| 9:1 | ወአንተኒ፡ ኦሰብእ፡ ወአኮ፡ እግዚአብሔር፡ ለምንት፡ ትትዒበይ፡ ዘዮምኪ፡ ሰብእ፡ ወጌሠመ፡ መሬት፡ ወሐመድ፡ ወትከውን፡ ዕፄ፡ ወዕፄያት፡ ውስተ፡ መቃብሪከ። | ወአንተኒ፡ ኦሰብእ፡ ወአኮ፡ እግዚአብሔር፡ ለምንት፡ ትትዒበይ፡ ዘዮምኪ፡ ሰብእ፡ ወጌሠመ፡ መሬት፡ ወሐመድ፡ ወትከውን፡ ዕፄ፡ ወዕፄያት፡ ውስተ፡ መቃብሪከ። |
|---|
| 9:2 | ወዓዲ፡ ሲኦል፡ ትተልወከ፡ ወለእለ፡ ይገብሩ፡ ምግባረ፡ ዚአከ፡ እስመ፡ ለከሰ፡ መምህርከ፡ ሰብልያኖስ፡ ዘአግብኦ፡ ዲበ፡ ርእሱ፡ ኃጢአተ፡ ኵሉ፡ ዓለም፡ በእንተ፡ ዘአስሐቶ፡ ለአቡነ፡ አዳም፡ በትዕቢቱ። | ወዓዲ፡ ሲኦል፡ ትተልወከ፡ ወለእለ፡ ይገብሩ፡ ምግባረ፡ ዚአከ፡ እስመ፡ ለከሰ፡ መምህርከ፡ ሰብልያኖስ፡ ዘአግብኦ፡ ዲበ፡ ርእሱ፡ ኃጢአተ፡ ኵሉ፡ ዓለም፡ በእንተ፡ ዘአስሐቶ፡ ለአቡነ፡ አዳም፡ በትዕቢቱ። |
|---|
| 9:3 | እስመ፡ ዘአበየ፡ ሰጊደ፡ ለግብረ፡ አምላኩ፡ በአዕብዮ፡ ርእሱ፡ ወበግዝፈት፡ ክሣዱ። | እስመ፡ ዘአበየ፡ ሰጊደ፡ ለግብረ፡ አምላኩ፡ በአዕብዮ፡ ርእሱ፡ ወበግዝፈት፡ ክሣዱ። |
|---|
| 9:4 | ወአንተኒ፡ በከመ፡ መምህርከ፡ አበይከ፡ ሰፊደ፡ ለእግዚአብሔር፡ አምላክከ። | ወአንተኒ፡ በከመ፡ መምህርከ፡ አበይከ፡ ሰፊደ፡ ለእግዚአብሔር፡ አምላክከ። |
|---|
| 9:5 | መንግሥታት። | መንግሥታት። |
|---|
| 9:6 | ወተበቀሎሙ፡ ወወረዱ፡ ውስተ፡ ሲኦል፡ በእንተ፡ እከየ፡ ምግባሮሙ፡ ዘገብሩ፡ በዲብነ፡ ምድር። | ወተበቀሎሙ፡ ወወረዱ፡ ውስተ፡ ሲኦል፡ በእንተ፡ እከየ፡ ምግባሮሙ፡ ዘገብሩ፡ በዲብነ፡ ምድር። |
|---|
| 9:7 | ወእንተኒ፡ ከማሆሙ፡ ትወርድ፡ ውስተ፡ ገሃነም። | ወእንተኒ፡ ከማሆሙ፡ ትወርድ፡ ውስተ፡ ገሃነም። |
|---|
| 9:8 | ይመስለከኑ፡ ዘታመሥጥ፡ እምእዴሁ፡ ለእግዚአብሔር፡ እስመ፡ መዓቶ፡ ወሀከ፡ ወተሀከ፡ ይከ፡ አምልኮቶ፡ እግዚአብሔር፡ ዘወሀበከ፡ ሥልጣነ፡ ላዕለ | ይመስለከኑ፡ ዘታመሥጥ፡ እምእዴሁ፡ ለእግዚአብሔር፡ እስመ፡ መዓቶ፡ ወሀከ፡ ወተሀከ፡ ይከ፡ አምልኮቶ፡ እግዚአብሔር፡ ዘወሀበከ፡ ሥልጣነ፡ ላዕለ |
|---|
