፡ ርእስክሙ፡ እምጣዖት፡ ወሰገል፡ ወማርያን። | ይቤ፡ እግዚአብሔር፡ ዘኵሎ፡ ይመልክ፡ አድኀኑ፡ ርእስክሙ፡ እምጣዖት፡ ወሰገል፡ ወማርያን። |
|---|
| 24:6 | እስመ፡ ቦሙ፡ መቅሠፍተ፡ እግዚአብሔር፡ ይመጽእ፡ ላዕለ፡ እለ፡ ይገብሩ፡ ዘንተ፡ ወላዕለ፡ እለ፡ ይሰምዕዎሙ፡ ወላዕለ፡ እለ፡ ይገብሩ፡ ፈቃዶሙ፡ ወላዕለ፡ እለ፡ ይትዓረክዎሙ፡ ወላዕለ፡ እለ፡ የሐውሩ፡ በትእዛዞሙ። | እስመ፡ ቦሙ፡ መቅሠፍተ፡ እግዚአብሔር፡ ይመጽእ፡ ላዕለ፡ እለ፡ ይገብሩ፡ ዘንተ፡ ወላዕለ፡ እለ፡ ይሰምዕዎሙ፡ ወላዕለ፡ እለ፡ ይገብሩ፡ ፈቃዶሙ፡ ወላዕለ፡ እለ፡ ይትዓረክዎሙ፡ ወላዕለ፡ እለ፡ የሐውሩ፡ በትእዛዞሙ። |
|---|
| 24:7 | እስመ፡ ይትነሥኡ፡ ሕዝብ፡ ላዕሌክሙ፡ እለ፡ ኢየአምሩክሙ፡ ወኢይምሕኩክሙ፡ ወይበልዑ፡ ፍሬ፡ ዖማክሙ፡ ለእመ፡ ኢገበርክሙ፡ ፈቃደ፡ እግዚአብሔር፡ ዘገብረ፡ ለክሙ፡ በከመ፡ ነገሩ፡ ነቢያቲሁ፡ እምሳሙኤል፡ ነቢይ፡ ወዓዲ፡ ነገረ፡ ሕዝቅኤል፡ ወሔኖክ፡ ወነገፈ፡ አሳፍ። | እስመ፡ ይትነሥኡ፡ ሕዝብ፡ ላዕሌክሙ፡ እለ፡ ኢየአምሩክሙ፡ ወኢይምሕኩክሙ፡ ወይበልዑ፡ ፍሬ፡ ዖማክሙ፡ ለእመ፡ ኢገበርክሙ፡ ፈቃደ፡ እግዚአብሔር፡ ዘገብረ፡ ለክሙ፡ በከመ፡ ነገሩ፡ ነቢያቲሁ፡ እምሳሙኤል፡ ነቢይ፡ ወዓዲ፡ ነገረ፡ ሕዝቅኤል፡ ወሔኖክ፡ ወነገፈ፡ አሳፍ። |
|---|
| 24:8 | ወይቤ፡ ይመጽኡ፡ ዕደው፡ ፀዋጋውብ፡ እንዘ፡ ይዌልጡ፡ ልብሰቶሙ፡ ወአልቦ፡ ባዕድ፡ ሕግ፡ በውስቴቶሙ፡ ዘእንበለ፡ በሊዕ፡ ወሰተይ፡ ወተሠርግዎ፡ ወርቅ፡ ወብሩር፡ ወለኵሉ፡ ምግባረ፡ ፁግ፡ ዘኢይሠምሮ፡ እግዚአብሔር። | ወይቤ፡ ይመጽኡ፡ ዕደው፡ ፀዋጋውብ፡ እንዘ፡ ይዌልጡ፡ ልብሰቶሙ፡ ወአልቦ፡ ባዕድ፡ ሕግ፡ በውስቴቶሙ፡ ዘእንበለ፡ በሊዕ፡ ወሰተይ፡ ወተሠርግዎ፡ ወርቅ፡ ወብሩር፡ ወለኵሉ፡ ምግባረ፡ ፁግ፡ ዘኢይሠምሮ፡ እግዚአብሔር። |
|---|
