📜 Verbum · 聖言
原文誦讀聖經與教父文獻
中EN
🎬 影片📜 原文閱讀🔍 搜尋關於

衣索比亞馬加比二書

衣索比亞馬加比二書 第 14 章｜2 種原文並排

各譯本的分節不完全一致。這裡以節號對齊，某一欄沒有該節就留空，不做順序上的湊對。點任一字可查義。

吉茲文
吉茲文聖經
吉茲文
次經
14:1
ሊተሰ፡ የኃዝነኒ፡ ፈድፋደ፡ ወያቴክዘኒ፡ ወይቀልየኒ፡ ልብየ፡ በእንተ፡ አይሁድ፡ ወሳም፡ ራውያን፡ ወፈሪሳውያን፡ ወሰዱቃውያን፡ እለ፡ ኢየአምኑ፡ ትንሣኤ፡ ምውታን፡ አይሁድ፡ ይብሉ፡ ንብላዕ፡ ወንሰተይ፡ ጌሠማ፡ ንመውት፡ ወበህየ፡ አልቦ፡ ዘንሬኢ።
ሊተሰ፡ የኃዝነኒ፡ ፈድፋደ፡ ወያቴክዘኒ፡ ወይቀልየኒ፡ ልብየ፡ በእንተ፡ አይሁድ፡ ወሳም፡ ራውያን፡ ወፈሪሳውያን፡ ወሰዱቃውያን፡ እለ፡ ኢየአምኑ፡ ትንሣኤ፡ ምውታን፡ አይሁድ፡ ይብሉ፡ ንብላዕ፡ ወንሰተይ፡ ጌሠማ፡ ንመውት፡ ወበህየ፡ አልቦ፡ ዘንሬኢ።
14:2
ወሳምራውያንሰ፡ ይብሉ፡ ሥጋነሰ፡ ኢይትነሣእ፡ እስመ፡ ፀበለ፡ ይከውን።
ወሳምራውያንሰ፡ ይብሉ፡ ሥጋነሰ፡ ኢይትነሣእ፡ እስመ፡ ፀበለ፡ ይከውን።
14:3
ወእመሰ፡ ይከውን፡ ትንሣኤ፡ ትንሣኤ፡ ነፍሳቲነ፡ ነአምን፡ እስመ፡ ነፍሰ፡ እመኒ፡ ሞተ፡ ሥጋ፡ ኢትመውት፡ እስመ፡ ከመ፡ ነፋስ፡ ይእቲ፡ እንተ፡ ኢትትረአይ፡ ወከመ፡ ድምፀ፡ ነጐድጓድ፡ ወኢይብልዋ፡ ነያ፡ ወኢታስተርኢ።
ወእመሰ፡ ይከውን፡ ትንሣኤ፡ ትንሣኤ፡ ነፍሳቲነ፡ ነአምን፡ እስመ፡ ነፍሰ፡ እመኒ፡ ሞተ፡ ሥጋ፡ ኢትመውት፡ እስመ፡ ከመ፡ ነፋስ፡ ይእቲ፡ እንተ፡ ኢትትረአይ፡ ወከመ፡ ድምፀ፡ ነጐድጓድ፡ ወኢይብልዋ፡ ነያ፡ ወኢታስተርኢ።
14:4
ወሥጋነሰ፡ ትትረአይ፡ በኵሉ፡ ወትከውን፡ ሐመደ፡ ወፀበለ፡ እስመ፡ አራዊት፡ ይበልዕዋ፡ ወዕፄያትኒ፡ ይበልዕዋ፡ በውስተ፡ መቃብር።
ወሥጋነሰ፡ ትትረአይ፡ በኵሉ፡ ወትከውን፡ ሐመደ፡ ወፀበለ፡ እስመ፡ አራዊት፡ ይበልዕዋ፡ ወዕፄያትኒ፡ ይበልዕዋ፡ በውስተ፡ መቃብር።
14:5
