| 1:1 | በእንተ፡ ዘረከቦሙ፡ መቃቢስ፡ ለአይሁድ፡ በመሰጴጦምያ፡ ዘሶርያ፡ ወቀተሎሙ፡ በቍላ፡ ቲሆሙ፡ እስከ፡ ዓውደ፡ ለኢየሩሳሌም፡ እምኢያቦቅ፡ ወእምጥፍዓ፡ ለገረግ፡ ቅድስት። | በእንተ፡ ዘረከቦሙ፡ መቃቢስ፡ ለአይሁድ፡ በመሰጴጦምያ፡ ዘሶርያ፡ ወቀተሎሙ፡ በቍላ፡ ቲሆሙ፡ እስከ፡ ዓውደ፡ ለኢየሩሳሌም፡ እምኢያቦቅ፡ ወእምጥፍዓ፡ ለገረግ፡ ቅድስት። |
|---|
| 1:2 | እስመ፡ ተዓነዩ፡ እምሰማርያ፡ እሰ፡ ዓውደ፡ ለኢየሩሳሌም፡ ወኵሉ፡ አድያሚሃ፡ ወቀተሉ፡ በአፈ፡ ሐፂን፡ እስከ፡ ኢያትረፉ፡ ዘእንበለ፡ ኅዳጣን፡ እስመ፡ ኀብሩ፡ ኤዶማውያን፡ ወሶር፡ ያውያን፡ ወአማሌቃውያን፡ ምስለ፡ ሞዓባዊ፡ መቃብሰ፡ ዘአጥፍአ፡ ሀገረ፡ ኢየሩሳሌም። | እስመ፡ ተዓነዩ፡ እምሰማርያ፡ እሰ፡ ዓውደ፡ ለኢየሩሳሌም፡ ወኵሉ፡ አድያሚሃ፡ ወቀተሉ፡ በአፈ፡ ሐፂን፡ እስከ፡ ኢያትረፉ፡ ዘእንበለ፡ ኅዳጣን፡ እስመ፡ ኀብሩ፡ ኤዶማውያን፡ ወሶር፡ ያውያን፡ ወአማሌቃውያን፡ ምስለ፡ ሞዓባዊ፡ መቃብሰ፡ ዘአጥፍአ፡ ሀገረ፡ ኢየሩሳሌም። |
|---|
| 1:3 | ወሶበ፡ አበሱ፡ ደቂቀ፡ እስራኤል፡ ፈነወ፡ ሎሙ፡ ሞዓባዊ፡ መቃቢስሃ፡ ወቀተሎሙ፡ ለኵ፡ ሎሙ፡ በመጥባሕት። | ወሶበ፡ አበሱ፡ ደቂቀ፡ እስራኤል፡ ፈነወ፡ ሎሙ፡ ሞዓባዊ፡ መቃቢስሃ፡ ወቀተሎሙ፡ ለኵ፡ ሎሙ፡ በመጥባሕት። |
|---|
| 1:4 | ወበእንተዝ፡ ነገር፡ ወውዑ፡ ፀረ፡ እግዚአብሔር፡ ላዕለ፡ ሀገሩ፡ ቅድስት፡ ወተሰካተዩ፡ በማዕሌቶሙ። | ወበእንተዝ፡ ነገር፡ ወውዑ፡ ፀረ፡ እግዚአብሔር፡ ላዕለ፡ ሀገሩ፡ ቅድስት፡ ወተሰካተዩ፡ በማዕሌቶሙ። |
|---|
| 1:5 | ወተዓነዩ፡ ኤዶማውያን፡ ወኤሎፍሊ፡ ወአኀዘ፡ ይትበቀሉ፡ ሀገረ፡ እግዚአብሔር፡ እስመ፡ ለሊሁ፡ ፈነዎሙ፡ በእንተ፡ ዘተዓየሩ፡ ቃለ፡ እግዚአብሔር። | ወተዓነዩ፡ ኤዶማውያን፡ ወኤሎፍሊ፡ ወአኀዘ፡ ይትበቀሉ፡ ሀገረ፡ እግዚአብሔር፡ እስመ፡ ለሊሁ፡ ፈነዎሙ፡ በእንተ፡ ዘተዓየሩ፡ ቃለ፡ እግዚአብሔር። |
|---|
| 1:6 | ወውእቱሰ፡ መቃቢስ፡ ሀገሩ፡ ሬማት፡ ዘሞዓብ፡ ወተንሥአ፡ በኃይል፡ እምሀገሩ፡ ወተሰካተየ፡ ምስለ፡ እለ፡ ምስሌሁ። | ወውእቱሰ፡ መቃቢስ፡ ሀገሩ፡ ሬማት፡ ዘሞዓብ፡ ወተንሥአ፡ በኃይል፡ እምሀገሩ፡ ወተሰካተየ፡ ምስለ፡ እለ፡ ምስሌሁ። |
|---|
| 1:7 | ወተዓየኑ፡ ቍላተ፡ ጌላቡሄ፡ ዘመስጴጦምያ፡ እስከ፡ ሶርያ፡ ከመ፡ ያጥፍኡ፡ ሀገረ፡ እግዚአብሔር፡ ወእምህየ፡ ሰአለ፡ ኤሎፍላውያነ፡ ወአማሌቃውያነ፡ ወወሀቦሙ፡ ብዙኃ፡ ወርቀ፡ ወብሩረ፡ ወአፍራሰ፡ ወሠረገላተ፡ ከመ፡ ይኩኑ፡ ምስሌሁ፡ ውስተ፡ ማዕሌት። | ወተዓየኑ፡ ቍላተ፡ ጌላቡሄ፡ ዘመስጴጦምያ፡ እስከ፡ ሶርያ፡ ከመ፡ ያጥፍኡ፡ ሀገረ፡ እግዚአብሔር፡ ወእምህየ፡ ሰአለ፡ ኤሎፍላውያነ፡ ወአማሌቃውያነ፡ ወወሀቦሙ፡ ብዙኃ፡ ወርቀ፡ ወብሩረ፡ ወአፍራሰ፡ ወሠረገላተ፡ ከመ፡ ይኩኑ፡ ምስሌሁ፡ ውስተ፡ ማዕሌት። |