| 9:9 | ወፈተነከ፡ እመ፡ ትገብር፡ ፈቃዶ፡ ወእመ፡ አልቦ፡ ወእመሰ፡ ዓሠነይከ፡ ፍኖተከ፡ በዲበ፡ ምድር፡ ያሤኒ፡ እግዚአብሔር፡ ፍናዊከ፡ ወኵሎ፡ ዘወደይከ፡ እዴከ፡ ይሤኒ፡ ወይባርክ፡ ለከ፡ ወኵሎ፡ ፀረከ፡ ወጸላእትከ፡ ያገርር፡ ለከ። | ወፈተነከ፡ እመ፡ ትገብር፡ ፈቃዶ፡ ወእመ፡ አልቦ፡ ወእመሰ፡ ዓሠነይከ፡ ፍኖተከ፡ በዲበ፡ ምድር፡ ያሤኒ፡ እግዚአብሔር፡ ፍናዊከ፡ ወኵሎ፡ ዘወደይከ፡ እዴከ፡ ይሤኒ፡ ወይባርክ፡ ለከ፡ ወኵሎ፡ ፀረከ፡ ወጸላእትከ፡ ያገርር፡ ለከ። |
|---|
| 9:10 | ወትትፌሣሕ፡ በፀዓትከ፡ ወበበአትከ፡ ወበፍሬ፡ ከርሥከ፡ ወበመዛግብቲከ፡ ወበመራዕይከ፡ ወኀበ፡ ዘአንፀርከ፡ በአፃብዒከ፡ ወሀለይከ፡ በልብከ፡ ኵሉ፡ ይትኤዘዝ፡ ለከ፡ እስመ፡ እምኀበብ፡ እግዚአብሔር፡ ትበውሐ፡ ለከ፡ ከመዝ፡ ትግበር፡ ወትሕንጽ፡ ወትትክል፡ ወትንሥት። | ወትትፌሣሕ፡ በፀዓትከ፡ ወበበአትከ፡ ወበፍሬ፡ ከርሥከ፡ ወበመዛግብቲከ፡ ወበመራዕይከ፡ ወኀበ፡ ዘአንፀርከ፡ በአፃብዒከ፡ ወሀለይከ፡ በልብከ፡ ኵሉ፡ ይትኤዘዝ፡ ለከ፡ እስመ፡ እምኀበብ፡ እግዚአብሔር፡ ትበውሐ፡ ለከ፡ ከመዝ፡ ትግበር፡ ወትሕንጽ፡ ወትትክል፡ ወትንሥት። |
|---|
| 9:11 | ወእመሰ፡ አበይከ፡ ሰሚዓ፡ ቃሉ፡ ወሕጉ፡ ለእግዚአብሔር፡ ወኢሖርከ፡ በኵነኔሁ፡ አልብከ፡ ኀበ፡ ታመሥጥ፡ እምእዴሁ፡ ለእግዚአብሔር፡ ከመ፡ ኵሎሙ፡ ዓላውያን፡ እለ፡ እምቅድሜከ፡ እለ፡ ኢያመልክዎ፡ ለእግዚአብሔር፡ በንጹሕ፡ ወኢትወከሉ፡ በኵነኔሁ፡ ርቱዕ፡ እስመ፡ ጽድቅ፡ ኵሉ፡ ኵነኔሁ። | ወእመሰ፡ አበይከ፡ ሰሚዓ፡ ቃሉ፡ ወሕጉ፡ ለእግዚአብሔር፡ ወኢሖርከ፡ በኵነኔሁ፡ አልብከ፡ ኀበ፡ ታመሥጥ፡ እምእዴሁ፡ ለእግዚአብሔር፡ ከመ፡ ኵሎሙ፡ ዓላውያን፡ እለ፡ እምቅድሜከ፡ እለ፡ ኢያመልክዎ፡ ለእግዚአብሔር፡ በንጹሕ፡ ወኢትወከሉ፡ በኵነኔሁ፡ ርቱዕ፡ እስመ፡ ጽድቅ፡ ኵሉ፡ ኵነኔሁ። |
|---|
| 9:12 | ወአልቦ፡ ዘይሴወር፡ እምቅድመ፡ እምአዕይንቲሁ፡ ወኵሉ፡ ክሡተ፡ ወጽጡህ፡ በቅድሜሁ። | ወአልቦ፡ ዘይሴወር፡ እምቅድመ፡ እምአዕይንቲሁ፡ ወኵሉ፡ ክሡተ፡ ወጽጡህ፡ በቅድሜሁ። |
|---|
| 9:13 | አሐዜ፡ ሥልጣነ፡ ነገሥተ፡ ውእቱ፡ ወገፍታዒ፡ መነብርት፡ ኃያላን፡ ውእቱ። | አሐዜ፡ ሥልጣነ፡ ነገሥተ፡ ውእቱ፡ ወገፍታዒ፡ መነብርት፡ ኃያላን፡ ውእቱ። |
|---|
| 9:14 | ወመልዓሌ፡ ትሑታን፡ ውእቱ፡ ወመንሥኤ፡ ውዱቃን፡ ውእቱ። | ወመልዓሌ፡ ትሑታን፡ ውእቱ፡ ወመንሥኤ፡ ውዱቃን፡ ውእቱ። |
