| 9:1 | እመኒ፡ ዘውስተ፡ ሰማይ፡ ወእመኒ፡ ዘውስተ፡ ምድር፡ ወእመኒ፡ ዘመንፈስ፡ ወእመኒ፡ ዘሥጋ፡ ወኵሉ፡ ሎቱ፡ ወኵሉ፡ ይቀውም፡ በሥርዓቱ። | እመኒ፡ ዘውስተ፡ ሰማይ፡ ወእመኒ፡ ዘውስተ፡ ምድር፡ ወእመኒ፡ ዘመንፈስ፡ ወእመኒ፡ ዘሥጋ፡ ወኵሉ፡ ሎቱ፡ ወኵሉ፡ ይቀውም፡ በሥርዓቱ። |
|---|
| 9:2 | ወአልቦ፡ ዘይትዓደው፡ እምወሰኑ፡ ወእምትእዛዙ፡ ለፈጣሬ፡ ኵሉ፡ ዓሠረ፡ ንስር፡ ዘውስተ፡ ሰማይ፡ ወውእቱ፡ ይኤዝዝ፡ ምሕዋሪሁ፡ ኀበ፡ ፈቀደ። | ወአልቦ፡ ዘይትዓደው፡ እምወሰኑ፡ ወእምትእዛዙ፡ ለፈጣሬ፡ ኵሉ፡ ዓሠረ፡ ንስር፡ ዘውስተ፡ ሰማይ፡ ወውእቱ፡ ይኤዝዝ፡ ምሕዋሪሁ፡ ኀበ፡ ፈቀደ። |
|---|
| 9:3 | ወፍኖተ፡ አርዌ፡ ምድር፡ ውስተ፡ ኰኵሕ፡ ውእቱ፡ ይኤዝዝ፡ ኀበ፡ ፈቀደ፡ ወፍኖተ፡ ሐመር፡ በውስተ፡ ባሕር፡ አልቦ፡ ዘየአምር፡ ፍኖቶ፡ ዘእንበለ፡ እግዚአብሔር፡ ባሕቲቱ። | ወፍኖተ፡ አርዌ፡ ምድር፡ ውስተ፡ ኰኵሕ፡ ውእቱ፡ ይኤዝዝ፡ ኀበ፡ ፈቀደ፡ ወፍኖተ፡ ሐመር፡ በውስተ፡ ባሕር፡ አልቦ፡ ዘየአምር፡ ፍኖቶ፡ ዘእንበለ፡ እግዚአብሔር፡ ባሕቲቱ። |
|---|
| 9:4 | ወመኑ፡ ዘየአምር፡ ምሕዋረ፡ ነፍሰ፡ እምከመ፡ ወፅዓት፡ እምሥጋሃ፡ ዘእንበለ፡ እግዚአብሔር፡ ባሕቲቱ፡ እመኒ፡ ነፍሰ፡ ጽድቅ፡ ወእመኒ፡ ነፍሰ፡ ኃጥእ። | ወመኑ፡ ዘየአምር፡ ምሕዋረ፡ ነፍሰ፡ እምከመ፡ ወፅዓት፡ እምሥጋሃ፡ ዘእንበለ፡ እግዚአብሔር፡ ባሕቲቱ፡ እመኒ፡ ነፍሰ፡ ጽድቅ፡ ወእመኒ፡ ነፍሰ፡ ኃጥእ። |
|---|
| 9:5 | ወኀበ፡ ተዓይልሂ፡ እመሂ፡ ዘውስተ፡ ገዳም፡ ወእመኒ፡ ዘውስተ፡ አድባር፡ ወእመኒ፡ ከመ፡ ዖፍ፡ ወእመኒ፡ ከመ፡ ጠል፡ አርሞንዔም፡ ዘይወርድ፡ ውስተ፡ መንትዕተ፡ ደብር። | ወኀበ፡ ተዓይልሂ፡ እመሂ፡ ዘውስተ፡ ገዳም፡ ወእመኒ፡ ዘውስተ፡ አድባር፡ ወእመኒ፡ ከመ፡ ዖፍ፡ ወእመኒ፡ ከመ፡ ጠል፡ አርሞንዔም፡ ዘይወርድ፡ ውስተ፡ መንትዕተ፡ ደብር። |
|---|