ወእሙንቱኒ፡ እለ፡ በልዕዋ፡ ይከውኑ፡ ሐመደ፡ ወኢይትረከብ፡ ዓሠሮሙ፡ እስመ፡ ከመ፡ ሣዕር፡ ይከውኑ፡ ወከመ፡ ዘኢትፈጥሩ፡ ኮኑ፡ ሐመደ።
ወእሙንቱኒ፡ እለ፡ በልዕዋ፡ ይከውኑ፡ ሐመደ፡ ወኢይትረከብ፡ ዓሠሮሙ፡ እስመ፡ ከመ፡ ሣዕር፡ ይከውኑ፡ ወከመ፡ ዘኢትፈጥሩ፡ ኮኑ፡ ሐመደ።
14:6
ወበይእቲ፡ ይትረከቡ፡ ሥጋት፡ እለ፡ በልዩ፡ ወከመዝ፡ ይብሉ፡ ፈሪሳውያን፡ ትንሣኤ፡ ምውታንሰ፡ ነአምን፡ ወባሕቱ፡ ያለብሶሙ፡ ለነፍሳት፡ በሰማያት፡ ካልዓ፡ ሥጋ፡ ዘኢኮነ፡ ዘበምድር።
ወበይእቲ፡ ይትረከቡ፡ ሥጋት፡ እለ፡ በልዩ፡ ወከመዝ፡ ይብሉ፡ ፈሪሳውያን፡ ትንሣኤ፡ ምውታንሰ፡ ነአምን፡ ወባሕቱ፡ ያለብሶሙ፡ ለነፍሳት፡ በሰማያት፡ ካልዓ፡ ሥጋ፡ ዘኢኮነ፡ ዘበምድር።
14:7
ወከመዝ፡ ይብሉ፡ ሰዱቃውያን፡ እምአመ፡ ወፅአት፡ ነፍስነ፡ እምሥጋነ፡ ኢንትነሣእ፡ እምውታን፡ ወአልቦሙ፡ ትንሣኤ፡ ሙታን፡ ኢለነፍስ፡ ወኢለሥጋ፡ ወእምከመ፡ ሞትነ፡ ኢንትነሣእ።
ወከመዝ፡ ይብሉ፡ ሰዱቃውያን፡ እምአመ፡ ወፅአት፡ ነፍስነ፡ እምሥጋነ፡ ኢንትነሣእ፡ እምውታን፡ ወአልቦሙ፡ ትንሣኤ፡ ሙታን፡ ኢለነፍስ፡ ወኢለሥጋ፡ ወእምከመ፡ ሞትነ፡ ኢንትነሣእ።
14:8
ወበእንተ፡ ዝንቱ፡ የዓብዱ፡ ፈድፋደ፡ ወያቲክዘኒ፡ በእንተአሆሙ፡ እስመ፡ ይትናገሩ፡ ጽርፈት፡ ላዕለ፡ እግዚአብሔር፡ ወስብሐቲሁ።
ወበእንተ፡ ዝንቱ፡ የዓብዱ፡ ፈድፋደ፡ ወያቲክዘኒ፡ በእንተአሆሙ፡ እስመ፡ ይትናገሩ፡ ጽርፈት፡ ላዕለ፡ እግዚአብሔር፡ ወስብሐቲሁ።
14:9
ወአልቦሙ፡ ተስፋ፡ ለድኂን፡ እስመ፡ ኢተአመንዎ፡ ለእግዚአብሔር፡ ለዘያጸድቆሙ፡ ወባሕቱ፡ ተስፋ፡ አልቦሙ፡ ለድኂን፡ ወትንሣኤ፡ ሙታን።
ወአልቦሙ፡ ተስፋ፡ ለድኂን፡ እስመ፡ ኢተአመንዎ፡ ለእግዚአብሔር፡ ለዘያጸድቆሙ፡ ወባሕቱ፡ ተስፋ፡ አልቦሙ፡ ለድኂን፡ ወትንሣኤ፡ ሙታን።
14:10
ወአይሁዳዊ፡ ዕውር፡ ታሰተዓብይኑ፡ ለእግዚአብሔር፡ ዘአምጽአከ፡ እምኀበ፡ ኢሀሎከ፡ ወእንዘ፡ ምራት፡ ረሰየከ፡ ሰብአ፡ ይሥዕነከሁ፡ ዘዘርዓከ፡ ዓብቍሎ፡ ነፍስከ፡ ወሥጋከ፡ በአርዓያሁ፡ ወበአምሳሌሁ።
