| 103:1 | ወይእዜኒ፡ አነ፡ እምሕል፡ ለክሙ፡ ለጻድቃን፡ በዐቢይ፡ ስብሐቱ፡ ወክብሩ፡ ወበክቡር፡ መንግሥቱ፡ ወበዕበዩ፡ እምሕል፡ ለክሙ። | ወይእዜኒ፡ አነ፡ እምሕል፡ ለክሙ፡ ለጻድቃን፡ በዐቢይ፡ ስብሐቱ፡ ወክብሩ፡ ወበክቡር፡ መንግሥቱ፡ ወበዕበዩ፡ እምሕል፡ ለክሙ። |
|---|
| 103:2 | እስመ፡ አነ፡ ኣአምር፡ ዘንተ፡ ምሥጢረ፡ ወአንበብኩ፡ በጸፍጸፈ፡ ሰማይ፡ ወርኢኩ፡ ጽሕፈተ፡ ቅዱሳን፡ ወረከብኩ፡ ጽሑፈ፡ ውስቴቶሙ፡ ወልኩዐ፡ በእንቲኣሆሙ። | እስመ፡ አነ፡ ኣአምር፡ ዘንተ፡ ምሥጢረ፡ ወአንበብኩ፡ በጸፍጸፈ፡ ሰማይ፡ ወርኢኩ፡ ጽሕፈተ፡ ቅዱሳን፡ ወረከብኩ፡ ጽሑፈ፡ ውስቴቶሙ፡ ወልኩዐ፡ በእንቲኣሆሙ። |
|---|
| 103:3 | እስመ፡ ኵሉ፡ ሠናይ፡ ወፍሥሓ፡ ወክብር፡ ተደለወ፡ ሎሙ፡ ወተጽሕፈ፡ ለመናፍስቲሆሙ፡ ለእለ፡ ሞቱ፡ በጽድቅ፡ ወበርትዕ፡ ወበብዙኅ፡ ሠናይ፡ ይትወሀብ፡ ለክሙ፡ ተክለ፡ ጻማክሙ፡ ወክፍልክሙ፡ ፈድፈደ፡ እምክፍለ፡ ሕያዋን። | እስመ፡ ኵሉ፡ ሠናይ፡ ወፍሥሓ፡ ወክብር፡ ተደለወ፡ ሎሙ፡ ወተጽሕፈ፡ ለመናፍስቲሆሙ፡ ለእለ፡ ሞቱ፡ በጽድቅ፡ ወበርትዕ፡ ወበብዙኅ፡ ሠናይ፡ ይትወሀብ፡ ለክሙ፡ ተክለ፡ ጻማክሙ፡ ወክፍልክሙ፡ ፈድፈደ፡ እምክፍለ፡ ሕያዋን። |
|---|
| 103:4 | ወየሐዩ፡ መንፈሰክሙ፡ ለእለ፡ ሞትክሙ፡ በጽድቅ፡ ወይትፌሥሑ፡ ወይትሐሠዩ፡ መናፍስቲሆሙ፡ ወተዝካሮሙ፡ እምቅድመ፡ ገጹ፡ ለዐቢይ፡ ለኵሉ፡ ትውልደ፡ ዓለም፡ ወይእዜኒ፡ ኢትፍርህዎ፡ ለኀሳሮሙ። | ወየሐዩ፡ መንፈሰክሙ፡ ለእለ፡ ሞትክሙ፡ በጽድቅ፡ ወይትፌሥሑ፡ ወይትሐሠዩ፡ መናፍስቲሆሙ፡ ወተዝካሮሙ፡ እምቅድመ፡ ገጹ፡ ለዐቢይ፡ ለኵሉ፡ ትውልደ፡ ዓለም፡ ወይእዜኒ፡ ኢትፍርህዎ፡ ለኀሳሮሙ። |
|---|
| 103:5 | አሌ፡ ለክሙ፡ ኃጥኣን፡ ሶበ፡ ትመውቱ፡ በኀጢአትክሙ፡ ወይብሉ፡ በእንቲኣክሙ፡ እለ፡ ከማክሙ፡ ብፁዓን፡ እሙንቱ፡ ኃጥኣን፡ ኵሎ፡ መዋዕሊሆሙ፡ ርእዩ። | አሌ፡ ለክሙ፡ ኃጥኣን፡ ሶበ፡ ትመውቱ፡ በኀጢአትክሙ፡ ወይብሉ፡ በእንቲኣክሙ፡ እለ፡ ከማክሙ፡ ብፁዓን፡ እሙንቱ፡ ኃጥኣን፡ ኵሎ፡ መዋዕሊሆሙ፡ ርእዩ። |