| 9:6 | ወእመኒ፡ ከመ፡ ነፋሰ፡ ዓውሎ፡ ወእመኒ፡ ከመ፡ መብረቅ፡ ዘያረትዕ፡ ፍናዊሁ። | ወእመኒ፡ ከመ፡ ነፋሰ፡ ዓውሎ፡ ወእመኒ፡ ከመ፡ መብረቅ፡ ዘያረትዕ፡ ፍናዊሁ። |
|---|
| 9:7 | ወእመኒ፡ ከመ፡ ከዋክብት፡ ዘያዐርሁ፡ በውስተ፡ ቀላይ፡ ወእመኒ፡ ከመ፡ ኆፃ፡ ዘድንጋገ፡ ባሕር፡ ይጠሐሉ፡ ውስተ፡ ቀላይ። | ወእመኒ፡ ከመ፡ ከዋክብት፡ ዘያዐርሁ፡ በውስተ፡ ቀላይ፡ ወእመኒ፡ ከመ፡ ኆፃ፡ ዘድንጋገ፡ ባሕር፡ ይጠሐሉ፡ ውስተ፡ ቀላይ። |
|---|
| 9:8 | ወእመኒ፡ ከመ፡ ዕብነ፡ አድማስ፡ ሱርርት፡ ውስተ፡ ማዕምቅት፡ ባሕር፡ ወእመኑ፡ ከመ፡ ዕፅ፡ እንተ፡ ትክልት፡ ኀበ፡ ሙኀዘ፡ ማይ፡ ወትሁብ፡ ፍሬሃ፡ ሠናየ። | ወእመኒ፡ ከመ፡ ዕብነ፡ አድማስ፡ ሱርርት፡ ውስተ፡ ማዕምቅት፡ ባሕር፡ ወእመኑ፡ ከመ፡ ዕፅ፡ እንተ፡ ትክልት፡ ኀበ፡ ሙኀዘ፡ ማይ፡ ወትሁብ፡ ፍሬሃ፡ ሠናየ። |
|---|
| 9:9 | ወእመኒ፡ ከመ፡ ዕፀ፡ ባሕሩሰ፡ ዘያውዕዮ፡ ሐሩረ፡ ፀሐይ፡ ወይነሥኦ፡ ነፋሰ፡ ወይውሰደ፡ ኀበ፡ ካልዕ፡ መካን፡ ኀበ፡ ዘኢበቈለ፡ ወኢይትረከብ፡ ዓሠሩ። | ወእመኒ፡ ከመ፡ ዕፀ፡ ባሕሩሰ፡ ዘያውዕዮ፡ ሐሩረ፡ ፀሐይ፡ ወይነሥኦ፡ ነፋሰ፡ ወይውሰደ፡ ኀበ፡ ካልዕ፡ መካን፡ ኀበ፡ ዘኢበቈለ፡ ወኢይትረከብ፡ ዓሠሩ። |
|---|
| 9:10 | ወከመ፡ ሳሕወ፡ ደመና፡ ኢይትረከብ፡ ዓሠሩ፡ መኑ፡ የአምር፡ ፍኖቶ፡ ለእግዚአብሔር፡ ወመኑ፡ ወማክርቲሁ፡ ወምስለ፡ መኑ፡ ተማከረ። | ወከመ፡ ሳሕወ፡ ደመና፡ ኢይትረከብ፡ ዓሠሩ፡ መኑ፡ የአምር፡ ፍኖቶ፡ ለእግዚአብሔር፡ ወመኑ፡ ወማክርቲሁ፡ ወምስለ፡ መኑ፡ ተማከረ። |
|---|
| 9:11 | ወመኑ፡ ዘይተሉ፡ ዓሠረ፡ ዚአሁ፡ እስመ፡ ሕሊናሁ፡ ለእግዚአብሔር፡ ሥውር፡ እምእጓለ፡ እመሕያው። | ወመኑ፡ ዘይተሉ፡ ዓሠረ፡ ዚአሁ፡ እስመ፡ ሕሊናሁ፡ ለእግዚአብሔር፡ ሥውር፡ እምእጓለ፡ እመሕያው። |
|---|