ወአይሁዳዊ፡ ዕውር፡ ታሰተዓብይኑ፡ ለእግዚአብሔር፡ ዘአምጽአከ፡ እምኀበ፡ ኢሀሎከ፡ ወእንዘ፡ ምራት፡ ረሰየከ፡ ሰብአ፡ ይሥዕነከሁ፡ ዘዘርዓከ፡ ዓብቍሎ፡ ነፍስከ፡ ወሥጋከ፡ በአርዓያሁ፡ ወበአምሳሌሁ።
14:11
ወኢትትሐሰብኪ፡ ከመዝ፡ እስመ፡ ኢታመሥጥ፡ እምእዴሁ፡ ለእግዚአብሔር፡ ትትነሣ፡ እኬ፡ እንዘ፡ ኢትፈክድ፡ ወትትኳነን፡ እንዘ፡ ኢትሠምር፡ እስመ፡ ሀብለ፡ ሲኦል፡ ውስተ፡ ክሣድከ፡ ሀለወ፡ ዘተእኅዝከ፡ ዛቲ፡ አመ፡ ዕለት፡ ሞትከ።
ወኢትትሐሰብኪ፡ ከመዝ፡ እስመ፡ ኢታመሥጥ፡ እምእዴሁ፡ ለእግዚአብሔር፡ ትትነሣ፡ እኬ፡ እንዘ፡ ኢትፈክድ፡ ወትትኳነን፡ እንዘ፡ ኢትሠምር፡ እስመ፡ ሀብለ፡ ሲኦል፡ ውስተ፡ ክሣድከ፡ ሀለወ፡ ዘተእኅዝከ፡ ዛቲ፡ አመ፡ ዕለት፡ ሞትከ።
14:12
እስመ፡ በውስተ፡ ከርሠ፡ እምከ፡ ትሠርፅ፡ ለከ፡ እምጕንደ፡ ሲኦል፡ ይእቲ፡ ሀብል፡ እንተ፡ ይወድይዋ፡ ውስተ፡ ክሣድከ፡ ወሶበ፡ ትልህቅ፡ አንተ፡ ወከማሁ፡ ትልህቅ፡ ይእቲ።
እስመ፡ በውስተ፡ ከርሠ፡ እምከ፡ ትሠርፅ፡ ለከ፡ እምጕንደ፡ ሲኦል፡ ይእቲ፡ ሀብል፡ እንተ፡ ይወድይዋ፡ ውስተ፡ ክሣድከ፡ ወሶበ፡ ትልህቅ፡ አንተ፡ ወከማሁ፡ ትልህቅ፡ ይእቲ።
14:13
ወሶበ፡ ትመውት፡ አንተ፡ ይወድይዋ፡ ውስተ፡ ክሣድከ፡ ወሶበ፡ ይስህብዋ፡ ጕንዳ፡ ታመጽኦሙ፡ ይእቲ።
ወሶበ፡ ትመውት፡ አንተ፡ ይወድይዋ፡ ውስተ፡ ክሣድከ፡ ወሶበ፡ ይስህብዋ፡ ጕንዳ፡ ታመጽኦሙ፡ ይእቲ።
14:14
ወትስህብ፡ አዕፁቂሃ፡ እስመ፡ ሀለዉ፡ ኵሎሙ፡ ኃጥአን፡ እኁዛን፡ ውስቴታ፡ ከመ፡ አህባል፡ ሀሎ፡ ውስተ፡ ክሣውዲሆሙ።
ወትስህብ፡ አዕፁቂሃ፡ እስመ፡ ሀለዉ፡ ኵሎሙ፡ ኃጥአን፡ እኁዛን፡ ውስቴታ፡ ከመ፡ አህባል፡ ሀሎ፡ ውስተ፡ ክሣውዲሆሙ።
14:15
ወየመጽአ፡ ኵሎን፡ ነፍሳተ፡ ኃጥአን፡ እምኀበ፡ ሀለዋ፡ እምአጽናፈ፡ ሰማይ፡ ወከማሁ፡ ትስሕበከ፡ ሀብልከ፡ ከመ፡ ታምጽእ፡ ነፍሰከ፡ እምኀበ፡ ሀለዉከ፡ ወታገብዓከ፡ ውስተ፡ ፈለገ፡ ሲኦል።