| 24:9 | ወእሙንቱሰ፡ ድልዋን፡ ለረዊጽ፡ ውስተ፡ በሊዕ፡ ወሰቲይ፡ እምከመ፡ ነቅሑ፡ እምንዋሞሙ፡ እምነግህ፡ እስከ፡ ሠርክ፡ ውስተ፡ ምግባረ፡ እኩይ፡ ይረውፁ፡ ወለእገሪሆሙ፡ አልቦ፡ ፍኖተ፡ ሰላም፡ አላ፡ ዳዕሙ፡ ኃሣር፡ ወቅጥቃጤ፡ ውስተ፡ ፍኖቶሙ። | ወእሙንቱሰ፡ ድልዋን፡ ለረዊጽ፡ ውስተ፡ በሊዕ፡ ወሰቲይ፡ እምከመ፡ ነቅሑ፡ እምንዋሞሙ፡ እምነግህ፡ እስከ፡ ሠርክ፡ ውስተ፡ ምግባረ፡ እኩይ፡ ይረውፁ፡ ወለእገሪሆሙ፡ አልቦ፡ ፍኖተ፡ ሰላም፡ አላ፡ ዳዕሙ፡ ኃሣር፡ ወቅጥቃጤ፡ ውስተ፡ ፍኖቶሙ። |
|---|
| 24:10 | ወኢየአምርዋ፡ ለፍኖተ፡ ሰላም፡ ወአልቦ፡ ፍርሃተ፡ እግዚአብሔር፡ ቅድመ፡ አዕይንቲ፡ ሆሙ፡ ሕዝብ፡ ጠዋዕያን፡ ወፀዋጋን፡ እለ፡ አልቦሙ፡ ምልሕ፡ ወኢሃይማኖት፡ ስሱዓን፡ ወበላዕያን፡ ወሰታይያን፡ ወሰካርያን፡ ወዘእንበለ፡ ሕግ፡ አበሰሆሙ፡ ወውስተ፡ ምርዓት፡ ወክዒወ፡ ደም፡ ወሥርክ፡ ወጕሕሉት፡ ወሐይደ፡ ንዋየ፡ ባዕድ፡ በዓመፃ። | ወኢየአምርዋ፡ ለፍኖተ፡ ሰላም፡ ወአልቦ፡ ፍርሃተ፡ እግዚአብሔር፡ ቅድመ፡ አዕይንቲ፡ ሆሙ፡ ሕዝብ፡ ጠዋዕያን፡ ወፀዋጋን፡ እለ፡ አልቦሙ፡ ምልሕ፡ ወኢሃይማኖት፡ ስሱዓን፡ ወበላዕያን፡ ወሰታይያን፡ ወሰካርያን፡ ወዘእንበለ፡ ሕግ፡ አበሰሆሙ፡ ወውስተ፡ ምርዓት፡ ወክዒወ፡ ደም፡ ወሥርክ፡ ወጕሕሉት፡ ወሐይደ፡ ንዋየ፡ ባዕድ፡ በዓመፃ። |
|---|
| 24:11 | ወወቃስያን፡ ዘእንበለ፡ ሕግ፡ ወፍትሕ፡ ወአልቦ፡ ፍርሃት፡ ውስተ፡ ገጾሙ፡ እስመ፡ ኢይፈርህዎ፡ ለእግዚአብሔር፡ ዘፈጠሮሙ። | ወወቃስያን፡ ዘእንበለ፡ ሕግ፡ ወፍትሕ፡ ወአልቦ፡ ፍርሃት፡ ውስተ፡ ገጾሙ፡ እስመ፡ ኢይፈርህዎ፡ ለእግዚአብሔር፡ ዘፈጠሮሙ። |
|---|
| 24:12 | ወኢየኃፍሩ፡ ገጸ፡ ሰብእ፡ ዘይሬእዮ፡ ወገጾ፡ ዘሲበት፡ ወገጾ፡ ዘአረጋዊ፡ ወእምከመ፡ ሰምዑ፡ ንዋየ፡ ዓለም፡ ይሬስዩ፡ ዘዚአሆሙ፡ ዘእንበለ፡ ይርዐዩ፡ በአዕይንቲሆሙ፡ ወእምከመ፡ ርእዩ፡ በአዕይንቲሆሙ፡ ይመስሎሙ፡ ዘውኀጥዎ፡ በአፉሆሙ፡ እስመ፡ አልቦ፡ ፍርሃተ፡ እግዚአብሔር፡ ቅድመ፡ አዕይንቲሆሙ። | ወኢየኃፍሩ፡ ገጸ፡ ሰብእ፡ ዘይሬእዮ፡ ወገጾ፡ ዘሲበት፡ ወገጾ፡ ዘአረጋዊ፡ ወእምከመ፡ ሰምዑ፡ ንዋየ፡ ዓለም፡ ይሬስዩ፡ ዘዚአሆሙ፡ ዘእንበለ፡ ይርዐዩ፡ በአዕይንቲሆሙ፡ ወእምከመ፡ ርእዩ፡ በአዕይንቲሆሙ፡ ይመስሎሙ፡ ዘውኀጥዎ፡ በአፉሆሙ፡ እስመ፡ አልቦ፡ ፍርሃተ፡ እግዚአብሔር፡ ቅድመ፡ አዕይንቲሆሙ። |