| 9:12 | ወአልቦ፡ ዘይክል፡ ሐለዮ፡ ጥበቡ፡ ወምክሩ፡ ለእግዚአብሔር፡ እስመ፡ ውእቱ፡ ሣረራ፡ ለምድር፡ ዲበ፡ ማይ፡ ወአንፅዓ፡ ዘእንበለ፡ ሰዋቅ፡ ወበኪነ፡ ጥበቡ፡ ዓመዳ፡ ለሰማይ፡ በነፋስ፡ ወረብቦ፡ ከመ፡ ሠቅ፡ ለተባዕታይ፡ ማይ። | ወአልቦ፡ ዘይክል፡ ሐለዮ፡ ጥበቡ፡ ወምክሩ፡ ለእግዚአብሔር፡ እስመ፡ ውእቱ፡ ሣረራ፡ ለምድር፡ ዲበ፡ ማይ፡ ወአንፅዓ፡ ዘእንበለ፡ ሰዋቅ፡ ወበኪነ፡ ጥበቡ፡ ዓመዳ፡ ለሰማይ፡ በነፋስ፡ ወረብቦ፡ ከመ፡ ሠቅ፡ ለተባዕታይ፡ ማይ። |
|---|
| 9:13 | ወአዘዞሙ፡ ለደመናት፡ ከመ፡ ያውርዱ፡ ዝናመ፡ ዲበ፡ ምድር፡ ወያበቍል፡ ሣዕረ፡ ወፍ፡ ሬያተ፡ ዘአልቦ፡ ኊልቍ፡ ለሲሳየ፡ እጓለ፡ እመሕያው፡ ከመ፡ ንትፈሣሕ፡ ኀቡረ፡ በእግዚአብሔር። | ወአዘዞሙ፡ ለደመናት፡ ከመ፡ ያውርዱ፡ ዝናመ፡ ዲበ፡ ምድር፡ ወያበቍል፡ ሣዕረ፡ ወፍ፡ ሬያተ፡ ዘአልቦ፡ ኊልቍ፡ ለሲሳየ፡ እጓለ፡ እመሕያው፡ ከመ፡ ንትፈሣሕ፡ ኀቡረ፡ በእግዚአብሔር። |
|---|
| 9:14 | ወኵሎ፡ በረከታተ፡ ወፍግዓ፡ ወጽጋባተ፡ ዘይጼጉ፡ እግዚአብሔር፡ ለውለደ፡ ሰብእ፡ ከመ፡ ይጽገቡ፡ ወያእኵትዎ፡ ለእግዚአብሔር፡ ለዘወሀቦሙ፡ እምፍሬሃ፡ ለምድር። | ወኵሎ፡ በረከታተ፡ ወፍግዓ፡ ወጽጋባተ፡ ዘይጼጉ፡ እግዚአብሔር፡ ለውለደ፡ ሰብእ፡ ከመ፡ ይጽገቡ፡ ወያእኵትዎ፡ ለእግዚአብሔር፡ ለዘወሀቦሙ፡ እምፍሬሃ፡ ለምድር። |
|---|
| 9:15 | ወአልበሶሙ፡ ሞጣሕተ፡ ሠናየ፡ ወኵሉ፡ ዘይትፈቀድ፡ በረከታተ፡ ወተድላ፡ ወፍግዓ፡ ዘተውህበ፡ ለእለ፡ ገብሩ፡ ፈቃደ፡ እግዚአብሔር። | ወአልበሶሙ፡ ሞጣሕተ፡ ሠናየ፡ ወኵሉ፡ ዘይትፈቀድ፡ በረከታተ፡ ወተድላ፡ ወፍግዓ፡ ዘተውህበ፡ ለእለ፡ ገብሩ፡ ፈቃደ፡ እግዚአብሔር። |
|---|
| 9:16 | ወበሰማያትኒ፡ ይሁቦሙ፡ ክብረ፡ ወሞገሰ፡ ወፍሥሐ፡ በኀበ፡ አስተዳለወ፡ ማኅደረ፡ አበ፡ ዊሆሙ፡ ለእለ፡ የዓቅቡ፡ ትእዛዞ፡ ለእግዚአብሔር። | ወበሰማያትኒ፡ ይሁቦሙ፡ ክብረ፡ ወሞገሰ፡ ወፍሥሐ፡ በኀበ፡ አስተዳለወ፡ ማኅደረ፡ አበ፡ ዊሆሙ፡ ለእለ፡ የዓቅቡ፡ ትእዛዞ፡ ለእግዚአብሔር። |
|---|
