| 17:1 | ወነሥኡኒ፡ ውስተ፡ አሐዱ፡ መካን፡ ኅበ፡ ሀለዉ፡ ህየ፡ ከመ፡ እሳት፡ ዘይነድድ፡ ወሶበ፡ ይፈቅዱ፡ ያስተርእዩ፡ ከመ፡ ሰብእ። | ወነሥኡኒ፡ ውስተ፡ አሐዱ፡ መካን፡ ኅበ፡ ሀለዉ፡ ህየ፡ ከመ፡ እሳት፡ ዘይነድድ፡ ወሶበ፡ ይፈቅዱ፡ ያስተርእዩ፡ ከመ፡ ሰብእ። |
|---|
| 17:2 | ወወሰዱኒ፡ ውስተ፡ መካን፡ ዘዐውሎ፡ ወውስተ፡ ደብር፡ ዘከተማ፡ ርእሱ፡ ይበጽሕ፡ ውስተ፡ ሰማይ። | ወወሰዱኒ፡ ውስተ፡ መካን፡ ዘዐውሎ፡ ወውስተ፡ ደብር፡ ዘከተማ፡ ርእሱ፡ ይበጽሕ፡ ውስተ፡ ሰማይ። |
|---|
| 17:3 | ወርኢኩ፡ አርባዕተ፡ መካናተ፡ ብሩሃተ፡ ወነጐድጓድ፡ ውስተ፡ አጽናፍ፡ ወኀበ፡ ዕመቁ፡ ቀስተ፡ እሳት፡ ወሐጽ፡ ወምጕንጳቲሆሙ፡ ወሰይፈ፡ እሳት፡ ወመባርቅት፡ ኵሉ። | ወርኢኩ፡ አርባዕተ፡ መካናተ፡ ብሩሃተ፡ ወነጐድጓድ፡ ውስተ፡ አጽናፍ፡ ወኀበ፡ ዕመቁ፡ ቀስተ፡ እሳት፡ ወሐጽ፡ ወምጕንጳቲሆሙ፡ ወሰይፈ፡ እሳት፡ ወመባርቅት፡ ኵሉ። |
|---|
| 17:4 | ወነሥኡኒ፡ እስከ፡ ማየ፡ ሕይወት፡ ዘይትናገር፡ ወእስከ፡ እሳተ፡ ዐረብ፡ ዘውእቱ፡ ይእኅዝ፡ ኵሎ፡ ዕርበተ፡ ፀሓይ። | ወነሥኡኒ፡ እስከ፡ ማየ፡ ሕይወት፡ ዘይትናገር፡ ወእስከ፡ እሳተ፡ ዐረብ፡ ዘውእቱ፡ ይእኅዝ፡ ኵሎ፡ ዕርበተ፡ ፀሓይ። |
|---|
| 17:5 | ወመጻእኩ፡ እስከ፡ ፈለገ፡ እሳት፡ ዘይውኅዝ፡ እሳቱ፡ ከመ፡ ማይ፡ ወይትከዐው፡ ውስተ፡ ባሕር፡ ዐቢይ፡ ዘመንገለ፡ ዐረብ። | ወመጻእኩ፡ እስከ፡ ፈለገ፡ እሳት፡ ዘይውኅዝ፡ እሳቱ፡ ከመ፡ ማይ፡ ወይትከዐው፡ ውስተ፡ ባሕር፡ ዐቢይ፡ ዘመንገለ፡ ዐረብ። |
|---|
| 17:6 | ወርኢኩ፡ ኵሎ፡ ዐበይተ፡ አፍላገ፡ ወእስከ፡ ዐቢይ፡ ጽልመት፡ በጻሕኩ፡ ወሖርኩ፡ ኀበ፡ ኵሉ፡ ዘሥጋ፡ ያንሶሱ። | ወርኢኩ፡ ኵሎ፡ ዐበይተ፡ አፍላገ፡ ወእስከ፡ ዐቢይ፡ ጽልመት፡ በጻሕኩ፡ ወሖርኩ፡ ኀበ፡ ኵሉ፡ ዘሥጋ፡ ያንሶሱ። |
|---|
| 17:7 | ወርኢኩ፡ አድባረ፡ ቆራባት፡ እለ፡ ክረምት፡ ወምክዓወ፡ ማይ፡ ዘኵሉ፡ ቀላይ። | ወርኢኩ፡ አድባረ፡ ቆራባት፡ እለ፡ ክረምት፡ ወምክዓወ፡ ማይ፡ ዘኵሉ፡ ቀላይ። |
|---|
| 17:8 | ወርኢኩ፡ አፉሆሙ፡ ለኵሎሙ፡ አፍላገ፡ ምድር፡ ወአፉሃ፡ ለቀላይ። | ወርኢኩ፡ አፉሆሙ፡ ለኵሎሙ፡ አፍላገ፡ ምድር፡ ወአፉሃ፡ ለቀላይ። |
|---|