以諾書

以諾書第 14 章｜2 種原文並排

各譯本的分節不完全一致。這裡以節號對齊，某一欄沒有該節就留空，不做順序上的湊對。點任一字可查義。

吉茲文單獨閱讀吉茲文單獨閱讀

	吉茲文吉茲文聖經	吉茲文次經
14:1	ዝ፡ መጽሐፍ፡ ቃለ፡ ጽድቅ፡ ወዘለፋ፡ ትጉሃን፡ እለ፡ እምዓለም፡ በከመ፡ አዘዘ፡ ቅዱስ፡ ወዐቢይ፡ በይእቲ፡ ራእይ።	ዝ፡ መጽሐፍ፡ ቃለ፡ ጽድቅ፡ ወዘለፋ፡ ትጉሃን፡ እለ፡ እምዓለም፡ በከመ፡ አዘዘ፡ ቅዱስ፡ ወዐቢይ፡ በይእቲ፡ ራእይ።
14:2	አነ፡ ርኢኩ፡ በንዋምየ፡ ዘአነ፡ ይእዜ፡ እነግር፡ በልሳን፡ ዘሥጋ፡ ወበመንፈስየ፡ ዘወሀበ፡ ዐቢይ፡ አፈ፡ ለሰብእ፡ ይትናገሩ፡ ቦቱ፡ ወይለብዉ፡ በልብ።	አነ፡ ርኢኩ፡ በንዋምየ፡ ዘአነ፡ ይእዜ፡ እነግር፡ በልሳን፡ ዘሥጋ፡ ወበመንፈስየ፡ ዘወሀበ፡ ዐቢይ፡ አፈ፡ ለሰብእ፡ ይትናገሩ፡ ቦቱ፡ ወይለብዉ፡ በልብ።
14:3	ከመ፡ ፈጠረ፡ ወወሀበ፡ ለሰብእ፡ ይለብዉ፡ ቃለ፡ አእምሮ፡ ወሊተኒ፡ ፈጠረ፡ ወወሀበኒ፡ እዛለፎሙ፡ ለትጉሃን፡ ውሉደ፡ ሰማይ።	ከመ፡ ፈጠረ፡ ወወሀበ፡ ለሰብእ፡ ይለብዉ፡ ቃለ፡ አእምሮ፡ ወሊተኒ፡ ፈጠረ፡ ወወሀበኒ፡ እዛለፎሙ፡ ለትጉሃን፡ ውሉደ፡ ሰማይ።
14:4	አነ፡ ስእለተክሙ፡ ጸሐፍኩ፡ ወበራእይየ፡ ከመ፡ ዝ፡ አስተርአየኒ፡ እስመ፡ ስእለትክሙ፡ ኢትከውነክሙ፡ ውስተ፡ ኵሉ፡ መዋዕለ፡ ዓለም፡ ወኵነኔ፡ ፍጽምት፡ ወፅአት፡ ላዕሌክሙ፡ ወኢይከውነክሙ።	አነ፡ ስእለተክሙ፡ ጸሐፍኩ፡ ወበራእይየ፡ ከመ፡ ዝ፡ አስተርአየኒ፡ እስመ፡ ስእለትክሙ፡ ኢትከውነክሙ፡ ውስተ፡ ኵሉ፡ መዋዕለ፡ ዓለም፡ ወኵነኔ፡ ፍጽምት፡ ወፅአት፡ ላዕሌክሙ፡ ወኢይከውነክሙ።
14:5	ወእምይእዜ፡ ኢተዐርጉ፡ ውስተ፡ ሰማይ፡ እስከ፡ ኵሉ፡ ዓለም፡ ወውስተ፡ ምድር፡ ተነግረ፡ ይእስርክሙ፡ ውስተ፡ ኵሉ፡ መዋዕለ፡ ዓለም።	ወእምይእዜ፡ ኢተዐርጉ፡ ውስተ፡ ሰማይ፡ እስከ፡ ኵሉ፡ ዓለም፡ ወውስተ፡ ምድር፡ ተነግረ፡ ይእስርክሙ፡ ውስተ፡ ኵሉ፡ መዋዕለ፡ ዓለም።