| 9:17 | ወሖሩ፡ በኵነኔሁ፡ ወበፍትሑ፡ ወኢተዓደዉ፡ እምትእዛዙ፡ ለዘዓቀቦሙ፡ ወሴሰዮሙ፡ ወአልሐቆሙ፡ ወአዕበዮሙ፡ ከመ፡ ይዕቀቡ፡ ሕጎ፡ ወይኅሡ፡ ሥርዓቶ፡ ወአንሰ፡ ርኢኩ፡ በላዕለ፡ ምድር፡ ዘከመ፡ ይገብር፡ እግዚአብሔር፡ ለእለ፡ ያፈቅርዎ፡ በአድክሞ፡ ፀሮሙ፡ ወበዓቂበ፡ ነፍሳቲሆሙ። | ወሖሩ፡ በኵነኔሁ፡ ወበፍትሑ፡ ወኢተዓደዉ፡ እምትእዛዙ፡ ለዘዓቀቦሙ፡ ወሴሰዮሙ፡ ወአልሐቆሙ፡ ወአዕበዮሙ፡ ከመ፡ ይዕቀቡ፡ ሕጎ፡ ወይኅሡ፡ ሥርዓቶ፡ ወአንሰ፡ ርኢኩ፡ በላዕለ፡ ምድር፡ ዘከመ፡ ይገብር፡ እግዚአብሔር፡ ለእለ፡ ያፈቅርዎ፡ በአድክሞ፡ ፀሮሙ፡ ወበዓቂበ፡ ነፍሳቲሆሙ። |
|---|
| 9:18 | ወኵሎ፡ በከመ፡ ሰአልዎ፡ ይሁቡሙ፡ ወይገብር፡ ፈቃዶሙ፡ ኢትትዓደዉ፡ እምትእ፡ ዛዙ፡ ለእግዚአብሔር፡ ወግበሩ፡ ፍቃደ፡ ለእግዚአብሔር። | ወኵሎ፡ በከመ፡ ሰአልዎ፡ ይሁቡሙ፡ ወይገብር፡ ፈቃዶሙ፡ ኢትትዓደዉ፡ እምትእ፡ ዛዙ፡ ለእግዚአብሔር፡ ወግበሩ፡ ፍቃደ፡ ለእግዚአብሔር። |
|---|
| 9:19 | ወኢትትገኃሡ፡ እምሕጉ፡ ወእምትእዛዙ፡ ከመ፡ ኢይትመዕ፡ ላዕሌክሙ፡ ወከመ፡ ኢያ፡ ጥፍዕክሙ፡ በምዕር፡ ወኢይቅሥፍክሙ፡ በመዓቱ፡ ከመ፡ ኢትኩኑ፡ ውፁዓነ፡ እምዘነ፡ በርክሙ፡ ቀዲሙ፡ ርስተ፡ አበዊክሙ፡ ወከመ፡ ኢይኩን፡ ማኀደረክሙ፡ ውስተ፡ እሳተ፡ ገሃነም፡ ኀቤ፡ አልብክሙ፡ ሙፆዕ፡ እስከ፡ ለዓለም። | ወኢትትገኃሡ፡ እምሕጉ፡ ወእምትእዛዙ፡ ከመ፡ ኢይትመዕ፡ ላዕሌክሙ፡ ወከመ፡ ኢያ፡ ጥፍዕክሙ፡ በምዕር፡ ወኢይቅሥፍክሙ፡ በመዓቱ፡ ከመ፡ ኢትኩኑ፡ ውፁዓነ፡ እምዘነ፡ በርክሙ፡ ቀዲሙ፡ ርስተ፡ አበዊክሙ፡ ወከመ፡ ኢይኩን፡ ማኀደረክሙ፡ ውስተ፡ እሳተ፡ ገሃነም፡ ኀቤ፡ አልብክሙ፡ ሙፆዕ፡ እስከ፡ ለዓለም። |
|---|
| 9:20 | ወዘእንበለ፡ ትፃዕ፡ ነፍስክሙ፡ እምሥጋክሙ፡ ዕቀቡ፡ ፈቃደ፡ እግዚአብሔር፡ አምላ፡ ክክሙ፡ ከመ፡ ያሠኒ፡ ምግባሪክሙ፡ አመ፡ ትቀውሙ፡ ቅድሜሁ፡ ለእግዚአብሔር። | ወዘእንበለ፡ ትፃዕ፡ ነፍስክሙ፡ እምሥጋክሙ፡ ዕቀቡ፡ ፈቃደ፡ እግዚአብሔር፡ አምላ፡ ክክሙ፡ ከመ፡ ያሠኒ፡ ምግባሪክሙ፡ አመ፡ ትቀውሙ፡ ቅድሜሁ፡ ለእግዚአብሔር። |