|---|
| 9:15 | ወፈታሑ፡ ዕሡራን፡ ውእቱ፡ ወመንሥኤ፡ ምውታን፡ ውእቱ፡ ወለእለ፡ በልየ፡ ሥጋሆሙ፡ ወኮነ፡ ከመ፡ ሐመድ፡ ያነቅሖሙ፡ በጊዜ፡ ፈቀደ፡ እስመ፡ ጠለ፡ ምሕረት፡ ውእቱ፡ እምኀቤሁ። | ወፈታሑ፡ ዕሡራን፡ ውእቱ፡ ወመንሥኤ፡ ምውታን፡ ውእቱ፡ ወለእለ፡ በልየ፡ ሥጋሆሙ፡ ወኮነ፡ ከመ፡ ሐመድ፡ ያነቅሖሙ፡ በጊዜ፡ ፈቀደ፡ እስመ፡ ጠለ፡ ምሕረት፡ ውእቱ፡ እምኀቤሁ። |
|---|
| 9:16 | ወለእለ፡ ገብሩ፡ እኩየ፡ ያነሥ፡ ኦሙ፡ ውእተ፡ ትንሣኤ፡ ደይን፡ እስመ፡ አምዕዕዎ፡ ወይትበቀሎሙ። | ወለእለ፡ ገብሩ፡ እኩየ፡ ያነሥ፡ ኦሙ፡ ውእተ፡ ትንሣኤ፡ ደይን፡ እስመ፡ አምዕዕዎ፡ ወይትበቀሎሙ። |
|---|
| 9:17 | ወዲበ፡ ምድርኒ፡ ያማስን፡ ዘርኦሙ፡ እስመ፡ ዓላውያን፡ ሕጉ፡ ወሥርዓቱ፡ ለእግዚአ፡ ብሔር፡ እሙንቱ። | ወዲበ፡ ምድርኒ፡ ያማስን፡ ዘርኦሙ፡ እስመ፡ ዓላውያን፡ ሕጉ፡ ወሥርዓቱ፡ ለእግዚአ፡ ብሔር፡ እሙንቱ። |
|---|
| 9:18 | ወኢይፈቅዱ፡ የሀልዉ፡ ኃጥአን፡ ውስተ፡ ምክሮሙ፡ ለጻድቃን፡ እስመ፡ ዕፁብ፡ ፍኖ፡ ቶሙ፡ ለጻድቃን፡ እምፍኖቶሙ፡ ለኃጥአን። | ወኢይፈቅዱ፡ የሀልዉ፡ ኃጥአን፡ ውስተ፡ ምክሮሙ፡ ለጻድቃን፡ እስመ፡ ዕፁብ፡ ፍኖ፡ ቶሙ፡ ለጻድቃን፡ እምፍኖቶሙ፡ ለኃጥአን። |
|---|
| 9:19 | ወበከመ፡ ልዑል፡ ሰማይ፡ እምድር፡ ከማሁ፡ ርኁቅ፡ ፍኖቶሙ፡ ለጻድቃን፡ እምፍኖቶሙ፡ ለኃጥአን። | ወበከመ፡ ልዑል፡ ሰማይ፡ እምድር፡ ከማሁ፡ ርኁቅ፡ ፍኖቶሙ፡ ለጻድቃን፡ እምፍኖቶሙ፡ ለኃጥአን። |
|---|
| 9:20 | ወፍኖቶሙሰ፡ ለኃጥአን፡ ምግባረ፡ ጹግ፡ ወትዕግልት፡ ወዓመፃ፡ ወዝሙት፡ ወጽልሑት፡ ወስስዕት፡ ወሐይደ፡ ንዋዩ፡ ባዕደ፡ ወስካር፡ በዓመፃ። | ወፍኖቶሙሰ፡ ለኃጥአን፡ ምግባረ፡ ጹግ፡ ወትዕግልት፡ ወዓመፃ፡ ወዝሙት፡ ወጽልሑት፡ ወስስዕት፡ ወሐይደ፡ ንዋዩ፡ ባዕደ፡ ወስካር፡ በዓመፃ። |
|---|
| 9:21 | ወረዊጽ፡ ውስተ፡ ከዕወተ፡ ደም፡ ወአማስኖ፡ ውስተ፡ ዘኢይበቍዕ፡ ወስአንብዓ፡ ዕጓለ፡ ማውታ፡ ወበሊዓ፡ ማውታ፡ ወደም፡ ወበሊዓ፡ ሥጋ፡ ሐራውያን፡ ወገመል፡ ወሐዊር፡ ውስተ፡ ብእሲት፡ ሐራሰ፡ ወትክት፡ ዘእንበለ፡ ተነጽሕ። | ወረዊጽ፡ ውስተ፡ ከዕወተ፡ ደም፡ ወአማስኖ፡ ውስተ፡ ዘኢይበቍዕ፡ ወስአንብዓ፡ ዕጓለ፡ ማውታ፡ ወበሊዓ፡ ማውታ፡ ወደም፡ ወበሊዓ፡ ሥጋ፡ ሐራውያን፡ ወገመል፡ ወሐዊር፡ ውስተ፡ ብእሲት፡ ሐራሰ፡ ወትክት፡ ዘእንበለ፡ ተነጽሕ። |