14:6	ወእምቅድመ፡ ዝንቱ፡ ርኢክሙ፡ ሀጕለ፡ ውሉድክሙ፡ ፍቁራን፡ ወአልብክሙ፡ ጥራያኒሆሙ፡ አላ፡ ይወድቁ፡ ቅድሜክሙ፡ በሰይፍ።	ወእምቅድመ፡ ዝንቱ፡ ርኢክሙ፡ ሀጕለ፡ ውሉድክሙ፡ ፍቁራን፡ ወአልብክሙ፡ ጥራያኒሆሙ፡ አላ፡ ይወድቁ፡ ቅድሜክሙ፡ በሰይፍ።
14:7	ወስእለትክሙ፡ በእንቲኣክሙ፡ ኢይከውን፡ ወበእንቲኣሆሙኒ፡ ወአንትሙሂ፡ እንዘ፡ ትበክዩ፡ ወታስቆቅዉ፡ ወኢትትናገሩ፡ ወኢምንትኒ፡ ቃለ፡ እምውስተ፡ መጽሐፍ፡ ዘጸሐፍኩ፡ ለክሙ።	ወስእለትክሙ፡ በእንቲኣክሙ፡ ኢይከውን፡ ወበእንቲኣሆሙኒ፡ ወአንትሙሂ፡ እንዘ፡ ትበክዩ፡ ወታስቆቅዉ፡ ወኢትትናገሩ፡ ወኢምንትኒ፡ ቃለ፡ እምውስተ፡ መጽሐፍ፡ ዘጸሐፍኩ፡ ለክሙ።
14:8	ወሊተ፡ ከመ፡ ዝ፡ ራእይ፡ አስተርአየኒ፡ ናሁ፡ ደመናት፡ በራእይ፡ ይጼውዑኒ፡ ወጊሜ፡ ይጸውዐኒ፡ ወሩጸተ፡ ከዋክብት፡ ወመባርቅት፡ ያጔጕኡኒ፡ ወያጽዕቁኒ፡ ወነፋሳት፡ በራእይ፡ ያሰርሩኒ፡ ወያጔጕኡኒ፡ ወነሥኡኒ፡ ላዕለ፡ እስከ፡ ሰማይ።	ወሊተ፡ ከመ፡ ዝ፡ ራእይ፡ አስተርአየኒ፡ ናሁ፡ ደመናት፡ በራእይ፡ ይጼውዑኒ፡ ወጊሜ፡ ይጸውዐኒ፡ ወሩጸተ፡ ከዋክብት፡ ወመባርቅት፡ ያጔጕኡኒ፡ ወያጽዕቁኒ፡ ወነፋሳት፡ በራእይ፡ ያሰርሩኒ፡ ወያጔጕኡኒ፡ ወነሥኡኒ፡ ላዕለ፡ እስከ፡ ሰማይ።
14:9	ወቦእኩ፡ እስከ፡ እቀርብ፡ ኀበ፡ ጥቅም፡ ዘሕንጽት፡ በእብነ፡ በረድ፡ ወልሳነ፡ እሳት፡ የዐውዳ፡ ወወጠነ፡ ያፍርሀኒ።	ወቦእኩ፡ እስከ፡ እቀርብ፡ ኀበ፡ ጥቅም፡ ዘሕንጽት፡ በእብነ፡ በረድ፡ ወልሳነ፡ እሳት፡ የዐውዳ፡ ወወጠነ፡ ያፍርሀኒ።
14:10	ወቦእኩ፡ ውስተ፡ ልሳነ፡ እሳት፡ ወቀረብኩ፡ ኀበ፡ ቤት፡ ዐቢይ፡ ዘሕኑጽ፡ በአእባነ፡ በረድ፡ ወዐረፍተ፡ ውእቱ፡ ቤት፡ ከመ፡ ጸፍጸፈ፡ ሰሌዳ፡ በአእባን፡ ዘእምበረድ፡ ወምድሩ፡ በረድ።	ወቦእኩ፡ ውስተ፡ ልሳነ፡ እሳት፡ ወቀረብኩ፡ ኀበ፡ ቤት፡ ዐቢይ፡ ዘሕኑጽ፡ በአእባነ፡ በረድ፡ ወዐረፍተ፡ ውእቱ፡ ቤት፡ ከመ፡ ጸፍጸፈ፡ ሰሌዳ፡ በአእባን፡ ዘእምበረድ፡ ወምድሩ፡ በረድ።
14:11	ወጠፈሩ፡ ከመ፡ ሩጸተ፡ ከዋክብት፡ ወመባርቅት፡ ወማእከሎሙ፡ ኪሩቤል፡ ዘእሳት፡ ወሰማዮሙኒ፡ ማይ።	ወጠፈሩ፡ ከመ፡ ሩጸተ፡ ከዋክብት፡ ወመባርቅት፡ ወማእከሎሙ፡ ኪሩቤል፡ ዘእሳት፡ ወሰማዮሙኒ፡ ማይ።