|---|
| 9:21 | እስመ፡ መንግሥተ፡ ሰማያት፡ ወምድር፡ ሎቱ፡ ለባሕቲቱ፡ ወክሂል፡ ወነጊሥ፡ ሎቱ፡ ወም፡ ሒር፡ ወምሒክ፡ ሎቱ፡ ለባሕቲቱ። | እስመ፡ መንግሥተ፡ ሰማያት፡ ወምድር፡ ሎቱ፡ ለባሕቲቱ፡ ወክሂል፡ ወነጊሥ፡ ሎቱ፡ ወም፡ ሒር፡ ወምሒክ፡ ሎቱ፡ ለባሕቲቱ። |
|---|
| 9:22 | እስመ፡ ውዕቱ፡ ያብዕል፡ ወያነዲ፡ ያኃሥር፡ ወያከብር። | እስመ፡ ውዕቱ፡ ያብዕል፡ ወያነዲ፡ ያኃሥር፡ ወያከብር። |
|---|
| 9:23 | ወዳዊትኒ፡ ተነበየ፡ በእንቲአሁ፡ እንዘ፡ ይብል፡ ሰብእሰ፡ ከምቶ፡ ይመስል፡ ወመዋዕሊሁ፡ ከመ፡ ጽላሎት፡ የኃልፍ። | ወዳዊትኒ፡ ተነበየ፡ በእንቲአሁ፡ እንዘ፡ ይብል፡ ሰብእሰ፡ ከምቶ፡ ይመስል፡ ወመዋዕሊሁ፡ ከመ፡ ጽላሎት፡ የኃልፍ። |
|---|
| 9:24 | ወአንተሰ፡ እግዚኦ፡ ለዓለም፡ ትነብር፡ ወዝክርከኒ፡ ለትውልደ፡ ትውልድ። | ወአንተሰ፡ እግዚኦ፡ ለዓለም፡ ትነብር፡ ወዝክርከኒ፡ ለትውልደ፡ ትውልድ። |
|---|
| 9:25 | ወካዕበ፡ ይቤ፡ መንግሥትከሰ፡ መንግሥት፡ ዘለኵሉ፡ ዓለም፡ ወምኵናኒከኒ፡ ለትውልደ፡ ትውልድ፤ አንተ፡ ነሣእከ፡ መንግሥተ፡ እምሳኦል፡ ወአግባዕከ፡ ኀበ፡ ዳዊት። | ወካዕበ፡ ይቤ፡ መንግሥትከሰ፡ መንግሥት፡ ዘለኵሉ፡ ዓለም፡ ወምኵናኒከኒ፡ ለትውልደ፡ ትውልድ፤ አንተ፡ ነሣእከ፡ መንግሥተ፡ እምሳኦል፡ ወአግባዕከ፡ ኀበ፡ ዳዊት። |
|---|
| 9:26 | ወለከሰ፡ አልቦ፡ ዘይሰይመከ፡ ወአልቦ፡ ዘይክል፡ ርእዮተከ፡ ወለሊከ፡ ትሬኢ፡ ኵሎ። | ወለከሰ፡ አልቦ፡ ዘይሰይመከ፡ ወአልቦ፡ ዘይክል፡ ርእዮተከ፡ ወለሊከ፡ ትሬኢ፡ ኵሎ። |
|---|
| 9:27 | ወመንግሥትከሰ፡ ኢይሠዓር፡ ለትውልደ፡ ትውልድ፡ ወለዓለመ፡ ዓለም፡ ወአልቦ፡ ዘይኴንኖ፡ ውእቱሰ፡ ይኴንን፡ ኵሎ፡ ወይሬኢ፡ ኵሎ። | ወመንግሥትከሰ፡ ኢይሠዓር፡ ለትውልደ፡ ትውልድ፡ ወለዓለመ፡ ዓለም፡ ወአልቦ፡ ዘይኴንኖ፡ ውእቱሰ፡ ይኴንን፡ ኵሎ፡ ወይሬኢ፡ ኵሎ። |