|---|
| 9:22 | ወዝንቱ፡ ኵሉ፡ ምግባሮሙ፡ ለኃጥአን፡ ስፍሕት፡ ፍኖተ፡ ወርብብት፡ መርበብተ፡ ሰይጣን፡ እንተ፡ ትወስድ፡ ውስተ፡ ኃጐል፡ ወኵነኔ፡ ዘለዓለም። | ወዝንቱ፡ ኵሉ፡ ምግባሮሙ፡ ለኃጥአን፡ ስፍሕት፡ ፍኖተ፡ ወርብብት፡ መርበብተ፡ ሰይጣን፡ እንተ፡ ትወስድ፡ ውስተ፡ ኃጐል፡ ወኵነኔ፡ ዘለዓለም። |
|---|
| 9:23 | ወፍኖቶሙሰ፡ ለጻድቃን፡ ፀባብ፡ ወመቅዓን፡ እንተ፡ ትወስድ፡ ውስተ፡ ሕይወት፡ ትሕትና፡ ወየሃውት፡ ፍቅረ፡ ወሰላም፡ ጾም፡ ወጸሎት፡ ወንጽሐ፡ ሥጋ፡ ወተዓቅቦ፡ እመባልዕት፡ ዘኢይበቍዕ፡ ማውታ፡ ወብትክ፡ ወዝሙት፡ ወሐዊረ፡ ብእሲተ፡ ብእሲ። | ወፍኖቶሙሰ፡ ለጻድቃን፡ ፀባብ፡ ወመቅዓን፡ እንተ፡ ትወስድ፡ ውስተ፡ ሕይወት፡ ትሕትና፡ ወየሃውት፡ ፍቅረ፡ ወሰላም፡ ጾም፡ ወጸሎት፡ ወንጽሐ፡ ሥጋ፡ ወተዓቅቦ፡ እመባልዕት፡ ዘኢይበቍዕ፡ ማውታ፡ ወብትክ፡ ወዝሙት፡ ወሐዊረ፡ ብእሲተ፡ ብእሲ። |
|---|
| 9:24 | ወይትዓቀቡ፡ እምኵሉ፡ ምግባር፡ ርስሑ፡ ወመባልዕት፡ ርኵሳት፡ እለ፡ ኢእዝዙ፡ ውስተ፡ ሕግ፡ ወእምግባር፡ ርሱሕ፡ ዘኢይሠምሮ፡ እግዚአብሔር፡ እስመ፡ ዘንተ፡ ኵሉ፡ ይግብሩ፡ ኃጥአን። | ወይትዓቀቡ፡ እምኵሉ፡ ምግባር፡ ርስሑ፡ ወመባልዕት፡ ርኵሳት፡ እለ፡ ኢእዝዙ፡ ውስተ፡ ሕግ፡ ወእምግባር፡ ርሱሕ፡ ዘኢይሠምሮ፡ እግዚአብሔር፡ እስመ፡ ዘንተ፡ ኵሉ፡ ይግብሩ፡ ኃጥአን። |
|---|
| 9:25 | ወጻድቃንሰ፡ ይትገሃሡ፡ እምኵሉ፡ ፍናዋት፡ እኵያተ፡ ዘኢይሠምሮ፡ እግዚአብሔር። | ወጻድቃንሰ፡ ይትገሃሡ፡ እምኵሉ፡ ፍናዋት፡ እኵያተ፡ ዘኢይሠምሮ፡ እግዚአብሔር። |
|---|
| 9:26 | ወይፈቅሮሙ፡ ወይትመሐፀኖሙ፡ ወያድኅኖሙ፡ እምኵሉ፡ ምንዳቤሆሙ። | ወይፈቅሮሙ፡ ወይትመሐፀኖሙ፡ ወያድኅኖሙ፡ እምኵሉ፡ ምንዳቤሆሙ። |
|---|
| 9:27 | ወለኃጥአንሰ፡ ሰይጣን፡ ይቀንዮሙ፡ እስመ፡ የዓቅቡ፡ ሕጎ፡ ወሥርዓቶ፡ ወኵሎ፡ ዘያፈቅር። | ወለኃጥአንሰ፡ ሰይጣን፡ ይቀንዮሙ፡ እስመ፡ የዓቅቡ፡ ሕጎ፡ ወሥርዓቶ፡ ወኵሎ፡ ዘያፈቅር። |
|---|