ወየመጽአ፡ ኵሎን፡ ነፍሳተ፡ ኃጥአን፡ እምኀበ፡ ሀለዋ፡ እምአጽናፈ፡ ሰማይ፡ ወከማሁ፡ ትስሕበከ፡ ሀብልከ፡ ከመ፡ ታምጽእ፡ ነፍሰከ፡ እምኀበ፡ ሀለዉከ፡ ወታገብዓከ፡ ውስተ፡ ፈለገ፡ ሲኦል።
14:16
ወሥጋከኒ፡ ተአቲቶ፡ ወዊኖ፡ ምስብዒተ፡ በከመ፡ ሥጋሁ፡ ለአቡነ፡ አዳም፡ ታነሥአከ፡ ጠለ፡ ምሕረቱ፡ ለእግዚአብሔር፡ ወበህየ፡ ትትፈደይ፡ በከመ፡ ገብርከ፡ አበሰ፡ ወኃጢአተ፡ በከመ፡ ኢአሚኖትከ።
ወሥጋከኒ፡ ተአቲቶ፡ ወዊኖ፡ ምስብዒተ፡ በከመ፡ ሥጋሁ፡ ለአቡነ፡ አዳም፡ ታነሥአከ፡ ጠለ፡ ምሕረቱ፡ ለእግዚአብሔር፡ ወበህየ፡ ትትፈደይ፡ በከመ፡ ገብርከ፡ አበሰ፡ ወኃጢአተ፡ በከመ፡ ኢአሚኖትከ።
14:17
ወኢይመስልከ፡ በከመ፡ ዘታስት፡ ባዕደ፡ ወትስሐት፡ ለሊከ፡ ዘትነብር፡ ውስተ፡ መቃብር፡ በስሕተትከ፡ ወትብል፡ አልቦ፡ ትንሣኤ፡ ሙታን፡ ከመ፡ ይስሕቱ፡ እንትእዛዘ፡ እግዚአብሔር።
ወኢይመስልከ፡ በከመ፡ ዘታስት፡ ባዕደ፡ ወትስሐት፡ ለሊከ፡ ዘትነብር፡ ውስተ፡ መቃብር፡ በስሕተትከ፡ ወትብል፡ አልቦ፡ ትንሣኤ፡ ሙታን፡ ከመ፡ ይስሕቱ፡ እንትእዛዘ፡ እግዚአብሔር።
14:18
ወመኑ፡ የኃድገከ፡ ውስተ፡ ሐመድ፡ ወመሬት፡ ዳዕሙ፡ ያነሥአከ፡ ከመ፡ ይፍዲከ፡ በከመ፡ ምግባሪከ፡ ዘገበርከ።
ወመኑ፡ የኃድገከ፡ ውስተ፡ ሐመድ፡ ወመሬት፡ ዳዕሙ፡ ያነሥአከ፡ ከመ፡ ይፍዲከ፡ በከመ፡ ምግባሪከ፡ ዘገበርከ።
14:19
ወአሜሃሰ፡ ይመጽእ፡ እመሂ፡ ዘውስተ፡ ነፋሳት፡ መናፍስቲከ፡ ወእመሂ፡ ዘውስተ፡ ምድር፡ ፀበልከ፡ ወእመሂ፡ ዘውስተ፡ እሳት፡ ላህብከ።
ወአሜሃሰ፡ ይመጽእ፡ እመሂ፡ ዘውስተ፡ ነፋሳት፡ መናፍስቲከ፡ ወእመሂ፡ ዘውስተ፡ ምድር፡ ፀበልከ፡ ወእመሂ፡ ዘውስተ፡ እሳት፡ ላህብከ።
14:20
ወእመሂ፡ መንፈሰ፡ ሕይወት፡ ዘተነፍሐ፡ ላዕሌከ፡ በውስተ፡ ዓፀደ፡ ጽልመት።
ወእመሂ፡ መንፈሰ፡ ሕይወት፡ ዘተነፍሐ፡ ላዕሌከ፡ በውስተ፡ ዓፀደ፡ ጽልመት።
14:21
ዘትዓዕዋቀ፡ ወነፍሳተ፡ ጻድቃንሰ፡ ውስተ፡ ገነት፡ በፍሥሐ፡ ይትዓፅዋ።