|---|
| 24:13 | ወመኳንንቲሆሙኒ፡ በላዕያነ፡ ማዕኮት፡ ወዘተናገሩ፡ በነግህ፡ ኢይደግሙ፡ በሠርክ፡ እስመ፡ ከሐድያን፡ እሙንቱ፡ ወአልቦ፡ እንከ፡ ርትዕ፡ ውስተ፡ አፉሆሙ። | ወመኳንንቲሆሙኒ፡ በላዕያነ፡ ማዕኮት፡ ወዘተናገሩ፡ በነግህ፡ ኢይደግሙ፡ በሠርክ፡ እስመ፡ ከሐድያን፡ እሙንቱ፡ ወአልቦ፡ እንከ፡ ርትዕ፡ ውስተ፡ አፉሆሙ። |
|---|
| 24:14 | ወነገሥቶሙኒ፡ ሐዋክያን፡ ለእከይ፡ ይረውፁ፡ እስመ፡ ይትሔየዩ፡ አውያተ፡ ነዳያን፡ ወምስኪናን፡ ወኢያነግፍዎሙ፡ ለግዩራን፡ እምእደ፡ ዘይትዔገልዎሙ። | ወነገሥቶሙኒ፡ ሐዋክያን፡ ለእከይ፡ ይረውፁ፡ እስመ፡ ይትሔየዩ፡ አውያተ፡ ነዳያን፡ ወምስኪናን፡ ወኢያነግፍዎሙ፡ ለግዩራን፡ እምእደ፡ ዘይትዔገልዎሙ። |
|---|
| 24:15 | ወበእንተዝ፡ ኢይኩኑ፡ ነገሥት፡ ደንፃውያነ፡ አላ፡ ይባልህዎሙ፡ ለግዩር፡ ወለግፉዕ። | ወበእንተዝ፡ ኢይኩኑ፡ ነገሥት፡ ደንፃውያነ፡ አላ፡ ይባልህዎሙ፡ ለግዩር፡ ወለግፉዕ። |
|---|
| 24:16 | ወእሙንቱሰ፡ መጸብሐን፡ ወዓላውያን፡ እለ፡ ይሰትዩ፡ ደመ፡ ወኢይምህሩ፡ ዕጐለተ፡ ምስለ፡ እማ፡ ወዖፈ፡ ምስለ፡ አፍህርቲሃ፡ እስመ፡ ፀዋግ፡ ፍኖቶሙ፡ ኵሎ፡ ዘርእዩ፡ ወዘለምዑ፡ ይሬስዩ፡ ዘዚአሆሙ። | ወእሙንቱሰ፡ መጸብሐን፡ ወዓላውያን፡ እለ፡ ይሰትዩ፡ ደመ፡ ወኢይምህሩ፡ ዕጐለተ፡ ምስለ፡ እማ፡ ወዖፈ፡ ምስለ፡ አፍህርቲሃ፡ እስመ፡ ፀዋግ፡ ፍኖቶሙ፡ ኵሎ፡ ዘርእዩ፡ ወዘለምዑ፡ ይሬስዩ፡ ዘዚአሆሙ። |
|---|
| 24:17 | ወኢይምህሩ፡ ነዳያነ፡ ወዝልጉሳነ፡ አላ፡ ያፈቅሩ፡ ይስተጋብኡ፡ ለርአሰሙ፡ ወየሐይዱ፡ ንዋየ፡ ባዕድ፡ በዓመፃ፡ ወኵሎ፡ ዘረከቡ፡ ያተጋብዑ፡ ከመ፡ ይዝግቡ፡ ውስተ፡ አብያቲሆሙ፡ ወይትፈሥሑ፡ ቦቱ። | ወኢይምህሩ፡ ነዳያነ፡ ወዝልጉሳነ፡ አላ፡ ያፈቅሩ፡ ይስተጋብኡ፡ ለርአሰሙ፡ ወየሐይዱ፡ ንዋየ፡ ባዕድ፡ በዓመፃ፡ ወኵሎ፡ ዘረከቡ፡ ያተጋብዑ፡ ከመ፡ ይዝግቡ፡ ውስተ፡ አብያቲሆሙ፡ ወይትፈሥሑ፡ ቦቱ። |
|---|