|---|
| 9:28 | ወይፈትን፡ ልበ፡ ወኵልያተ፡ እስመ፡ ለሊሁ፡ ዘገብሮ፡ ለሰብእ፡ በአርአይሁ፡ ዘበአምሳ፡ ሌሁ፡ ከመ፡ ይኩን፡ ለስብሐቲሁ፡ ወከመ፡ ያእምሩ፡ አምልኮተ፡ ዚአሁ፡ ዘአንበለ፡ ኑፋቄ፡ በልብ፡ ርቱዕ፡ ወኢይኪን፡ ስጋድያነ፡ ለባዕዳን፡ አማልክት፡ ዘእንበለ፡ ለባሕተቱ፡ እግዚአብሔር፡ ዘፈጠሮሙ፡ ወሢሠዮሙ፡ ወአልሐቆሙ፡ ወአዕበዮሙ። | ወይፈትን፡ ልበ፡ ወኵልያተ፡ እስመ፡ ለሊሁ፡ ዘገብሮ፡ ለሰብእ፡ በአርአይሁ፡ ዘበአምሳ፡ ሌሁ፡ ከመ፡ ይኩን፡ ለስብሐቲሁ፡ ወከመ፡ ያእምሩ፡ አምልኮተ፡ ዚአሁ፡ ዘአንበለ፡ ኑፋቄ፡ በልብ፡ ርቱዕ፡ ወኢይኪን፡ ስጋድያነ፡ ለባዕዳን፡ አማልክት፡ ዘእንበለ፡ ለባሕተቱ፡ እግዚአብሔር፡ ዘፈጠሮሙ፡ ወሢሠዮሙ፡ ወአልሐቆሙ፡ ወአዕበዮሙ። |
|---|
| 9:29 | ወእሙንቱሰ፡ አበዩ፡ አምልኮቶ፡ ለዘፈጠሮሙ፡ ወይሰግዱ፡ ለዕፅ፡ ወለዕብን፡ ለወርቅኒ፡ ወለብሩርኒ፡ ግብረ፡ እደ፡ ሰብእ። | ወእሙንቱሰ፡ አበዩ፡ አምልኮቶ፡ ለዘፈጠሮሙ፡ ወይሰግዱ፡ ለዕፅ፡ ወለዕብን፡ ለወርቅኒ፡ ወለብሩርኒ፡ ግብረ፡ እደ፡ ሰብእ። |
|---|
| 9:30 | ወይሠውዑ፡ ሎሙ፡ እስከ፡ የዓርግ፡ ጢሰ፡ መሥዋዕቶሙ፡ እስከ፡ ሰማይ፡ ከመ፡ በህይብ፡ ይቁም፡ ቅድመ፡ እግዚአብሔር፡ ወይሰክዮሙ፡ በእንተ፡ ኵሎ፡ ኃጢአቶሙ፡ ዘገብሩ፡ በአምልኮ፡ ጣዖቶሙ። | ወይሠውዑ፡ ሎሙ፡ እስከ፡ የዓርግ፡ ጢሰ፡ መሥዋዕቶሙ፡ እስከ፡ ሰማይ፡ ከመ፡ በህይብ፡ ይቁም፡ ቅድመ፡ እግዚአብሔር፡ ወይሰክዮሙ፡ በእንተ፡ ኵሎ፡ ኃጢአቶሙ፡ ዘገብሩ፡ በአምልኮ፡ ጣዖቶሙ። |
|---|
| 9:31 | ወኢዓቀቡ፡ ትእዛዘ፡ እግዚአብሔር፡ ዘተምሕሩ፡ አላ፡ ተምህሩ፡ ሰጊዶ፡ ለጣዖት፡ ወኵሉ፡ ምግባራተ፡ ርሱሐተ፡ ዘኢኮነ፡ መፍትወ፡ ወተጠይሮ፡ በኮከብ፡ ወሰገለ፡ ወጣዖተ፡ ወፍትወተ፡ ወኵሎ፡ ዘኢይሠምር፡ እግዚአብሔር። | ወኢዓቀቡ፡ ትእዛዘ፡ እግዚአብሔር፡ ዘተምሕሩ፡ አላ፡ ተምህሩ፡ ሰጊዶ፡ ለጣዖት፡ ወኵሉ፡ ምግባራተ፡ ርሱሐተ፡ ዘኢኮነ፡ መፍትወ፡ ወተጠይሮ፡ በኮከብ፡ ወሰገለ፡ ወጣዖተ፡ ወፍትወተ፡ ወኵሎ፡ ዘኢይሠምር፡ እግዚአብሔር። |