|---|
| 1:8 | ወመጽኡ፡ ኅቡረ፡ ወኵዓትዋ፡ ለሀገረ፡ ወከዓዉ፡ ደሞሙ፡ ከመ፡ ማይ፡ ለእለ፡ ይነብሩ፡ ውስቴታ። | ወመጽኡ፡ ኅቡረ፡ ወኵዓትዋ፡ ለሀገረ፡ ወከዓዉ፡ ደሞሙ፡ ከመ፡ ማይ፡ ለእለ፡ ይነብሩ፡ ውስቴታ። |
|---|
| 1:9 | ወረስይዋ፡ ለኢየሩሳሌም፡ ከመ፡ ልገተ፡ ዓቃቤ፡ ቀምሕ፡ ወገብረ፡ ውስቴታ፡ ኵስሐ፡ ወዝብለ፡ ወኵሎ፡ ዘኢይሠምር፡ እግዚአብሔር፡ ምግባረ፡ ፁግ፡ ወአርኩሱ፡ ሀገረ፡ እግዚአብሔር፡ እንተ፡ ምልዕት፡ ጽድቀ፡ ወቅድሳተ። | ወረስይዋ፡ ለኢየሩሳሌም፡ ከመ፡ ልገተ፡ ዓቃቤ፡ ቀምሕ፡ ወገብረ፡ ውስቴታ፡ ኵስሐ፡ ወዝብለ፡ ወኵሎ፡ ዘኢይሠምር፡ እግዚአብሔር፡ ምግባረ፡ ፁግ፡ ወአርኩሱ፡ ሀገረ፡ እግዚአብሔር፡ እንተ፡ ምልዕት፡ ጽድቀ፡ ወቅድሳተ። |
|---|
| 1:10 | ወረሰዩ፡ አብድንቲሆሙ፡ ለአግብርቲከ፡ መብልዓ፡ ለአዕዋፈ፡ ሰማይ፡ ወሥጋሆሙኒ፡ ለጻድቃኒከ፡ ለአራዊተ፡ ገዳም። | ወረሰዩ፡ አብድንቲሆሙ፡ ለአግብርቲከ፡ መብልዓ፡ ለአዕዋፈ፡ ሰማይ፡ ወሥጋሆሙኒ፡ ለጻድቃኒከ፡ ለአራዊተ፡ ገዳም። |
|---|
| 1:11 | ወተአገሉ፡ ዕቢረ፡ ወእጓለ፡ ማውታ፡ ወለፅኑሳትኒ፡ አውፅኡ፡ ዘውስተ፡ ከርሦን፡ እስከ፡ ይትመዓዕ፡ እግዚአብሔር፡ ዘይፈትን፡ ልበ፡ ወኵልያተ፡ እስመ፡ ዘእንበለ፡ ፍርሃተ፡ እግዚአብሔር፡ ገብሩ፡ በከመ፡ መሐሮሙ፡ ሰይጣን። | ወተአገሉ፡ ዕቢረ፡ ወእጓለ፡ ማውታ፡ ወለፅኑሳትኒ፡ አውፅኡ፡ ዘውስተ፡ ከርሦን፡ እስከ፡ ይትመዓዕ፡ እግዚአብሔር፡ ዘይፈትን፡ ልበ፡ ወኵልያተ፡ እስመ፡ ዘእንበለ፡ ፍርሃተ፡ እግዚአብሔር፡ ገብሩ፡ በከመ፡ መሐሮሙ፡ ሰይጣን። |
|---|
| 1:12 | ወተመይጡ፡ ውስተ፡ አድዋሌሆሙ፡ እንዝ፡ ይትፌሥሑ፡ በእንተ፡ ዘገብሩ፡ እኩየ፡ ላዕለ፡ ሕዝበ፡ እግዚአብሔር፡ ወነሥአ፡ ፄዋ፡ ወምህርካ፡ ዘማህርኩ፡ እምቅድስት፡ ሀገር። | ወተመይጡ፡ ውስተ፡ አድዋሌሆሙ፡ እንዝ፡ ይትፌሥሑ፡ በእንተ፡ ዘገብሩ፡ እኩየ፡ ላዕለ፡ ሕዝበ፡ እግዚአብሔር፡ ወነሥአ፡ ፄዋ፡ ወምህርካ፡ ዘማህርኩ፡ እምቅድስት፡ ሀገር። |
|---|
| 1:13 | ወሶበ፡ አተዉ፡ ወገብዑ፡ ውስተ፡ ማኅደሪሆሙ፡ ወገብሩ፡ ፍስሐ፡ ወፋሕለ፡ ወማዕሌተ። | ወሶበ፡ አተዉ፡ ወገብዑ፡ ውስተ፡ ማኅደሪሆሙ፡ ወገብሩ፡ ፍስሐ፡ ወፋሕለ፡ ወማዕሌተ። |
|---|