ዘትዓዕዋቀ፡ ወነፍሳተ፡ ጻድቃንሰ፡ ውስተ፡ ገነት፡ በፍሥሐ፡ ይትዓፅዋ።
14:22
ወአንተሰ፡ ኦአይሁዳዊ፡ ወሳምራዊ፡ ወፈሪሳዊ፡ ወሰዱቃዊ፡ እስከ፡ ጊዜ፡ ኵነኔከ፡ ትት፡ ዓሠር፡ በውስተ፡ ጽልመት።
ወአንተሰ፡ ኦአይሁዳዊ፡ ወሳምራዊ፡ ወፈሪሳዊ፡ ወሰዱቃዊ፡ እስከ፡ ጊዜ፡ ኵነኔከ፡ ትት፡ ዓሠር፡ በውስተ፡ ጽልመት።
14:23
ወአሜሃ፡ ትሬኢ፡ በከመ፡ ይፈድየከ፡ እግዚአብሔር፡ በከመ፡ ምግባሪከ፡ በእንተ፡ ዘአስ፡ ሐተከ፡ ሉብኦ።
ወአሜሃ፡ ትሬኢ፡ በከመ፡ ይፈድየከ፡ እግዚአብሔር፡ በከመ፡ ምግባሪከ፡ በእንተ፡ ዘአስ፡ ሐተከ፡ ሉብኦ።
14:24
ወትቤሎሙ፡ ኢየሐይዉ፡ ምውታን፡ ንብላዕ፡ ወንስተይ፡ እስመ፡ ጌሠመ፡ ንመውት፡ ወትብል፡ በካልከ፡ እንዘ፡ ትትነብር፡ ዲበ፡ መንበረ፡ ሙሴ፡ አልቦ፡ ትንሣኤ፡ ሙታን።
ወትቤሎሙ፡ ኢየሐይዉ፡ ምውታን፡ ንብላዕ፡ ወንስተይ፡ እስመ፡ ጌሠመ፡ ንመውት፡ ወትብል፡ በካልከ፡ እንዘ፡ ትትነብር፡ ዲበ፡ መንበረ፡ ሙሴ፡ አልቦ፡ ትንሣኤ፡ ሙታን።
14:25
ወበእንተዝ፡ ስሕተከ፡ እንዘ፡ ተአምር፡ መጽሐፈ፡ ኦሪት፡ ወትሜህር፡ ቃለ፡ መጻሕፍት፡ ወእምታሰሕት፡ ሰብእ፡ እምኀሰየከ፡ ሶበ፡ ኢትምህርከ፡ ወኢያአመርከ።
ወበእንተዝ፡ ስሕተከ፡ እንዘ፡ ተአምር፡ መጽሐፈ፡ ኦሪት፡ ወትሜህር፡ ቃለ፡ መጻሕፍት፡ ወእምታሰሕት፡ ሰብእ፡ እምኀሰየከ፡ ሶበ፡ ኢትምህርከ፡ ወኢያአመርከ።
14:26
ቃለ፡ መጻሕፍት፡ እምታዕሉ፡ ሕዝበ፡ እግዚአብሔር፡ በአከየ፡ ትምህርትከ፡ ወበዘኢይበቍዕ፡ ቃልከ።
ቃለ፡ መጻሕፍት፡ እምታዕሉ፡ ሕዝበ፡ እግዚአብሔር፡ በአከየ፡ ትምህርትከ፡ ወበዘኢይበቍዕ፡ ቃልከ።
14:27
ወእንተሰ፡ ትትዓሠይ፡ በከመ፡ ምግባሪከ፡ ወበከመ፡ ፍሬ፡ ከናፍሪከ፡ እስመ፡ ኢያደሉ፡ እግዚአብሔር፡ ለገጽ፡ ወለእለ፡ ይሜህሩ፡ ሠናየ፡ የዓሥዮሙ፡ እምሠናያት፡ ዘአስተደለወ፡ ለእለ፡ ይፈቅርዎ።
