| 26:1 | ወእምህየ፡ ሖርኩ፡ ማእከለ፡ ምድር፡ ወርኢኩ፡ መካነ፡ ቡሩክ፡ ወጥሉለ፡ ዘቦቱ፡ አዕጹቅ፡ ዘይነብር፡ ወይሠርጽ፡ እምዕፅ፡ ዘተመትረ። | ወእምህየ፡ ሖርኩ፡ ማእከለ፡ ምድር፡ ወርኢኩ፡ መካነ፡ ቡሩክ፡ ወጥሉለ፡ ዘቦቱ፡ አዕጹቅ፡ ዘይነብር፡ ወይሠርጽ፡ እምዕፅ፡ ዘተመትረ። |
|---|
| 26:2 | ወበህየ፡ ርኢኩ፡ ደብረ፡ ቅዱሰ፡ ወመትሕተ፡ ደብር፡ ማይ፡ ዘመንገለ፡ ጽባሑ፡ ወውሕዘቱ፡ መንገለ፡ ሰሜን። | ወበህየ፡ ርኢኩ፡ ደብረ፡ ቅዱሰ፡ ወመትሕተ፡ ደብር፡ ማይ፡ ዘመንገለ፡ ጽባሑ፡ ወውሕዘቱ፡ መንገለ፡ ሰሜን። |
|---|
| 26:3 | ወርኢኩ፡ መንገለ፡ ጽባሕ፡ ካልአ፡ ደብረ፡ ዘይነውኅ፡ እም፡ ዝ፡ ወማእከሎሙ፡ ቈላ፡ ዕሙቅ፡ ወአልቦ፡ ራሕብ፡ ወላቲኒ፡ የሐውር፡ ማይ፡ መንገለ፡ ደብር። | ወርኢኩ፡ መንገለ፡ ጽባሕ፡ ካልአ፡ ደብረ፡ ዘይነውኅ፡ እም፡ ዝ፡ ወማእከሎሙ፡ ቈላ፡ ዕሙቅ፡ ወአልቦ፡ ራሕብ፡ ወላቲኒ፡ የሐውር፡ ማይ፡ መንገለ፡ ደብር። |
|---|
| 26:4 | ወመንገለ፡ ዐረቡ፡ ለዝ፡ ካልእ፡ ደብር፡ ወይቴሐቶ፡ ሎቱ፡ ወአልቦ፡ ኑኅ፡ ወቈላ፡ ታሕቱ፡ ማእከሎሙ፡ ወካልኣት፡ ቈላት፡ ዕሙቃት፡ ወይቡሳት፡ መንገለ፡ ጽንፈ፡ ሠለስቲሆሙ። | ወመንገለ፡ ዐረቡ፡ ለዝ፡ ካልእ፡ ደብር፡ ወይቴሐቶ፡ ሎቱ፡ ወአልቦ፡ ኑኅ፡ ወቈላ፡ ታሕቱ፡ ማእከሎሙ፡ ወካልኣት፡ ቈላት፡ ዕሙቃት፡ ወይቡሳት፡ መንገለ፡ ጽንፈ፡ ሠለስቲሆሙ። |
|---|
| 26:5 | ወኵሉ፡ ቈላቱ፡ ዕሙቃት፡ ወአልቦን፡ ራሕብ፡ እምኰኵሕ፡ ጽኑዕ፡ ወዕፅ፡ ይተከል፡ በላዕሌሆን። | ወኵሉ፡ ቈላቱ፡ ዕሙቃት፡ ወአልቦን፡ ራሕብ፡ እምኰኵሕ፡ ጽኑዕ፡ ወዕፅ፡ ይተከል፡ በላዕሌሆን። |
|---|
| 26:6 | ወአንከርኩ፡ በእንተ፡ ኰኵሕ፡ ወአንከርኩ፡ በእንተ፡ ቈላት፡ ወጥቀ፡ አንከርኩ። | ወአንከርኩ፡ በእንተ፡ ኰኵሕ፡ ወአንከርኩ፡ በእንተ፡ ቈላት፡ ወጥቀ፡ አንከርኩ። |
|---|