|---|
| 103:6 | ወይእዜኒ፡ ሞቱ፡ በሠናይ፡ ወበብዕል፡ ወምንዳቤ፡ ወቀትለ፡ ኢርእዩ፡ በሕይወቶሙ፡ ወበስብሐት፡ ሞቱ፡ ወኵነኔ፡ ኢተገብረ፡ ሎሙ፡ በሕይወቶሙ። | ወይእዜኒ፡ ሞቱ፡ በሠናይ፡ ወበብዕል፡ ወምንዳቤ፡ ወቀትለ፡ ኢርእዩ፡ በሕይወቶሙ፡ ወበስብሐት፡ ሞቱ፡ ወኵነኔ፡ ኢተገብረ፡ ሎሙ፡ በሕይወቶሙ። |
|---|
| 103:7 | ኢተአምርዎሙኑ፡ እስመ፡ ውስተ፡ ሲኦል፡ ያወርድዎሙ፡ ለነፍሳቲሆሙ፡ ወእኩያተ፡ ይከውና፡ ምንዳቤሆሙ፡ ዐቢየ። | ኢተአምርዎሙኑ፡ እስመ፡ ውስተ፡ ሲኦል፡ ያወርድዎሙ፡ ለነፍሳቲሆሙ፡ ወእኩያተ፡ ይከውና፡ ምንዳቤሆሙ፡ ዐቢየ። |
|---|
| 103:8 | ወበጽልመት፡ ወበመርበብት፡ ወበላህብ፡ ዘይነድድ፡ ኀበ፡ ኵነኔ፡ ዐባይ፡ ትበውእ፡ መንፈሰክሙ፡ ወኵነኔ፡ ዐባይ፡ ትከውን፡ ለኵሉ፡ ትውልድ፡ እስከ፡ ለዓለም፡ አሌ፡ ለክሙ፡ እስመ፡ አልብክሙ፡ ሰላመ። | ወበጽልመት፡ ወበመርበብት፡ ወበላህብ፡ ዘይነድድ፡ ኀበ፡ ኵነኔ፡ ዐባይ፡ ትበውእ፡ መንፈሰክሙ፡ ወኵነኔ፡ ዐባይ፡ ትከውን፡ ለኵሉ፡ ትውልድ፡ እስከ፡ ለዓለም፡ አሌ፡ ለክሙ፡ እስመ፡ አልብክሙ፡ ሰላመ። |
|---|
| 103:9 | ኢትበልዎሙ፡ ለጻድቃን፡ ወለኄራን፡ እለ፡ ሀለዉ፡ ውስተ፡ ሕይወት፡ በመዋዕለ፡ ሥራሕነ፡ ጻማ፡ ጻመውነ፡ ወኵሎ፡ ሥራሐ፡ ርኢነ፡ ወእኩያተ፡ ብዙኃተ፡ ረከብነ፡ ወተወዳእነ፡ ወውኅድነ፡ ወንእሰት፡ መንፈሰነ። | ኢትበልዎሙ፡ ለጻድቃን፡ ወለኄራን፡ እለ፡ ሀለዉ፡ ውስተ፡ ሕይወት፡ በመዋዕለ፡ ሥራሕነ፡ ጻማ፡ ጻመውነ፡ ወኵሎ፡ ሥራሐ፡ ርኢነ፡ ወእኩያተ፡ ብዙኃተ፡ ረከብነ፡ ወተወዳእነ፡ ወውኅድነ፡ ወንእሰት፡ መንፈሰነ። |
|---|
| 103:10 | ወተሀጐልነ፡ ወአልቦ፡ ዘረድአነ፡ በነገር፡ ወበምግባር፡ ስእነ፡ ወኢ፡ ምንተኒ፡ ኢረከብነ፡ ወተጽዕርነ፡ ወተሀጐልነ፡ ወኢተሰፈውነ፡ ከመ፡ ንርአይ፡ ሕይወተ፡ ዕለተ፡ እምዕለት። | ወተሀጐልነ፡ ወአልቦ፡ ዘረድአነ፡ በነገር፡ ወበምግባር፡ ስእነ፡ ወኢ፡ ምንተኒ፡ ኢረከብነ፡ ወተጽዕርነ፡ ወተሀጐልነ፡ ወኢተሰፈውነ፡ ከመ፡ ንርአይ፡ ሕይወተ፡ ዕለተ፡ እምዕለት። |