ወእንተሰ፡ ትትዓሠይ፡ በከመ፡ ምግባሪከ፡ ወበከመ፡ ፍሬ፡ ከናፍሪከ፡ እስመ፡ ኢያደሉ፡ እግዚአብሔር፡ ለገጽ፡ ወለእለ፡ ይሜህሩ፡ ሠናየ፡ የዓሥዮሙ፡ እምሠናያት፡ ዘአስተደለወ፡ ለእለ፡ ይፈቅርዎ።
14:28
ወአንተሰ፡ አልብከ፡ ኀበ፡ ታመሥጥ፡ እምእዴሁ፡ ለዘይኳንነከ፡ ወሀሎ፡ ይፍዲከ፡ በከመ፡ ምግባሪከ፡ እስመ፡ አንተ፡ ወእለ፡ መሀርኮሙ፡ ኅቡረ፡ ትትኳነኑ።
ወአንተሰ፡ አልብከ፡ ኀበ፡ ታመሥጥ፡ እምእዴሁ፡ ለዘይኳንነከ፡ ወሀሎ፡ ይፍዲከ፡ በከመ፡ ምግባሪከ፡ እስመ፡ አንተ፡ ወእለ፡ መሀርኮሙ፡ ኅቡረ፡ ትትኳነኑ።
14:29
አእምርኩ፡ ከመ፡ ይትነሥኡ፡ ምውታን፡ እመሂ፡ እለ፡ ዓቀቡ፡ ትእዛዞ፡ ይትነሥኡ፡ ወኢ፡ ይትሃከሎሙ፡ ቀዊም፡ እስመ፡ ትእዛዙ፡ ያወፅኦሙ፡ ወበከመ፡ ታወፅዕ፡ ምድር፡ ሣዕረ፡ ሶበ፡ ይዘብጣ፡ ዝናም።
አእምርኩ፡ ከመ፡ ይትነሥኡ፡ ምውታን፡ እመሂ፡ እለ፡ ዓቀቡ፡ ትእዛዞ፡ ይትነሥኡ፡ ወኢ፡ ይትሃከሎሙ፡ ቀዊም፡ እስመ፡ ትእዛዙ፡ ያወፅኦሙ፡ ወበከመ፡ ታወፅዕ፡ ምድር፡ ሣዕረ፡ ሶበ፡ ይዘብጣ፡ ዝናም።
14:30
ወከመ፡ ታወፅኦ፡ ርጥብት፡ ዕፅ፡ ቈፅለ፡ ሶበ፡ አርወያ፡ ለምድር፡ ዝናመ፡ ወበከመ፡ ትገብር፡ ፍሬ፡ ሥርናይ፡ አው፡ ሰብለ፡ እክል፡ ወኢይትከሃል፡ ከመ፡ ትክላዕ፡ ፍሬሃ፡ ለአመ፡ ሠምረ፡ እግዚአብሔር።
ወከመ፡ ታወፅኦ፡ ርጥብት፡ ዕፅ፡ ቈፅለ፡ ሶበ፡ አርወያ፡ ለምድር፡ ዝናመ፡ ወበከመ፡ ትገብር፡ ፍሬ፡ ሥርናይ፡ አው፡ ሰብለ፡ እክል፡ ወኢይትከሃል፡ ከመ፡ ትክላዕ፡ ፍሬሃ፡ ለአመ፡ ሠምረ፡ እግዚአብሔር።
14:31
ወከመ፡ ፅንሰተ፡ ሶበ፡ ይመጽአ፡ ሕማማ፡ ኢትክል፡ ዓፂወ፡ ማኅፀና፡ እምከመ፡ ሰምዓት፡ ቃለ፡ እግዚአብሔር፡ አላ፡ ትወልዶሙ፡ ሶቤሃ፡ በምዕር፡ እስመ፡ ጠል፡ ዘእምኀበ፡ እግዚአብሔር፡ ይወርድ፡ ላዕሌሃ።
ወከመ፡ ፅንሰተ፡ ሶበ፡ ይመጽአ፡ ሕማማ፡ ኢትክል፡ ዓፂወ፡ ማኅፀና፡ እምከመ፡ ሰምዓት፡ ቃለ፡ እግዚአብሔር፡ አላ፡ ትወልዶሙ፡ ሶቤሃ፡ በምዕር፡ እስመ፡ ጠል፡ ዘእምኀበ፡ እግዚአብሔር፡ ይወርድ፡ ላዕሌሃ።
14:32