| 24:18 | አሌላ፡ ለነፍሶሙ፡ አመ፡ ይእኅዞሙ፡ እግዚአብሔር፡ በመዓቱ፡ በእንተ፡ ዘኢያሠነዩ፡ ሥርዓቶሙ፡ በሕይወቶሙ፡ እስመ፡ ይጠፍዑ፡ ፍጡነ፡ ከመ፡ ዘወፅአ፡ እምግቡ፡ ዘኢይትረከብ፡ ዓሠሩ፡ ወኢይገብዕ፡ ውስተ፡ ቤቱ። | አሌላ፡ ለነፍሶሙ፡ አመ፡ ይእኅዞሙ፡ እግዚአብሔር፡ በመዓቱ፡ በእንተ፡ ዘኢያሠነዩ፡ ሥርዓቶሙ፡ በሕይወቶሙ፡ እስመ፡ ይጠፍዑ፡ ፍጡነ፡ ከመ፡ ዘወፅአ፡ እምግቡ፡ ዘኢይትረከብ፡ ዓሠሩ፡ ወኢይገብዕ፡ ውስተ፡ ቤቱ። |
|---|
| 24:19 | ወከማሁ፡ ይጠፍዑ፡ በምዕር፡ በ1ገጽ፡ አመ፡ ተሐየዮሙ፡ እግዚአብሔር፡ የሐልቁ፡ በጊዜሁ፡ እስመ፡ ኢያፈጥን፡ እግዚአብሔር፡ ለአጥፍዖ፡ አላ፡ ይትዔገሥ፡ እመ፡ ይገብዑ፡ ውስተ፡ ንስሐ። | ወከማሁ፡ ይጠፍዑ፡ በምዕር፡ በ1ገጽ፡ አመ፡ ተሐየዮሙ፡ እግዚአብሔር፡ የሐልቁ፡ በጊዜሁ፡ እስመ፡ ኢያፈጥን፡ እግዚአብሔር፡ ለአጥፍዖ፡ አላ፡ ይትዔገሥ፡ እመ፡ ይገብዑ፡ ውስተ፡ ንስሐ። |
|---|
| 24:20 | ወለእመ፡ ኢገብዑ፡ ውስተ፡ ንስሐ፡ ያጠፍዖሙ፡ እግዚአብሔር፡ ከመ፡ ቀደምት፡ እለ፡ እምቅድሜሆሙ፡ እለ፡ ኢአቀቡ፡ ትእዛዘ፡ እግዚአብሔር፡ በንጹሕ። | ወለእመ፡ ኢገብዑ፡ ውስተ፡ ንስሐ፡ ያጠፍዖሙ፡ እግዚአብሔር፡ ከመ፡ ቀደምት፡ እለ፡ እምቅድሜሆሙ፡ እለ፡ ኢአቀቡ፡ ትእዛዘ፡ እግዚአብሔር፡ በንጹሕ። |
|---|
| 24:21 | ወበላዕያነ፡ ሥጋ፡ ሰብእ፡ ወሰታይያነ፡ ደም፡ ወአልቦ፡ ፍርሃተ፡ እግዚአብሔር፡ በኵሉ፡ ጊዜ፡ እስመ፡ ግፍዓ፡ የዓጥቁ፡ ለረዊፅ፡ እምከመ፡ ተንሥኡ፡ እምሰከቦሙ፡ ወኢየዓርፉ፡ እምገቢረ፡ ዓመፃ። | ወበላዕያነ፡ ሥጋ፡ ሰብእ፡ ወሰታይያነ፡ ደም፡ ወአልቦ፡ ፍርሃተ፡ እግዚአብሔር፡ በኵሉ፡ ጊዜ፡ እስመ፡ ግፍዓ፡ የዓጥቁ፡ ለረዊፅ፡ እምከመ፡ ተንሥኡ፡ እምሰከቦሙ፡ ወኢየዓርፉ፡ እምገቢረ፡ ዓመፃ። |
|---|
| 24:22 | ለበሊዕ፡ ወሰተይ፡ ወረዊፅ፡ ውስተ፡ እከይ፡ ወኃጕል፡ ከመ፡ ያማስኑ፡ ነፍሰ፡ ብዙኃን፡ በዲበ፡ ምድር። | ለበሊዕ፡ ወሰተይ፡ ወረዊፅ፡ ውስተ፡ እከይ፡ ወኃጕል፡ ከመ፡ ያማስኑ፡ ነፍሰ፡ ብዙኃን፡ በዲበ፡ ምድር። |
|---|