|---|
| 103:11 | ወተሰፈውነ፡ ከመ፡ ንኩን፡ ርእሰ፡ ወኮነ፡ ዘነበ፡ ጻመውነ፡ እንዘ፡ ንትጌበር፡ ወኢሠለጥነ፡ ዲበ፡ ጻማነ፡ ወኮነ፡ መባልዕተ፡ ለኃጥኣን፡ ወዐማፅያን፡ አክበዱ፡ ላዕሌነ፡ አርዑተ፡ ዚኣሆሙ። | ወተሰፈውነ፡ ከመ፡ ንኩን፡ ርእሰ፡ ወኮነ፡ ዘነበ፡ ጻመውነ፡ እንዘ፡ ንትጌበር፡ ወኢሠለጥነ፡ ዲበ፡ ጻማነ፡ ወኮነ፡ መባልዕተ፡ ለኃጥኣን፡ ወዐማፅያን፡ አክበዱ፡ ላዕሌነ፡ አርዑተ፡ ዚኣሆሙ። |
|---|
| 103:12 | ወተሠልጡ፡ ዲቤነ፡ እለ፡ ይጸልኡነ፡ ወእለ፡ ይደጕጹነ፡ ወለእለ፡ ይጸልኡነ፡ አትሐትነ፡ ክሳደነ፡ ወኢመሐሩነ። | ወተሠልጡ፡ ዲቤነ፡ እለ፡ ይጸልኡነ፡ ወእለ፡ ይደጕጹነ፡ ወለእለ፡ ይጸልኡነ፡ አትሐትነ፡ ክሳደነ፡ ወኢመሐሩነ። |
|---|
| 103:13 | ወፈቀድነ፡ ንሑር፡ እምኔሆሙ፡ ከመ፡ ንንፍጽ፡ ወናዕርፍ፡ ወኢረከብነ፡ ኀበ፡ ንጐይይ፡ ወንድኅን፡ እምኔሆሙ። | ወፈቀድነ፡ ንሑር፡ እምኔሆሙ፡ ከመ፡ ንንፍጽ፡ ወናዕርፍ፡ ወኢረከብነ፡ ኀበ፡ ንጐይይ፡ ወንድኅን፡ እምኔሆሙ። |
|---|
| 103:14 | ወሰከይናሆሙ፡ ኀበ፡ መላእክት፡ በምንዳቤነ፡ ወጸራሕነ፡ ዲበ፡ እለ፡ ይበልዑነ፡ ወጽራሐ፡ ዚኣነ፡ ኢይሬእዩ፡ ወኢይፈቅዱ፡ ከመ፡ ይስምዑ፡ ቃለነ። | ወሰከይናሆሙ፡ ኀበ፡ መላእክት፡ በምንዳቤነ፡ ወጸራሕነ፡ ዲበ፡ እለ፡ ይበልዑነ፡ ወጽራሐ፡ ዚኣነ፡ ኢይሬእዩ፡ ወኢይፈቅዱ፡ ከመ፡ ይስምዑ፡ ቃለነ። |
|---|
| 103:15 | ወይረድእዎሙ፡ ለእለ፡ የሀይዱነ፡ ወይበልዑነ፡ ወለእለ፡ አውኀዱነ፡ ወየኀብኡ፡ ግፍዖሙ፡ ወኢያወፅኡ፡ እምኔነ፡ አርዑቶሙ፡ እለ፡ ይበልዑነ፡ ወይዘረዝሩነ፡ ወይቀትሉነ፡ ወየኀብኡ፡ ቀትለነ፡ ወኢተዘከሩ፡ ከመ፡ ያንሥኡ፡ እደዊሆሙ፡ ላዕሌነ። | ወይረድእዎሙ፡ ለእለ፡ የሀይዱነ፡ ወይበልዑነ፡ ወለእለ፡ አውኀዱነ፡ ወየኀብኡ፡ ግፍዖሙ፡ ወኢያወፅኡ፡ እምኔነ፡ አርዑቶሙ፡ እለ፡ ይበልዑነ፡ ወይዘረዝሩነ፡ ወይቀትሉነ፡ ወየኀብኡ፡ ቀትለነ፡ ወኢተዘከሩ፡ ከመ፡ ያንሥኡ፡ እደዊሆሙ፡ ላዕሌነ። |
|---|