14:12	ወእሳት፡ ዘይነድድ፡ በዐውደ፡ ዐረፍቱ፡ ወኆኅቱ፡ ይውዒ፡ በእሳት።	ወእሳት፡ ዘይነድድ፡ በዐውደ፡ ዐረፍቱ፡ ወኆኅቱ፡ ይውዒ፡ በእሳት።
14:13	ወቦእኩ፡ ውስተ፡ ውእቱ፡ ቤት፡ ወምዉቅ፡ ከመ፡ እሳት፡ ወቈሪር፡ ከመ፡ በረድ፡ ወኢምንትኒ፡ ፍግዐ፡ ወሕይወት፡ አልቦ፡ ውስቴቱ፡ ፍርሀት፡ ከደነኒ፡ ወረዓድ፡ አኀዘኒ።	ወቦእኩ፡ ውስተ፡ ውእቱ፡ ቤት፡ ወምዉቅ፡ ከመ፡ እሳት፡ ወቈሪር፡ ከመ፡ በረድ፡ ወኢምንትኒ፡ ፍግዐ፡ ወሕይወት፡ አልቦ፡ ውስቴቱ፡ ፍርሀት፡ ከደነኒ፡ ወረዓድ፡ አኀዘኒ።
14:14	ወእንዘ፡ እትሀወክ፡ ወእርዕድ፡ ወደቁ፡ በገጽየ፡ ወእሬኢ፡ በራእይ።	ወእንዘ፡ እትሀወክ፡ ወእርዕድ፡ ወደቁ፡ በገጽየ፡ ወእሬኢ፡ በራእይ።
14:15	ወናሁ፡ ካልእ፡ ቤት፡ ዘየዐቢ፡ እምዝንቱ፡ ቤት፡ ወኵሉ፡ ኆኅቱ፡ ርኅው፡ በቅድሜየ፡ ወሕኑጽ፡ በልሳነ፡ እሳት።	ወናሁ፡ ካልእ፡ ቤት፡ ዘየዐቢ፡ እምዝንቱ፡ ቤት፡ ወኵሉ፡ ኆኅቱ፡ ርኅው፡ በቅድሜየ፡ ወሕኑጽ፡ በልሳነ፡ እሳት።
14:16	ወበኵሉ፡ ይፈደፍድ፡ በስብሐት፡ ወበክብር፡ ወበዕበይ፡ እስከ፡ ኢይክል፡ ዜንዎተክሙ፡ በእንተ፡ ስብሐቲሁ፡ ወበእንተ፡ ዕበዩ።	ወበኵሉ፡ ይፈደፍድ፡ በስብሐት፡ ወበክብር፡ ወበዕበይ፡ እስከ፡ ኢይክል፡ ዜንዎተክሙ፡ በእንተ፡ ስብሐቲሁ፡ ወበእንተ፡ ዕበዩ።
14:17	ወምድሩሰ፡ እሳት፡ ወመልዕልቴሁ፡ መብረቅ፡ ወምርዋጸ፡ ከዋክብት፡ ወጠፈሩኒ፡ እሳት፡ ዘይነድድ።	ወምድሩሰ፡ እሳት፡ ወመልዕልቴሁ፡ መብረቅ፡ ወምርዋጸ፡ ከዋክብት፡ ወጠፈሩኒ፡ እሳት፡ ዘይነድድ።
14:18	ወነጸርኩ፡ ወርኢኩ፡ ውስቴቱ፡ መንበረ፡ ልዑለ፡ ወራእዩ፡ ከመ፡ አስሐትያ፡ ወክበቡ፡ ከመ፡ ፀሓይ፡ ዘያበርህ፡ ወቃለ፡ ኪሩቤል።	ወነጸርኩ፡ ወርኢኩ፡ ውስቴቱ፡ መንበረ፡ ልዑለ፡ ወራእዩ፡ ከመ፡ አስሐትያ፡ ወክበቡ፡ ከመ፡ ፀሓይ፡ ዘያበርህ፡ ወቃለ፡ ኪሩቤል።