ወከማሁ፡ ምድርኒ፡ ታወፅዕ፡ ዕለተ፡ ተዘግቡ፡ ኀቤሃ፡ ኢትክል፡ ዓፂወ፡ ማኅፀና፡ እምከመ፡ ሰምዓት፡ ቃለ፡ እግዚአብሔር፡ አላ፡ ትወልዶሙ፡ ሶቤሃ፡ በምዕር፡ እስመ፡ ጠል፡ ዘእምኀበ፡ እግዚአብሔር፡ ይወርድ፡ ላዕሌሃ።
ወከማሁ፡ ምድርኒ፡ ታወፅዕ፡ ዕለተ፡ ተዘግቡ፡ ኀቤሃ፡ ኢትክል፡ ዓፂወ፡ ማኅፀና፡ እምከመ፡ ሰምዓት፡ ቃለ፡ እግዚአብሔር፡ አላ፡ ትወልዶሙ፡ ሶቤሃ፡ በምዕር፡ እስመ፡ ጠል፡ ዘእምኀበ፡ እግዚአብሔር፡ ይወርድ፡ ላዕሌሃ።
14:33
ወይትጋብኡ፡ ሥጋት፡ ውስተ፡ መካናቲሆሙ፡ ኀበ፡ ወድቀ፡ አብድንቲሆሙ፡ ወይትረ፡ ኃው፡ አብያተ፡ መዛግብተ፡ ነፍሳት፡ ወይገብኡ፡ ነፍሳት፡ ውስተ፡ ሥጋት፡ እምኀበ፡ ወፅአ፡ ቀዲሙ።
ወይትጋብኡ፡ ሥጋት፡ ውስተ፡ መካናቲሆሙ፡ ኀበ፡ ወድቀ፡ አብድንቲሆሙ፡ ወይትረ፡ ኃው፡ አብያተ፡ መዛግብተ፡ ነፍሳት፡ ወይገብኡ፡ ነፍሳት፡ ውስተ፡ ሥጋት፡ እምኀበ፡ ወፅአ፡ ቀዲሙ።
14:34
ወበንፍሐተ፡ ከርን፡ ይትነሥኡ፡ ሙታን፡ ከመ፡ ቅጽበተ፡ ዓይን፡ ወይቀውሙ፡ ቅድመ፡ እግዚአብሔር፡ ወየዓሥዮሙ፡ በከመ፡ ግብረ፡ እደዊሆሙ።
ወበንፍሐተ፡ ከርን፡ ይትነሥኡ፡ ሙታን፡ ከመ፡ ቅጽበተ፡ ዓይን፡ ወይቀውሙ፡ ቅድመ፡ እግዚአብሔር፡ ወየዓሥዮሙ፡ በከመ፡ ግብረ፡ እደዊሆሙ።
14:35
አሜሃ፡ ትሬኢ፡ ከመ፡ ትትነሣእ፡ እምውታን፡ ወታነክር፡ በኵሉ፡ ምግባሪከ፡ ዘገበርከ፡ አንተ፡ በዲበ፡ ምድር፡ ወሶበ፡ ትሬኢዮሙ፡ ጽሑፋነ፡ ቅድመ፡ አዕይንቲከ፡ ወይእተ፡ አሚረ፡ ትኔስሕ፡ በኀበ፡ ኢይበቍአከ።
አሜሃ፡ ትሬኢ፡ ከመ፡ ትትነሣእ፡ እምውታን፡ ወታነክር፡ በኵሉ፡ ምግባሪከ፡ ዘገበርከ፡ አንተ፡ በዲበ፡ ምድር፡ ወሶበ፡ ትሬኢዮሙ፡ ጽሑፋነ፡ ቅድመ፡ አዕይንቲከ፡ ወይእተ፡ አሚረ፡ ትኔስሕ፡ በኀበ፡ ኢይበቍአከ።
14:36
ወተአምረ፡ ከመ፡ ትትነሣእ፡ እሙታን፡ ወትትፈደይ፡ በከመ፡ ምግባሪከ፡ ዘገብርከ።
ወተአምረ፡ ከመ፡ ትትነሣእ፡ እሙታን፡ ወትትፈደይ፡ በከመ፡ ምግባሪከ፡ ዘገብርከ።
吉茲文單獨閱讀吉茲文單獨閱讀