|---|
| 9:32 | ዘንተኬ፡ ይገብሩ፡ በኃጢአ፡ ሠናይ፡ እስመ፡ ኢፈቀዱ፡ ወድሰ፡ እግዚአብሔር፡ ከመ፡ ያድኅኑ፡ ነፍሶሙ፡ እምዓመፃ፡ ወኃጢአት፡ በዘይትአኰቱ፡ ቅድመ፡ እግዚአብሔር፡ ወመላእክቲሁ። | ዘንተኬ፡ ይገብሩ፡ በኃጢአ፡ ሠናይ፡ እስመ፡ ኢፈቀዱ፡ ወድሰ፡ እግዚአብሔር፡ ከመ፡ ያድኅኑ፡ ነፍሶሙ፡ እምዓመፃ፡ ወኃጢአት፡ በዘይትአኰቱ፡ ቅድመ፡ እግዚአብሔር፡ ወመላእክቲሁ። |
|---|
| 9:33 | ወአነ፡ ተቃውም፡ ነፍሶሙ፡ ዕራቃ፡ ወአመ፡ ይትነሥኡ፡ ኵሎሙ፡ ህቡረ፡ በውስተ፡ ሐመድ፡ ዘሰከቡ፡ ወተቀጥቀጡ፡ አዕፅምቲሆሙ፡ ወኃደረት፡ ነፍሶሙ፡ ውስተ፡ አብያተ፡ ዘብርሃን፡ ለኄራን። | ወአነ፡ ተቃውም፡ ነፍሶሙ፡ ዕራቃ፡ ወአመ፡ ይትነሥኡ፡ ኵሎሙ፡ ህቡረ፡ በውስተ፡ ሐመድ፡ ዘሰከቡ፡ ወተቀጥቀጡ፡ አዕፅምቲሆሙ፡ ወኃደረት፡ ነፍሶሙ፡ ውስተ፡ አብያተ፡ ዘብርሃን፡ ለኄራን። |
|---|
| 9:34 | ወለኃጥአንሰ፡ ውስተ፡ ጽልመት፡ ወአመተርኅዉ፡ አብያት፡ ይትነሥኡ፡ ሥጋት፡ ወይ፡ ገብዑ፡ ነፍሳት፡ ውስተ፡ ሥጋት፡ እምኀበ፡ ወፅዑ፡ ቀዲሙ። | ወለኃጥአንሰ፡ ውስተ፡ ጽልመት፡ ወአመተርኅዉ፡ አብያት፡ ይትነሥኡ፡ ሥጋት፡ ወይ፡ ገብዑ፡ ነፍሳት፡ ውስተ፡ ሥጋት፡ እምኀበ፡ ወፅዑ፡ ቀዲሙ። |
|---|
| 9:35 | ወይቀውም፡ ዕሩቀኒሆሙ፡ ቅድመ፡ እግዚአብሔር፡ በከመ፡ ተወልዱ፡ ወይትከሠት፡ ምግባራቲሆሙ፡ እምንዕሶሙ፡ ወእስከ፡ አሜሃ፡ አገብሩ። | ወይቀውም፡ ዕሩቀኒሆሙ፡ ቅድመ፡ እግዚአብሔር፡ በከመ፡ ተወልዱ፡ ወይትከሠት፡ ምግባራቲሆሙ፡ እምንዕሶሙ፡ ወእስከ፡ አሜሃ፡ አገብሩ። |
|---|
| 9:36 | ወይፀውሩ፡ ኃጣውኢሆሙ፡ ዲበ፡ መታክፍቲሆሙ፡ ወይትፈደዩ፡ በከመ፡ ምግባሮሙ፡ ዘገብሩ፡ እመሂ፡ ንዑሰ፡ ወእመሂ፡ ዓቢየ። | ወይፀውሩ፡ ኃጣውኢሆሙ፡ ዲበ፡ መታክፍቲሆሙ፡ ወይትፈደዩ፡ በከመ፡ ምግባሮሙ፡ ዘገብሩ፡ እመሂ፡ ንዑሰ፡ ወእመሂ፡ ዓቢየ። |
|---|