14:19	ወእመትሕተ፡ መንበሩ፡ ዐቢይ፡ ይወፅኡ፡ አፍላገ፡ እሳት፡ ዘይነድድ፡ ወኢይክሉ፡ ርእዮቶ።	ወእመትሕተ፡ መንበሩ፡ ዐቢይ፡ ይወፅኡ፡ አፍላገ፡ እሳት፡ ዘይነድድ፡ ወኢይክሉ፡ ርእዮቶ።
14:20	ወዐቢይ፡ ስብሐት፡ ይነብር፡ ላዕሌሁ፡ ወዐጽፉሰ፡ ዘይበርህ፡ እምፀሓይ፡ ወይጸዐዱ፡ እምኵሉ፡ በረድ።	ወዐቢይ፡ ስብሐት፡ ይነብር፡ ላዕሌሁ፡ ወዐጽፉሰ፡ ዘይበርህ፡ እምፀሓይ፡ ወይጸዐዱ፡ እምኵሉ፡ በረድ።
14:21	ወኢይክል፡ መኑሂ፡ እመላእክት፡ በዊአ፡ ወራእየ፡ ገጹ፡ ለክቡር፡ ወስቡሕ፡ ወኢይክል፡ መኑሂ፡ ዘሥጋ፡ ይርአይ፡ ኪያሁ፡ እሳተ።	ወኢይክል፡ መኑሂ፡ እመላእክት፡ በዊአ፡ ወራእየ፡ ገጹ፡ ለክቡር፡ ወስቡሕ፡ ወኢይክል፡ መኑሂ፡ ዘሥጋ፡ ይርአይ፡ ኪያሁ፡ እሳተ።
14:22	እሳት፡ ዘይነድድ፡ በዐውዱ፡ ወእሳት፡ ዐቢይ፡ ይቀውም፡ ቅድሜሁ፡ ወአልቦ፡ ዘይቀርብ፡ ኀቤሁ፡ እምእለ፡ ዐውዱ፡ ትእልፊተ፡ ትእልፊት፡ ቅድሜሁ፡ ወውእቱሰ፡ ኢይፈቅድ፡ ምክረ፡ ቅድስተ።	እሳት፡ ዘይነድድ፡ በዐውዱ፡ ወእሳት፡ ዐቢይ፡ ይቀውም፡ ቅድሜሁ፡ ወአልቦ፡ ዘይቀርብ፡ ኀቤሁ፡ እምእለ፡ ዐውዱ፡ ትእልፊተ፡ ትእልፊት፡ ቅድሜሁ፡ ወውእቱሰ፡ ኢይፈቅድ፡ ምክረ፡ ቅድስተ።
14:23	ወቅዱሳን፡ እለ፡ ይቀርቡ፡ ኀቤሁ፡ ኢይርሕቁ፡ መዓልተ፡ ወሌሊተ፡ ወኢይትአተቱ፡ እምኔሁ።	ወቅዱሳን፡ እለ፡ ይቀርቡ፡ ኀቤሁ፡ ኢይርሕቁ፡ መዓልተ፡ ወሌሊተ፡ ወኢይትአተቱ፡ እምኔሁ።
14:24	ወአነ፡ ሀለውኩ፡ እስከ፡ ዝንቱ፡ ዲበ፡ ገጽየ፡ ግልባቤ፡ እንዘ፡ እርዕድ፡ ወእግዚእ፡ በአፉሁ፡ ጸውዐኒ፡ ወይቤለኒ፡ ቅረብ፡ ዝየ፡ ሄኖክ፡ ወለቃልየ፡ ቅዱስ።	ወአነ፡ ሀለውኩ፡ እስከ፡ ዝንቱ፡ ዲበ፡ ገጽየ፡ ግልባቤ፡ እንዘ፡ እርዕድ፡ ወእግዚእ፡ በአፉሁ፡ ጸውዐኒ፡ ወይቤለኒ፡ ቅረብ፡ ዝየ፡ ሄኖክ፡ ወለቃልየ፡ ቅዱስ።
14:25	ወአንሥአኒ፡ ወአቅረበኒ፡ ኀበ፡ ኆኅት፡ ወአንሰ፡ ገጽየ፡ ታሕተ፡ እኔጽር።	ወአንሥአኒ፡ ወአቅረበኒ፡ ኀበ፡ ኆኅት፡ ወአንሰ፡ ገጽየ፡ ታሕተ፡ እኔጽር።

以諾書 第 14 章｜2 種原文並排

以諾書第 14 章｜2 種原文並排